سؤال يؤرقني في الطب النفسي .

[crossfield]

عزيزى د.أبو حلاوة:

متشكرة جدا لاهتمامك .أنا ولله الحمد لسه باقول يا هادى يعنى همه 28 سنة فقط لا غير ؛و معنديش مشاكل لا فى التنفس و لا غيره ولا باخد أى أدوية أو مهدئات ولا بدخن وكمان معرضتش نفسى على دكتور قبل كده عشان الموضوع ده.أما بالنسبة لحكايه النوم دى فمعنديش مشاكل فيها بانام فى المتوسط من 8-9 ساعات و اعتقد ان دة كافى جدا ومبحسش بعدها انى عايزة أنام تانى و لا حاجة.يبقى فيه ايييييييه؟

[ابو حلاوه]

عزيزي كروسفيلد طالما انت بتنام كويس و مابتحسش ان انت تعبان عند الصحيان و طالما ساعات نومك كافية .. أي شئ أخر مش مهم

و اؤكد لك ان لو كل واحد فينا شاف فيلم فيديو لنفسه و هو نائم هيفتكر ان في حاجة غلط :D :oops:

رأيي انك ما تخدش في بالك خالص من الموضوع ده

[Proud Muslim]

سؤال جديد لسه فاكره النهاردة ..

كنت أتكلم مع أحد الأصدقاء في جلسة من جلسات الفتي ( افتاء )

كل واحد عمال يقول حكاوي غريبة و حضرتك عارف جلسات الشباب ..

المهم

قال واحد .. لما الواحد بيكون بيحلم .. و يحلم أنه يسقط من منبى عالي .. لو لم يستيقظ قبل أن يصطدم بالأرض في الحلم ..فيمكن أن تحدث له صدمة مشابهة لسقوطه !!

أنا كنت سمعت الكلام ده من زمان .. بس هو فكرني بيه .. و بعدين هو معلوماته كويسة بصفة عامة ..

الموضوع ده بيحصلي كثير .. و أنا قلقان بصراحة !! :cry:

أنا حاسس ان الموضوع فتي مش أكثر .. و لا ايه ؟

[ragab2]

كتب براود

قال واحد .. لما الواحد بيكون بيحلم .. و يحلم أنه يسقط من منبى عالي .. لو لم يستيقظ قبل أن يصطدم بالأرض في الحلم ..فيمكن أن تحدث له صدمة مشابهة لسقوطه !!  

أنا كنت سمعت الكلام ده من زمان .. بس هو فكرني بيه .. و بعدين هو معلوماته كويسة بصفة عامة

الحلم

بالطيران فى الهواء أو السقوط من مرتفع أثناء النوم تحدث أحيانا للأشخاص ذوات ضغط الدم المنخفض

والله أعلم

[الطفشان]

قال واحد .. لما الواحد بيكون بيحلم .. و يحلم أنه يسقط من منبى عالي .. لو لم يستيقظ قبل أن يصطدم بالأرض في الحلم ..فيمكن أن تحدث له صدمة مشابهة لسقوطه !!

يبدو انه متأثر بما جاء في فيلم The Matrix

انا ايضا احلم بهذا احيانا

و روحي بتهر لو ركبت ال roller coaster

و لا اظن ان لهذا الكلام اصل من الصحة و الا كنت مت من زمان

[Proud Muslim]

يبدو انه متأثر بما جاء في فيلم The Matrix

:cry: :lol: :lol:

هو باين كده فعلا ..

طيب بصراحة انا فعلا بترعب من موضوع ال roller coaster و عمري ما ركبته أو لعبة مشابهة و بحس إني فعلا هاموت لو ركبتها .. :( :( .. و الموضوع بيعمل لي احراج بصراحة ..

و يقولوا أمال عايز تجاهد ازاي ؟؟

:cry: :cry:

أنا مش عارف ايه علاقة ده بده !!

هو حد قال إني هبقى طيار على F16 ؟؟؟

عارفين طبعا التريقة على الحاجات دي ..

