فيه ايه مضايقك؟ فضفض

[kokowawa1979]

حمدا لله على سلامتك ياحاج سيد وحج مبرور وذنب مغفور إنشاء الله ونامل ألا تكون قد نسيت اخواتك في المنتدى في الدعاء

[ragab2]

حج

مبرور وذنب مغفور ياحج سيد مرزوق

حيث كنت من أول المتنبئين لك بالحج

وقد ناديتك بالحاج سيد فى موضوع لازمات ومشاهير

حمد الله على السلامة

تحياتى

[بنت شعنونة]

انا بقى في حاجا مضايقاني بجد

دلوقتي في واحد بابا مشاركه في شغل..

الراجل دا يبقى قريب واحد نسيبنا..

المهم الراجل دا عرفنا من نسيبنا انه ناوي يتجوز على مراته؟؟؟؟؟ :shock: :shock:

وهوا عنده 5 بنات ولد

لمشكلة انه ها يتجوز واحدا متجوزه؟؟؟؟؟

جوزها عاطل عن العمل من 7 سنين؟؟؟؟؟؟؟

وهيا لا تعمل وغير متعلمة وما بتخرجش وبتصرف لعى البيت؟؟؟؟؟ :cry: :cry: :cry: :wink: :wink: :wink:

نعمل ااييييييييييييييه؟؟؟؟؟ :shock: :shock:

[Excellence]

المشكلة انه ها يتجوز واحدا متجوزه؟؟؟؟؟

إزاي؟

[ragab2]

الحاجة

اللى تغيظنى

ان الحكومة والدولة فى مصر تتشدد مع المواطن وتعاديه

ولا تتساهل معه

يعنى التليفونات أغلى فى مصر من أى دولة غير الخطأ فى الحساب

واذا اشتكيت محدش يسأل فيك ولازم تدفع وبعدها تشتكى

عشان تعمل مشروع صغير مطلوب عشرات الأوراق والاقرارات

رخصة المبانى لازم تدفع رسوم تقارب تكاليف المبانى

الضرائب لا تعترف بالحالة الاقتصادية والكساد

لو دفعت مبلغ للحكومة عن طريق الخطأ أو تراجعت وأردت استرداد المبلغ

من الصعب جدا استرداده ولكنها فى الأخذ والتحصيل زى القشاط

يعنى حكومة جباية ودمغة من أول الرزاز الى الآن

ولذا

لا أمل فى تقدم مصر دون تغيير نظرة الحكومة للشعب

[Sherief AbdelWahab]

حج مبرور و ذنب مغفور يا أبا السيد... :cry:

أتمنى ألا يطول غيابك علينا أكثر...

خلص الكلام

[Cleo]

رجب كتب :

من أول الرزاز الى الآن

واضح يا دكتور انك مش متابع موضوع "تاريخ الجبرتى"... :wink:

أقول لطفشان يكتبك غياب؟؟ :cry: :cry:

[Sherief AbdelWahab]

مش ح أتكلم عن تجاربي القليلة و الفاشلة...و أهمها تجربة شغل فاشلة في بورسعيد...لحسن يحد يقول ح تعملنا فيها زعيم المعذبين في الأرض...

و مش ح أتكلم عن أحلامي العريضة اللي بتتغير حسب تغير المرحلة...مرة مؤلف...مرة كاتب سيناريو أو مخرج...و آخرها دخول المجال الإعلامي في مكان محترم...و إن كان نقص الكوسة خلاني مكتفي بالمتابعة...والمتابعة في حد ذاتها شيقة...صحيح أنكرت الحلم دا قبل كدا...لكن الكلام دا لما ما كانش الحلم ملح عليا أوي زي الآن....لحسن حد برضه يقول ما هو كل الناس بتحلم...اشمعنا انت؟

و مش ح اتكلم عن الحاجات اللي تنرفذ بلد...كوسة وواسطة و إتجار بالدين و العروبة و الوطن و البيروقراطية و أحزاب الشنطة من عينة العدالة الاجتماعية و الملوخية أم تقلية...ما عندنا المنتدى مليان مواضيع عن العالم دي و بلاويها اللي ترفع أجدعها ضغط!

