صورة تشرح سر الوهم

[moohabostan]

السلام عليكم

حبيت بس اخليكم تشوفوا حقيقة الوهم الذى اسمه الامارات

علشان كل شاب فى مصر يفكر كويس قبل ما رجله تغرس هنا

هى دى الامارات اللى يقال ان اصعب رخصة قيادة على مستوى العالم فى الامارات واسهل رخصة قيادة على مستوى العالم هى مصر

فكروا معى كيف تكون اصعب رخصة على مستوى العالم وشوارعها غير مخططة سليما ولا يوجد بنية تحتية سليمة لتصريف هذه المياه

اليوم 15 يناير عانيت بشدة للوصول للعمل حوالى 3 ساعات بالطريق وبعد ما وصلنا محل العمل اعطينا صاحب الشركة اجازة وذلك لظروف الطقس وفى الرجعة المآساه كانت اكبر هذه صورة صغير لعلها تفيدكم فى التفكير جيدا فى هالة الاعلام التى نسمعها عن الامارات. ((على فكرة ملحوظة صغيرة الصور دى من إمارة الشارقة))

http://www.stooop.com/Month/10/bc155fc6a0.jpg

http://www.stooop.com/Month/10/e2d3913003.jpg

http://www.stooop.com/Month/10/6154a2a22e.jpg

http://www.stooop.com/Month/10/c3496095e3.jpg

تم تعديل 15 يناير 2008 بواسطة moohabostan

[zizetta]

أنا لو منك ما كنتش نزلت يومها من البيت من أصله .. يعني المطرة والطقس البارد والأرض اللي كلها مية ..وتاكسي رايح وتاكسي جاي bv:-

بنتي بتمتحن في الجامعة امتحانات نصف السنة اليومين دول .. والجو بارد جداً جداً بالقاهرة .. فقالت لي مداعبة .. ياسلام لو يعملوا للناس بيات شتوي يعني نقعد تحت البطاطين وجنب الدفايات طول الشتا ناكل ونشرب شوربة وحاجات سخنة من اللي جمعناها طول الصيف :ninja: :blink:

هذه دعابة فقط لأن شكلك متضايق :lol:... البلاد كلها بيحصل فيها كده .. عوامل الجو متقلبة وأعتقد إن الشارقة فيها إمكانيات أفضل من مصر برضة مهما كان ...

تحياتي

زيزيتا

[ايهاب سالم]

هناك مثل يقول ..

لا تبصق في الطبق بعد ان تأكل منه

فما بالك .. بمن يبصق في الطبق و هو يأكل منه

[mesryforever]

في بلاد كتير قوي بيحصل فيها أكثر من كده بكتير

وبعدين على الأقل ما فيهاش طينه تغرس فيها أهيه ميه وخلاص

كلها يوم والتاني والبلدية هتتخلص منها بسهوله عن طريق سيارات الشفط ومسارب المياه وغيرها مش هتقعد لحد متنشف لوحدها بعد عشرة أو عشرين يوم

المهم مهما يكن أفضل بكتير قوي من تخطيط البنية التحتيه عندنا مصر على يد جهابزة التخطيط

وبعدين الشارقة مش كلها الإمارات

[Gladiator]

واضح انك في الشارقه ...وانت عارف ان الشارقه بتيجي بعد دبي وابوظبي والعين من حيث التخطيط والنظافه

ومن خلال كلامك على الليسن وصعوبته فأحب اقولك ان ده مش لسبب غير تقليل عدد الحاصلين على الليسن في الدوله لتقليل عدد السيارات اللي ماشيه في الشوارع وبالتالي اللجوء للتاكسيات اللي انت عارف تسعيرتها وعارف كمان مين اصحابها

اهدا كده وصلي على النبي واحمد ربنا انكم اخدتو يومين اجازه بسبب المطر ده ...انا في ابوظبي وشغالين مع ان المطر اربع ايام موقفش

[Tafshan]

هناك مثل يقول ..

لا تبصق في الطبق بعد ان تأكل منه

فما بالك .. بمن يبصق في الطبق و هو يأكل منه

:blush2: :rolleyes: :happy:

[nash]

الإمارات ..هي نمور الخليج والعالم العربي أجمعه....

بس نوصل أحنا لعشرها ولعشر تفكير حكامها وتخطيطهم....

