محاولات سيكوباتيه

[se_ Elsyed]

B)

:blink:

:blink:

:lol:

:D

clp::  clp::  clp::  clp::  clp::

hypr:  hypr:  hypr:

حلوه قوييييييييييييييييييييييييي

هيا دى الواحه الى باتمنى اريح اعصابى فيها

الحمد لله الحمد لله

لقيت عباقره زيكم

والمعلم هنا كمان

يا ربى مواهب متعدده حلاق ومشرف ومؤلف

ارجوك اتبنانى يا معلم

hypr:  hypr:

إثبت لنا سكيوباتيتك وورينا الهمه وانا أتبناك وأضمك لرابطة الكتاب السيكوباتيين وأحلق لك ببلاش كمان يا عم ... اظن مافيش أحسن من كده ....

حلاقة وسكيبته ببلاش أهو

[فــيــروز]

حلاقة وسكيبته ببلاش أهو

تتنطق ازاى السك .... دى؟ :lol:

[se_ Elsyed]

حلاقة وسكيبته ببلاش أهو

تتنطق ازاى السك .... دى؟ :lol:

لو سمحتي يا فيروز خليكي بره الموضوع ده ن ولما يبقى عندك ميول عدوانية وسيكوباتية ونرى لك اعمال ادبية تعبر عن ذلك يبقى من حقك السؤال وعلينا الإجابة ...

س س أمين عام رابطة الكُتاب السيكوباتيين ...... ( وش مصاص الدماء )

taz::

[إبن مصر]

المحاوله الخامسه عشر

انتظرت بفارغ الصبر ان يأتى من عمله وسرحت قليلا فيما سوف تفعله معه...

انتبهت الى صوت مفتاح يفتح باب الشقه ..

جرت بسرعه لتكون فى استقباله ..

ولكن ..انه ليس هو.. يا الاهى انه ابنه المجنون

شعرت بالفزع والهلع ..ترى هل سيكرر ما يفعله معها كلما انفرد بها..

شلها الذعر فلم تعد تدرى الى اى مكان تهرب ..

ارادت الصراخ ولكن صوتها لا يخرج نظرت الى عينى الفتى وهى ترمقها بهذه النظره المفزعه..

فكرت فى الهرب ولكن قبل ان تحرك كان قد اطبق بيديه عليها .

وتذكرت..الاهى .. انها المره السادسه التى يفعل فيها هذه الجريمه ..

خافت.. فليس فى كل مره تسلم الجره..

افاقت من مخاوفها وهو يحملها بين يديه وقبل ان يفعل شيئا وجدت باب المنزل يفتح ويدخل هو منه ...

تسمر الفتى فى مكانه وقبل ان يغمى عليها من شده الفرح بالنجاه كان اخر ما سمعته..

يا حمار ميت مره قلتلك ما ترميش القطه من البلكونه!!!!!!!!

:lol: B) :blink:

[se_ Elsyed]

محاولة جيدة من الكاتب الناشيء الواعد إبننا إبن مصر ، ولكن أرى فيها تكرار لتجربة الأخ إسو وبالتالي فالسياق الدرامي يسيرعلى نفس الخط والمبدأ وهو " إنك تهوش القراء وتوديهم في حتة وتركن الكره في حته تانية "

برافو ياولاد وإلى الأمام ....

ولسه بأحلم بيوم ترد فيه المظالم ... لأ مش دي بأحلم بيوم ألاقي فيه كل أعضاء المحاورات سيكوباتيين ونشوف قد 900 أو 950 محاولة سيكوباتية متنوعة ...

مش عارف ليه محاولتنا دي بتفكرني بمسلسل أجنبي بيتذاع حالياً على قناة إم بي سي تو بعنوان " المتحولون " ويدور عن مجتمع كله متحولون نتيجة للغوصة في الجينات الوراثية بتاعت البني أدمين ناس شكلها وحش لكن لديهم قدرات جبارة ...

لكن لا اخفي عليكم بإنني مازلت معجب بباكورة إنتاج أخونا أبن مصر والتى كانت تدور عن الراجل اللي عايز يخلص من مراته راح خرم الشبشب بتاعها وكهرب أرضية الحمام اللي كان من سيراميك الفراعنه علشان هي لما تقوم من النوم الصبح المياه تتسرب إلى فرده الكاوتش المهوية وتروح في داهية .... ويبقى البوليس او النيابة يروحوا يقبضوا على بتوع شركة " باتا " علشان إنتاجهم المضروب .......عملية نظيفة ميه في المية

[إبن مصر]

ابنى العزيز سى السيد..

