بدون تعليق ؟؟؟؟؟؟؟

[ابو محمود]

ما رأى السادة المحاورين فى تلك الصورة

هل هذا صح ام اننا نرتكب الأخطاء بأيدينا بجهل معرفتنا بالصح والعمل بة ؟؟ او بمنظرة كذابة وفشخرة رخيصة يلا بقى عايز حد يرد !!!!!

[Folana]

السلام عليكم ورحمة الله....

يلا بقى عايز حد يرد !!!!!

تهديد ده يعنى ؟.. :lol: ..طيب انا حأرد...بس ممكن اعرف الاول حضرتك معترض على ايه فى الصورة؟...وايه الغلط من وجهة نظرك..؟

أعتقد ان الصورة دى اتلقطت اثناء ذبح الاضاحى فى العيد مش كده؟....واعتقد ان الناس ماعندهاش مكان تذبح فيه الا فى الممر ده واللى غالبا بيتبع اصحاب احد المحلات...

عادى يعنى...ده فيه ناس بتذبح امام بيوتها مثلا او فى دكاكينها...كده يعنى بتكون حاجة مؤقتة فى العيد بس...الا اذا كان حضرتك بتتكلم عن حاجة تانية مش قادرة افهمها...

صباحك جميل... :) :blush2:

[amrhoras]

والله يا ا/ محمود مش عارف بس شاكك انى افهم عليك فى نقطتين

اولها :- هو تبعثر اشلاء الاضحيه على الارض بما فى ذلك من اضرار صحية جسيمه وانتشار الدم . بس ده مؤقتا

ثانيا:- المعاملة غير الادميه للبقره الغلبانه وهى بتشوف غيرها بيندبح ومستنيه دورها وتقدروا تشوفوا ده فى عنيها وهى مبرقه (وقوع البلاء ولا انتظاره) . اينعم بحب اتفرج على الحاجات دى :lol: بس احب الفصل دائما . يعنى الاحياء فى غرفه واللى عليها الدور فى الغرفه التانيه كل كائن حى له مشاعر برده . عشان كدى بيقولوا عليا قلبي تيب :)

ياترى يا ا/محمود تقصد ايه بقى؟؟؟؟؟

[هشام عباس]

صباح الخير اولا وثانيا لا انكر ان شكل الدماء وتبعثرها على الارض اثارني فعلا بالرغم من اني اقوم بالتضحيه بنفسي اي اقوم بعملية الزبج بنفسي لكن بيكون معايا ناس وبيكونو مشغلين خرطوم ميه علشان الدم وكمان بيكون معانا جرادل لوضع اجزاء الأضحيه فيها وده كله بيحصل تحت البيت واحيانا كتيره بيكون فيه اضحيه تانيه واقف في نفس المكان لأن مفيش مكان تاني ممكن نخليها فيه وصحيح انا لما شفت الصوره صعبت عليا البقره الي كانت واقفه تشاهد التضحيه لكن يا جماعه لو كان ده حرام كان اكيد نزلت فيه ايه قرأنيه او حديث شريف فأنا لا اعلم اي شئ في ديننا يحرم وجود اضحيتين في نفس المكان ولو كان حرام لذكر ذلك على انه حرام او غير مستحب وطالما انه حلال ربنا فخلاص ايه المشكله؟وبعدين انا كل سنه في العيد بجمع ولادي وقت الاضحيه علشان يعرفو القصه ويعرفو ان التضحيه حلال ومن شرعنا صحيح مش بيكون المكان بهذا المنظر ولكن اكيد بيكون فيه ذبح ودماء واضحيه اخرى تنتظر!!!!!!!!!!!!!

[amrhoras]

وحد الله يا استاذ هشام بالنسبه لحكاية الفصل دىملهاش اى مرجع ديني ولا حاجه

بالعكس سمعت مره فى برنامج صفيه المهندس ايام لماكان عندى راديو ايوالله كان عندى رادويا

المهم استضافوا دكتور بيطرى وقال البيه ان الاضحية بتكون فى حاله نفسيه عاليه جدا وهى بتدبح او على وشك الدبح معنوياتها بتكون اعلى المستويات هو بس منظر الدم فى كلمكان والللىواقع ع الارض بالله عليك لو طفل صغير تجيله عقده معقده بستين عقده

ابن خالى شاف سهوا الاضحيه وهى بتدبح كان عنده 3 سنين بقي يترعب وهو نايم ويقول بيدبجونى ويدبحوا بابا وماما

بس نسي مع انها قعدت معاه فتره كبيره ميكولش اللحمه خالص

ربنا معانا المهم طبق اللحمه خلص ولا لسه :lol:

[mohmaher]

أنا كمان مش فاهم ..

الاعتراض على ايه بالضبط علشان نعرف نرد !

كل سنة وأنتم طيبين

[ابو محمود]

من خلال الحديث الشريف سنعرف جميعآ ما مقصد الموضوع وماهى واجباتنا نحو شعائرنا وكيفية الخروج من توابع ضعف النفس والعمل على أحترام العالم لنا من سلوكنا وهذا الحديث عن خير عباد اللة سيدنا محمد صلى اللة علية وسلم ......................................

قال رسول اللة صلى اللة علية وسلم ((( أذا ذبحتم فأحسنو الذبح وليحد أحدكم من شفرتة وليرح ذبيحتة ))))صدق رسول اللة (ص)

وهذا الحديث عندما نفهمة جيدآ ونعمل بة سنجد ان أغلب الناس منا لا ينفذونة أطلاقآ فقد شرح الحديث اكثر من عالم وبينو لنا ان الذبح لة أصول فأذا تركنا هذة الأمور التى عرفها لنا رسولنا الكريم نظر لنا من حولنا كما تنظر الأضحية فى الصورة الى من يقوم بذبح الأضاحى امام من سخرهم اللة لنا لنأكل لحومها وننتفع بجلودها فلننظر الى الصورة جيدآ ولنرى الهلع والخوف والألم الذى اصاب الأضحية من جلد وذبح امامها

وهذا أولآ ثانيآ سوف اوافيكم بشرح الحديث شرعيآ وعلميآ فى مداخلة أخرى لانى أعانى من لخبطة وأنقطاع للموقع بصورة لا تساعدنى على المداخلة