مواقف...؟!

[بنت شعنونة]

الموضوع دا بجد مهم جدا..

على الأقل بالنسبة لي..

في مواقف كتييييييير جدا بتمر علينا... وما بنعرفش نتصرف فيها..

وعاوزا من خلال الموضوع دا اننا نعرف نعمل ايه فيها

ولو حد مر بيها يقولنا خبرته عنها..

نبدا باول موقف...

:)

زمان ايام حرب الخليج

قالولنا لما تضرب غارة اختارو اصغر غرفة في البيت واقعدوا فيها

على اساس انه لو البيت وقع نتيجة لصاروخ في الجوار او حاجا

ف ان الغرفة الصغيرة تكون جدرانها وعمدانها اكثر قدرة على تحمل الأنهيار

وبالتالي تدينا مساحة يعني للحماية في حالة انهيار البيت؟(كله بامر الله طبعا) :D :)

ايام الزلازل الأخيرة هنا في مصر بقى

واللي الناس كانوا جربوا الزلزال الاكبر سابقا

كان الكل يقول ابعد عن السلالم والبلكونات عشان دي اضعف مناطق للبيت وممكن تنهار اول حاجا...

طب دلوقتي لو حصل زلزال مثلا لا قدر الله

بجد بجد

نتصرف ازاي؟

نقعد فين؟ وليه..؟؟

دا اول موقف...

لحد ما اشوفلكم الي بعده؟ :)

[yasser6666]

هو يا شعنونة لو حصل زلزال حيبقي فيه وقت تفكري تقعدي فين وتتصرفي ازاي دول يادوب كام ثانية بين بدايةالشعور بالزلزال ونهايته .يعني عقبال ما ندرك انه فيه زلزال يكون انتهي بالفعل................................لكن ممكن نفكر لما الحكومة تعطينا بطاطين لزوم الصور والتليفزيون ولما يرجعوا ياخدوها بعد كده تاني حنعمل معاهم ايه؟؟؟؟؟؟ :D :) :)

[linux]

ايام الزلازل الأخيرة هنا في مصر بقى 

واللي الناس كانوا جربوا الزلزال الاكبر سابقا

كان الكل يقول ابعد عن السلالم والبلكونات عشان دي اضعف مناطق للبيت وممكن تنهار اول حاجا...

طب دلوقتي لو حصل زلزال مثلا لا قدر الله

بجد بجد

نتصرف ازاي؟

نقعد فين؟ وليه..؟؟

دا اول موقف...

لحد ما اشوفلكم الي بعده؟ :D

هنا فى امريكا دائما النصيحه ان فى حالة حدوث زلزال ان الواحد يقف فى فتحة الباب (تحت الكمره) فى حاله اذا كان داخل البيت.

فى مكان العمل او المدارس النصيحه تكون بالابطاح تحت المكاتب.

طبعا فى جميع الأحوال يراعى تجنب الوجود تحت او بجانب زجاج او فيش كهربا

وربنا يستر ... :?

[بنت شعنونة]

كنت قريت في كتاب زمان والله اعلم

انه وقت الزلازل اهم حاجا عدم الهلع!(طبعا دا مستحيل)

لكن على فرض..

قريت انه الأفضل انه الأنسان يلف بطانيه حوالية هوا واللي معاه

او انهم كلهم يقفوا في اصغر غرفة ويمسكوا مرتبة؟؟؟ :?

اما عن موضوع الزلزال ثانية

ف لا

زلزال مصر خد حوالي 4 او 5 دقايق

ودي فترة عظيمة في وقتها طبعا

واخر زلزال ... اللي انا عاصرته كان ضعيف نسبيا لكنه خد حوالي 3 دقايق...

يعني فيه وقت انك تفكر... و العبد في التفكير والرب في التدبير..

المهم ان كل قراءاتي اللي انا قريتها كلها تدور على كيفيه حماية نفسك داخل البيت..ولا تفكر ابدا في كيفية خروجك منه؟

ليه مش عارفا؟

:?

في مقولات بتقول ان الحمام افضل غرفة؟ لأنه غالبا جدرانه مكسية دا غير انه دايما اصغر الغرف؟

حاجا تحير؟ :? :D

[yasser6666]

الحمدلله ان مصر مش منطقة زلازل علي كل الاحوال ...ده لما بتمطر ساعة بتغرق لان البلد غير مهيئة للكوارث الطبيعية...اللهم اكفينا الشر ..فما بالك بالزلزال...?????

[بنت شعنونة]

اخ ياسر..

بعد الزلزال الصغير اللي كان من حوالي سنة او اكتر قليلا..

قالوا انه مصر سوف تدخل حزام الزلازل قريبا...