الموضوع ده بجد .. يعني ممكن يحصل لي حاجة لو ركبت ؟؟

[ابو حلاوه]

من الاحلام اللي بتتكرر كثير احلام السقوط من ارتفاع عالي و احلام بتتعلق بالخوف من الظهور عاري امام الاخرين و الاحساس بالعار و الخجل

[Cleo]

ما هو مرض "التوحد" ؟؟؟ و ما هو اسمه الأجنبى؟؟؟

طب بييجى من إيه؟؟؟ و مين أكثر الناس عرضه للإصابة به؟؟؟

هل منه شفاء؟؟

(ياللا... أما ألحق أروح أفتح العيادة الشعبية بتاعتى :twisted: .... زمان الناس واقفة هناك طوابييييييييررررررررررررررررررررررر :cool: .... و كله من خير زملائى هنا.... :oops: )

[ابو حلاوه]

كليو بصي احنا نعملها شركة .. تبقي انت اللي في الصورة و انا اشتغل من تحت لتحت علشان الضرايب :D :D

شوفي يا ستي المرض بالانجليزي اسمه autism

و مش عايز اقول لك انه عذاب للاسرة .. المرض بيصيب الاطفال او بمعني اصح هما بيتولدوا بيه

زي ما انتي عارفة الطفل بيتولد وعنده قدرات معينه للتعلم و اكتساب مهارات كثيرة تسمح له بان يكون كائن اجتماعي .. الكلام .. اللعب و التفاعل مع الاخرين .. المشاعر .. الخ

و لكن الطفل التوحدي زي ما اسم المرض بيقول بيعيش في ملكوته و كل امكانيات و مهارات التعلم لديه بتكون في الحضيض

و النتيجة عذاب مستمر للاسرة .. و تجربتي مع المرض ده غير مشجعة اطلاقا .. المرض صعب للغاية و تدريب الاطفال لاكتساب اقل المهارات بياخذ وقت طويل جدا و النتائج غير مضمونة او بصراحة غير مشجعة و نتكفي احيانا بعلاج بعض الاعراض مثل العنف و السلوك الاندفاعي في الاطفال و مش عايز اقولك ان حب الاهل للطفل و عنايتهم به اهم وسائل تحقيق نتائج مشجعة

و المرض به جزء وراثي و لكن ما هي مسبباته غير واضحة

و يمكنك ان تعرفي معلومات اكثر بشكل مبسط من هذا الموقع

www.autism-society.org

و مش هانسي يوم اتجرأت في احدي امتحانات الشفوي هنا و ناقشت المرض مع احد البروفيسورات المهاوييس و كان الراجل بعافية حابتين .. بيني و بينك هو بعافية علي طول .. و الراجل انشال و انحط و زعيق و خناق و شخط .. الموضوع كان علي تطور المرض .. الراجل ما عجبوش ان انا كنت شايف ان المرض نتائجة غير طيبة و هو كان شايف ان العيال بيخفوا علي ايده و بيبرطعوا زي الحمير --- بعكس كل مراجع الدنيا و الحالات اللي انا شفتها --

فكرتيني يا كليو بالايام دي ..

[Cleo]

شكرا يا أبو حلاوة على الوصلة.... الموقع فعلا ممتاز و أسلوبه السهل الممتنع....

بس برضه مش هاتفلت من إيدى.... :twisted: :twisted:

أنا أعتقد إنى كونت فكرة باهتة عن الطفل التوحدى.... بس لو مثلا تضربلنا مثل أو ترسملنا صورة لطفل توحدى إزاى بيتصرف فى مواقف معينة، ردود أفعاله، حالات أنت اتعاملت معاها.....

(و أتنازللك يا سيدى عن فيزيتت الأسبوع الجاى كله.... :D )

[goold]

استاذنا ابو حلاوة

الله يعينك علينا - نشكرك على المعلومات المفيدة ده كلها - لكن عندنا فى محيط العمل صديقه انا على صله كبيرة بها ولكن ابنتها قريبه منى اكثر منها وكثير ما تقولى ان ابنتها بتحس انهم بيفضلوا اخوتها عنها البنت منعزلة فى غرفتها ولكنها مع اصحبها بالمدرسة اجتماعية وودوده والمشكلة فى البيت فقط تحس انهم مش بيحبوها مثل اخوتها ومتأكيده ده لم يحدث اعلم مدى حب الاسرة للجميع سواء وعدم التفرقة بل يعجبهم تفوقها عن اخوتها فى نواحى كثيرة والبنت حصله على جوائز فازت بها المشكلة انها عنيده مع الاسرة والاخطر انها كانت ستنتحر من يومين وللان لم تتحدث مع الاسرة والسبب خناقة صغيرة مع اخيها عشان الكمبيوتر وقدقرر الاب عدم تشغيله بغيابهم لعدم التنازع بل تشغيله اثناء وجودهم وطلب عدم خروجها من غرفتها اثناء غياب الام والاب فى العمل لعدم حدوث مشاكل فقط وبعدها انهارت وذهبت للانتحار وهى فى سن المراهقه ولحقوا الموقف شئ صعب كيف التصرف معها افكار غريبه تنمو فى رأسها بالتفرقه وهذا غير حادث - ارجو ان ترد على لنساعدهم فى ترميم الموقف اذا هنقدر اشكرك

[MuslimaEgyptian]

أنا أعتقد إنى كونت فكرة باهتة عن الطفل التوحدى.... بس لو مثلا تضربلنا مثل أو ترسملنا صورة لطفل توحدى إزاى بيتصرف فى مواقف معينة، ردود أفعاله، حالات أنت اتعاملت معاها.....