لا تدرى كم هى سعادتى وانا اراك وقد تمكنت فى حرفيه بالغه من تحليل روائعنا..

وانا كمؤسس لرابطه السيكوباتيين اهنىء نفسى على وجودك معى فانت ذراعى اليمين والشمال يا ولدى..

واعدك بالعديد من القصص التى تشفى غليلك المكبوت من ...... الغسالات..

ايههههههههههههههههههههه دنيا.....

لا يهم الكم المهم هو الكيف يا سيكو سيد

احب ان الفت انتباهك ان مؤسس اسلوب الركن هو شخصنا الضعيف .. ارجع الى المحاوله الثامنه

وشكرا

ابن مصر مؤسس رابطه السيكوباتيين :lol:

[عصام]

المحاولة السادسة عشر:

الليلة الأولى: (الساعة الثانية صباحا)

- بسم الله الرحمن الرحيم..مالك يا سمير اللهم اجعله خير…خد اشرب ميه….

- يا ساتر يا رب..يا ساتر يارب اعوذ بالله من الشيطان الرجيم (يشرب الماء)

- هو انت برضه لسه بتشوف الكابوس ده؟ مش كان خلاص؟

- لسه يا سناء…لسه….كل يوم با شوفه هو هو بدون تغيير….

- طيب!!.....مش عارفة إيه الحكاية ...وبعدين انت مش قولتلى هاتبقى تشوف إيه موضوع الأصوات اللى بنسمعها فى الشقة اللى فوقينا؟

هى كانت فكرة مين إن احنا نعزل من بيتنا؟

- ما تشغليش بالك يا سناء…إنتى بيتهيألك زى كل الستات (يضحك ويربت علي ظهرها بحنان)

- طيب انت عمرك ما حكيتلى إيه هو الكابوس اللى بتشوفه كتير ده؟؟؟

- خلاص خلاص… الحمد لله أنا بقيت كويس ما تشغليش بالك….ياللا كملى نومك علشان مدارس العيال الصبح…

الليلة الثانية : (الساعة الثانية صباحا)

ينتفض سمير من نومه صارخا: "الخاتم الخاتم…..لأ....لأ...الخاتم.....لأ"

- بسم الله الرحمن الرحيم…إهدا يا سمير إهدا…سمير سمير

- هه؟ أنا فين؟

- أنا سناء يا حبيبى…فوق………نفس الكابوس؟

- أيوه…(ينهج بشدة)…أيوه الخاتم..

لازم - نشوف حل يا حبيبى..مش كده ..أعصابك؟؟

إحكي لى طيب بتشوف إيه يمكن أقدر اساعدك…

- لا خلاص يا ماما أنا بقيت كويس….بقيت كويس (يتنفس بصعوبة).....….

إنما انتى إيه اللى مصحيكى لحد دلوقتى؟

- أبدا .. مش عارفة أنام.. الظاهر الناس اللى فوقنا لسه بيعزلوا أو بينقلوا العفش…فعاملين دوشة طول الليل ...…والغريب إن كل يوم على كده..وانت مطنش

- الناس اللى فوق؟….غريبة..بس الشقة اللى فوق فاضية!!

- يا سلام؟ على ما خدت بالك؟ أنا من ساعة ما نقلنا هنا وأنا باقولك....

ماعرفش بقى

- طيب طيب …بكره نبقى نشوف..

الليلة الثالثة : (الساعة الثانية صباحا)

يتقلب سمير فى سريره أثناء نومه…فيشعر بعدم وجود زوجته "سناء"…..يفيق ويجلس…بفرك عينيه سائلا نفسه "هى الساعة كام؟" ينظر إلى ساعة يده...

- "سناء......يا سناء إنتى فين؟"

يتحرك فى المنزل باحثا عن زوجته..."سنااااء"

يسمع أصواتا تصدر من الشقة العلوية....تبدو كما لو كانت عملية تبديل لأماكن قطع عفش....جر....دوشة غير مفهومة...وناس كتير زى ما تكون حفلة!!! لكن دى أول مرة يسمعها بنفسه...

