فيه ايه مضايقك؟ فضفض

[محمود الشاعر]

مشاكلي الشخصية

1 - المرتب كبير اقوي ومش عارف اصرفه فى ايه

2 - بركب فى الاتوبيس لوحدي لدرجة اني باشعر بالوحدة و الخوف

3- الوظائف كتير ومحتار أروح فين

4- التليفزيون ما بيجبش غير حقايق نفسي فى شوية كدب

5 - كل افكاري العبقرية بتتاخد و تتنفذ و باسمي

6 - ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ ؟؟؟؟؟ !!!!!!!!! وعجبي

[Amal 7yaty]

حد يفهمني ينوبكم ثواب:

لماذا يكره كثير من العرب بعضهم بعضاً؟

لماذا يكره الحكام الشعوب؟ وتكره الشعوب الحكام؟

لماذا يقتل الناس بعضهم بعضاً؟ أليس في الأرض متسعٌ للجميع؟

لماذا يظلم بعضنا بعضاً؟

أليس في الرزق نصيب للجميع؟

لماذا يعتبر الصدق سذاجة؟ والطيبة حمق؟

لمادا يحب الكثير من الناس من ينافقهم ويكرهون من يصدقهم؟

لماذا ننتظر الغد؟ هل هو الأمل في أن يكون الغد أجمل؟

لماذا نفرح بعيد ميلادنا مع أنه يقربنا من النهاية؟

لماذا نسعى لقتل الوقت مع أنّ الوقت هو عمرنا؟

لماذا نخاف من السعادة؟

لماذا نبكي عند الفرح وعند الحزن؟

لماذا نبكي من اليوم فإذا انقضى بكينا عليه؟

لماذا نركض دائما للبحث عن السعادة؟ ولا نشعر بها إلا حين نفقدها؟

لماذا نشعر دائماً أنّ الأمس أجمل من اليوم وأن ّ الغد سيكون أجمل؟

ماهي السعادة؟

هل هي حقيقة أم وهم أم سراب؟

لماذا نسعى دائماً إلى امتلاك من نحب وما نحب0

فلا نكتفي بالاستمتاع به دون امتلاكه00

كأن ترى زهرةً جميلة على غصنها فلا تكتفي بالنظر إليها عن بعد بل تمد يدك لتقطفها مع أنك تعلم أنك حين تقطفها تقتلها؟

آهة:

قد نسير في بيداء الحياة بلا دليل00

وقد يقتلنا برد الغربة وصقيع الاغتراب00

قد تحتلنا الأحزان ونبحث عن بارقة أمل دون جدوى00

ونبحث عن نور نستهدي به في دربنا الطويل00

وقد يلف الحزن أيامنا برداء من القسوة وعربدة الألم00

وقد نبحر في يمِّ أيامنا بلا شراع ولا مجداف00

وقد تتلاطم حولنا أمواج الحياة00

وعواصف الموت00

ونمدّ أيدينا إلى من ينتشلنا من وهدة الغرق 00

ولا جدوى0

نصيحة:

لا تلجأ إلا لله

ولاتطلب حاجتك إلا من الله0

ولا تستهدي إلا بهدي الله

ولا تستعن إلا بالله0

ولا تمد يداً إلا لله0

وإذا جحدك أحدٌ وسعى إلى هدمك فلا تلقِ إليه بالاً 00ولا تعاتبه

ولا تلتفت إليه00 فقط اتركه خلفك بهدوء0

وابحث من جديد عن قلب مخلص يصدِّقك ويصدُقك

أحبّ الله يحبك

اعبد الله تجده تجاهك

دمتم بخير00

تم تعديل 6 مايو 2006 بواسطة Amal 7yaty

[shahd]

كله الدنيا الناس الحياة :closedeyes: :ph34r:

[haivi]

أسمحولي يا جماعة أن أحنا لازم نكون متفقين على مبدأ مهم فى الأول وهو أن احنا مش جايين المنتدى علشان نضيع وقت أو نلهو ، ولكن هدفنا الأساسي هو تبادل وجهات النظر ومحاولة التوصل الى حل مشاكل لمجتمعنا بشكل علمي وعملي وبما أننا جزء من المجتمع ده فمشكلة أى واحد فينا هي مشكلة للجميع لذلك فمن واجبنا الأنساني والديني ان نساعد صاحب المشكلة بشتى الطرق على الخروج منها.