[إيزيس]

الحقيقة تجربتي أثناء إعصار جونو و نحن نعيش في أكثر منطقة تضررت بالإعصار في الإمارات تثبت العكس كان أداء الشرطة و البلدية أكثر من رائع والله إنهم حملونا حملاً من البيوت خوفاً علينا . لا أنكر السلبيات لكن الأداء في مجمله كان أكثر من جيد

[ELSHAMY]

الأخ العزيز

تعرف تقول الحمد لله بمعناها الكبيييييير....... كبر المسافة من مصر للامارات.

حلو جدا المثل اللى قال لك عليه أخونا ايهاب

[ahmedarab]

انا عن نفسى عمرى ما شفت المنظر دة او حتى نصفة فى القاهرة من قبل

والوضع فى دبى زى الشارقة بالضبط والمياة هنا غرقت الدنيا ..الشوارع والارصفة ووصلت لداخل المحلات ؟؟!!!!

والبلدية متحركتش ومشوفتش عربية واحدة بتشفط اى مياة وكتير جدا من المصارف مسدودة ؟؟!!!!!! ودة كلة حصل عشان المطر مستمرة بدرجة متوسطة لمدة 15 او 20 ساعة على الاكثر ؟؟؟!!!!!!!

وعلى فكرة فية فرق كبير من انى ابصق فى الطبق وبين انى اقول حقيقة شوفنها ابعينى ....

وكمان اعتقد ان مثلا فى حتت فى الاسكندرية او حتى القاهرة المطر بتنزل فيها لفترات اطول وبكمية اكبر .... وبالرغم من كدة دة عمرة دة ما حصل هناك ..على فكرة الشوارع الغرقانة دى مش مثلا فى حتت عشوائية ولا حاجة ..الوضع كدة فى ارقى احياء الشارقة ..اللى هى اغنى من مصر كلها مثلا 10 أضعاف وعدد كسنها اقل من عدد كسان شبرا بكتيرررررررررررررر وبالرغم من كدة مفيش اى استعداد ولا حاجة ؟؟؟؟!!!!

يا جماعة رجاء فية فرق كبير اوىىى بين النقد الواقعى وبين المبالغة فى تجميل الشىء لمجرد انة مش مصرى ؟؟؟؟

انا لا انكر الايجابيات الكبيرة ....بس برضة هى مش جنة الله فى الارض ولا حاجة والسلبيات موجودة ودى سلبية منهم .

اسف على اسلوبى وشكرا لسعة صدوركم

على فكرة احنا مخدناش اجازة ولا حاجة ...المدراس بس هى اللى اجزت اليوم وبكرة

تحياتى

تم تعديل 16 يناير 2008 بواسطة ahmedarab

[مصرية والنعم]

لية الهجوم دة على الموضوع

دة مجرد راى للاخ moohabostan يمكن لان شايف الهجوم على مصر فى كل شئ بحب يبن ان حتى الدول اللى بنشكر فيها وبتمنى

ان بلدنا تكون زيها هى كمان عندها بعض المشاكل

الراجل ماغلطش لما قال كدة عموما كل بلد فيها اشياء جيدة واشياء سيئة ياريت ناخد المواضيع بحسن النية لان اللى ملوش خير فى

بلدة ملوش خير فى اى بلد حيقيم فيها لان مصر حتفضل ام الدنيا مهما كان فيها من سلبيات زيها زى اى بلد تانية

شكرا للاخ على موضوعة وكان اللّة فى عونة

[إيزيس]

مصرية والنعم كلامك صحيح

تعليق إيهاب سالم قاسي جداً

الأخ أحمد بيعرض رأي و يمكن يكون عنده حق أنا عايشة هنا من فترة و باشوف بعض الأمور بتمشي بتطور هايل وبعضها شكل فقط وبعض الأمور هنا لا تتفق أبداً مع حقيقة الثراء الذي تتمتع به الإمارات للأسف هناك الكثير من المظاهر التي لا تنسجم مه هذه الحقيقة هناك معاناة لدى أهل البلد أنفسهم في المعيشة وهذا لا يتسق مع الثراء و عددهم البسيط يعني باختصار زي أي مكان فيه أبيض واسود ورمادي لكن أشهد وبشدة لأداء الشرطة والبلدية رقي تعاملهم مع الناس بلا تفرقة قمة في الأخلاق والتواضع الله يجزيهم كل خير

[ahmedarab]

شكرا يا قرنفل على تفهمك

وفعلا تعليق الاستاذ ايهاب قاسى جدا لدرجة التجريح

واحب بس ارد علية واقولة ...

