الرجال المصريين المغتربين فى الخارج

[nash]

لا والله ياعمرو زمن أن الست تحتمل الرجل ونزواته وفراغه عينه أنتهي...فكما هو مطلوب من الزوجه أن تهتم بنفسها من أجل زوجها مطلوب أيضا من الرجل أن يهتم بنفسه ..وإذا كان مطلوب من المرأة أن تكون عفيفه مطلوب من الرجل أن يغض بصرة ...

أحكام الدين واحده للأثنين سواء الرجل أو المرأة..وهي عقوبه الرجم او الجلد لم يستثني منها أحد الطرفين....

هبه إجري بسرعه قولي للزوجه والله يا جماعه صعبانه عليه يعني بعد كل هذه العشرة ......وكل هذه التضحيات ...وكل هذه المعاناة ...يأتي من يقول ليس من حقها شرعا أن تعرف....

برايفت عمرو ....برضه مش هاصحح الغلطات اللي فاتت...مع أنها كانت ( كنز ) ووقعت عليه ....لكن أبدا ..أنا كلمتي واحده ..مع أن أسمها ( الأكياس ) النايلون وليست الكياس

[amrhoras]

الزواج مشروع شركة بين اتنين

كل واحد له دور واعتقد انى قولت طالما الاتنين متفاهمين والست مريحاه اكيد هو مش هيردلها الحسنه بالاساءه

الا اذا بقى معندوش دم ولكل قاعده شواذ

انما رايي يقولها هو ان كان عنده جرأه يقولها ورزقه ع الله لينا رب اسمه الكريم

بس برده حقه حقه حقه حقهههههههههههه

مدام ناش انا اعرف ان الستات كلمتهم واحده لا تتجزأ مش قولتى مش هتصححى تانى:lol: ع فكره بتعمد الغلط مخصوص

[أبو محمد]

اعتذر الى الاخ كاتب الموضوع لانى لن اعلق علية لانة محسوم

لان الزواج ينطبق علية الاحكام الشرعية الخمس

لانة يمكن ان يكون زواجة حلال او حرام او مستحب او واجب او مندوب ولا دخل لنا لماذا هو تزوج لانة اعلم بظروفة

فقط لى سؤال للاخوات المتعاطفات مع الزوجة ... هل تفضلن ان يتزوج الرجل وهو فى غربة بمفردة زواجاً حلال بما لا يؤثر على حياتة الاولى ام يذهب الى الفاحشة

وارتكاب الكبائر حتى لا تغضب الزوجة ؟؟؟

هل تفضلن ان تظل الزوجة على غير علم بهذا الزواج وتظل الاسرة والبيت فى سكينة ومودة ولا ينهار البيت لمجرد انه يجب ان تعلم الزوجة ام يخبرها ويهدم البيت

وتتفكك الاسرة ؟؟؟؟

لى ملاحظة

استاذ ابو محمد من الواضح انك مصاب بحساسية تجاه مسمى الشريعة واجد لغة استهزاء وتعالى الرجل لم يفتى كما تدعى ولكنة ينقل ما تعارف علية علماء الامة

منذ قرون مضت ..

مهلا يا أخى الفاضل .. فتشخيص الأمراض ليس بهذه السهولة .. أنا والحمد لله لا أشكو من أى عرض من أعراض الحساسية .. كما أننى ولله الحمد لا أتعالى على أحد .. على الأقل لا أدعى لنفسى حقا بفرض وصايتى على أحد ولا أنصب نفسى حاميا لحمى الدين .. فأنا مؤمن بأنه دين متين ، تعهد بحمايته شديد القوى

فإن لم تكن طبيبا يشخص على الهواء .. أو مفتش يفتش فى الضمائر .. فلا تتسرع برمى غيرك بما ليس فيه .. فهذا بهتان أربأ بك أن تحمل وزره

شرع الله ليس ألعوبة فى يد المحاورين لإسكات من يختلفون معهم فى الرأى .. يطلقون الأحكام "العامة" يمينا ويسارا .. فيطلقون أحكاما بأن هذا من شرع الله .. وذاك من شرع فاشل .. على الأقل على من يتصدى لإبداء رأى فى حوار كحوارنا هذا أن ينوه أنه رأيه الخاص .. وإذا كان رأى العلماء والفقهاء يحتمل الخطأ والصواب ، فما بال رأى من ليس بعالم أو فقيه ..