يمكن في خلال الخمس سنوات القادمة

بسبب تغيرات الطبقات الأرضية

والله اعلم طبعا...

بس العلم نور عموما

فيها ايه لما نفكر ونعرف...

مش ضروري زلزال؟

ماهو نفس الكلام ينطبق لو البيت بيقع؟

بجد والله

في مواقف كتيييييييير جدا لازم نستفسر عنها لأن كل واحد فينا معرض ليها في اي وقت؟ :neutral:

دا انا عندي ليكوا شوية مواااااااااقف...

اصبروا اصبروا :D :)

[yasser6666]

يا شعنونة معاكي لازم نفكر ...لكن ايه الحل في البيوت المتهالكة اللي لما الترام بتمر منى جنبها بتتهز ..وهي كتيرة جدا وخاصة في القاهرة تتخيلي الهزات الأرضية ممكن تعمل ايه فيها؟؟؟؟

المهم..ممكن نفكر في حالة الحريق حنعمل ايه...وبصفتك دكتورة تقولي لنا ايه الاسعافات الاولية مثلآ ...والا ايه رايك؟؟؟.

[مصرى]

زلزال مصر خد حوالي 4 او 5 دقايق

ودي فترة عظيمة في وقتها طبعا

واخر زلزال ... اللي انا عاصرته كان ضعيف نسبيا لكنه خد حوالي 3 دقايق:D

شانا ... :shock:

تا ... تا ... تا

:)

[linux]

الحمدلله ان مصر مش منطقة زلازل علي كل الاحوال ...ده لما بتمطر ساعة بتغرق لان البلد غير مهيئة للكوارث الطبيعية...اللهم اكفينا الشر ..فما بالك بالزلزال...?????

فكرتنى ايام الزلزال لما الجرايد طلعت علينا بتصريح واحد مسئول "يؤكد ان مش ها يبقى فيه اى توابع للزلزال" !!! بذمتك شفت تخلف اكتر من كده؟

[بنت شعنونة]

مصري؟؟ :D :)

هوا انا عملت زلزال والا حاجا؟ :

cry: :) :shock: :shock: :) :D

اخ ياسر...

والله انا معلوماتي عن موضوع الحريق دا قاصرة شوية

لأنهم حتى لما فكروا يودوني طواريء حريق رفضت بشدة من رعبي من المرضي...

بس ها احاول اجيبلك المعلومات ان شاء الله

[linux]

المهم ان كل قراءاتي اللي انا قريتها كلها تدور على كيفيه حماية نفسك داخل البيت..ولا تفكر ابدا في كيفية خروجك منه؟

ليه مش عارفا؟

:? 

حاجا تحير؟ :?  :D

لأن فى حاله الهلع الناس بتدوس بعضها و بتنط م البلاكونات و حاجات من دى

[linux]

...ده لما بتمطر ساعة بتغرق لان البلد غير مهيئة للكوارث الطبيعية...اللهم اكفينا الشر ..فما بالك بالزلزال...?????

الموضوع ده خطير جدا ... طبعا الأعمار بيد الله بس شوف كام واحد بيموتو داخل عربيه اسعاف (ده لو جت اصلا!) محشوره فى الزحمه؟

ومع احترامى الكامل للأخت شعنونه ... معظم دكاتره مصر ماعندهمش ضمير ... انا ممكن اكتب مجلدات عنى وعيلتى واصحابى وناس اعرفهم وازاى الدكاتره خربوا بيوت و اتعلموا فى خلق ربنا

[بنت شعنونة]

اخ linux

والله ما ها ااعترض عشان انا بكرههم اكتر منك :(

لكن لجل الحق

على قد ما فيه دكاترا ولاد........ وعاوزين القتل علنا

فيه ناس مظلومة

زي مثلا دكاترة الميري او الحكومة

في منهم ناس بتكون كويسة جدااااااا جداااااا

لكن للأسف الزحمة

والضغط الرهيب جدا

+ كمان عصبية المريض واهله

تخلي الدكتور مهما كان هادي وصبور يتحول لوحش غير ادمي بالمرة وطويل اللسان ومش بعيد طويل الأيد كمان :(

والله غصب عنهم

اتذكر ايام الاستقبال اتفقت انا ومجموعة الزملا ان كلنا نهدي بعض وقت الزحمة على قد ما نقدر عشان الناس

تخيلوا لما تبقى بتكشف على 10 مرضى في نفس اللحظة

لا ومنهم على الاقل 3 بيشتموك؟؟؟

عجايب :(

ربنا يصبرنا على بعض

[linux]

الأخت شعنونة

متفقين تماما (علشان كده قلت "معظم") ... فيه طبعا دكاتره ممتازين.