لكني ح اتكلم عن حاجة واحدة...

أنا إن كنت بلاقي أصدقاء على السايبر سبيس...زي هنا...صعب ألاقيهم برة في الحياة الطبيعية...وفاة والدي رحمه الله حرمتني من الأستاذ الذي أحتاج لمشورته خاصة مع عظم خبرته الحياتية...رفاق الدراسة تبعثروا...مش لاقي حد يفهمني ويقوللي إن كانت عندي موهبة ولا لأ...زي اللي حصل لي لما فكرت اكتب قصص ...و محدش قراها...وبعدها اعتزلت..و النتيجة:تجاوبي مع الناس يقل بعض الشيء بمرور الوقت...

سمعت نصايح بالجملة قبل كل تجربة وبعدها...من اللي بيفهم و اللي مبيفهمش...من اللي بيحبني و من اللي بيشمت فيا...حصل لي صمم منها...

ما بين الصمم من النصايح و الصمم من صمت الوحدة احترت...بين حلمي بالاستقلالية و بين معيشتي وسط مجتمع...

حاولت أعمل معادلة للحلم...إني أعيش مستقل مع ناس أختارهم و استريح لهم من غير ما ابتسم في وش بني آدم بأبقى عايز أقتله...و لا احتاج نفاق من حد ....

إيه اللي معطل المعادلة؟ شخصيتي الانطوائية قليلة الخبرة اللي بترتكب أخطاء ساذجة في الرايحة و الجاية...مش لواحدها...فيه حاجة غلط فيا و في العالم اللي حواليا في نفس الوقت...إيه هي؟ الله أعلم!

لكن لما باكتب أي مداخلة هنا...بارمي كل دا ورا ضهري...و بأدوس زرار off على كل المعايير الشخصية غير الموضوعية قدر الإمكان...

عذرا للإطالة...

خلص الكلام

[الطفشان]

دلوقتي في واحد بابا مشاركه في شغل..

الراجل دا يبقى قريب واحد نسيبنا..  

المهم الراجل دا عرفنا من نسيبنا انه ناوي يتجوز على مراته؟؟؟؟؟ :shock:  :shock:  

وهوا عنده 5 بنات ولد

لمشكلة انه ها يتجوز واحدا متجوزه؟؟؟؟؟جوزها عاطل عن العمل من 7 سنين؟؟؟؟؟؟؟

وهيا لا تعمل وغير متعلمة وما بتخرجش وبتصرف لعى البيت؟؟؟؟؟ :

نعم؟

الاخ سأل ازاي؟

يعني حيطلقها من جوزها و الا ايه؟

و الا زي فيلم الزوجة التانية مثلا؟

طب جواز عرفي و سمعنا عنه، اما دي، فجديدة لانج!

[freefreer]

عزيزى شريف ..

ما تعانى منه .. يعانى منه و عاناه جميييييييييييع الخريجين الجدد .. الأصطدام بمرارة الحياة الواقعية و التباين بينها و بين احلام التلمذة الوردية ..

الثقة بالنفس هامة .. و يمكن تنميتها بالأعمال الأيجابية الكثيرة .. لعية تتقنها و تنتصر فيها .. تثقيف نفسك .. التعرف الى مثقفين و دخول مناقشات جادة معهم حول قضايا هامة ..

اصلاح السلبيات التى تراها حولك ..

لم أكن اعرف انك استقريت فى عمل فعلا .. فألف مبروك ..

و أنا اراك شخصية متزنه و الله .. و عندك حسن اقدير للأمور .. على الأقل لست مغشوشا فيما ينغش فيه الكثيرين من اقرانك ..

تجاربك القصصية .. لماذا لا تعرضها علينا ؟؟؟؟

بالتوفيق ان شاء الله

[بنت شعنونة]

اخي شريف...

تسمع كلام اختك الشعنونة؟؟ :roll: :roll:

ارمي نفسك في الدنيا

اي دنيا

مش مهم

المهم انه انت وانت بس اللي مختارها

سواء دنيا الناس او النت او حتى دنيا الوحدة...