- "يمكن طلعت فوق؟" يحدث نفسه بصوت مسموع

يتجه بسرعة إلى باب الشقة يفتحه ويطلق الريح لقدميه تشق الطريق إلى الطابق العلوى...عنده إحساس قوى بأنها هناك

يصل إلى الباب....يدق بسرعة....."سنااااء...إفتحى يا سناء"

- "إفتحوا يا اللى جوه.....أنا عارف أنها هنا..."

يستمر فى الدق على الباب بلا انقطاع...."انا عارف انها هنا...."

فجأة يعم الصمت......

توقفت كل الأصوات.......كل الأصوات!!

يتوقف سمير عن الدق على الباب.......فقد قرر اقتحام المكان...

"أنا هاكسر الباب" صائحا محذرا...

لم يتلق اى استجابه....

يندفع سمير باتجاه الباب محاولا كسره وينجح......

المكان مظلم إلا من ضوء خافت يأتى من أعمدة الانارة بالشارع من خلال الشيش

المكان خاو تماما......لا يوجد إلا البلاط......لا يوجد حتى حوائط......."إيه اللى هناك ده؟......."

الصباح التالى:

قوات الشرطة والمعمل الجنائى تملأ المكان بينما سمير جالس على الأرض فى أحد الأركان منذ ليلة أمس فاقد الكلام..وعلى وجهه نظرة لا تعبر عن أى شيء!!

- "أحمد باشا...إزيك..حمدالله ع السلامة"

- "إزيك يا صلاح...أخبارك إيه؟....وإيه ده؟....إيه بالظبط اللى حصل هنا؟"

- مش عارف يا باشا...الراجل مش عايز ينطق ولا يقول لنا أى حاجة....زى ما انت شايف كده...ما بيردش على حد وكأننا مش موجودين.....ومعانا جثة لواحدة ست فى التلاتينات على الكرسى اللى فى الركن اللى هناك ده....إتفضل يا باشا""

- "يا ساتر(ممتعضا).....مسكينة الست دى....يا ترى إيه اللى شافته عمل فيها كده؟......." يتأملها لفترة......

- "هى قافلة إيدها على إيه؟"

- "لسه يا باشا ماحدش قادر يقرب لها...."

يقترب مفتش المباحث من الجثة بحرص شديد.....بينما ينظر لوجهها الذى تلاشت ملامحه وسط الجروح والتجاعيد والدماء............

يحاول بإصرار فك أصابعها عما تقبض عليه بيدها......

يأخد ما بيدها ويتجه إلى سمير....سائلا إياه:

"إيه بقى حكاية الخاتم ده يا سيدى؟ "

"إسسو ذا جرييت" عضو عامل برابطة الكتاب السيكوباتيين

تم تعديل 18 فبراير 2004 بواسطة esssothegreat

[se_ Elsyed]

"إيه بقى حكاية الخاتم ده يا سيدى؟ "

"إسسو ذا جرييت" عضو عامل برابطة الكتاب السيكوباتيين

إسو ما تحاولش قرطسة القراء ...

أنا مافهمتش حاجة من القصة بتاعت بياع الخواتم دي ..

إحنا هنا كتاب سيكوباتيين ....

ولما نقول كاتب سيكوباتي .. يعني دم .. قتل ... خراب مستعجل .... كده يعني ...

اللي فهم يفهمني علشان مش فاهم حاجة ياخواننا ...

[نيرون]

إثبت لنا سكيوباتيتك وورينا الهمه وانا أتبناك وأضمك لرابطة الكتاب السيكوباتيين وأحلق لك ببلاش كمان يا عم ... اظن مافيش أحسن من كده ....

حلاقة وسكيبته ببلاش أهو

يااااااه يا معلمى !!!

بس كده؟؟؟

والله من غير اى عائد وبس علشان خاطرك!!!!

دا انت ملهمى فى سماء النت !!!!

خدوا دى!!!

نظر اليها شزرا وهى تقطع الديك الرومى!!!!

تعجب وتسائل( لماذا لا تطلب شراء ديك رومى الا عندمل تزورنا امها؟؟)

قال لها:

والنبى سيبى الدبوس والزلموكه عشان امى با نشراح!!!

نظرت اليه بقرف وقالت:

ليه انشاء الله والعيال وامى ياكلوا ايه يا سى لمعى؟؟؟؟؟

نظر اليها باستغراب وقال :

يعنى هى جت على الزلموكه يا نشراح؟؟؟ ياوليه باقولك لامى هى امى اقل من امك؟؟؟؟

نظرت اليه شزرا وهبت واقفه وصرخت:

وبعدين يا لمعى ايوه امك مش زى امى؟؟؟؟

خلاص ارتحت!!!

