ما يجيبها إلا ستاتها

[se_ Elsyed]

أود أن أوجه التحية للسيده / جلوريا أورويو رئيسة الفلبين التى توجهت لزيارة دولة الكويت منذ أسبوع للأطمئنان على الجالية الفلبينية التى يبلغ عددها 60 الف معظمهم لا مؤخذة شغالات وقد تأكدت بنفسها من أستعدادات الحكومة الكويتية لتزويدهم بكمامات واقية وخلافه فى حالة أندلاع الحرب وأيضاً وضعت خطه لإجلاء رعاياها فى حالة الضرورة ،

- وبعدها بكام يوم أيضاً وضعت الحكومة الهندية خطة لإجلاء 50 الف هندى من الكويت فى خلال 3 أيام فقط وممكن أن يزيدوا الى 70 الف عن طريق خطوط طيرانها.

قريت الكلمتين دول وقولت سبحان الله من هنا تتقدم الأمم ومن هنا يشعر الأنسان بقيمته مهما كان وضعه سواءً كان وزير أو غفير ، وبيني وينكم ماستغربتش أن مافيش حد من الأشاوس بتوعنا سواء المسئولين اللى قاعدين فوق أو الهتيفة بتوعهم سأل فينا أو عبر البشر اللى موجوده فى الخليج وسايبنلهم الجمل بما حمل. :mad:

[mnman]

الاخ سي السيد... سعر البني أدم المصري 500 جنية.... يعني حاجة ببلاش كدة... و ماشاء الله انتاجية الشعب غلبة الارانب يبقي لية القلق ...

و بعيد عن الهزار... الحكومة غلبانة حتعمل اية و لا اية حتعوم الجنية و لا تطير المصريين من الخليج لمصر ... كل واحد يطير علي الشركة ألي تريحة.... و بعدين الحكومة عليها ديون متتلتلة للموردين و التأمينات وديون خارجية يعني الحالة كرب تفتكر حيفكرو في أزاي ينقلوا المصريين لمصر خلال مش عارف كام ساعة....و حتي لو الحالة نغنغة ولا بتفرق مع الحكومة..... دول عالم مكبرة دماغة و عايشين في وادي و الشعب في وادي تاني خالص....

[وسام]

الاخ سي السيد... سعر البني أدم المصري 500 جنية.... يعني حاجة ببلاش كدة... و ماشاء الله انتاجية الشعب غلبة الارانب يبقي لية القلق ....

تصحيح

فقط 300 جنيه مصرى لاغير

حضرتك نسيت حادثة القطر و كمان سعر الدولار :D

[Seafood]

يا سي السيد

إحنا شاركنا مع قوات التحالف في ضرب العراق سنة 92 .. العراق إللي كان فيها ما لا يقل عن 5 مليون مصري قبل الحرب ... و لا أعتقد أنه كان لديهم الوقت الكافي ليتركوا العراق كلهم ... يعني إحنا ضربنا ولادنا بإيدينا ... و ذلك إحتراما لقرارات الأمم المتحدة .. و حفاظا على الشرعية الدولية .. إذا فالكلام عن حمايتهم هو ترف ... الأول المطلوب أن لا نعتدي عليهم نحن ..سواء في الداخل أو الخارج ... و حسبي الله في حكومات قتلت من أبنائها ما لم تقتله إسرائيل نفسها ...

[kokowawa1979]

قريت الكلمتين دول وقولت سبحان الله من هنا تتقدم الأمم ومن هنا يشعر الأنسان بقيمته مهما كان وضعه سواءً كان وزير أو غفير ، وبيني وينكم ماستغربتش أن مافيش حد من الأشاوس بتوعنا سواء المسئولين اللى قاعدين فوق أو الهتيفة بتوعهم سأل فينا أو عبر البشر اللى موجوده فى الخليج وسايبنلهم الجمل بما حمل.