الشرع الفاشل الذى أجاز قانونا بوجوب إخبار الزوجة الأولى عند رغبة الزوج فى الزواج الثانى استطلع رأى علماء (قد تختلفون معهم لاختلاف المذاهب) .. وصدر بعد مناقشات بين معترض ومؤيد .. ومن المهم ملاحظة أن القانون قد صدر بعد تلك المناقشات ، وتقبلته الأمة ، وأصبح ساريا منذ سنوات عدة دون "الحكم" بردة أو فسوق من التزم به ... ثم إن الأهم من كل ذلك هو أن نفهم (دون مزايدة) أن القانون ألزم الزوج الذى يريد الزواج بأخرى بأن يخطر الأولى بذلك .. وأن يخطر الثانية أيضا بذلك من خلال إثبات ذلك فى وثيقة الزواج الثانية .. لم ينص القانون على اعتبار زواجه الثانى باطلا ، ولم ينص على وجوب تطليق الزوجة الأولى .. كل ما فى الأمر أنه ألزمه بإخطار الزوجة الأولى والثانية (مع رجاء ملاحظة شرط علانية أى زواج ، والتفكير فى الحكمة من وراء هذا الشرط) .. ليكون من حق الزوجة الأولى ، إن أرادت ، أن تطلب تطليقها للضرر وعليها عبء إثبات هذا الضرر .. وليكون من حق الثانية أن ترفض إتمام الزواج قبل العقد

فهل الإخطار والعلانية والشفافية معصية أو فسوق أو كفر ؟ إن كان ذلك ما تعتقدون فهاتوا برهانكم من قرآن كريم أو سنة مطهرة

[~Heba~]

يا جماعة احتمال كبير تكون قالت لها لانها كانت متضايقة جدا زى ناش كدة و قالت انها مش طايقه اشوفهم مع بعض يعنى الزوج و زوجته الجديدة فأكيد هى قالت لها او تكون عرفت من مصدر آخر يعنى هو الرجل مش بيبان عليه اذا كان له زوجه تانية اكيد طبعا يبان عليه يعنى ممكن يكون منزلش اجازة العيد اللى فات و اخدها شهر عسل....

و على فكرة صاحبتنا الكويتية اخبارها انقطعت لكن انا عندى امل كبير ان الموضوع يكون عدا على خير و مفيش طلاق لان الست كبيرة و عاقلة و مش حتهدم حياتها و حياة اولادها بعد العمر دا كله.

و ابشركم خير الزواج بالمغربيات لا يدوم حسب الحالات التى رأيتها و الله بيطفشوا بسرعة زى ما يقول المثل easy come easy go

[amrhoras]

يا جماعة احتمال كبير تكون قالت لها لانها كانت متضايقة جدا زى ناش كدة و قالت انها مش طايقه اشوفهم مع بعض يعنى الزوج و زوجته الجديدة فأكيد هى قالت لها او تكون عرفت من مصدر آخر يعنى هو الرجل مش بيبان عليه اذا كان له زوجه تانية اكيد طبعا يبان عليه يعنى ممكن يكون منزلش اجازة العيد اللى فات و اخدها شهر عسل....

و على فكرة صاحبتنا الكويتية اخبارها انقطعت لكن انا عندى امل كبير ان الموضوع يكون عدا على خير و مفيش طلاق لان الست كبيرة و عاقلة و مش حتهدم حياتها و حياة اولادها بعد العمر دا كله.

و ابشركم خير الزواج بالمغربيات لا يدوم حسب الحالات التى رأيتها و الله بيطفشوا بسرعة زى ما يقول المثل easy come easy go

افهم من كدى انك تراجعتى فى موقفك يا هبه

بمعنى انها نذوه وتعدى ياجماعه وانا كدى كلامى اتحقق جداااا لما قولت القديمه تحلى ولو كانت وحله:lol:

[vipwithyou]

انا من وجهة نظرى كرجل مغترب ان الراجل دة غلطان جدا

انا مش هناقش موضوع الشرع واللى عمله صح ولا غلط او غلط فى ايه وصح فى ايه

كل اللى هأقوله ..