أختى كليو،

سأصف لك حالات من أعمل معهم بعيدا عن تفاصيل التشخيص.

تخيلى أكن شخص عنده تخلف عقلى..لا يفقه شئ خالص وعاوزله 40 ساعه فى الأسبوع تدريب قاسى لكى يطلع فى النهايه وبمرور الوقت متمرن على حاجات بسيطه: إسمه،إزاى يأكل بالشوكه والسكينه، إزاى يلبس ملابسه وإزاى ربما ينشغل فى عمل بسيط يشغله وربما يأخذ أجر عليه كترتيب مكعبات فوق بعضها لغرض ما. ليه تدريب قاسى؟ لأن اى شخص طبيعى خلاص أول ما بيفهم إزاى يربط رباط الحذاء مثلا خلاص على كده...ولكن لشخص لا يفقه شئ محتاج تدريب مره تلو الاخرى ومع مدعمات لكى تركز كل خطوه (كأكل مفضل له...او سجائر للبعض كما يحدث للأسف بالمستشفى).

-أغلبيتهم يلجأون للعنف ولذلك للأسف يضطرون لأخذ دواء ومهدءات لكى يسهل التعامل معهم ولكى تساعدهم على إستئناف حياه شبه طبيعيه.

-صديقه لنا مصريه ولدت ولدا شخص بذلك..يا حرام :(... صعب للغايه متابعه الولد( 8 سنوات )...فى كل عزومه بيكسر كل شئ ويفتح الباب مره واحده ويجرى على الشارع ومره كان هيرمى نفسه على حمام السباحه..مندفع للغايه وكل خروجه الاب والام وراه...وكل ما بيكبر جسمانيا، مش قادرين عليه ولخطره على أخته الصغيره فجايبينله شخص يراقبه طول النهار...وبيفكروا يضعوه بمستشفى :(

ربنا يعينهم يا رب علشان مأثر أوى على حياتهم الزوجيه...وذلك يحدث

كثيرا فى العائلات بسبب الstress والإضطراب الاسرى الذى يتسبب فيه..مش بيتعامل مع أخته ولا مامته وباباه إطلاقا..فى عالم لوحده...

-الشخص عاده تركيزه بينحصر حول شئ معين...فهناك نزيله طول النهار عماله تلف حول أصابعها رباط ما وتنظر إليه وممكن تفضل كده لساعات وساعات.

-هناك حالات ناجحه ولكن بسيطه اوى. هناك كتاب إسمه Rising-Son حول عائله وتجربتها مع إبنها التى كللت بالنجاح.

وبسبب هذا هذا التركيز، هناك حالات لا ترى عاده مع التخلف العقلى العادى...وهو الذكاء العالى فى ركن واحد فقط من الفكر والباقى لأ. هناك حاله معروفه عن ولد صغير يرسم اى شئ وبجداره ماهره سبحان الله. وهناك شخص آخر عندنا بالمستشفى سبحان الله، لو قلتيله اى تاريخ فى السنه يقولك ده يوم إيه فى الاسبوع...سبحان الله وبيكون دائما صح. ومره مرت سنه مشفتهوش وولا أعرفه خالص...إفتكر التاريخ واليوم بالضبط لآخر مره رأيته بها...سبحان الله.

والنوع ده من الautism إسمه autistic savant

زى Raymond فى فيلم RainMan لتوم كروز.

الحمدلله وربنا يحفظنا جميعا

-----------

و مش هانسي يوم اتجرأت في احدي امتحانات الشفوي هنا و ناقشت المرض مع احد البروفيسورات المهاوييس و كان الراجل بعافية حابتين .. بيني و بينك هو بعافية علي طول .. و الراجل انشال و انحط و زعيق و خناق و شخط .. الموضوع كان علي تطور المرض .. الراجل ما عجبوش ان انا كنت شايف ان المرض نتائجة غير طيبة و هو كان شايف ان العيال بيخفوا علي ايده

الراجل ده إزاى بيمارس يا أخ ابو حلاوه؟! شئ مخيف!