السلام عليكم من أسبانيا

[Salwa]

كهف نيرخا....la cueva de nerja احدى كهوف كثيرة اكتشفت مثل ...zafarraya --alcaucin--- و del tesoro - rincon de la victoria --

اكتشف فى 11 يناير عام 1959..طوله 4283 متر يحددوا عمره ب 25000 سنه...وجدوا به بقايا عظام بشرية واوانى فخارية ورسومات على الجدران ....

ممكن زيارته اى وقت وفيه مطاعم حول المكان وباركينج...

يختلف عن التاميرا...رغم انه اقدم..بحوالى 5000 سنه.

قصة اكتشافه...عندما قرر 5 شباب الذهاب لأخذ خفافيش من بئر...

las minas de maro فى احدى مناجم مارو ــكانت تسمى هكذا سابقا ...كانوا يعلمون انه من السهل مراقبة هذه الحيوانات ليلا..

واحد من الشباب دخل فى تجويف وبعد لحظات شعر بهواء خفيف...

وعندما حاول ...ببطارية....رؤية مايجرى...لاحظ وجود فتحة ضيقه...وعندما عاد وبلغ اصحابه ...لم يستطيعوا اختراقها..لوجود عامودين طبيعيين يحولا دون الدخول..هؤلاء الشباب قرروا العودة فى اليوم التالى واحضار بعض الأدوات لمحاولة تحطيم العمودين....وفعلا

استطاع واحد منهم الدخول من الفتحة الضيقة والوقوف على أرض صلبة وبدأ ينبه الآخرين ثم دلف لممر آخر ووجد بهو كبير .

وعندما بدأ الشباب يلتقطون انفاسهم ..اكتشفوا انهم لم يكونوا اول من دخل هذا المكان ...وجدوا هياكل عظمية واوانى فخارية..

مشوا من المكان مرعوبين...وحكوا لأهاليهم وللأصحاب..

بعدها حضر مصور وطبيب وأخذا صور للمكان...نشرت الصور بعد 100 يوم فى جريدة مالاجا الرسميةsur عرف الكهف باسم

la cueva de las maravillas ثم تغير الاسم وتعرف الآن باسم

cueva de nerja .

سلامى.

[Salwa]

بعض الصور لcueva de nerja

سلام

[ragab2]

الأخت الفاضلة سلوى

بصرحة

استمتعنا بالمعلومات والصور عن الثقافة الأسبانية

والشعب الأسبانى

جازاكى الله خيرا

[الطفشان]

نشكرك يا اخت سلوى مرة اخرى

و نطمع في المزيد و المزيد

سؤال:

هذه الكلمات يبدوا انها من اصل عربي

zafarraya = الزعفرانة؟ او الظافرية؟

alcaucin = القواسين؟

[Salwa]

تحياتى.

zafarraya هى منطقة فى جرانادا.

اما ألزعفران فاسمه azafran أو az.zafaran

والalcaucin هى منطقة فى مالاجا.

اليوم نتحدث عن قرطبة وجرانادا .....

نبدأ بقرطبة...cordoba .

لمدة ثمان قرون ..كانت قرطبة رومانية وعندما دخلها المسلمون عام

711 ميلادية تعهدوا بأن يبقى الدين ونمط الحياه كما هو ...بدأ السكان

من مسلمين ومسيحيين ويهود ...يشعروا بالأستقرار و..،بالتعايش السلمى ...بعد خمس سنوات أعلن المسلمون أن قرطبة هى عاصمة

الأندلس ...وفى عام 756 ميلادية ..وبعد المعركة الدموية بين الأمويين والعباسيين ...كان وقتها ألأمير الأموى عبد الرحمن ...اعلن استقلال الامارة ..فقط اعترف بحق الخلافة الدينية لبغداد.

بعد حوالى قرن من هذه الأحداث وفى عام 929 ميلادية ..أعلن عبد الرحمن الثالث نفسه خليفة قرطبة..واستقل تماما.