انا كنت انسانة اجتماعية جداااااااااااااااا

وبعدين اخترت اني اكون انعزااااالية جدااااااااا

ومن كام شهر ابتديت ارجع اجتماعية تاني.... :D

مش مهم..

كله مش مهم

صدقني

احيانا الوحدة بيكون لها طعم مميز ومريح

مش لازم تكون دايما مميته...:)

واحيانا تكون الصحبة قاتلة... مش لازم تكون كلها ظريفة..:)

لكن الأهم من دا ودا

انك انت اللي تختار

تختار وحدتك او انظلاقك.... او اي شيء... ها تفرق كتير معاك والله

هممممممم

كان نفسي اكتب لحضرتك تحليلي عنك..

زي ما عملت مع ناس زمايلنا هنا... :roll: :cry: :cry: :wink: :wink:

بس محرجة جدا... :cry: :lol: ;) :roll: :roll:

اسفة على التدخل طبعا وعلى حشريتي :) :roll:

تعالوا بقى...

الراجل ها يتجوز واحدا متجوزة

يعني بعد ما تطلق

بس المصيبة انه انتوا ما خدتوش بالكم من دي

"جوزها عااااااااااطل وهيا لالالالالالالالا تعمل وهيا اللي بتصرف ع البييييييييت " :shock: :shock: :shock:

"متعوداااااااا دايمااااااااااااا....... :? :? :?

المشكلة انه مش عارفين نقول لمراته والا نكلمه هوا والا نعمل اييييه

والا دا يبقى تدخل في حياته والا ايه الموضوع بالظبط :D :cry: :cry:

[Excellence]

تجاربك القصصية .. لماذا لا تعرضها علينا ؟؟؟؟

عزيزى شريف ..

آنا مع freefreer في هذا الإقتراح

[بنت شعنونة]

وانا كمان اضم صوتي ليهم...:lol: ;)

ومن غير ما يخلص الكلام...هيه :cry: :cry: :cry: :D

[الطفشان]

تعالوا بقى...

الراجل ها يتجوز واحدا متجوزة

يعني بعد ما تطلق

بس المصيبة انه انتوا ما خدتوش بالكم من دي

"جوزها عااااااااااطل وهيا لالالالالالالالا تعمل وهيا اللي  بتصرف ع البييييييييت " :shock:  :shock:  :shock: 

"متعوداااااااا دايمااااااااااااا....... :?  :?  :? 

المشكلة انه مش عارفين نقول لمراته والا نكلمه هوا والا نعمل اييييه

والا دا يبقى تدخل في حياته والا ايه الموضوع بالظبط :cry:  :cry:  :cry:

يا نهار زي بعضه

قصدك ان واحدة حتتطلق عشان تتجوزه؟

و انها سيئة السمعة؟

هل هو لا يعرف سمعتها يعني و الا يعتقد انها شريفة و الا عارف و بيستعبط؟

دة شئ لا يرضي احد

يجب ان يكلمه احد المقربين له

اما تكلموا مراته، فدة مش من الاول، الاول تنبهوه هو

و بعد كدة انا متردد هل تقولوا لها (سمعتها، احتمال اصابتها بامراض، سمعة بناتهاو و اولادها، الخ)

دة مش تدخل في حياته لانه شريك والدك و حينعكس السمعة عليه، و على الاقل النصيحة لقريب نسايبكم واجبة

[بنت شعنونة]

  هل هو لا يعرف سمعتها يعني و الا يعتقد انها شريفة و الا عارف و بيستعبط؟ 

عارف وبيستعبط :?

خلينا نسيبنا يكلمه

راح قاله انه مراته منكدة عليه وانه عاوز يتجوز عشان هيا قارفاه في عيشته وهوا من حقة انه يعيش؟؟!! :?