طبعا انا لن ابصق في الطبق .... بس كمان مش لازم الحسه ؟؟!!!

[ahmedarab]

وعشان بس محدش يتهمنى بانى متجنى

او انى بقول كلام مبالغ فية او غير صحيح

دى صورة غلاف جريدة الامارات اليوم النهاردة

واترك لكم التعليق

لا تعليق

[Gladiator]

اسمحولي بس احب اقول اني ملاحظ انكم مكبرين الموضوع اكثر من اللازم

الموضوع مش محتاج ده كله

الامارات انا فيها من 7سنين وماانكر فضلها عليا لان ناكر الفضل مابيشوف ابدا الخير مهما كان غرقان فيه

اكيد فيه سلبيات وفيه ايجابيات

لكن ايجابياتها اكبر من عمر وطن كل عمره 36سنه وسلبياته سلبيات للاسف موجوده في بلاد محسوي عمرها بالقرون

الحق يقال رغم اني عايش هتا بداعي اكل العيش لا اكثر وليس حبا ف الدول العربيه مطلقا نظرا لاهدار كرامه كل ماهو عربي على اراضي العرب الا اني لا انكر عليها فضلا ويكفي ان بأهلها الاستعداد للتقدم والسير نحو مايحقق مصالحها ومصالح مواطنيها

قد يكون لنا كثير من المأخد على بلدنا مصر او على البلاد الاخرى اللي بنعيش فيها لكن يظل ف الاخر لكل نقد اصول بحيث لا يستنفر اللي قاعدين ننتقده ونحسسه بكرهنا له

[ahmedarab]

عزيزى Gladiator

اسمح لى اولا انى ارحب بحضرتك ..اهلا وسهلا بيك

ثانيا ... اسمحلى لى ايضا اعتبر كلامك دة موجة للطرفين الطرف اللى انتقد مصر بدون ما حد يدخل مصر فى الموضوع وقعد يقارن.......

والطرف اللى انتقد الامارات لما لمسة من سواء استعداد للاوضاع الحاصلة الان.

ثالثا ..انا لم ولن انكر ابدا فضل الامارت على كل من يعمل بها وليس انا وحدى ..انا هنا من 3 سنوات ورغم حنينى الشديد لبلدى الا انى لم انكر يوم فضل الامارت علي ...وهذة حقيقة لا ينكرها الا جاحد(اعوذ بالله) يكفى انى اقولك انى شايف ان الامارات افضل بلد خليجى من نواحى كثيرة جدا مثلا الحرية والتعامل ....يكفى انى لما اشعر ولو ليوم واحد باى نوع من انواع التعالى او الازدراء فى التعامل مع المواطنين هنا.

رابعا ... اسمح لى اوضح لحضرتك ان ما سبق ذكرة فى مداخلاتى ليس من باب انكار الخير او الى اخرة ..لكنة من باب النقد ....يعنى حضرتك ما هو انا مصرى وعشت عمرى كلة هناك واتعلمت وخدت كتيرر من خير مصر .لكن بالرغم من دة بنقد كثيرا جدا من الاوضاع اللى موجودة فى بلدى مصر ...هل معنى كدة انى بكرة مصر او بنكر خيرها عليا ؟؟؟؟؟؟

رجاء يا جماعة عدم الخلط بين النقد ومحاولة الاصلاح وانكار الجميل والكلام الكبير دة :happy:

وفى النهاية اسف للاطالة وتقبلوا اسمى تحياتى :blush2: :rolleyes:

تم تعديل 16 يناير 2008 بواسطة ahmedarab

[Gladiator]

الشرف لي انا سواء بمعرفتي بحضرتك او بوجودي ف المنتدي الجميل ده واحب اوضح ان غربتي للامارات كوضع حالي ماهي الا خطوة ان شاء الله نحو تسويه اوراق هجرتي لكندا وربنا يقرب البعيد

مع التوفيق

[moohabostan]