تحت حكم المسلمون عاشت قرطبة أزهى عصورها ....كانت مركز الثقافة بالنسبة لكل ألغرب...بها جامع قرطبة ألمشهور ثم مدينة الزهرة ...كان عدد سكانها وقتها مليون نسمه ويقال أنه كان يوجد بها

1600 جامع ...انتهى حكم ألخلفاء فى عام 1013 وانقسموا الى ملوك

طوائف وأصبحت قرطبة تحت حكم طائفة أشبيليةtaifa sevillano

لو قلنا أهم الانجازات فى عصر الخلفاءلاننسى جامع قرطبة ومدينه الزهرة ...الجامعla mezquita -aljama هو أقوى دليل على ازدهار هذا العصر ..مساحته 24000 متر مربع .،وضعت لكم بعض الصور ..،

أيضا توجد ألأسوار las murallas وهى بقايا أسوار من عصر ألموحدين

almoravide طولها حوالى 400 متر ...ارتفاعها 6 أمتار ...سمكها حوالى مترين... مازالت تحتفظ بأكثر من طابية ...أبواب كثيرة فيها اندثرت مع الزمن ولكن مازال يوجد بعضها مثل باب اشبيلية من القرن العاشر ..وباب المظفر ...أمام باب أشبيلية يوجد تمثال لابن حزم

994 ـ 1064 ...وبجانب السور يوجد تمثال للفيلسوف المسلم

ابن رشد averroes 1126 -1198. وهو الذى نقل فكر ارسطو الى الغرب .

مجرد التمشية فى قرطبة تعطيكم احساس ...معاصرة كل العصور.

من العصر الرومانى نرى الكوبرى الرومانى والمعبد الرومانى .

بقايا الطواحين والسواقى تذكرنا بأيام ألعرب وأهمهاel molino de la albolafia وهذه كانت تنقل المياه لقصر ألأمراء .

من أشهر الاماكن فى قرطبة

الساحات القرطبيةlos patios cordobes. وهى أكثر من رائعة ..شئ رائع تنفرد به قرطبة عن أى مكان فى ألعالم.لأنه ببساطة ناتج من طبيعة معيشة أهلها..الساحات أحيانا أرستقراطية...وأحيانا شعبية...

وفى كلتا الحالتين دائما سمتها النظافة وكثرة النباتات والزهور..،،وضعت لكم بعض الصور ،،

اساس الساحة القرطبية يعود الى عصر الرومان ...لانهم كانوا يبنون بيوتهم عبارة عن مجموعة مبان تحيط بساحة ..كانت تعتبر مكان تجمع لهم agora ///اليونانيون ايضا كان عندهم agora. للاجتماعات///

كذلك فى عصر المسلمون كانت قصورهم ومدنهم تحتوى على ساحات كثيرة أخذوا من الرومان..الساحات..وأضافوا لها .....

احاطاتها بالنباتات والورود واضافة المياه كوضع صنابير أو نوافير أو عمل أبيار وكان بالنسبة لهم مكان للاجتماع والسمر وسمىcasinillo .

الساحات لها مكان تعبر منه مباشرة لداخل البيت ....جدران المنازل تظهر كأنها صنعت من الورود والنباتات المتسلقة وألأشجار المثمرة.....

من كل مكان رائحة الورود تفوح ...تشعرون ان كل يوم هناك هو يوم عيد ...

يوجد بها متاحف وأشهر متحف هو متحف الآثار.

توجد بها قلعة تسمى القلعة ألحرةtorre de la calahorra كانت مقر حكم انريك الثانى ...رغم انه حتى من اسمها يظهر أصلها العربى.

أيضا لاننسى مصارعة ألثيران..وهى بها ساحة تعتبر من أكبر 7 ساحات

على مستوى اسبانيا وهى los califas ساحة ألخلفاء...أشهر ألعروض

فى نهاية شهر مايو ....أيضا عروض ألرقص ألفلكلورى ألقرطبى...

نكمل بكرة....

ياريت يكون عجبكم.

سلامى.

[الطفشان]

zafarraya هى منطقة فى جرانادا.

اما ألزعفران فاسمه azafran  أو az.zafaran

والalcaucin  هى منطقة فى مالاجا.