نظر الى السكين على الطاوله وقال لها :

ايوه استريحت!!!! وها ريحك كمان!!

خاللللللللللللللللص!!

وصمت طوال اليوم

وجاءت حماته واستمر النكد خصوصا بعد ان صممت ام تبات عندهم!!

انتظر حتى نام الجميع!!!

ذهب الى المطبخ وامسك بالسكين ودخل حجره نومه!!!!

نظر لى زوجته وهى نائمه وتذكر الديك..

قفز وجثم على صدرها

صرخت

كتم انفاسها

سمى وقال ( حلال الله اكبر )

وذبحها!!!!!!!!!!!!!!!!!!!!!!!!! :blink:

نظر اليها وهى تفرر وقال :

ابقى خلى الزلموكه تنفعك

لمعت عيناه!!

ذهب الى حجره حماته وفعل بها نفس الشىء واتوصى شويه

وفى اليوم التالى كتبت الصحف!!!

يقتل زوجته وحماته من اجل الزلمكه

ها انفع يا معلمى؟؟؟

اهو على الاقل يبقى اتنين نقصوا منهم!!!!!

ربنا يقل منهم

اففففف مليتوا البلد :blink:

تم تعديل 22 فبراير 2004 بواسطة نيرون

[se_ Elsyed]

برافو عليك يا نيرون ، محاولة جيدة من كاتب صاعد واعد وواضح أنه " متريش " ولو أنه خالف " العرف " السائد في محاولاتنا السيكوباتية بإضفاءة صبغة كوميدية على المحاولة .. لكن لا باس لا باس ...

مرحباً بك عضو جديد في " حظيرة " الكتاب السيكوباتيين .

وهنا بدأ " الديك " في الصياح فسكت س س عن الكلام المباح وقفل على موضوع نيرون السفاح اللي قتل مراته وحماته علشان زلمكة وجناح .

[نيرون]

:blink:

:blink:

:blink:

htr::

clp:: clp:: clp:: fwrk:

معلمى رد عليا فزقزق قلبى من الفرحه!!!

اتاريه كان فاقس الموضوع من الاول!!!

بس انا مرقد لهم على قصه فزيعه!!!

هاتخلى مشاعر الرعب فيهم تكاكى!!!

يا معلمى يا كايدهم!!!!

افففف مليتوا البلد htr::

[se_ Elsyed]

مش عارف .. بعد إذن إبننا إبن مصر هل ممكن اكتب خواطر شعرية سيكوباتية تبعث على التفاؤل هنا ؟ ولا الباب ده مقصور على القصص الأدبية فقط ...

ما علينا لحد ماييجي البيرمشن هاكتب بعض أبيات كتبتها وأنا في حالة من الفرح والسرور ... فكتبت أقول :

سوداويٌ أنا ولدت في بحر الظلمات

خطواتي بطيئة وكلماتي كالصرخات

مدلهم في ليل بهيم نظراتي كالعبرات

متحجر ٌ القلب ووجهي عريضٌ يحتمل الصفعات

ضاع مني الطريق مغلقةٌ أمامي الطرقات

ينتظرني غدٍ مشرق بلا مشاكل ولا صعوبات

بسيطة هي حياتي وسهلة بعيدة عن الإرهاصات

ده صدر الأبيات وأوعدكم إني سأكمل القصيدة في أقرب فرصة

[عصام]

المحاوله الثامنه عشر

الإعدام .. حرقا

- يصرخ من داخل الحمام .. يا سهااام .. يا سهااام .. إنتى يا طرشة ..

- تأتى سهام مهرولة من المطبخ لتطرق باب الحمام وترد بعصبية .. إيه هى الدنيا طارت؟ .. مالك؟

- الميه ضعيفة .. والصابون خانقنى .. لازم نركب خزان ميه بأه إفففففف .. أنا اتخنقت

- مش قادرة أفهم إنت بتجيب الكلام دا منين .. ما انا لسه واخدة دش والمية زى الفل ..

