معاك كام!!!

[حشيش]

الأخوة والأخوات دعونا نعرف بعض أكثر :shock: :shock: :shock:!!!

لماذا لا نبدأ هنا بتقديم اقرار الذمة المالية لكلٍ منا :shock: :shock: :shock:!!!

يقول كل واحد منا كم يبلغ حجم رصيده فى البنك (كاش منى) بالجنيه المصرى بكل صراحة تحت شعار (طهارة اليد والقلب..غمض عينيك وامشى بخفة ودلع) :D :lol: :lol:!!!

مافيش مبرر هنا للخوف من النق والحسد لسببين أولهما إننا ما نعرفش أسماء بعض وثانيهما إننى أعرف الشيخة أم صباح العمشة ودى ممكن تفك لأى واحد أو واحدة منكم ما قد يحدث له من قر أو نق من أى عضو موتور أو عضوة حاقدة :lol: :lol: :lol:!!!...

بنود الإتفاق:

1-لا يجوز كتابة ردود لا تحتوى على رقم فعلى.

2-لا يجوز إستخدام عبارات مثل (مستورة)...(الغنى يابنى غنى النفس)...(لأ أنا بلاش أنا عباس) :lol: :lol: :lol:....إلخ

3-إذا لم ترغب فى كتابة رقم محدد تستطيع أن تستعمل الرقم بالتقريب مثل:

# أقل من خمسين ألف ويطلق هنا على العضو أو العضوة (هنادى) نظراً لأنه من الأفضل له إنه يروح يشوف له جبر يلمه :lol: :lol: :lol: .

# من 50 إلى 100 ألف.

# من 100 إلى 200 ألف.

# وهكذا حتى رقم مليون.

#مليون.

# أكثر من مليون (فيه كام واحد هنا أنا شاكك فيهم ولكنى سأفصح فقط عن أول حرف من أسمائهم..رجب..الطفشان..متسائل..فرى..ست أمينه..محمد أبو زيد) :shock: :shock: :shock:....

4-الأرقام هنا بالجنيه المصرى بعد تحويل قيمة الدولار إلى 6 جنيهات مصرية للدولار :shock: :shock: :shock: .

والأن سوف أبدأ بنفسىىىىىىىى

رصيدى الحالى= 104 ألاف جنيه مصرى (خمسة وخميسة...النهارده الخميس...) :shock: :shock: :shock: :shock: :shock:

[Facts researcher]

وما هو سعر اليورو الذي نريد أن نستخدمه ؟ :D :lol:

[Proud Muslim]

طيب و الناس اللي لسه ما قبضتش حاجة زيي كده ؟؟

يقولوا مصروفهم يعني ؟؟ مش منظر يعني !!

:D :lol: :lol:

الأخ facts researcher

كتب دعاء جميلا في توقيعه .

اللهم ارزقني المال لأعبدك به .. و قني فتنته ..

اللهم آمين .

دعاء جميل ..جزاك الله خيرا أخي الفاضل .

[kokowawa1979]

حشيش كتب :

الأخوة والأخوات دعونا نعرف بعض أكثر !!! 

لماذا لا نبدأ هنا بتقديم اقرار الذمة المالية لكلٍ منا !!!

هو الأخ حشيش مباحث ضرائب :D :lol: واللا تلميذ الرزاز :lol: :lol: :lol: :lol: :lol: :lol:

[بنت شعنونة]

حشيش من يوم ما خطب

وهوا فووووووووت

ماكانش يووووووووووومك يا خوياااااااااا :lol: :lol: :lol: :D :lol: :lol: :lol: :lol: :lol: :lol:

[Facts researcher]

أشكر الأخ Proud Muslim على مجاملته الرقيقة ، هذا الدعاء سمعته من أبي يدعوا به كلما منّ الله عليه بالمال الوفير . وأنا كما عرفت بنفسي أعمل مهندساً في بروكسل في أحد الشركات الأمريكية ، وأعيش هنا بمفردي وأخشى على نفسي من فتنة المال كثيراً ، لهذا أكرر هذا الدعاء وهو أحبه إلى قلبي.

الأخ (((حشيش)))، سؤال لك :

هل هناك علاقة بين اسمك (((حشيش))) والمال الذي معك ؟

:D :lol: :lol: :lol:

[kokowawa1979]

الشعنونة كتبت :

حشيش من يوم ما خطب

وهوا فووووووووت

ماكانش يووووووووووومك يا خوياااااااااا

ماتفوليش على الجدع يادكتورة شعنن :D :lol: :lol: :lol: :lol: :lol:

[مصرى]

أنا أغنى واحد فى العالم

مستور .. قنوع .. أنا مصرى :D

[وسام]

الغنى غنى النفس............. قدامك حل من 2 يا حشيش بيه يأما تحط علامة سكون أو فتحة فوق حرف النون :D

[الطفشان]

أنا أغنى واحد فى العالم

مستور .. قنوع .. أنا مصرى  :D

أنا جدععععععععع

:D :D

[الطفشان]

حشيش من يوم ما خطب

وهوا فووووووووت

لا و انتي الصادقة

من يوم ما شد النفس اياه من الجوزة في المركب و الاتموسفير

[الطفشان]

إننى أعرف الشيخة أم صباح العمشة 

...