شكرا لهذه المعلومة

بس ياريت تقولي لنا الاشتقاق etymology و لو بالتخمين

بقايا الطواحين والسواقى تذكرنا بأيام ألعرب  وأهمهاel molino de la  albolafia  وهذه كانت تنقل المياه لقصر ألأمراء .

albo يعني ابيض باللاتيني

ام انها ابو العافية؟

توجد بها قلعة تسمى القلعة ألحرةtorre de la calahorra  كانت مقر حكم انريك الثانى ...رغم انه حتى من اسمها يظهر أصلها العربى.

يوجد في التاريخ عدد من النساء اسمهم "الحرة"

منهم عائشة الحرة، و لكنها غرناطية و ليست قرطبية

و عندما كانت حية، كانت قرطبة في يد النصارى و ليس المسلمين

http://history.al-islam.com/names.asp?year=935#n4143

يبدو انها إعتماد الرميكية و كانت تعرف بالحرة، و بالسيدة الكبرى، و هي زوجة المعتمد بن عباد، و كانت جارية

و كانت قرطبة تحت حكمه و ان كان مركز ملكه اشبيلية

اعتماد الرميكية

http://history.al-islam.com/Names.asp?year=488#n2345

المعتمد

http://history.al-islam.com/names.asp?year=488#n2348

[الطفشان]

يبدو ان كلمة Calahorra هي اصلا لاتينية

دورت في موسوعة المعراف البريطانية

فاذا هناك في شمال اسبانيا في اقليم La Rioja مدينة اسمها Calahorra و اصلا كان اسمها Calagurris ايام الرومان، يعني قبل المسلمين بقرون عديدة

و هناك مدينتان بهذا الاسم Calagurris Nassica و Calagurris Fibularia

و لعل القلعة المذكورة مسماة على اسم هذه المدينة

[Salwa]

مساء الخير.

اعتقد أن ممكن تكون معناها الظافريه..اقصد كلمة zafarraya ..وهذا اقرب...وايضا كلمة alcaucin ممكن تكون القوسين...

اما كلمة albolafia فتقريبا هى..ال..بو العافيه....يعنى وضع ال..قبل الاسم.

اما torre de la calahorra فأنا أعتقد أنه القلعه الحرة ...وكلمة الحرة

نسبة الى القلعة..

مثلا..دلوقت ده مش موضوعنا...لكن انا فاكرة أول مرة أذهب البرتغال

وفى اوبورتو ذهبنا الى قصر مشهور أصله عربى...وكانت المترجمة

تقول أن حيطان حجرات السلطانه مكتوب عليها أسم السيدة العذراء.

وأنا يومها..قلتلها ان السلطانة اسمها مريم...

وطبعا قالت لى ..يعنى الكتيب ده مترجم غلط...معتقدش.

ولما صممت على رأيى...

وهى بدأت تشعر بالحيرة..قالت انها حتتكلم مع المسئولين يراجعوا

الكتيب مع مترجم آخر.

يعنى عاوزة اقول أن أحيانا تصل الترجمة..خطأ.

الا اذا كنت دارس وعارف...ولاتعتمد على كتيبات السياحة.

نكمل كلامنا عن قرطبة.

أشهر أعيادهم ...la romeria de linares وهو يكون بدايته أول أحد فى

شهر مايو وهو كأنه نوع من....ألحج...الذهاب مشيا على الاقدام حتى

السانتواريو...ولهم طقوسهم ...وفى نفس الوقت نوع من الترفيه.

احتفال دينى أكثر منه ترفيهى.

أشهر مهرجان هو مهرجان ألصحة ويكون بجانب نهر ألوادى ألكبير

al guadalquivir توجد موسيقى ورقص واللبس الفلكلورى..والرقص

الفلامنكو...وهى تختلف عن اشبيليه أو خيريز أن ألمنازل فى خلال

الأعياد تكون مفتوحة للجميع يعنى ألبلد كلها أعياد.

أما مدينة ألزهرة...أو....بقاياها...هى على بعد 8 كيلومتر من وسط

قرطبة وسبق وكلمتكم عنها وهى رمز لماضى ألخلفاء.

بنيت عام 936 ميلادية.بناها عبد الرحمن الثالث وسماها هكذا تشريفا

أو على أسم محظيته زهرة...استمر بناؤها 25 سنة ولم يبخل فى

تشييدها ...وصرف ببذخ...

