هل ترغبن بتبادل الادوار

[Farida]

انا مع ان الراجل راجل و الست ست بس حد فاهم يعنى ايه الكلام ده فيه ناس متهيألها ان الراجل راجل يعن لو على جثته ما يقومش يجيب كبايه ميه ... انا مثلا قبل مجئ الأولاد كنت و ما زلت بأعمل بس كنت مدلعه جوزى جدا من مكوه لطبيخ طازه يوم بيوم و غيره دلوقت بقه الحمد لله ساعات كتير بأصعب عليه و يساعدنى هل ما بقاش راجل ...كلام غريب و الله و بعدين وظيفه الست مش شغل البيت و أيام سيدنا عمر لما سألوه ان زوجته بتعلى صوتها قال انها بتقوم بأعمال البيت و هى ليست مفروضه عليها يعنى شغل البيت مش وظيفتها ده حتى الرضاعه ما تقومش بيها و ان قامت بيها يبقى بأجر .... شوفتوا بقه ان احنا متنازلين عن حاجات كتير بس بمزاجنا :wink: :wink: :wink:

[se_ Elsyed]

ده حتى الرضاعه ما تقومش بيها و ان قامت بيها يبقى بأجر

أنا كده أبتديت أقلق ، أومال الرضاعه وظيفة مين يا مدام فريده ؟!!!

لحد ما تبعتى الأجابة .. عايز أقولك ان سبب كلامنا ده ان أحنا يا رجاله عايزين نقول أن مساعدة الراجل للست ماتبقاش بشكل إجباري بمبدأ يا تساعدني يا مش هاعمل شغل البيت ..

[Set_Amina]

ويلوح بقانون الطوارئ في كل مناسبة ..

quote]

ايه ده هو حتى بين الراجل والست فيه قانون طوارئ؟ :shock: :shock: وياترى ممكن يستمر 20 سنة زي ماتعودنا؟؟ :lol: :lol:

[Faro]

أنا لست ضد المساوة وأرحب بها ولكن على المرأة أن تعترف بإنها شريكة حياة إذا وفقت فى العثور على إبن الحلال أو شريك الحياة حيث أن الزواج شركة مساهمة إذا لم يساعد أحد الشريكين الأخر فستهبط أسهم الشركة لذا فعليها أن تساهم بمرتبها فى إدارة شئون الشركة كما يفعل الشريك الأخر. أما عن الأعمال المنزلية فعلى الشريكين إدائها. ولكن إذا لم ترضىبأن تكون شريكا فطابور العونسة فى الإنتظار.

عن جريدة الوفد

طلقها زوجها.. فانتحرت!

بنى سويف ـ محسن عبدالكريم: انتحرت ربة منزل ببنى سويف تناولت مادة التوكسافين، بعد قيام زوجها بتطليقها، أخطرت النيابة وباشرت التحقيق.

تلقى اللواء عادل علاء الدين مدير أمن بنى سويف بلاغاً من مستشفى الفشن بوصول جثة فتحية اسماعيل ابراهيم »36 سنة« ربة منزل كشفت تحقيقات طارق مصطفى مدير نيابة الفشن باشراف المستشار محمد صفوت المحامى العام لنيابات بني سويف، أن مشاجرة نشبت بين ربة المنزل وزوجها لقيامها بشراء أجهزة منزلية وكهربائية بالتقسيط دون علمه وقام بتطليقها. فشلت أسرته فى أعادتها الى عصمة زوجها فتناولت مادة التوكسافين ولقيت مصرعها فى الحال. أمرت النيابة بانتداب الطب الشرعي لتشريح الجثة والتصريح بالدفن وجمع التحريات.

[Salwa]

سلام من عند الله ورحمته وبركاته .

كيف حالكم.

انا انتظرت وكنت خايفه ارد ......بعدين تعملوا ثوره ....لكن توكلت على الله وقلت احكى لكم تجربتى ....

اهم حاجه فى علاقه زوجيه ناجحه ....الموده والرحمه ...الاحترام .

احتمال لانى من الزمن الجميل ....شايفه ان الصح..البيت مملكه الزوجه...العبء الاكبر لتربيه الاولاد يقع على عاتق الزوجه وليس الزوج.

