فيه ايه مضايقك؟ فضفض

[elbana]

الحقيقة فيه موضوع بيؤرق الواحد بقى له كام يوم ، بسبب ارتباطه الشديد بحياتنا الاجتماعية وتأثيره المباشر على نفسية الواحد مننا ، الأمر اللي ممكن ينعكس بالسلب على أداء الواحد في عمله وفي علاقاته بمن حوله عموماً نتيجة التوتر العجيب اللي بيصيبني أنا شخصياً كا ما أفكر في الموضوع ده ..

ما أطولش عليكم ... قولوا طوّل

الحكاية وما فيها إن أنا بقى لي كام يوم بأتجنب الاحتكاك المباشر أو الكلام عن الموضوع ده لأنه باختصار ابتدأ يسبب لي نوع من التأزم ، وأنا مش من أنصار مراجعة الأطباء النفسيين لأني أعتقد إنه فيما يتعلق بالطب النفسي فالواحد مننا طبيب نفسه ، يعني يجب أن تنعهد أنفسنا بالرعاية والعناية ، وأن نعمل على معالجة أنفسنا أو الابتعاد بها عما يؤثر عليها سلباً ، والنظر إلى إيجابيات الحياة أو كما يقول الغربيون ، النظر إلى نصف الكوب المملوء ..

لكن للأسف الشديد الشديد مهما حاولت أبعد أو أنسى الموضوع بيلح علىّ وبيظهر قدامي كأنه قدري المحنوم

الموضوع باختصار هو موضوع

القطط

:twisted: :twisted: :twisted: :twisted: :twisted: :twisted: :twisted: :twisted: :twisted:

[بنت شعنونة]

... لكن أنا دلوقتي فرحان بإجابتك يا شعنونة ... أنا هأولع في الدنيا ... و بأحمد و هأحمد ربنا دايما علي كل حاجة إدهاني ... شعنونة شكرا ...

يختيييييييييي

لالالالالالالالالالالالالالالالا استنىىىىىىىىىى

:cry: :cry: :cry:

ولع في الدنيا بس بشرط احسن تروح ورا الشمس بسببي

انك تكون عارف طريقك اللي ها تبتديه بيتراحله منين وسال عليه

مش بالبركة زي واحدا صاحبتنا.. :roll: :oops: :oops:

يعني لو اه تحول دراستك يبقى تكون سالت على نوع الدرراسة والتكاليف وبيدرسوا ايه وتشوف المناهج ها تحبها والا لا كدا يعني

فاهمني؟؟؟ :shock: :shock:

أنتِ برضوا عندنا أحساس من كلامك أن عندك طاقات ومواهب متفجرة لو وجهتيها صح هاتكسري الدنيا ومش بالضروري تكون فى مجال الطب . 

وكلمة لأونكل أبو شعنونة .... خلاص يا عمو ماتضغطش علي شنشن وسيبها تشتغل اللى هي عايزاه علشان تبقى بعد كده متحملة لنتيجة أى قرار تأخذه

هيا متفجررررررة فعلا.. يا خوفي لآنفجججججر انا بعد كدا :twisted: :twisted:

والله ها اجيب بابا يقرا الكلمتين دول

بس لما الجو يهدى حبة ويروق كدا :roll: :roll: :oops: :oops: :oops:

الموضوع باختصار هو موضوع 

القطط 

البنا

ليه كدا بس ؟؟

ليه الحقد الطبقي دااااا

يا سااااااااتر

عندي ايميل فيه صور قطط تجننننننن

ابعتهولللللللك :D :D :D

[elbana]

يا جماعة أنا حاسس إن المنتدى بقى كله بشنبات وبينونو وماشي جنب رجلين الكنب والكراسي ، حرام عليكم ، كل ما أخش موضوع ألاقيه عن القطط ، أو تحول إلى موضوع عن القطط

وشعنونة عايزة تبعت لي إيميل في صور قطط ، ونورا في موضوع (كل يوم) عايزة تبعت لي قطة وبتسألني عايز لونها إيه ، وأبوفصاد حزين على القط بتاعه ، وقال إيه فاكر عمره كام سنة ، وبيقول لك ده مات عن عمر 17 سنة قال يعني الفرزدق مات وبنؤرخ لوفاته ، ده كلام يا جدعان ، ده أنا لي قرايب ماتوا ما أعرفش سنهم كام لغاية دلوقتي ، تقولوا لي مات عن عمر ينانهز السبعة عشر عاماً ..