يقال أن ألقصر بنى على ألف عمود من الرخام وأن ألذهب كان يغطى

الحوائط ويقال أن أفضل معمارى بغداد كانوا يعملوا بها .

فقط 74 عام بعدها فى عام 1010 سرقت وحرقت بسبب الفتنه

...الحروب المدنية التى ادت الى تحويل نظام الخلافه الى ملوك طوائف

أما نوافير وعواميد المدينه...التى تم انقاذها...استخدمت فى تشييد

كنائس وقصور...كانت مركز للخليفةعبد الرحمن الثالث وابنه الحكم الثانى ثم لهشام الثانى الذى أزاحه ألوزير المنصور وحدد اقامته فى

مدينه الزهرة وقال له انت فقط تفرغ لدراسة القرآن.

غدا نتحدث عن جرانادا.

سلامى.

[1_Nadim]

السلام عليكم ورحمة الله وبركاته

هو ده اللى محزنى يا فرى يا اخويا كل لماحد يقولى انت منيين اقوله ايخخخخخخخخخخخخخخخخخخخخخخخبتتتتتتتو

:lol: :lol: :lol: :lol: :lol: :lol: :lol: :lol:

احمدوا ربنا انتوا عارفين بيسموا الجزائر ايه

برضه اللي يشوف بلاوي الناس تهون عليه بلوته

[Salwa]

على فكرة....

انا لاأحب أن يسخر أحد بهذا ألشكل...

يعنى مفيش ولا كلمة تعليق واحدة على الموضوع؟

وايه اللى دخل ألجزائر؟

ثم أن معناهاargelia .......أرخيليا....بالكاستيانو.

مش شايفة حاجة تضحك يعنى؟

طيب....أنا زعلانه.

مش مكملة الموضوع انهاردة...ايه عدم التشجيع ده.

وانا ببعدكم شوية عن جو ألحرب...اللى انا نفسى متحطمه بسببه؟

سلام.

[Salwa]

فكرت....أنا بطبعى لاأعلق على مالايرضينى ......ولن أزيد..

و.....نكمل موضوعنا...

جرانادا...GRANADA....

عندما أراد ألشاعر ألأندلسى مانويل ماتشادو MANUEL MACHADO

أن يتحدث عن جرانادا ...قال عنها كل شئ فى 4 كلمات.....قال..

agua oculta que llora ......مياه غير ظاهرة تبكى.

وهذا حقيقى لموقعها وقربها من ألبحر ...وألجبل ألمحاط دائما بالثلوج...

حتى فى ألربيع يتزحلقون على ألجليد فى سييرا نيفادا فى ألصباح

وبعد ألظهر يسبحون فى شواطئها ألدافئة...

ألمياه هى روح جرانادا....ألمياه ألتى تأتى من قمم سييرا وتنسدل

حثيثا فى أنحاء جرانادا.

جرانادا كانت آخر مكان سقط من تحت حكم المسلمون....ومازالت

روحهم موجودة فى كل قصورها.

عندما سقط عبد ألله ألصغير وغادر ألمدينه..أغرورقت عيناه بالدموع

لم يكن ضعف كضعف ألنساء كما قالت له أمه...قولتها ألمشهورة...

بل كانت روح جرانادا تصعد الى عينيه لآخر مرة.

أهم مكان فى جرانادا هو قصر الحمراء...

نكمل غدا.

سلامى.

[1_Nadim]

على فكرة....

انا لاأحب أن يسخر  أحد بهذا ألشكل...

وايه اللى دخل ألجزائر؟

مش شايفة حاجة تضحك يعنى؟

.

ماهو المشكله في حرية التعبير ان ناس تقول كلام مايحبهوش ناس تانيه وناس تضحك علي حاجات ماتضحكش ناس تانيه

معلهش بكره نتعود

[الطفشان]

يا اخت سلوى

الكلام مش عليكي خالص و لا أي من الكلام اللي كتبتيه

و انا استمتع بشدة بما تكتبيه، فارجو الاستمرار

Granada هي غرناطة بالعربية

و اصل الكلمة معناه ثمرة الرمان = رمانة

[Salwa]

صباح ألخير.