كلام إنشا إنت أول الناس اللي مبيعملوش بيه

(دي جمله قريتها لواحد والزمن خلاني أعرف إن الكلام مفيش عليه جمرك ولا رقيب غير ربنا العلي العظيم )

وهو السبيل وهو العادل وهو الحق سبحانه

[sendrella119]

انا اول مرة اكتب في الموضوع ده

انا بس حا اعلق علي اخر تعليقات لاني قرأت الصفحة الاخيرة فقط

انا معاكي يا haivi

احنا مش جايين هنا نضيع وقت ولو حنضيعه متهيألي في حاجات كتير افيد من كده

لان بعتبر نفسي في اسرة كبيرة افرادها هما اعضاء المنتدي

محدش حيحس بالشعور ده غير المغتربين فقط!!!!

احزنني كثيرا رأيك يا نانسي

[nancy]

اية الى احزنك فية يا سندريلا؟؟

[sendrella119]

لانى مقتنعة ان الاصحاب دول بتوع المدرسة والكلية بس والى بعد كدة مصالح او تضيع وقت

[nancy]

شوفى يا سندريلا اوضحلك راى

انا راى ان الصديق هو الى تقوليلة كل الى تعبك من غير قيود من غير ما يشتغلك او يستغل كلامك

دة محدود جدا الى كدة فى حياتى اتنين جوزى وصحبتى الانتيم

غير كدة انا عندى اصحاب كتيييييير جدا فى الغربة وفى مصر

بس مش كل الى عندى اقولة

ومش متوقعة منهم كل التعاطف والاحتواء والجدعنة المطلوبة لحل اى مشكلة

فمش كل صاحب ممكن تتركنى علية وانت مغمضة ودة عادى فى الدنيا

حتى هنا فى المنتدى بحب ناس كتير جدا منهم وبحب اتكلم معاهم وفيهم كتير احب اشفهم فى الحقيقة واتخذهم اصحاب

انما الموضوع مش سهل كدة

انا شايفة ان الصداقة الى كلها تضحية وتفانى نادرةالوجود

[بنت شعنونة]

اسوأ احساس في الدنيا

لما تكون فاكر انك بالنسبة للغير عملت كل واجبك تالت و متلت وفجأة تلاقي نفسك غريب..

مش هما اللي غرب..

لا

انت اللي غريب.. :unsure:

لو عيلتك مش من النوع اللي بيتكلم.. ومهما تحاول تزن عليهم عشان تعرف ايه مزعلهم ما يحكوش

وتنقهر لما تشوف دموع في عينيهم لكن تكتفي انك تتابع من بعيد لبعيد وتعلن انك موجود لو احتاجوك..

اخواتي وهما صغيرين كانوا بيحكوال كل حاجا

لحد ما دخلوا ثانوية بقوا كتومين جدا..معرفتش ادخل عالمهم الخاص

لكن دا ما يمنعش اني كنت عين الأم و قسوة الأب وغلاسة مرات الاب في احيان كتير

واحيان تانية كنت حنية الأم و الأب و الأخت وكنت انياب الغول لل يأذيهم..

تركوا ليا مهمة الدفاع عنهم في الحياة في كل ما يتعلق بأمور مادية او اسرية..و لحد دلوقتي لسا سايبين كل المشاكل ليا بمنتهى الثقة..!

كل دا مش مشكلة

اللي يقطع القلب

اني اعرف ما في دواخل قلب اخي عن طريق النت :ninja:

واني اعرف مدى حزنة على وفاة والدتنا عن طريق منتدى؟

واني اسمع اااااااااااااهته من خلال الشبكة

طب ليييييييييه

طب ما انا اهه؟

اشكيلي

احكيلي؟

مرة سالت اخويا الصغير ليه بطلتوا تحكولي

قالي بكلمة واحدا..

" عشان بقينا رجالة"

اول غنوة عملها اخوية كانت عن الأم ابكت والدي جدا.. وقال جملة واحدا فقط " هوا انا قصرت في ايه.. اعمل ايه اكتر من كدا عشان اسعده"

اجد نفسي اليوم اقولها لنفسي مثل ابي... :ninja:

ليه مش بنصارح بعض

ليه مابقيناش نفضفض لبعض

حتى لو عرفت منه حاجا مضيقاه بتبقى على استحياء و القطها بين السطور..