السلام عليكم روحمة الله وبركاته

اشكر جميع الاخوة على الردود كما اشكر الاخ ايهاب سالم والذى اعجبنى كثير من كلامه عن الهجرة الى كندا او الحياه بالخليج وعما حكاه عن قطر وقتما كان يعمل هناك

فى البداية ارجو ان اوضح لماذا نشرت هذه الصور ولماذا انتقد الوضع هنا

اولا يا ساداة يا كرام انا حبيت انشر الصور دى لكل مصرى داخل مصر ولكل مصرى برة مصر بيفكر يجى هنا

لانى بالفعل قابلت اخ مصرى هنا حاصل على الجنسية الكندية وجاء ليعمل هنا هربا من الحياه هناك

يا جماعة انا حبيت بس اوريكم الحقيقة لان فى مصر الكل متفهم الامارات دى بلد مالهاش حل

انا نفسى كنت جاى وعايش الوهم ومتفهم هنا بلد مافيهاش عيوب ابدا .

وحبيت برضو انبه السادة اللى هما عايشين فى مصر واقولهم ان مصر نعمة والله وبالتحديد مدينة الاسكندرية اللى النوة بتنزل فيها ولا عمرك تلاقى كمية المياه المتراكمة دى .

برضو عايز اقول للاخ ايهاب سالم انا عمرى ما انكر فضل الامارات عليا ولا عمرى حابصق فى الطبق بعد ما اكلت من خيره

اولا واخير حبيت انشر للسادة اللى معجبين بهالة الاعلام عن الامارات وعن الخليج وكل اللى فى مصر فاهمين اننا بنغرف فلوس ونعبى مال فى شوال وعمار يا مصر فعلا

البلد اللى لها تاريخ اعلم تمام انها بلد عريقة والحمد لله يشرفنى ان مصر من اقدم خمس دول فى العالم.

اعجبنى كثيرا رد مصرية والنعم ورد ahmedarab ورد gladiator وماتزعلش يا ايهاب بيه لن ابصق فى الطبق بعدما اكلت منه

على فكرة انا زمان وانا فى مصر كنت بنتقد مصر كتير جدا وكان فى مثل شعبى دائما والدتى كلما تسمعنى انتقد مصر تقوله لى

بكرة تروح يا ناكر خيرى وتشوف زمنى من غيرى

وفى كلمة مشهورة سمعتها عن انيس منصور

مارلين مونورو احلى من أمى بس انا بحب أمى

للاسف الانسان ما بيعرفش قيمة النعمة اللى فى ايده غير لما تضيع منه

اشكركم كلكم وارحب بردودكم مهما كانت قاسية

شكرا جزيلا

[tarek nokia]

واللهي لو مش عاجبك الوهم انزل مصر وجبلك عربيه فول اوكشري واسرح بيها احسنلك من ها الوهم

[dubai guy]

I would like to bring to your attention that such huge amount of rain is not usual in UAE, this is why they do not have sutable infrastructure to overcome what happen. I think its not fare to compare Alexandria with Sharja because in Alex. its very normal to expect a lot of rain every year and its very normal as well for such very old city to be ready for that, we are talking about a thousands of years old city and you want to compare it with 30 years old city, this is not fare

الفاضل dubai guy يرجى مراعاة الكتابة باللغة العربية حيث أن قواعد محاورات المصريين تمنع المشاركات باللغات الأخرى ..

تمت الترجمة بمعرفتي كونك مازلت مشتركا جديدا مع التكرم بمراعاة ذلك مستقبلا ...

الأدارة

داروين

أود أن ألفت أنتباهككم أن هذه الكمية الضخمة من الأمطار هي شيء غير معتاد في دولة الأمارات . ولذلك لم تكن البنية التحتية ملائمة مع ما الزيادة التي حدثت . أعتقد أنه ليس من العدل المقارنة بين الأسكندرية والشارقة لأنه في الأسكندرية من الطبيعي والمعتاد توقع الكثير من الأمطار كل عام وعادي جدا بالنسبة لمدينة قديمة أن توكن مستعدة لذلك . نحن نتحدث عن مدينة عمرها ألاف السنين وأنت تريد مقارنتها بمدينه لايتعدى عمرها 30 سنة وهذا غير منطقي