ان فى رأيي انه اخد بنت الحلال دى لحم ورماها عظم

هو ما رمهاش وطلقها ولا حاجة ياريته عمل كدة وريحها لكنه تجاهل وجودها اصلا

هى كانت كويسة وحلوة وجميلة لما كانت معاه هناك ولما نزلت علشان ولادة يكملوا تعليم

لأنه مينفعش يكونوا لوحدهم فى مصر تبقى بقى خلاص بقت معلش يا جماعة فى اللفظ ( كخه )

الراجل دة معندوش حق ابدأ فى كدة وأنانى جدا وايه الضغوط اللى تخليه يرمى 20 سنه عشرة وراء ظهرة

مش دى الست اللى اختارها وعاش اسعد ايام حياته معاها وأخد كل عمرها وهى اصبحت له هو فقط

وهو اصبح كل حياتها حتى ملهاش حق تبص لحد غيرة اصلا .. لكن هو ازاى .. ممكن يبص ويكلم ويحب غيرها

لا حول ولا قوة الا بالله

متهيألى يا جماعة مثنى وثلاث ورباع ماشى .. لكن وأن تعدلوا ؟؟ وكمان .. ولن تعدلوا ؟؟

صح ولا غلط

ذنبها ايه المسكينه قاعده فى مصر بتربيله عيالة وخلاص

انا مش عايز اتكلم بصراحة وافتح فى الموضوع

اكيد كدة فهمتم رأيي

شكرا

أخوكم

تامر السيد

مغترب لكن عارف حق زوجتى عليا

تم تعديل 12 يناير 2008 بواسطة vipwithyou

[nash]

لا ياتامر ...معندكش حق...الزوجه المفروض تشكر ربها لإنها وجدت زوج يطعمها ويكسيها ويأويها...هاتطمع يعني وتقول من حقها أنها تعرف بزواج زوجها أو عزمه علي الزواج من اخري؟؟؟ ليه يعني..هي كانت شيء مهم في حياته؟؟ دي المسكينه كانت مربيه ( بيبي سيتر ) وطباخه وإلخ إلخ وممكن جدا تكون إمرأة عامله تساهم في مصروف البيت....وفي النهايه الأسم زوجه...وكمان ....عايزها بعد لعب كل هذه الأدوار في حياة زوجها يعمل لها إعتبار ويخبرها أنه بصدد الزواج عليها؟؟؟!!ليه يعني من تكون سيده الحسن هذه حتي يقيم لها وزنا أصلا في حياته؟؟

اللهم لك الحمد علي نعمه الإسلام الذي جعل العدل ميزان نزن به الأمور..والحمدلله أن وهب لنا عقلا نفكر به ولا ننساق وراء أفكار معلبه سلفا ونحفظ ما لا نفقه....ونلوي أعناق النصوص ليوافق هوانا والحمدلله حمدا كثيرا أن لم يجعل أزواجنا كهذا المثال السيء الذي تعامل مع غرائزة فقط وبمنتهي الأنانيه وليجزيه ربي سوء العذاب إن كان ظلم المسكينه أو تعدي علي حقوقها ...

تم تعديل 12 يناير 2008 بواسطة nash

[vipwithyou]

نحاول يا جماعة نقول كلمة حق .. ونضع انفسنا مكان الآخر .. ونرى هل وقع علينا ظلم ام لا ؟

[amrhoras]

تامر بيه

صباح الخير ياراجل ياطيب

انا مش هكلمك عشان خاطر البنت الاموره دى

بصراحه انا لا مع الراجل ولا عليه اكيد فى دوافع تدفع اى رجل للزواج من اخرى

-اما عينه زائغه وده بنسميه بصباص وملوش امان

-اما يفتقد شيئا ما فى زوجته وهى لا تعطيه ان كان حب او حنان او رعايه وعلى حد علمى هو كبير فى السن من حقه طبعا

-اما وقع تحت شرك الزوجة المغربيه (حاكم انا عارفهن المغربيات ) مفتريات وهو بيحفظ نفسه من الوقو فى دائرة الخطيئة