قلنا أن أهم حاجة فى جرانادا هى قصر ألهمبرا...أو...ألحمراء.

أو...كما يطلقون عليه..ألقلعه ألحمراء...نسبة الى لون حوائطه ألحمراء

ونسبة الى أول ملك ناصرىalhamar ...الذى قرر فى عام 1238 نقل

مكان حكمه من ألبايصين albaicin ..الى تل قريب مجاور ....

بعده أتى أبوحجاج يوسف ثم تبعه ابنه محمد 5 ...وهم كانوا أول من

بدأ فى بناء مجموعة ألقصور ألمكون منها ألقلعة ألحمراء.

يعتبر قصر ألقصبة أقدم جزء فى ألقلعه ألحمراء.

كل شئ فيها يصيبنا بالدهشة ونتعجب ...أين كنا....وكيف أصبحنا...

مثلا حدائق ألقلعة ألحمراءjardines del generalife وهى تسمى

ألحدائق ألمعلقة...أو حدائق ألمهندس ألمعمارى أو..جنة ألعريف...

وهى تجمع بين كل ألقصور...وكانت أفضل مكان للملوك ألناصريين .

جرانادا مشهورة بأسواقها وأشهر سوق la alcaiceria وألاسم أساسا

عربى...ألقيصرية...

سلام.

على فكرة...

قرطبة مازال يوجد بها حمامات عربية......وضعت لكم بعض ألصور.

أيام وجود ألمسلمون يقال أن فى قرطبة وحدها كان يوجد 600 حمام.

قبلها كانت توجد حمامات رومانية قليلة وهى اما فقيرة جدا أو غنية

وهى كانت للاجتماعات أكثر منها أى شئ آخر.

لكن بالنسبة للمسلمون..كانت أهم شئ فى ألحياة...ولا ننسى أن

ألرسول عليه ألصلاة وألسلام قال ألنظافة من ألايمان....ولهذا كان

ألحمام نوع من ألتعبير عن ألايمان...كان وسيلة لتنقية ألجسد وألروح

من ألشوائب...ألاستحمام وألوضوء...

ألماء يعنى ألطهر...عمق ألمعرفة...ألماء وألتفكير بعمق يطفئ عطش

الروح...ألماء هو...ألميلاد...ألحياة....ألموت...

سلامى.

[الطفشان]

شكرا لكي يا اخت سلوى على المعلومات الغزيرة و اهم شئ انها خبرة و مشاهدة مباشرة منك

الحمراء نسبة لبني الاحمر، و هو اسم اول ملك من ملوك الدولة النَصْرية (بني نَصْر)، محمد بن الاحمر الخزرجي الانصاري

albaicin = ربض البيازين

استمري، استمري، اشكرك بشدة

[Salwa]

تحياتى..

انهاردة سان جوردى san jordi أنا حكيت لكم قبل كدة عليه...ده عيد

بيحتفلوا بيه فى كاتالونيا...المرأة تهدى الرجل كتاب وهو يهديها وردة.

فى نفس الوقت ده يعتبر عيد الكتاب...فى كل حتة تلاقى كتب بتتباع

عاملين زى ترابيزات فى كل الشوارع واكشاك ..مهرجان..كله يبيع ورد

بلدى أحمر...وكتب..حاجه جميلة.

تعرفوا زى انهاردة يعنى يوم 23 أبريل مات ميجيل دى سرفانتس.

وبرضه مات شكسبير يوم 23 أبريل...صدفة غريبة جدا...مش كدة.

سوف أضع لكم بعض الصور على احتفال اليوم.

سلامى.

[modyrocio]

يرجى استخدام اللغة العربية فى الكتابة

الادارة

فلانة

[modyrocio]

يرجى استخدام اللغة العربية فى الكتابة

فهى لغة المحاورات

الادارة

فلانة

[Folana]

السلام عليكم ورحمة الله ...

موضوع رائع اختى الحبيبة مدام سلوى...بصراحة اول مرة أشوفه...

ارجو ان تجدى الوقت لاستكماله ..