ويا ترى إيه آخر أعماله ... :mad:

[nora]

خلاص ولا تزعل سحبتها :( :( :(

[crossfield]

نورا :أنا واخدة بالى من الايمدج بتاعتك أنتى قصدك تغيظى البنا مش كده؟؟؟؟؟؟ :)

[nora]

:) :) :D :D

حاجة زي كده برضوا :twisted: :twisted: :twisted:

يله حطيت كباية بس فيها قطه :twisted: :twisted:

معلش يا بنا :roll: :roll: :roll:

[elbana]

اللهم إني لا أسألك رد القضاء .. :?

[nora]

انا رغم كل الضيق الي جوايا الا اني بحاول اضحك اخر حاجة حصلتلي تحرق الدم اني اترفضت في الوظيفة الي كنت مقدمه عليها وطبعا كنت حطى امال كبيرة جدا عليها بس قدر ونصيب

وطبعا من حرقت دمي حاولت اعرف انا لية اترفضت

طبعا الوظيفة الي كنت مقدملها اني ادرس في معهد حكومي مدته سنتين بيدي دبلومة المعهد ده ممتاز المهم سالت سكرتيرة المدير (من كتر فرستي ) عن سبب الرفض :? :? :?

كنت متوقعه مليون حاجة الا السبب ده اتوقعت علشان معنديش خبرة كافية مثلا علشان في وسايط عينت الناس التنية علشان اي حاجة لها علاقة بالتعليم

:? :? :? :? عرفين باه كان السبب اية :mad: :mad: :mad:

علشان شكلي صغير ميديش منظر معيده او مدرسة في معهد :shock: :shock: :shock: :( :( :( :( :(

طبعا انقهرت وانا في حالة اكتآب :( :( :(

[Mohammad Abouzied]

علشان شكلي صغير ميديش منظر معيده او مدرسة في معهد

طبعا انقهرت وانا في حالة اكتآب

غريبه المفروض تفرحي

[linux]

انا رغم كل الضيق الي جوايا الا اني بحاول اضحك اخر حاجة حصلتلي تحرق الدم اني اترفضت في الوظيفة الي كنت مقدمه عليها وطبعا كنت حطى امال كبيرة جدا عليها بس قدر ونصيب 

وطبعا من حرقت دمي حاولت اعرف انا لية اترفضت 

طبعا الوظيفة الي كنت مقدملها اني ادرس في معهد حكومي مدته سنتين بيدي دبلومة المعهد ده ممتاز المهم  سالت سكرتيرة المدير (من كتر فرستي ) عن سبب الرفض  :?  :?  :? 

كنت متوقعه مليون حاجة الا السبب ده اتوقعت علشان معنديش خبرة كافية مثلا علشان في وسايط  عينت الناس التنية علشان اي حاجة لها علاقة بالتعليم 

:?  :?  :?  :? عرفين باه كان السبب اية  :mad:  :mad:  :mad: 

علشان شكلي صغير ميديش منظر معيده او مدرسة في معهد :shock:  :shock:  :shock:  :(  :(  :(  :(  :( 

طبعا انقهرت وانا في حالة اكتآب  :(  :(  :(

عندك حق طبعا ...

من الحاجات الكويسة هنا فى أمريكا انك ممكن ترفعى عليهم قضية وتكسبى لو أثبتى انك أترفضتى لصغر سنك أو لأن شكلك صغير!!