ثلاث اختيارات وثلاثة اسباب من الممكن ان يكون احداها سبب كافى لزواج الرجل

ناس عايشين عمرهم كله فى الكويت . العيال دخلت الكليات فى مصر . ليه مش ترجعوا يولاد الحلال وخلاص اولادكم وصلوا الى بر الامان....وده ممكن للاسباب التاليه

-اما الرجل رفض يرجع (يبقى كدى تحقق السبب الاول والتالت فى اسباب زواجه)

-اما زوجته ارغمته على الجلوس فى الكويت وبكدى تحقق السبب الثاني ويبقى عداه العيب

وفى كل الاحوال الطرفين هم السبب .ولو الزوجه عاقله تدافع عن حقها وترجعه لها او تطلقه وانا بفضل ترجعه من اجل ابنائها بس تعرف الاول ستات دلوقتى خابوا ليه كدى :lol:

كانوا زمان الكلمه النظره الشعره ع الجاكته يعرفوا هو كان فين ومع مين

لا حول ولا قوة الا بالله ربنا يكون فى عوننا نحن معشر الرجال

[salemhegazy]

السلام عليكم و رحمة الله

انا كنت معدى سمعت اصوات عاليه و ناس بتتخانق و طاخ طيخ و كراسى بتتحدف وواحد نقلوة المستشفى دخلت لقيت كل الاحبة و الصحاب هنا لكن ليه كدة تخسروا بعض بسهولة مدام /ناش قرنفلة مين تانى بشويش على عمرو شوية شويه ده لسه على اول الطريق

الموضوع حقيقى سخن جدا انا معاك يا عمرو كلامك فيه كثير من الواقع و الصدق احيانا كثيرة يكون تحت الرماد نار متأججه ما تصدق ترفع من عليها الضغط فتنفجر خليك على رايك و لا يهمك احنا ها نحصلك على المستشفى و معانا اللازم

الاخوة وفوا الموضوع و حكاية الجواز الثانى دى احنا بنتعامل معاها من خلال الافلام العربى و المسلسلات خدوا قيمكم و مبادئكم من مصادرها الصحيحة

انا اريد فقط ان اتوقف عند كلمة خطيرة و ردت فى تساؤل الاخت المهندسه هبة قالت لا فض فوها ان الرجل نسى سنين العشرة و نسى البهدلة اللى شافتها معاه ) سؤال احب ان الزوجات يردوا عليه "ليه الزوجة بتعتبر مرافقتها لزوجها فى الغربه بهدلة ؟؟؟؟!!!!!

و هو اصلا متغرب علشان مين و علشان اييييه؟؟ فى لحظه اعتبرت حياتها مع الرجل كانت بهدلة و هى مستحملة البهدلة ؟؟؟!!! نسيت كل شىء مع اول ازمة حقبقية صدق من قال ثلالة لا تأمن لهم محبة الطفل و محبة المرأة و ماء السيارة

تحياتى لك يا عمرو خليك على الدرب

[amrhoras]

انت كنت فين يا ا/سالم

حمد الله على سلامتك ... انا على موقفى ولن اتراجع بس جمعية المرأة المتوحشه فيه شراسه شويه ههههههههههه

شكرا ا/سالم

تحياتى وصباح الخيرات

[nash]

أخرتها ماء السيارة يا أستاذ سالم...؟؟

يعني أحنا وماء السيارة واحد؟؟

أنا مستعده أسيب خناق عمرو لو الأمر أستدعي...بس أنا بفاوضه علي عروسه...وينسي بأة الموضوع تماما....

عارف ليه الزوجه بتحس انها أتبهدلت؟؟ لإنها أكثر عاطفيه من الرجل...فبتعتبر إنفصالها عن أسرتها فيه تضحيه حقيقيه...سواء من طرف الأسرة أو من طرفها هي...مع أني حسيتهم فرحوا لما أغتربت...حبايبي الحقيقه...؟؟