ماتخافش ياسي السيد الحكومة هتسأل عليك قريب قوي بعد مايقروا قانون التأمين الإجباري على العاملين بالخارج لأنها خلصت على تأمين العاملين بالداخل :D :) :) :) :D :D

يعني هاتفتكرك غصب عنك :D :D :) :)

[الطفشان]

يا سي السيد 

إحنا شاركنا مع قوات التحالف في ضرب العراق سنة 92 .. العراق إللي كان فيها ما لا يقل عن 5 مليون مصري قبل الحرب ... و لا أعتقد أنه كان لديهم الوقت الكافي ليتركوا العراق كلهم ... يعني إحنا ضربنا ولادنا بإيدينا ... و ذلك إحتراما لقرارات الأمم المتحدة .. و حفاظا على الشرعية الدولية .. إذا فالكلام عن حمايتهم هو ترف ... الأول المطلوب أن لا نعتدي عليهم نحن ..سواء في الداخل أو الخارج ... و حسبي الله في حكومات قتلت من أبنائها ما لم تقتله إسرائيل نفسها ...

يا سي فود

بلاش الخلط الله يخليك

يعني هل الحكومة قاصدة انها تضرب ابناءها؟

و بعدين حيعملوا ايه و العراق تحت حكم بينها و بينه عداوة؟

و الحرب بلبلة و فوضى

انا لا ادافع عن الحكومة و عمايلها السودة، بس انت بتتجنى هنا عليهم زيادة عن اللزوم

[Set_Amina]

الموضوع اتفرع لشقين : الشق الأول هو مجدعة الستات :D

والشق التاني هي مجدعة الحكومات :lol:

مش التقسيم كده صح ولا انا فهمت حاجة غلط؟؟؟

عموما احنا عندنا سيدات مسؤولات في مصر يشرفن بصحيح وده لو استبعدنا بعض الداعيات للمساواة بالرجل وبعض الفنانات.. ولكن هناك فضليات يجاهدن من أجل اعلاء شأن المرأة بالدرجة الأولى ورفعة الوطني من خلال المرأة كأم ومسؤولة.. أما بالنسبة للشق الثاني من القسمة. فحدث ولا حرج.. انا لم أر بلد لا يهتم بشؤون مواطنيه وخصوصا المغتربين مثل بلدنا.. قد يكون من كثرة العدد وقد يكون سوء تنظيم وقد يكون مش في دماغهم اصلا.. وكفاية عليهم اللي جوا البلد هما ناقصين هم اللي بره كمان.. :?

[kokowawa1979]

أود أن أوجه التحية للسيده / جلوريا أورويو رئيسة الفلبين

وكمان ألف تحية من عندي لأنها قادت مظاهرة مكونة من 30000 فلبيني بالعاصمة مانيلا للتنديد بالحرب ضد العراق على الرغم من القيام بمناورات مشتركة بين أمريكا والفلبين لكن كانت جلوريا أول رئيس دولة يقوم بهذا العمل الشجاع

[hope]

السلام عليكم من الكويت

أحب أضيف ان بالفعل تم اتصال جميع السفارات بجالياتها الموجودة فى الكويت (ما عدا السفارة المصرية)وعلمت من زملاء العمل ان السفارة الامريكية والانجليزية والهولندية قامت بارسال تذاكر السفر للجاليات والسفارة الهندية تطمئنهم من ان لآخر .

اما نحن فقد قام سفيرنا بالرد على المذيعة فى قناة النيل للأخبار وأخبرها ان المصريين بالكويت لهم نفس الروح الوطنية لدى الكويتيين انفسهم وانهم على استعداد ان يفدوها بأرواحهم والله دا حصل وانا شوفت اللقاء بنفسى :? :? :? :? :? :? :? :? :? :?

أدعـــــــــــــــــــــــــــــــــــــــــــــــــــوا لنا

[se_ Elsyed]

اما نحن فقد قام سفيرنا بالرد على المذيعة فى قناة النيل للأخبار وأخبرها ان المصريين بالكويت لهم نفس الروح الوطنية لدى الكويتيين انفسهم وانهم على استعداد ان يفدوها بأرواحهم والله دا حصل وانا شوفت اللقاء بنفسى :? :? :? :? :? :? :? :? :? :?

أدعـــــــــــــــــــــــــــــــــــــــــــــــــــوا لنا

لا تعليق .... هو هايجيبوا منين ماهو متخرج من نفس مدرسة الساسة المصريين الأفاضل ، متاجرة بأرواح الناس نيابة عنهم والظهور بصورة أبطال على قفاهم وممكن يضحى بالأم والجنين والأب علشان هما يعيشوا .