وجميله قوى منك ومن زملائك التطوع اللى عملتوه ده :D

ربنا يكتر من امثالكم

[الطفشان]

(علشان كده قلت "معظم")

الحقوا

واحد تاني بيقول "معظم"

:lol: :lol: :lol:

[مصرى]

زمن الزلازل يقاس بالثوان .. أما قوته فبمقياس رختر .. وهو إسم العالم الذى إبتكره .. وهو جهاز إسطوانى الشكل يرسم خطوط مثل جهاز رسم القلب .. لكن بعد حدوث الزلزال .. يحدث ما يسمى بالتوابع نتيجة لعودة القشرة الأرضية الى وضع الاستقرار ..

آخر الزلازل التى شهدتها مصر كانت بتاريخ 24 أغسطس 2002 ، وإستمر 25 ثانية .. وقوته 4.7 بمقياس رختر .. الى الى تصدعات فى عشرات المنازل ولكنه لم يحدث خسائر فى الأرواح .

الزلزال الخطير الذى شهدته مصر فى أكتوبر 1992 إستغرق 36 ثانية .. وكانت قوته أكثر من 6 ريختر .. وكان مركز الزلزال قريبا من القاهرة مما أدى الى مصرع 551 إنسان إنهارت بهم مساكنهم .. ويعد من أخطر الزلازل من حيث قوته .. غير أن قصر الزمن الذى إستغرقه خفف من تأثير هذه القوة .

ويقول خبراء المركز القومى للبحوث الفلكية والجيوفيزيقية أنه يستحيل حتى الآن التنبؤ بالزلازل ..

http://www.ahram.org.eg/Archive/Index.asp?...CurFN=FRON4.HTM

وتقع يوميا هزات أرضية فى جميع أنحاء العالم ترصدها الأجهزة ولكنها تكون ضعيفة لا يشعر بها البشر ..

آخر الزلازل القوية التى شهدها العالم كانت يوم 22 من الشهر الماضى .. وسط وغرب المكسيك حيث بلغت قوته 7.6 درجة بمقياس رختر .. وإستغرق 45 ثانية .. وأدى الى مصرع العشرات وتشريد عشرات الآلاف .. وكانت المكسيك قد شهدت عام 1985 زلزال بلغت قوته 8.1 درجة دمر ثلث مساحة العاصمة مكسيكو سيى وقتل 10 آلاف شخص ..

لكن هذا الرقم على فداحته يعد متواضعا الى جانب الزلزال الذى شهدته الصين عام 1994 وأودى بحياة 145 ألف شخص ..

أما أخطر زلازل العالم ـ كما يقول علماء الجيولوجيا ـ فكان عام 1769 فى كاليفورنيا حيث رفع مستوى سطح الأرض على الساحل حوالى 3 أمتار .

كيف نتصرف إذا وقع زلزال .. الأقدار والأعمار بيد الله .. وما على الانسان عمله هو أن يكون قد إختار لنفسه وأسرته مسكنا آمنا .. بمعنى إذا كان المنزل متصدع فإن عليه الانتقال منه الى آخر حديث ولا يغامر بحياتهم لتهددهم المخاطر .. عدا ذلك فإنه إذا وقع زلزال فما على الانسان الا أن يتلو الشهادتين ويسأل الله الستر .. ويجلس فى مكانه بعيدا عما يمكن أن سقط فوقه .. فإذا كان بين آخرين وخاصة أطفال فإن عليه أن يسرع بالتواجد بينهم بهدوء حتى يشعرهم بالطمأنينة .. مع مراعاة موقف أنابيب الغاز أو حالة المطبخ إذا كان هناك موقد مشتعل .. وذلك خلال الثوانى التى يستغرقها الزلزال والدقائق التالية له .. لضمان عدم حدوث أضرار نتيجة الفزع .. أو خسائر بسبب تسرب الغاز .. وهذين هما الخطرين الأهم عند وقوع الزلزال .. فإذا حدث تصدع فى للمنزل .. فيجب بالطبع مغادرته على الفور بهدوء وسرعة .. علما بأن المنازل ذات الهياكل الخرسانية من النادر أن يحدث لها إنهيار سريع الا إذا كان هناك خلل خطير فى هيكلها الخرسانى كما حدث فى عمارة مصر الجديدة فى زلزال 1992 .. أما المنازل المقامة على حوائط حاملة .. ففى حالة وجود تصدعات قديمة بها فإنها تنهار بسرعة .. وعلى كل حال إذا أيقن الإنسان أنه لا راد لقضاء الله فلن يفزع وسيتصرف على أفضل الوجوه الممكنة ..