يمكن اخي الصغير قلبه انفتحلي شوية مؤخرا.. يمكن عشان بقى عايش لوحده.. يمكن عشان ابتديت اادي دوري افضل؟

مش عارفا..

هل انا كنت ام سيئة للدرجة دي؟

هل كنت ام من اساسه؟

هل كنت عايشة في الوهم؟

هل عشرة 10 سنين في بيت واحد بدون اب او ام لا تكفي اني ابقى الأم؟

اعمل ايه عشان اعرف اجابة السؤال اللي ها يموتني دا؟ هل لو سألتهم ها يجاوبوني بصراحا باعتبار اننا بقينا كبار خلاص؟ والا ها يجملوا الأجابة عشان ما يزعلونيش؟

كل مرة الشريط دا يمر عليا احس بمرارة في نفسي

واندم الف مرة على كل لحظة فاتت...

هل ينفع اعوض اللي فات دلوقتي؟

بعد ما كل واحد بقاله بيت؟

هل ينفع...........

مخنوقة ونفسي اللي خنقاني... :ninja:

[سيزيف]

اسوأ احساس في الدنيا

لما تكون فاكر انك بالنسبة للغير عملت كل واجبك تالت و متلت وفجأة تلاقي نفسك غريب..

مش هما اللي غرب..

لا

انت اللي غريب.. :unsure:

لو عيلتك مش من النوع اللي بيتكلم.. ومهما تحاول تزن عليهم عشان تعرف ايه مزعلهم ما يحكوش

وتنقهر لما تشوف دموع في عينيهم لكن تكتفي انك تتابع من بعيد لبعيد وتعلن انك موجود لو احتاجوك..

اخواتي وهما صغيرين كانوا بيحكوال كل حاجا

لحد ما دخلوا ثانوية بقوا كتومين جدا..معرفتش ادخل عالمهم الخاص

لكن دا ما يمنعش اني كنت عين الأم و قسوة الأب وغلاسة مرات الاب في احيان كتير

واحيان تانية كنت حنية الأم و الأب و الأخت وكنت انياب الغول لل يأذيهم..

تركوا ليا مهمة الدفاع عنهم في الحياة في كل ما يتعلق بأمور مادية او اسرية..و لحد دلوقتي لسا سايبين كل المشاكل ليا بمنتهى الثقة..!

كل دا مش مشكلة

اللي يقطع القلب

اني اعرف ما في دواخل قلب اخي عن طريق النت :ninja:

واني اعرف مدى حزنة على وفاة والدتنا عن طريق منتدى؟

واني اسمع اااااااااااااهته من خلال الشبكة

طب ليييييييييه

طب ما انا اهه؟

اشكيلي

احكيلي؟

مرة سالت اخويا الصغير ليه بطلتوا تحكولي

قالي بكلمة واحدا..

" عشان بقينا رجالة"

اول غنوة عملها اخوية كانت عن الأم ابكت والدي جدا.. وقال جملة واحدا فقط " هوا انا قصرت في ايه.. اعمل ايه اكتر من كدا عشان اسعده"

اجد نفسي اليوم اقولها لنفسي مثل ابي... :ninja:

ليه مش بنصارح بعض

ليه مابقيناش نفضفض لبعض

حتى لو عرفت منه حاجا مضيقاه بتبقى على استحياء و القطها بين السطور..

يمكن اخي الصغير قلبه انفتحلي شوية مؤخرا.. يمكن عشان بقى عايش لوحده.. يمكن عشان ابتديت اادي دوري افضل؟

مش عارفا..

هل انا كنت ام سيئة للدرجة دي؟

هل كنت ام من اساسه؟

هل كنت عايشة في الوهم؟

هل عشرة 10 سنين في بيت واحد بدون اب او ام لا تكفي اني ابقى الأم؟

اعمل ايه عشان اعرف اجابة السؤال اللي ها يموتني دا؟ هل لو سألتهم ها يجاوبوني بصراحا باعتبار اننا بقينا كبار خلاص؟ والا ها يجملوا الأجابة عشان ما يزعلونيش؟

كل مرة الشريط دا يمر عليا احس بمرارة في نفسي

واندم الف مرة على كل لحظة فاتت...