لكن بواقعيه الزوجه تكون في الغربه غالبا بين أربع جدران إذا كانت لا تعمل..وكل دنيتها هي أسرتها وزوجها وطلبات الأولاد التي لا تنتهي....ومحاوله توفير جو هاديء للزوج ليعود فيبدع في عمله...صدقني هذه مبادئي أنا....ممكن في كل هذا تنسي الزوجه نفسها وتضع نفسها في المرتبه الأخيرة في طلبات الأسرة فتعود لا تطلب أي شيء لنفسها وتهمل نفسها حتي تتحول إلي كائن هلامي ( مش أنا ) يسير علي قدمين وتفاجيء بأطنان من الدهون وتغير فظيع في الشكل العام...وتعتبر هذه تضحيه قويه لإجل أسعاد الزوج وطبخ ما لذ له وطاب....وبعدين يأتي الزوج وبدون مقدمات يقارن بينها وبين فتيات قناة المستقبل والإل بي سي ( بكرههم ) فيجد نفسه يعيش مع ( وحش ) ويبدأ بندب حظه ومن ثم يفكر بالزواج من أخري أقل عمرا وأكثر جمالا وطبعا ليس من حقها أن تعرف ( شرعا ) لذلك تشعر الزوجه أنها أتبهدلت في الغربه....لكن لو في المحروسه كانت هاتلاقي وراها رجاله يخلوة يشوف النجوم في عز الضهر لو هو فكر ....فكر....فكر يلتفت خلفه

إن شاء الله أكون وضحت وجهه نظري....والله المستعان

[salemhegazy]

الاخت ناش ( على فكرة يعنى ايه ناش؟و لا قصدك ناس بس الشنه مكسورة !!! ) اوعى تزعلى ده بس علشان اجذب انتباهك و اشدك للكلام اللى جاى

كلامك معقول تماما لكنى اتكلم فيما قبل الزواج الثانى و اللى يبص لبرة و اللعب بالديل ( انا موش عارف كل الرجالة عندكم عندهم ديل و كمان بيلعبوا بيه ) انا اتكلم عن مرحلة ما قبل اللعب بالديل ما وصلناش للمرحلة دى و الحمد لله تعرفى ان كلمة ( انا متبهدلة معاك ) تققع على مسامع الرجل كأن سيفا اخترق قلبه و تشعره ان كل تعبه و مجهوده و تضحياته ( الرجل كمان له تضحيات كثيرة) تشعرة ان كل هذا ليس له قيمه و ان نتيجته ان الست اتبهدلت ؟؟؟؟!!!! فهمانى ؟

كلمة قاسية جدا عندما يسمعها الرجل بعد كل ما يفعله من اجل امرأته و اولاده قاسيه قاسية و نصيحتى لك و لكل الزوجات حقيقى ابتعدن عن ترديد هذه الكلمة

احب اسمع رايك يا ( ناس و لا ناش ما تفرقشى )

[vipwithyou]

تامر بيه

صباح الخير ياراجل ياطيب

انا مش هكلمك عشان خاطر البنت الاموره دى

عمورة انا ما احبش اختلف معاك لكن يا راجل يا طيب هأحاول أرد عليك واحدة واحدة من غير خناق

بصراحه انا لا مع الراجل ولا عليه اكيد فى دوافع تدفع اى رجل للزواج من اخرى

-اما عينه زائغه وده بنسميه بصباص وملوش امان

هأقولك تعليق بسيط هنا .. وهو ان أى راجل عندة استعداد انه يتجوز كل سنه

عروسة جديدة ( سورى بنت جديدة )

ومعظم الرجاله يتمنوا ذلك لكن دا ميبقاش أخلاق ولا دين ولا حياه اجتماعية اللى هيعيشها دى .. المهم

-اما يفتقد شيئا ما فى زوجته وهى لا تعطيه ان كان حب او حنان او رعايه وعلى حد علمى هو كبير فى السن من حقه طبعا

ياراجل يعنى هو لسة بعد 20 سنه شايف انه بيفتقد حاجة معينه فى زوجته

-اما وقع تحت شرك الزوجة المغربيه (حاكم انا عارفهن المغربيات ) مفتريات وهو بيحفظ نفسه من الوقو فى دائرة الخطيئة

مفيش راجل بيتضحك عليه يا عمور انت تقدر تقى نفسك من اغرائهن دا لو موجود اساسا .. انما دى طفاسه وعين فارغة