من قر أو نق من أى عضو موتور

الا قول لي

هي الشيخة ام صباح عندها ورشة ميكانيكا كمان؟

دة تعدد وظايف!

[Facts researcher]

الأخ (((حشيش)))، أكرر السؤال لك :

هل هناك علاقة بين اسمك (((حشيش))) والمال الذي معك ؟

إعترف أحسنلك :D :D :D :D

[حشيش]

يعنى محدش قال معاه كام غيرى أنا :shock: :shock: :shock:!!!...للدرجة دى كلكم خايفين من الحسد :shock: :shock: :shock:!!!...الأخ فاكتس ريسرشر يعنى برده معقول يكون معايا شوية الفكه دول لو كانوا من الحشيش!!!...لو كانوا منه كان زمانهم 104 مليون مش ألف :D :D :D!!!...أخونا الطفشان ما دام معلقشى على شكى فى حجم ثروته يبقى شكى كان فى محله...إننى أعلن هنا أن أخوكم الطفشان MULTI-MILLIONAIRE...اللهم لا حسد :shock: :shock: :shock: جتنا نيله فى حظنا الهباب :shock: :shock: :shock: والأن واجه الأمة...من أين لك هذا؟؟؟ :shock: :shock: :shock:

[الطفشان]

لما تقول انت الاول جبتهم منين

انا راجل عجوز باشتغل من عقود في المهجر

انت بقى كنت في الجيش من كام سنة

من اين لك هذا يا استاذ؟؟؟؟؟؟؟

و عشان تستريح، انا Multi Millionaire

بس لما تحسبها بالملاليم طبعا

:D :D :D :D

[Proud Muslim]

نحن أغنى ناس في العالم أكيد .. فعلا

نحن مسلمون.

:wink: :wink: :wink:

الحمد لله على تلك النعمة العظيمة ..

الحمد لك يا ربي ..ينبض باسمك قلبي .

و الله من وراء القصد .

[se_ Elsyed]

أنا بأه وبكل شجاعة وصدق يا أبو حشيش ياخويا من حزب هنادي خمسين وأنت نازل ، لإني أتجوزت من سنتين ونص والجواز أكل الأخضر واليابس اللى حيلتي .... بس أقولها بجد بجد أنا عمري ما أتمنيت إن يبقى عندي ملايين أو الآف حتى وكل ما أتمناه هو الصحة والستر وأني أبقى عايش عيشه كريمه ومافيش علي ديون .. أيه فايدة الفلوس والواحد والعياذ بالله عنده مرض مزمن أو عند عيل من عياله.

يا حشيش يابني خدها حكمه من واحد طاعن فى السن ... الغِنى غِنى النفس ( هات بقى القرشين اللى معاك اعينهملك فى الحفظ والصون )

[Horus]

و الله يا حشيش يا اخويا ... موش عارف اقوللك ايه ..

اعتقد ان فيه تصنيف انت نسيته عن اللى تحت الصفر ... :shock:

أو يعنى الناس اللى مديونه

موش بأخوفك من الجواز ... بس ابقى فكرنى اسألك نفس السؤال ده بعد فرحك ان شاء الله :D :D :D

و ربنا يتمم بخير :)

و يعوض علينا :) :D

خللى بالك ان فيه اختلاف كبير بين العمل و القدره على التوفير فى الخليج عما هى فى الغرب ...

فرق كبيير جدا ... انت فى الغرب بتعييشششش

بس تحويش ... غالبا مافيششش.

[freefreer]

الأخ فاكتس ريسرشر يعنى برده معقول يكون معايا شوية الفكه دول لو كانوا من الحشيش!!!...لو كانوا منه كان زمانهم 104 مليون مش ألف :)  :)  :)!!!...

ما هو دة الكاش .. غير العقارات .. و البضاعة اللى فى السوق .. :) :) :D :D :D :D :D :D :lol: :lol: :lol: :lol: :lol:

[ragab2]

كتب المعلم حشيش

أكثر من مليون (فيه كام واحد هنا أنا شاكك فيهم ولكنى سأفصح فقط عن أول حرف من أسمائهم..رجب..الطفشان..متسائل..فرى..ست أمينه..محمد أبو زيد) ....

الفقر مش عيب

والمال لا يصنع الرجال

بالمناسبة

معكش مليون سلف لأول الشهر