- خلاص .. خلاص .. غورى اعملى الشاى

- ترد سهام .. الله يسامحك .. بينما تشعر بغصة فى حلقها ودموع منعها الكبرياء من أن تجد طريقها على خديها .. وتتجه عائدة إلى المطبخ فى استسلام

سامى يتأمل نفسه فى مرآة الدولاب ليبدوا من بعيد كمن يتعجب من وجود اختراع مثل هذا .. ولكن ما لا تعلمه سهام التى تراقبه من الصالة أنه منهمك فى التفكير ..

تدخل سهام إلى غرفة النوم حيث يقف سامى أمام المرآة .. تحاول ان تلفت انتباهه دون أن تفزعه .. فتصدر صوتا أشبه بالنحنحة بينما يلتفت إليها سامى وفى عينيه تلك النظرة التى لم تتغير منذ منذ ماتت أمه ..

- بتبص لى كدا ليه يا سامى

- لا ولا حاجة .. بينما ما زال ينظر لها كمن يتفحص جهازا يجهل كيف يعمل ..

- طيب أسخن الأكل؟

- بعد دقائق من الصمت يرد .. لأ .. انا نازل .. ويهم خارجا

- ترد سهام بينما تبدأ فى البكاء .. رايح فين .. يا سامى انت زعلان منى .. انا عارفة .. بس مش قادرة أفهم ليه ..

ينصرف سامى دون ان يرد عليها .. فترتمى سهام على أقرب كرسى باكية ..

- تمر ساعة .. ويدخل سامى من الباب .. "إعملى أربع كوبايات شاى بسرعة"

- خير؟

- يرد سامى بعصبية وزهق ظاهرين ترجمهم من خلال صوت عال .. "العمال فوق السطح بيركبوا خزان" 50 لتر".. إخلصى .. إففف"

بعد أسبوع ..

- سهام حضرى لى شنطة سفر صغيرة وحطى فيها طقمين اتنين .. عندى اجتماع فى فرع الشركة فى اسكندرية وراجع بكره ..

- حاضر .. وبعد لحظة صمت " سامى أنا نفسى أسألك سؤال .."

- يرد سامى بانفعال واضح "عارف .. أكيد نفس السؤال .. هو انتى حيلتك غيره؟ .. إنت ليه متغير من ساعة ما ماتت طنط؟ ..

- يا سامى انا عارفه إنت أد إيه كنت متعلق بيها ..

- وانتى برضه عارفة هى أد إيه كانت بتكرهك .. وبتتمنى موتك

تنصرف سهام فى هدوء لعمل الشاى ..

الصباح التالى ..

وبينما سامى يقود سيارته وفى منتصف الطريق إلى الأسكندرية يسمع جرس المحمول .. فيتناوله بعدم اهتمام ويرد ..

- ألو

- يأتى الصوت من الطرف الآخر قائلا .. صباح الخير يافندم

- صباح النور

- مع حضرتك أنور .. بتاع شركة الكيماويات

- آه .. أهلا أهلا

- حضرتك أنا بس باتصل أسأل إن كنت محتاج حاجة غير الـــ " 50 لتر حمض كبريتييك مركز" اللى خدتهم امبارح ؟ حضرتك بعض الشروة دى بقينا بنعتبرك زبون

- لا يا سيدى شكرا

- بس حضرتك هاتعمل بيهم إيه؟ .. دول .. دول .. دول يملوا خزان يا باشا؟

- يضحك سامى ضحكة خفيفة تملأها السعادة .. ويرد والخبث المشوب بالسعادة يظهر على وجهه .." أيوه صحيح .. دول يملوا خـــــــــــــزان"

ويغلق الخط بينما يسرح فى منظر سهام "تحت الدش"

[إبن مصر]

مرحى مرحى .... بخن بخن ...

هكذا الابناء والا فلا..

برافو يا عصام الى الامام .......

ty:) تستحق الانضمام الى الرابطه عن جداره ....ايه العظمه والرومانسيه دى...

عفارم عليك :blink:

ابن مصر مؤسس رابطه الكتاب السيكوباتيين ومبيض نحاس

[se_ Elsyed]

الله يسامحك يابن مصر ...

شوف نتيجة سيكوباتيتك عملت إيه في إسو ( سابقاً ) او عصام شوقي حالياً ..

50 ليتر مية نار يا مفتري ؟ !!!!

طب ده كان كفاية كوز واحد على سهام وتذوب زي أيس كريم باسكن روبنز ...