هل ينفع اعوض اللي فات دلوقتي؟

بعد ما كل واحد بقاله بيت؟

هل ينفع...........

مخنوقة ونفسي اللي خنقاني... :ninja:

الاخت العزيزه شعنونه

ارجو المعذره اننى ساسمح لنفسى بالتعقيب على رسالتك الشخصيه جدا

اشعر بالتعاطف معك فى الوضع الصعب الذى تعانينه

من اصعب الاحاسيس ان يشاهد المرء احبائه يعانون و يتعذبون دون ان يفصحوا صراحه عن مشاعرهم

من المؤلم اننا نلجأ احيانا للغرباء بينما اقرب الناس الينا يتمنون ان نتحدث اليهم

ولكن

هذا امر وارد الحدوث

بعضنا يتكلم على الشبكه و يخبر الناس اسرارا لم يقلها لاحد فى حياته

بعضنا يفضل صحبه اصدقائه على صحبه والديه و اشقائه

انا احيى فيك روح الاحساس بالمسئوليه تجاه عائلتك

ولكن يجب ان تدركى انك - مهما بلغ تفانيك و قدرتك - لن تستطيعى ان تقومى بكل الادوار

الاخت و الصديقه و الوالدين

صعب جدا الموازنه بين الحالات التى تقتضيها كل تلك الادوار

ان ابتعاد اخوتك عنك فى مرحله معينه هو امر طبيعى للغايه

فالطفل كبر و اصبح مراهقا و يرغب فى ان يكون له عالمه الخاص

انه لم يعد طفلا يحكى لك ما الذى حدث فى يومه الدراسى

بل اصبح مشروع رجل - من وجهه نظره -

لن يستطيع ان يخبرك بما يفعله من شقاوات تلك المرحله او بمشاعره الصبيانيه تجاه بنت الجيران

فهذه الاسرار لن يتداولها المراهق الا مع شخص من سنه وله نفس تفكيره

اما عن شعور شقيقك بافتقاد والدتك - رحمها الله - فهو شعور طبيعى ولا يعنى بالضروره ان والدك قصر تجاهه

فهو لن يستطيع مهما بلغ من الجهد ان يسد الفراغ الذى تتركه الام

اتعلمين

لى بنتى خاله صغيرتين - فى سن الثانوى و الاعدادى

كانت خالتى رحمها الله تكبرنى ببضع سنوات

وكانت صديقتى و ليست مجرد خاله

زوج خالتى رجل فاضل و رغم انه لم يبلغ سن الكهوله الا انه فضل ان يكرس حياته لابنتيه

و هو لا يمارس اى شىء من متع الدنيا و تقتصر حياته على عمله و ابنتيه

بل ان ابنتيه فى المقام الاول قبل عمله الخاص دائما

و رغم كل هذا

فلا زالت البنتين تفتقدان امهما بشده

و رغم انه يحاول جاهدا ان يصبح صديقا لابنتيه

فان بنت خالتى الكبرى - سن الثانوى - تفضل ان تتحدث معى مثلا فى امورها الخاصه و ليس والدها

لانها تعتقد اننى اقدر على فهمها لكونى اصغر فى السن من والدها

و انا متيقن ان هناك امورا لن ترغب فى مشاركتى بها بل ستختار لها فتيات من سنها

تلك سنه الحياه و حكم المرحله

ولكن ثقى ان الحب الذى بينكم لن يزول

و عندما يصبح شقيقك اكبر و انضج سيعود اليك طالما انك كنت صديقته الاولى

ارجو ان يكون كلامى قد افادك بشىء

تحياتى

[الباشمهندس ياسر]

و نقوووووووول الو

مين معايا

اسامة منير

[pink rose]

و نقوووووووول الو

مين معايا

اسامة منير

انتوا قاعدين تقلبوا في الدفاتر القديمة ليه كده اليومين دول

و بالنسبة للخنقة فا انا هاطق

[fatfouta]

ايه الكآبة اللى مسيطرة عليكوا دى ؟

هو الواحد ناقص

لا حول ولا قوة الا بالله

[الضيف]

حاجات كتيرة...

[اغابي]

حاجة واحدة بس

مفيش غيرها - منغصة عليا عشتى ومخلياها موف غامق ( بنفسج يعنى )