فى مصر و البلاد العربية عادى جدا انهم يطلبوا صورة مع طلب الوظيفة!

و لا يهمك ... خيرها فى غيرها أن شاء الله.

[nora]

غريبه المفروض تفرحي

افرح منا حسة اني بالشكل ده هعجز من كتر القهر :( :(

بجد هطق انا امبارح منمتش من الفرسة بجد هتجنن :( :(

[nora]

عندك حق طبعا ... 

من الحاجات الكويسة هنا فى أمريكا انك ممكن ترفعى عليهم قضية وتكسبى لو أثبتى انك أترفضتى لصغر سنك أو لأن شكلك صغير!! 

فى مصر و البلاد العربية عادى جدا انهم يطلبوا صورة مع طلب الوظيفة! 

و لا يهمك ... خيرها فى غيرها أن شاء الله.

مهو مين بأه يحس هل لشكلي ذنب اعمل اية يعني علشان مبنش صغيرة انا مبحطش مكياج لاني مبحبش ولبسي عادي وبحاول اني البس حجات تكبر شكلي انا مش بيبي فيس ولا حاجة انا عادية بس قصيرة شوية طب اعمل اية يعني خلقت ربنا :( :( :(

الحمد لله على كل شئ بس طول ما فيه العقليات دي انا مش هتعين ولا هلاقي وظيفة تقبلني :( :(

[بنت شعنونة]

نفسي اكون "بــــــــنـــــــــــت" "تــــــــافـــهـــــة"....:( :( :(

[Salwa]

انا كنت متأكدة انك هنا..

ونكمل كلامنا....

والأول أرد على كلامك اللى ملهوش معنى...يعنى ايه نفسك تبقى تافهه .؟؟؟

هو احنا حانعمل زى النعامة اللى لما تشوف الخطر..تخبى رأسها فى الرمل؟؟؟

بس انتى زى بنات وستات كتير فى مصر....اتربوا غلط...ضحكوا عليهم

قالولهم كونوا حنيينين...وللأسف أساءوا الفهم بين الحنان والتنازل..

واقرب الناس اخواتك...آسفة تانى....ساءوا فيها واستغلوا طيبتك...

طيب انتى عليكى واجبات....ماشى.

وهم كمان عليهم واجبات....والا هى حقوق بس؟؟؟

ده انا بعتبره ابتزاز للمشاعر...

فرقى يابنتى...بين انك تهتمى وتعملى كل حاجة بنفسك....وبين انهم

يعتمدوا على نفسهم....

هو ده عدل؟؟؟

فيه فرق كبير قوى بين الأخ الصغير والأخ الكبير.

على فكرة برضه الصغير ملزوم من امه.

وشغلك؟

ومستقبلك؟

وبيت المستقبل؟

انتى بتهرجى....ده مش حب لأخواتك....ايه ده؟

فوقى...ولازم يعتمدوا على نفسهم لمصلحتهم.

سلامى.

[بنت شعنونة]

ماما سلوى

واحدا وحدا عليا بس :oops: :cry: :oops:

هوا مش تنازل ولا حاجا

انا عندي اخواتي وبابا ومراته هما عنيا وقلبي وروحي وعشانهم انا اعمل اييييييي حاجا

ف دا مش تضحية انا بكون مبسوطة وهما بخير

صحيح هما ما يعرفوش يعملوا حاجا لكن مسيرهم يتعلموا دلو لسا صغيرين برضه

واللي اهله ما عملهوش الدنيا كفيييييلة انها تعلموا

مستقبلي؟؟

هوا فيييين؟؟ مش لما اعرفه انا الاول؟؟

شغلي...اديني فيه اهو

بيت المستقبل...