[Seafood]

(علشان كده قلت "معظم")

الحقوا

واحد تاني بيقول "معظم"

:lol: :lol: :lol:

:lol: :lol: :) حلوة يا طفشان ...

بريئ يا بيه ... قولتله بلاش "معظم" إللي واخدين بيها تصريح مؤقت ... ماسمعش الكلام ...

http://www.egyptiantalks.org/phpBB2Plus/vi...ighlight=#54678

جريدة أخبار المنتدى ...

حوادث و قضايا

ظبط شقيان يديران الماسينجير الخاص بكليهما وكراً للمداخلات التي تحتوي على "قد" و "معظم "....

قام المقدم أول طفشان الطفشان من قسم مباحث أول منتدى محاورات المصريين فجر اليوم .. بالهجوم على وكر يديره شقيان للمداخلات الممنوعة ... و كان قد تنامى إلى علم المقدم أول طفشان أن هناك عصابة من الأعضاء تدير البريد الخاص بأعضائها وكراً لتوزيع مداخلات ممنوعة قامت الإدارة بحذفها مؤخراً و تحتوي على ألفاظ خارجة ... بالإضافة إلى محاولة إعادة تسجيل بعض الأعضاء الذين تم طردهم تحت أسماء مستعارة ...

فقام سيادته بمساعدة فرقة خاصة من أعضاء المنتدى بعمل كمين لأحد الشقيان و يدعي "سيفود" الشهير ب " قدبطلب أحد المداخلات الممنوعة من الشقي الأول "سيفود" ... و عند التسليم و الإستلام قامت الفرقة بالهجوم على الوكر حيث ظبط المتهمين في حالة تلبس و بحوزتهم أختام مزورة غير مصرح بها تحمل كلمات "قد" و "معظم" ... و عدد من الباسوردز ..

كما عثر على عدد كبير من الأيميلات المزورة لإستخدامها في إعادة تسجيل الأعضاء الذين تم إيقافهم .. بالإضافة إلى كميات كبيرة من نسخ المواضيع المحذوفة و المغلقة و عدد من أجهزة الكومبيوتر و الآلات الكاتبة ...

قامت المباحث بالتحفظ على المضبوطات ..و إيقاف المتهمين أربعة أيام على ذمة التحقيق .. على أن يتم عرض الشقيان على نيابة المنتدى صباح الغد ...

[kokowawa1979]

لينوكس كتب :

ومع احترامى الكامل للأخت شعنونه ... معظم دكاتره مصر ماعندهمش ضمير

ومع احترامي الكامل لك ياأخ لينوكس القليل من دكاترة مصر هم الذين ليس لديهم ضمير وليس معظمهم لأنه لايمكن أن نجمع دكاترة مصر كلهم في سلة واحدة صحيح ان النظرة المادية لبعض الدكاترة تجعل البعض منهم جشعين لكن الغالبية العظمى منهم لديهم الضمير والحس بأبناء الشعب .

وقد كتبت من قبل قصة طبيب عظيم توفى إلى رحمة الله كان الكشف الخاص به ثلاثة جنيهات له كأتعاب ( على الرغم من أنه كان على درجة تعادل الزمالة ) ورزقه الله بأربعة أبناء كلهم من النوابغ ( أحدهم توفي إثر حادث بليبيا ) والآخرون أساتذة الآن بكلية طب الأسكندرية ( بركة من الله لرجل تفاني في علاج المرضي بكشف زهيد حتى أنه كان يدفع ثمن تكاليف العملية الجراحية بالكامل من جيبه الخاص للفقير الذي لايملك المال ولايجد مكانا في مستشفى ) وأبناؤه الثلاثة الآن على درب والدهم حاجة تفرح وتشرح القلب ولعل الذين درسوا الطب في جامعة الأسكندرية يعرفون من أقصد

واعذروا الطبيب الذي يتخرج بعد 7 سنين عجاف يتخرج ويجد أن الذي يحصل عليه بعد شقى السنين لايتجاوز 200 جنيه !!!! في حين أن من يتخرج من أي كلية أخرى إذا التحق بوظيفة مندوب مبيعات في أي شركة يحصل على 1000 جنيه !

ارحموا الأطباء يرحمكم من في السماء !!!!

وده كاريكاتير عن أحد الأطباء القليلين الجشعين

[بنت شعنونة]

:shock: :shock: :shock:

يادي الفضايح...

:) :) :lol: :lol: :lol: :roll: :roll: :roll: :roll:

سورررررري جدا

الظاهر معلوماتي عن توقيت الزلازل كانت من مصدر غلط تماما

ها اروح اخرب بيييييييييييته :twisted: