والله فرحتلك يا زمالك

[م.سامح المصرى]

السلام عليكم ورحمه الله وبركاته

بجد انا فرحت للزمالك الاهلى خرج من بطولة الكاس يعنى مالكش حجة

الى زى ما بيقولو (بعبع الزمالك ) كل ما يدخل فى بطولة الاهلى ياخدها

مالكش حجة اهوة هاتقابل فرق من الدرجة التانية ومن دورى المظاليم كمان

بغض النظر عن مباراه كفر الزيات ومستواها والفرص الى ضيعها الزمالك وكام انفراد ضيعه كفر الزيات

بس كأنكم بتسخنو يعنى

يا رب ألاقى ميت عقبة رجعت زى زمان كدة ومنورة لحسن هنا الزملكاوية بقوا يكلمو نفسيهم (بهزر طبعاً )

بس بجد فرحت للزمالك

سلامى لكم

[~Heba~]

و انا كمان فرحانة له رغم انى زملكاوية كدة و كدة

[mohmaher]

يا عم سولي أنت شفت الماتش ..

مالية كفر الزيات لو كانوا شدوا حيلهم كانوا غلبوا الزمالك !!

حظ الزمالك ان مشواره سهل ..

بس أتوقع يحصل مفاجأة مع أسمنت السويس...

[م.سامح المصرى]

المهندسة هبه بدل ما انتى زملكاوية كدة وكدة

اتابرى منهم بقى (اصل كلام فى سرك البطولة دى ما فيهاش الاهلى بس برضو مش هايخدوها :lol: )

ويا استاذ محمد انا شوفت المتش بس ما حبتش افكرهم لحسن يكونو عاملين نفسهم مش واخدين بالهم

دا كفاية الانفراد دا لو كان دخل جون كان الزمالك طلع بس يلة خيرها فى غيرها ويارب بقي اشوفه واخد بطولة

[mohmaher]

بصراحة .. نفسي بتروجت ياخدوا الكاس ...

فرقة محترمة ... أو الأكثر احتراما

[م.سامح المصرى]

اة

على فكرة الفرقة دى محترمة

وبجد تستاهل البطولة بعد ما طلعت الاسماعيلي من البطولة

3-0 ربنا يستر على الزملكاوية

وكان لعبهم كويس وهجماتهم تحس انها منسقة وفهمين بعض

[~Heba~]

المهندسة هبه بدل ما انتى زملكاوية كدة وكدة

اتابرى منهم بقى (اصل كلام فى سرك البطولة دى ما فيهاش الاهلى بس برضو مش هايخدوها )

لا مش حتبرى منهم

و الزمالك ان شاء الله حياخد الكاس ...و الأهلى حيبقى محتاس..يقول ايه قدام الناس........و انا شكلى بقيت زى ناس :lol:

.

.

.

بتروجيت مين الشر بره و بعيد ممكن تبقوا متفائلين ممكن والا مش ممكن عايزة اغيظ اخويا و لو مرة واحدة

تم تعديل 12 يناير 2008 بواسطة ENG.Heba

[م.سامح المصرى]

عايزة تغيظي اخوكى

لو هوا اهلاوى ما اعتقدش انك ممكن تغيظية

اقولك استسلمى للأمر الواقع بقى

لان ما اعتقدش ان الزمالك هاياخد الكاس

بصي هاقولك على طريقة حلوة انتى اتكلمى مع اخوكى كويس كدة وبحنيه

لو كسب الكاس ودا بعيد شوية ابقى غيظية

ولو ما كسبش الشر برا وبعيد يبقي ما خسرتيش حاجة

تم تعديل 12 يناير 2008 بواسطة Solee

[daktara]

يا جماعه الخير ارجوكم بلاش تكرهونا فى المحاورات كمان

مش معقول الاهلويه هيمارسوا هواياتهم هنا كمان

تم تعديل 13 يناير 2008 بواسطة daktara

[م.سامح المصرى]

صلى الله على محمد صلى الله عليه وسلم

حضرتك فهمتنى غلط يا استاذ دكترة

مع انى اسوبى ساخر وية انما بجد انا عايز الزمكال ياخد البطولة دى

وعلى فكرة الاهلوية مش زى ما حضرتك متخيل ان الاهلوية بيغيروا اوى من الزملكاوية

عادى كلنا بنشجع منتخب واحد فى الاخر

وغير كدا الاهلوية بياخدو بطولات يبقي هايغيروا او يكرهوا فريق ما بياخدش بطولات لية بس

سلامى احترامى لك