ثلاث اختيارات وثلاثة اسباب من الممكن ان يكون احداها سبب كافى لزواج الرجل

ناس عايشين عمرهم كله فى الكويت . العيال دخلت الكليات فى مصر . ليه مش ترجعوا يولاد الحلال وخلاص اولادكم وصلوا الى بر الامان....وده ممكن للاسباب التاليه

دى فعلا حاجة احب انوه عنها ان اللى بيتأخر فى الغربة مبيعرفش يرجع تانى بلدة لأنه بيكون انفصل خلاص عنها ولا حد يعرفة هناك ولا هو نفسة هيعرف لما ينزل هيعمل ايه ويعيش ازاى فهى دى مصيبة الغربة

-اما الرجل رفض يرجع (يبقى كدى تحقق السبب الاول والتالت فى اسباب زواجه)

دا اكيد اللى حصل

-اما زوجته ارغمته على الجلوس فى الكويت وبكدى تحقق السبب الثاني ويبقى عداه العيب

دا مستحييييييييييييل زوجة تطلبة من زوجها .. انه يخليه متغرب ويبعد عنها

وفى كل الاحوال الطرفين هم السبب .ولو الزوجه عاقله تدافع عن حقها وترجعه لها او تطلقه وانا بفضل ترجعه من اجل ابنائها بس تعرف الاول ستات دلوقتى خابوا ليه كدى :blush2:

كانوا زمان الكلمه النظره الشعره ع الجاكته يعرفوا هو كان فين ومع مين

ياعمورة البيه استنى لما سورى ( الخدامه ) بتاعته تنزل مصر وراح اتجوز

لا حول ولا قوة الا بالله ربنا يكون فى عوننا نحن معشر الرجال

السلام عليكم و رحمة الله

انا كنت معدى سمعت اصوات عاليه و ناس بتتخانق و طاخ طيخ و كراسى بتتحدف وواحد نقلوة المستشفى دخلت لقيت كل الاحبة و الصحاب هنا لكن ليه كدة تخسروا بعض بسهولة مدام /ناش قرنفلة مين تانى بشويش على عمرو شوية شويه ده لسه على اول الطريق

الموضوع حقيقى سخن جدا انا معاك يا عمرو كلامك فيه كثير من الواقع و الصدق احيانا كثيرة يكون تحت الرماد نار متأججه ما تصدق ترفع من عليها الضغط فتنفجر خليك على رايك و لا يهمك احنا ها نحصلك على المستشفى و معانا اللازم

الاخوة وفوا الموضوع و حكاية الجواز الثانى دى احنا بنتعامل معاها من خلال الافلام العربى و المسلسلات خدوا قيمكم و مبادئكم من مصادرها الصحيحة

انا اريد فقط ان اتوقف عند كلمة خطيرة و ردت فى تساؤل الاخت المهندسه هبة قالت لا فض فوها ان الرجل نسى سنين العشرة و نسى البهدلة اللى شافتها معاه ) سؤال احب ان الزوجات يردوا عليه "ليه الزوجة بتعتبر مرافقتها لزوجها فى الغربه بهدلة ؟؟؟؟!!!!!

و هو اصلا متغرب علشان مين و علشان اييييه؟؟ فى لحظه اعتبرت حياتها مع الرجل كانت بهدلة و هى مستحملة البهدلة ؟؟؟!!!

معذرة يا أستاذ سالم انا راجل وكنت عايز أرد عليك

اولا معظم الزوجات بيتجوزا رجاله هما اصلا بيكونوا سافروا فعلا علشان يكونوا نفسهم ويرجعوا يتجوزوا .. كويس

معنى كدة ان الزوجة مش هى اللى بتطلب سفر زوجها

وانا على يقين تام ان مفيش سيدة عاقلة تطلب من زوجها انه يتغرب

وبخصوص البهدله .. خلينا نحسبها صح ، حضرتك بتسيب مراتك فى الشقة وتروح الشغل من الصبح وترجع لها بالليل

أو العصر ترجع تتغدى وتنام علشان تصحى تمشى

دا اللى ماشى فى السعودية مثلا

ومتخرجوش من البيت فسحة غير يوم الخميس او الجمعة بالكتير وبيكون مكان واحد اللى تروحوه

انا بأتكلم ومتأكد من كلامى

وبيكون يا اما الهرم ( سوق تجارى كبير مثلا ) او ما شابه أو حديقة عادية مجرد فيها نجيله خضراء وناس غرب قاعدين هناك