[mohamed]

اسمحو لى ايها الكتاب الجهابذة ان اضيف احدى محاولاتي :blink:

فتحت المذياع على إذاعة تبث الأغاني على مدار اليوم ، ثم جلست على مقعد وانزلقت فيه واضعاً قدميّ على مقعد مقابل واتكأت برأسي على يدي مستنداً إلى مسند المقعد ، كان النعاس يغالبني فوجدت صعوبة في ابقاء عيني مفتوحتين فأخذت أجول بعينيّ فى المكان محاولاً الهروب من مصيدة النوم ، وفجأة تسمرت عيناي ناحية الباب حيث كانت تقف بجسدها الرشيق الدقيق تنظر إليّ وتحدق بي بعينيها السوداوتين اللامعتين ، كانت آية فى الروعة والجمال ، لها عينان جميلتان وجسد مشدود وبض فى نفس الوقت ، نظرت في عينيها مباشرة كان بهما مزيج من خوف وترقب وربما أمل ، لكن رغم ذلك نظرتها إلي كانت قوية وثابتة وهذا ما دفعني إلى أن أنظر إليها بنفس القوة رافضاً أن أخفض بصري إلا إذا فعلت هي . لم أصبر - وهذه عادتي - فقد إستفزتني نظرتها الثاقبة ووقفتها الثابتة فهممت بالوقوف لأذهب إليها فابتعدت مسرعة وعلى وجهها إبتسامة خجل !! . عدت لجلستي وإستأنفت الإستماع إلى المذياع وأنا أتعجب من جمالها ومن عزوفها عني ، عادت مرة أخرى تقف عند الباب بنفس الوقفة الثابتة وتنظر إلي هذه المرة برجاء

هل إلتقينا من قبل ؟؟ .. لا أظن ، فهذه أول مرة أراها .. هل تعرفني ؟؟!! ماذا تريد ؟؟

حولت نظري عنها ربما تتركني وترحل أو تنطق بما تريد وأخذت أردد أغنية صادرة من المذياع ، نظرت إليها مجدداً ، لا زالت تحدق بي

تباً لها

فجأة شعرت بضيق شديد ، أمسكت بقلم كان في جيب معطفي ، وقذفتها به .. صاحت وهى تجري مسرعة :

مياااااااااااووو

[عصام]

يا محمد يابنى دى مش سيكوباتية البتة .. mc:

دى حاجة كدا زى اللى بينكتب فى مجلات ميكى وتان تان .. :blink:

فين الدم .. ومية النار .. والعفاريت .. والكوابيس ؟

إنت متأكد إنك قريت الــ 18 محاولة اللى فوق كلهم؟ :D

قررت لجنة الاستماع السيكوباتية المكونة من ابن مصر (بصفته رئيس) وس س (مالوش أى صفة :P ) وعصام شوقى (كاتب ناشيء) رفض منحك أى درجة سيكوباتية مؤهلة للانضمام إلى الجمعية مع تحويل قصتك محل الاستماع إلى موضوع منفصل فى باب "عالم الحيوان :D "

إقرا يابنى المحاولات كلها وبعدين ابقى حاول ...

آل مياااو آل .. ty:)

[theblackpirate2005]

اختلف مع الاخ عصام

قصه مولفنا الناشى محمد ممتازه وقد تحتل مركز متقدم فى تلك القصص السيكوباتيه

فالاسلوب راقى وعنصرالتشويق اكثر من رائع كما ان النهايه ليست متوقعه بالمره

الى الامام يا محمد والله الموفق

:blink: (وش واحد قرا القصه)

[عصام]

فالاسلوب راقى وعنصرالتشويق اكثر من رائع كما ان النهايه ليست متوقعه بالمره

يبقى انت كمان ماقريتش الــ 18 محاولة ..

:blink:

صحيح .. جيل بلا طموح .. وكمان بلا خبرة ..

آل مياو آآآآل .. ty:)

[theblackpirate2005]

والهى العظيم قريتهم وانا متاسف جدا يا اخ عصام فى نقدى السابق

انا ظلمت محمد كتييييير انا قلت قصته من افضل القصص

لا هى تانى افضل واحده فى 18محاوله والى الامام يا محمد والله معاك ومعاك قلوبنا وسيبك من الكلام بتاع التاس التانين دول غيرانين من نجاحك وعيزين يقوفوك لتسحب السجاده من تحتهم mc: :P :D

فى انتظار رائعتك القادمه :blink: ty:)

تم تعديل 17 فبراير 2005 بواسطة theblackpirate2005