لو حصل كللهممممممم ها يقولولي يالله اتكلي على الله

انما ضميري انا

ومسؤوليتي عنهم

ها تقتلني بجد

لسا من ساعتين كنا بنتكلم على اني عاوزا اسافر اشتغل برا

ولقيت اخويا بيقول انه رافض الموضوع دا

وبعدين وصلنا لنقطة انه لو نسافر كلنا

ساعتها قلتله اهو دا الشيء الوحيييييييد اللي ممكن يمنعني من السفر

انهم ها يكونوا بعيد عني

دول ولادي

انا اللي مربياهم

وانا صاحبة بابا اللي بيحكلها كل حاجا

طب يعملوا ايه من غيري؟؟

بلاش

اعمل انا اييييييييه من غيرهم؟؟؟؟؟

اوقات بتخنق من المسؤولية دي

واتمنى ابقى بنت تافهة

حدش يعرف يقولي ازاي ابقى كدا؟؟ :? :?

[Salwa]

شانا حبيبتى..

ربنا يخليكى....انا بحبك قوى وحاسة ان معدنك نظيف جدا..بس حرام

حاسة انك صغيرة على كل ده..

عموما ربنا يقدم مافيه الخير...وبرضه خللى اخواتك يعتمدوا على نفسهم...واوعى تكونى زعلتى...حضن كبير.

سلامى.

[nora]

نفسي ابطل تفكير عقلي تعبني جدا لان عندي دائما سؤالين مملين دائما يؤرقاني لية و اشمعنا :lol: :lol:

وخد عندك مبدقش طعم النوم من حسابي اليومي لية حصل كده و لما اجد الحل طب اشمعنا :lol:

[Masrawy Abroad]

نورا كتبت

"انا حسة اني بالشكل ده هعجز من كتر القهر بجد هطق انا امبارح منمتش من الفرسة بجد هتجنن

الأخت نورا

أنا شايف إن ربنا مش كاتب ليكي هذه الوظيفة..ولو ربنا كاتبها ليكي كنتي ها تفوزي بيها غصب عن عين الدنيا كلها.... قدر الله وماشاء فعل...

والله تعالى قال (( عسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون )) ( البقرة – آية 216) ... ...فلا تحزني ولا تطقي ولا تتفرسي ولا تتجني ولا تحسي بالعجز...(ليه كل ده بس :? :? )...

ربك ليه حكمة ولازم نقبل قدرنا خيره وشره..أنا لا أقول استسلام ولكن تسليم بأمر الله...الدنيا أبسط وأتفه من الفرسة والقهر اللي انتي فيه...

وكما جاء في الحديث الشريف ( عجباً للمؤمن لا يقضي الله تعالى له قضاء إلا كان خير له ، إن أصابته سراء شكر فكان خيراً له وإن أصابته ضراء صبر فكان خيراً له وليس ذلك لأحد إلاّ للمؤمن )

تحياتي

[بنت شعنونة]

نفسي ابطل تفكير عقلي تعبني جدا لان عندي دائما سؤالين مملين دائما يؤرقاني لية و اشمعنا   

وخد عندك مبدقش طعم النوم من حسابي اليومي لية حصل كده و لما اجد الحل طب اشمعنا

نورا

لو كنتي بتسالي نفسك ليه انا عملت كدا وليه فلان عمل كدا

دا في نظري انا شخصيا كويس

حلو جدا ان الأنسان يحاسب نفسه اول باول

دا معناه ان عندك ضمير صاحي

والضمير دا نعمه من عند ربنا والله يا نورا

والاسئلة دي بتخليكي تتعلمي اسرع وتفكري كويس قبل ما تتصرفي

فدا حاجا مش وحشة قوي كدا

غير الصدااااااااااااع اللي بيحصل بعدها وقلة النوم بس :lol:

ودول مقدور عليهم يعني :roll: :roll:

[الطفشان]

واتمنى ابقى بنت تافهة

و انا اتمنى ماتسوديش الدنيا في وشك و تقعدتي تعذبي في نفسك