غير انها طبعاً غير مسموح لها الخروج فى اى وقت من اليوم غير فى نطاق الجيران اللى ممكن يكونوا من جنسيات تانية

المهم .. كدة يبقى هى اتبهدلة ازاى

أولا محبوسة بين اربع حيطان

ثانيا مبتشفش حضرتك غير بالليل وغالباً تعبان من الشغل فتنام يعنى متقعدش معاها ساعة على بعضها زى ما كانت يا عينى وهى صغيرة بتحلم تقعد مع زوجها كدة

ثالثا غالبيه النساء فى الغربة يصابوا بأمراض نفسية وعصبية لما يعانوه مما سبق ذكرة عن المعيشة

انفصال البنت عن اهلها يختلف تماما عن انفصالنا نحن الرجال .. فأعتقد اننا عادى زى ما يكون معودين من يوم ما نتولد اننا لكدة للسفر والغربة وخلاص وبنتعود بسهولة ومشاعرنا مش زيهم صدقنى فى المعلومة دى

وانا على يقين ايضاً انك اذا خيرت الزوجة انها ترجع مصر وانت معاها طبعاً

مقابل انخفاض مستوى المعيشة لكن لمستوى معقول يعيشهم محترمين .. صدقنى هتقول نرجع فورا

انا ما بأقولش الكلام دة عن تجربه لا قدر الله ..

انا كاتب كتابى ماشى لكن ان شاء الله لما آخد مراتى معايا هأحاول بقدر الامكان اتفادى الأخطاء اللى قلتها دى

غير انى مش ناوى اطول برة

وطبعاً مستحيل هأفكر فى حد غير مراتى اللى اخترتها

شكرا ويارب ما أكونش أزعجتكم

أخوكم

تامر السيد

نسيت كل شىء مع اول ازمة حقبقية صدق من قال ثلالة لا تأمن لهم محبة الطفل و محبة المرأة و ماء السيارة

لا تعليق على هذة الجمله

تحياتى لك يا عمرو خليك على الدرب

[nash]

أخي الكريم سالم...سؤالك يقودني مباشرة إلي مقومات نجاح الأسرة التي هي في الأساس زوج وزوجه......

ثم نأتي لدور كل منهم وماذا يقدم لهذه الأسرة أو لنجاحها بمعني أصح...

أكيد نتفق جميعا علي ان لكل طرف عامل مؤثر وإذا أختل أداء أحد الطرفين ودام هذا الإختلال لفترة طويله أنهارت الأسرة أو في اهون تقدير سيبدوا في ظاهرها الصلاح وباطنها ينخر فيه السوس...

أنا شخصيا لا أوأيد نمط الزوجه الزنانه أو الأنانيه أو سليطه اللسان...أو التي بها عيب واضح ولم تحاول إصلاح شأنها ....وبالمقابل أرفض أيضا نفس النمط إذا كان مع الرجل...

أوأيد رغبه الرجل في الزواج من أخري إذا كان حاول مع زوجته إصلاح شأنها ورفضت هي بالمقابل أو تمسكت بالعند...( هذا نموذج قليل ) صدقني ..فأي زوجه كأي إنسان وهبها الله العقل لتفكر في كيفيه إسعاد نفسها وأسرتها ..بالطبع هناك الزوجات النكديات..ولكن ليس كل زوجه أصابها عارض مثل المود السيء في بعض الأحيان قلنا عنها نكديه يعني...فنحن في النهايه بشر...فإذا كان الزوج أنتهت حيله معها وتوجيهها وفشلت كل مساعيه ...هنا سيصبح واجب عليه الزواج من أخري...

لكن بالمقابل ....أتكلم عن رأي شخصي....إذا كان الزوج فيه كل الصفات السيئه السابقه وحاولت الزوجه تقويمه وفشلت ...فما الذي يجبرها علي مواصله الحياة؟؟ هل هم الأبناء ؟...غدا سيكبرون ولن يلتفتوا إليها...هل كلام الناس؟؟ وبماذا يهم كلام الناس؟؟؟ لن يعيشوا هم المعاناة فليذهبوا إلي الجحيم إذا...هل غضب الله؟؟؟ الله سبحانه وتعالي لم يحل شيئا ثم بغضه...أي مقوله خاطئه...فأنا افضل إذا كانت العكننه وجو المشاحنات هو السمه السائده في الأسرة ..فالطلاق سيكون ارحم للابناء كثيرا...ولكل الأطراف..أو الزواج بأخري بعلم الزوجه الأولي لإنه لا يفعل حراما حتي يخاف ...