دمتى لنا بكل الحب

[myusername]

السلام عليكم...

لم اعرف انى سأقع فى عشق تلك البلاد الجميلة.. انها حقا جنة الله فى الارض, دون ادنى مبالغة.

و بصراحة كنت واخد انطباع عنها انها بلد فقيرة.. و لكن تفاجئت بتقدم الحياة فيها, و ارتفاع مستوى الحياة فيها.. حتى انها رقم 15 على مستوى العالم.

الموضوع كله كان جى كده بتوفيق من ربنا... كنت متضايق جدا و عايز اخرج من مصر بأى طريقة.. واحد صاحبى الله يكرمه راح قعد شهر فى "سنتياجو دى كمبوستيلا" فى اسبانيا فى برنامج تدريبى تبع الكلية بتاعته.. و قالى لى طيب ما تقدم عالتأشيرة يمكن ربنا يريد و تيجى.. و طبعا لان اسبانيا تأشيرتها شنجن.. فالموضوع بصراحة كنت فاكر انه مستحيل brth)

بفضل الله لان وضع اسرتى المادى يعتبر كويس.. حصلت عالتأشيرة بكل سهولة و بدون حتى ما يسألونى رايح ليه.. و تفاجئت ان المعاملة كويسة جدا فى سفارة اسبانيا.. و بصراحة كلهم محترمين, على عكس السفارات التانية.

لما أخدت التأشيرة قررت انى ماروحش.. لان كل اللى كنت محتاجه انى بس احس انى قادر اخرج من مصر.. و لكن لخوفى انى مقدرش آخد التأشيرة تانى .. (لأن السفارة طلبت منى اعمل مقابلة بعد رجوعى من السفر, علشان يتأكدوا انى مخلعتش ;)) قلت اتوكل على الله و اروح.. و اهو بالمرة اروح باريس زى ولاد الاكابر :P.. لانى مش معقولة ازور اوروبا و مازورش باريس.

حجزت التذكرة.. و توكلت على الله.. و طبعا ظبطت حجوزات الفنادق و حتى الطيران الداخلى (من مدريد الى باريس).. و الاتوبيس الداخلى برضه (من برسلونة الى مدريد).. كله اشتريت تذاكره مقدما من عالانترنت قبل ما اروح.. لانى ماكنش عندى استعداد اتبهدل او اتفاجئ ان الفلوس نقصت معايه مرة واحدة.. لانى كنت رايح بفلوس قليلة جدا.. on budget trip :D

بصراحة متخيلتش انى هستفيد عالمستوى الثقافى من الرحلة دى... خصوصا فى اسبانيا.. لانى كنت رايح لوحدى... كم المعلومات اللى عرفتها و اتعلمتها فى الكام يوم اللى قعدتهم هناك عن تاريخ البلد.. بصراحة انا نفسى الاسبان ييجوا مصر يعلموا بتوع وزارة السياحة عندنا ازاى يشوفوا شغلهم.. لان فعلا فيه اهتمام رهيب بالسياحة هناك..

اولا فيه شبكة مواصلات قوية جدا.. و انا اول مرة احس بأهمية المواصلات فى اى بلد.. و علاقتها بالسياحة.. و حتى علاقتها بتمدن و تقدم الدولة..

ثانيا.. اى فندق او حتى بيت شباب (هوستل) بيهتم جدا انه يديلك خريطة, و يعرفك اهم المناطق و الاماكن اللى تروحها و تزورها.. و كمان فيه ترحيب غير عادى من سكان البلد.. يعنى اى حد كنت بوقفه اسأله عن حاجة, مكنش بيتردد انه يساعدنى.. و بصراحة بستغرب شوية لما اسمع حد يقول ان اسبانيا فيها عنصرية شديدة (خصوصا فى اندلسية).. عموما انا مقعدتش فيها غير كام يوم و مقدرش احكم..

ثالثا.. فى الاماكن الحيوية و السياحية.. تلاقى اكشاك سياحية تديلك معلومات ببلاش لو عندك اى سؤال و كمان خرايط, و كمان تشترى منها التذكرة بتاعت الاتوبيس ابو دورين اللى بيلف فى البلد.. و برضه فيه عروض سياحية للى عايز يروح منتجعات قريبة او اى شىء من هذا القبيل... و برضه فى محطات المترو, بيديلك الخريطة لو عايزها..