انا كنت احضر اجتماعات مجلس الاباء فى مدارس اولادى..كنت من ضمن مجلس الاباء ..اذهب معهم النادى لممارسه الرياضه واشتركوا فى بطولات واثبتوا جدارة فى كل شئ الحمد لله ...ايضا انا بحب المطبخ ومازلت رغم ان اولادى اثنين منهم خلصوا الجامعه ...اطبخ كل يوم /مفيش حاجه اسمها اقضيها/حتى لو عاوزين بيتزا ...اعملهاانا ..

لو مرضت او تعبت ..زوجى يساعدنى..الان اولادى يساعدوا كثيرا ...

لكن كان يومى يبدا من 7 صباحا ..

لو الظروف اضطرت ....

اصرف من مالى حتى بدون ان اقول لزوجى ــ ده بيتناوبيت اولادنا وهو

مش بخيل ــ يعنى معنى انه الرجل ــ اقتله ــ لو مفيش حايجيب منين ــ انا اعتقد ان السيده التى تدخر ولا تصرف من مالها وقت الضيق ــ ربنا يحاسبها ــ

واقسم بالله انى ايضا اساعد زوجى فى عمله ــ

لو فيه توافق كل حاجه تمشى صح ...دى مش مباراة...

وتانى بقول ،،، اقتصاديا ،،،المراة اقدر على التعامل من الرجل ،،،

وبعدين الاراء الشاذه /عدم الرضاعه الطبيعيه /لو فيه سبب ...ماشى..

لكن تحريم ما احله الله .... ده اسمه كلام .

فوائد الرضاعه الطبيعيه /سبحان الله /حتى تظهر فى تصرفات الاولاد وعلاقتهم ببعض ....وسيبكم من اللى خايفه على نفسها ...بالعكس...

الرضاعه الطبيعيه تقى /والعياذ بالله/من السرطان.

ونرجع لموضوعنا .. اللىيقدر يساعد ،،، يساعد بدون تضرر ...

وربنا يوفقكم كلكم......امين.

[se_ Elsyed]

أنا انتظرت وكنت خايفه ارد ......بعدين تعملوا ثوره ....لكن توكلت على الله وقلت احكى لكم تجربتى ....

بالعكس يا مدام سلوى ده حضرتك أوجزتي فأنجزتي وعلى رأي أخواننا السعوديين قولتي الزبدة يعني الخلاصة اللى مافيش بعدها حاجة.

[Farida]

و الله يا جماعه انا ما كنتش فاكره انكم حا تفهمونى غلط أنا كان قصدى ان الست لما بتقوم بشغل البيت او حتى بالرضاعه ده مش فرض عليها و انما احساس داخلى بمسئوليتها و زمان و حتى أيام الرسول كان فيه وظيفه للمرضعه و حتى فى الأفلام المصريه القديمه فحبيت أسجل الملحوظه دى ...و الكلام اللى قلته كان فتوى لشيخ و قال ان الست تاخد أجر عن الرضاعه ....

[Elham]

الزواج تعاون بين الرجل و المرأه كل واحد له دوره و اذا كان كلا من الزوج او الزوجه بيعاون الطرف الاخر فى مسئولياته فده اعمالا للموده و الرحمه المفروض تواجدها فى الزواج و ليس اجبارا , فمثلا ليس من حق الرجل اجبار زوجته على العمل او المشاركه فى الانفاق على البيت لان دى مسئوليته هو لكن لو المرأه تبرعت و ساهمت فده بيتها و اولادها برضه , كما ان ليس للمرأه ان تجبر زوجها على ان يساعدها فى شغل البيت لان دى مسئوليتها هى و لكن لو تطوع فلا حرج عليه ما هى زوجته برضه و ده بيته و اولاده و الوصله دى فيها رأى الدين فى مسأله خدمه الزوجه لزوجها:

http://www.islamonline.net/fatwa/arabic/Fa...p?hFatwaID=1388

و هذه و صله اخرى عن تكامل الرجل و المرأه:

http://www.islamonline.net/fatwa/arabic/Fa...?hFatwaID=91126