وبيني وبينكم

فعلا مراته مفتريه ونكدية رسمي يعني "لجل الحق بس"

ولو عرفت مش بعيد تقتله

ودي جد والله مش هزار

وهوا كدا كدا كان ناوي يتجوز كذا مرة من زمان

وكانت مراته بتعرف وتفركشلة الجوازا وتخرب بيته

انما دي؟؟؟؟؟؟؟؟؟؟؟؟؟؟

اففففففف

استغفر الله العظيم

انا عارفا اتخبط في مخه والا ايه؟ :twisted: :twisted:

[Masrawy Abroad]

الأخ شريف

لماذا لا تقدم على هجرة لكندا؟

[Excellence]

اقتباس:

عارف وبيستعبط

اقتباس:

فعلا مراته مفتريه ونكدية رسمي يعني "لجل الحق بس"

ولو عرفت مش بعيد تقتله

حد يبلغ مراته ... يستاهل

[se_ Elsyed]

اخي شريف...

تسمع كلام اختك الشعنونة؟؟ :roll: :roll:

الاخ / شريف ما تسمعش كلام شعنونه اللى حاسس أن شعارها فى الحياه " جايين الدنيا مانعرف ليه " !! :lol: ، الأمور هاتتظبط معاك لما تحس أنك شغال فى شغلانة تلاقى فيه نفسك ساعتها هاتحس أنك لك هدف فى الحياه وهاتنظر للحياه نظره تانية خالص ... سؤال أخير بس علشان نعرف نشخص المشكلة مظبوط .. أنت متجوز ؟

[Katamando]

اعزائي واصدقائي وحبايب قلبي

أخونا شريف تايه وعايز اللي يرشده..... يمكن أكبرنا عمرً هو اللي ممكن يساعده بس نصيحة يا شريف الحل جواك انت من عند حد تاني يعني فتش في نفسك كويس حتلاقي الحل وكونك أبتديت تقول أنك بتعاني ده لوحده بداية على طريق العثور على حل المشكلة ..... فأستمر وربنا معاك وبعدين الدنيا سهلة ماتعقدهاش وكل ده ممكن في يوم وليلة يتغير

أختنا شعنونة

هو يعني مافيش مرة تطلعي بقصة عادية شوية ..... لازم يكون فيها حاجات غريبة بصراحة انتي اختراع ومالهوش حل ..... بالنسبة لشريك الوالد ممكن تشوفي له عروسة تانية خالص لأنه واضح أنه بيحاول ينتحر زواجياً لأنه فقد الأمل في مراته الحالية وحاول يتجوز غيرها أكثر من مرة وفشل فهو بنتحر زواجاً من إمراءة سيئة السمعة فالحل أنه يكون شجاع ويطلق الزوجة الأولى وبعدها يعيش فترة نقاهة ممكن ينجح بعدها في اختيار زوجة صالحة ترعاه وتخاف الله فيه أو ممكن يكتفي بدور الأب وبس

مش كده ولا ايه؟؟؟

[حشيش]

وبيصعب عليا اكتر واكتر لما يشوفني في حالات الجنونة بتاعتي وانا بكسر ازاز بايدايا او اقطع شرايني او او او

الأخت شعنونه

تأثرت كثيراً لما كتبتيه :( :( :(...علمت من الشيخه أم صباح العمشه إن فيه واحد سو عاملك عمل :shock: :shock: :shock:...والعمل ده مربوط فى ديل سمكه قرموط :shock: :shock: :shock:...والسمكه دى موجوده فى النيل :shock: :shock: :shock:...لازم نلحق نصطادها لإنها لو ماتت يبقى عليه العوض :shock: :shock: :shock:...أنا إشتريت سناره إمبارح ومش راجع من غير ما أجيب السمكة معايا وأروح بيها لأم صباح علشان تفك لنا العمل :shock: :shock: :shock:...مش حتأخر...روقى ياشانا...فسى دماغك :lol: :lol: :lol:...لحد مرجع حاولى تشغلى نفسك بشئ يهدى أعصابك...أنصحك بقراءة الشعر...أرشح لكى ديوان للشاعر (المنصور ابن عجوة)...إذا لم يكن متوفر بالمكتبات إقرئى لأخوه الأصغر (بندق ابن عجوة) لإن اسلوبهم فى الكتابه متشابه إلى حدٍ كبير :) :D :D