من اكتر المعلومات اللى سمعتها و تفاجئت بيها.. ان الفنان بيكاسو هو اصلا من اسبانيا (انا كنت فاكره فرنساوى).. و ان بيته موجود فى قرية برة برسلونة.. غالبا فى خيرونا girona او قريبة منها.. الله اعلم.. بس لغاية دلوقتى انا مش مصدق مدى صدق المعلومة دى.. الا ان واحدة امريكية قابلتها هناك و قالت لى انها زارت المتحف بتاعه.. يا ريت لو حد عنده معلومة مؤكدة يعرفنى.. لانى طول عمرى اعرف انه من فرنسا..

احلى حاجة بقى فى الناس الاسبان دول انهم بتوع مزاج و هلس و موسيقى.. و بيحبوا الحياة جدا.. يعنى طول ما انتا ماشى ناحية بلازا دى كاتالونيا.. ولا فى شارع لا رامبلا.. ولا فى اى حتة.. هتلاقيهم قاعدين بيرقصوا و يغنوا.. و فيه فرق اغانى بتاعت الشوارع.. تلاقيهم بيرقصوا و يغنوا و يدوك سيديهات.. و ترميلهم اللى فيه النصيب فى البتاع بتاع البيانو بتاعهم ده..

بالمناسبة.. و انا ماشى فى شارع لا رامبلا فى أمان الله.. لقيت مطعم اسمه Egypt.. حد هنا عنده فكرة اذا كان المطعم ده بتاع واحد مصرى ولا حاجة؟ يمكن نلاقى فيه شغل ولا لقمة عيش :lol:

اسبانيا فيها ميزة تانية بقى احلى من الكلام ده كله.. ان مستوى الحياة فيها عالى جدا, و فى نفس الوقت رخيصة جدا جدا جدا..

يعنى الواحد ممكن يقعد شهر فى اسبانيا.. ميصرفش اكتر من 450 يورو..

و كمان فيه فى برشلونة شركة عجل (بسكلتة).. انك تأجر عجله و تسيبها فى الشارع.. و العجلة طبعا بيبقى فيها قفل توماتيكى.. و بيبقى فيه اماكن محددة تركن فيها العجل علشان ميتسرقش

سألت عن اذا ممكن أئجر واحدة.. قالوا لى ان الاشتراك السنوى ب30 يورو على ما اتذكر.. طبعا انا نفضت.. بس لقيت محل بيأجر عجل للسياح.. على ما اتذكر كان فى ناحية المرفأ اللى موجود فى الشارع اللى بيوديك عالبحر.. مش متذكر طبعا اسم المنطقة تحديدا..

برسلونة تحديدا تتميز بإنها متحف مفتوح.. كل بيت تحس ان وراه حكاية و قصة و تاريخ.. كلها بيوت قديمة.. لكن فعلا فيها عبق التاريخ.. و تشعر كإنك ماشى فى القرن السابع عشر.. بجد احساس ممتع جدا..

عيب اسبانيا الوحيد هو الدعارة.. و اللى منتشرة بشكل غير عادى.. و انا اكتشفت ان برشلونة لا تختلف كثيرا عن باريس.. بالنسبة للحياة الليلية..

بالنسبة لمدريد.. بصراحة كرهتها.. و كمان الدنيا فيها كانت حر جدا.. اكتر من مصر.. مع انى كنت هناك فى آخر سبتمبر اللى فات..

يمكن لانى كنت قاعد فى جران بيا.. و كان ورايا الحى الشعبى (قال شعبى قال :lol:).. بس انبهرت جدا بالقصر الملكى فى مدريد.. و اتضايقت لان ممنوع التصوير فيه.. بس بجد الناس دول كان عندهم رفاهية رهيبة جدا.. فعلا ملوك.

اكمل بقى المرة الجاية :Dو هبقى انزل شوية صور كده عالماشى.. طبعا تصوير شخصى.

تم تعديل 3 مارس 2010 بواسطة myusername