ما أناقشه هنا..هو عندما تكون الزوجه قائمه بواجبها علي أكمل وجه..وبشهاده من حولها ثم يأتي الزوج فجأة لتطق في دماغه فكرة الزواج من أخري...هنا ماذا نقول ؟؟؟

[~Heba~]

ما شاء الله على اخونا تامر عداك العيب يا بخت زوجتك بيك بس يا ترى بعد عشرين سنة جوازممكن تيجى تقول نفس الكلام!!!!!!!

على فكرة غالبية من يفكر فى الزواج الثانى و من ينفذه رجال كبار فى السن لا اعلم هل لازمة منتصف العمر دخل فى هذا او لا؟

ممكن رجل كبير و ياريت يكون (عجوز) يرد علينا

[amrhoras]

يعنى اصبحنا كلنا متفقين ان الحكاية عباره عن اختلال فى الزوجين وهم اللى بيتحملوا ذلك سواء الزوجه او الزوج يعنى اكيد فى حاجه غلططططططططط

********

ماشي ياتامر :blush2: حاضر يافرحتهن فينا لما يلاقونا كدى واقفين مع الزوجه ههههههههههههههه

*********

صدقونى لا معالزوجه ولا مع الزوج انا بشجع العيال ..... بس بجد الكل حاطط الزوجه مكان الضحيه محدش بيبص للصوره من كافة الجوانب

واضح انكم دعيتم عليا امبارح

[vipwithyou]

ما شاء الله على اخونا تامر عداك العيب يا بخت زوجتك بيك بس يا ترى بعد عشرين سنة جوازممكن تيجى تقول نفس الكلام!!!!!!!

على فكرة غالبية من يفكر فى الزواج الثانى و من ينفذه رجال كبار فى السن لا اعلم هل لازمة منتصف العمر دخل فى هذا او لا؟

ممكن رجل كبير و ياريت يكون (عجوز) يرد علينا

دا اللى بأحاول أعمله وأثبته ان شاء الله وبعد 30 سنه كمان اقول نفس الكلام

وهنروح بعيد ليه

يا جماعة مفيش بيت أو اسرة بيخلى من المشاكل الزوجية .. عادى دى طبيعة بشرية ومفيش حد كامل

هل معنى كدة ان الحل يكون .. نهدم الاسرة دى وكل واحد يروح يدور على راحته مع طرف تانى جديد

بالتأكيد لا

احتمال يكون فعلا فى مرحلة بيضعف فيها الرجل وممكن معذرة فى الكلام (يحتاج بنت صغيرة تحسسه بشبابه )

طيب لو هو حس ان زوجته عملت اللى عليها فى مشوار حياتهم كله بالله عليكم يا رجاله

مش يبقى عيب اننا ناخد حاجة هما بالشرع محرومين منها مدى الحياه ؟؟ صح ولا لا ؟؟

شكرا

تم تعديل 13 يناير 2008 بواسطة vipwithyou

[~Heba~]

على فكرة يا ناش سكى على عروسة عمرو هو الظاهر انه خلاص لقى وحدة بس شكله بيدور على التانية:blush2: :roseop:

[nash]

أهلا يا تامر...طريقتك هذه في التفكير هي الطريقه الطبيعيه والصح لإنسان متزن....صدقني..وإذا كانت هذه نيتك الصادقه فأكيد إن شاء الله ستكون زوجه المستقبل علي نفس القدر من الإتزان والتفكير العقلاني..فأي زوج أو زوجه يهمهم في المقام الأول نجاح حياتهم..وقد تأتي الرياح بما بلا تشتهي السفن...ولذلك شرع الله الطلاق والخلع والزواج بأخري...

بارك الله في زوجه المستقبل ورزقكما السعاده وراحه البال والرزق الوفير...