مظاهرة مليونية لشعب مصر خبر عاجل

[شيكو المصري]

موعدنا الخميس 27 فبراير في إستاد القاهرة لمناصرة شعبي ( العراق و فلسطين )

الأحد 23-فبراير-2003

مركزي-القاهرة - مراسل نافذة مصر

أدلى د/ محمد مرسي - عضو مجلس الشعب بالتالي :

وافقت السلطات المصرية في لقاء مع مسئول كبير في وزارة الداخلية ضم أ.د./حمدي السيد - نقيب الأطباء -

على عمل حشد مليوني في إستاد القاهرة الدولي يوم الخميس القادم الموافق 27 فبراير يضم كل القوى الوطنية من أحزاب و نقابات و طلاب و هيئات تدريس و منظمات غير حكومية و كل عناصر الأمة ( مسلمين وأقباط ) لتعبر عن مشاعرها و مناصرتها للشعب العراقي ضد العدوان الأمريكي الغاشم و مناصرتها للشعب الفلسطيني ضد الإرهاب الصهيوني ..

و نهيب بكل المخلصين من أبناء الأمة أن يحرصوا على حشد الأمة في هذا اليوم العظيم ..

هذا وقد تناول اللقاء الضمانات الخاصة بنجاح الحشد و تمثيله لشعب مصر بمختلف فئاته ..

ومن أهم هذه الأمور :

-----------------------

* النظام و الانضباط التام و عدم الإستفزاز مهما كانت الأسباب.

* عدم وجود لافتات أو شعارات تمثل أي قوى سياسية.

* الإتفاق على لافتات موحدة تمثل هدف المؤتمر : ( ضد الحرب على العراق ... دعم الإنتفاضة الفلسطينية )

* الهتافات من المنصة فقط و حول هاتين القضيتين فقط

و نسأل الله أن يعيننا على أن يكون عملنا كله خالصاً لوجهه ..و ملتزماً بأخلاق الإسلام و أن يقذب الرعب في قلوب أعدائنا و أن يجمع أمتنا على قلب رجل واحد و أن نكون أه8لاً لنصر الله

( إن تنصروا الله ينصركم ويثبت أقدامكم )

[الطفشان]

هذا تنفيس مقنن عن الغضب ضد أي عدو خارجي

و هذا دأب الديكتاتوريات و الحكم الشمولي في كل مكان و زمان

(فاكرين مؤتمرات الاتحاد الاشتراكي؟ فاكرين الشبيبة و الكومسومول في روسيا؟ فاكرين مظاهرات ماو؟ فاكرين خطب و مظاهرات عبد الناصر؟)

لازم صمام للتنفيس، و الا سيكون الانفجار للداخل

اما الاعتراض على اي شئ يخص الجياة اليومية للمواطن، فمن المستحيلات! حتى لو كان:

- اقتصاد منهار

- حكم الفرد الواحد

- التوريث

- الحريات

- الكبت و القمع

كل المشاكل الحقيقة الداخلية غير مسموح ابدا الاعتراض عليها باي وسيلة من الوسائل

خليهم "ينبحوا" ضد الصهاينة و الامريكان و بس!

[شيكو المصري]

جرى اية يا استاذ طفشان متظاهرين مش عاجب :!: :!: :!: قاعدين برضة مش عاجب :!: :!: :!:

انا شايف ان دية اضعف الايمان..... اذاكانت المظاهرات متاحة ماشي نروح... متاح حاجة اكبر نروح و نعمل اللي نقدر نعملة حتى يزيح الله الغمة القابعة فوق صدورنا جميعا .

انا شايف فائدة المظاهرات في كذا نقطة نظرا لاني متظاهر قديم :cool:

1- الناس اللي مش عارفة تعرف (((بمعنى اخر زيادة الوعي لدى البسطاء))

2- اظهار العين الحمرا لحكامنا الذين لا يتورعون عن بيع مش فلسطين لا مصر حتة حتة لو فية مشتري

3- رفع الروح المعنوية لدى اخواننا في فلسطين و العراق علشان يعرفوا ان الشعب منفصل عن الحكومة .

4 -تقدر بأيدك ماشي ...تقدر بلسانك ماشي .....

[الطفشان]

جرى اية يا استاذ طفشان متظاهرين مش عاجب :!:  :!:  :!:  قاعدين برضة مش عاجب  :!:  :!:  :!:

انا لست ضد التظاهر السلمي على اي شئ

انا ضد توجيه الحكومة غضب الشعب و سخطه الى اطراف خارجية لتفادي السخط الداخلي

دة نظام "بص العصفورة"

دة صمام الحلة البرستو

يعني الهاء عن ما هو واقع داخل البلد من توريث، و تعويم، و قمع

اما مساندة العراق، فامر مفروغ منه، و لكن ليس بازدواجية التعامل بهذا الشكل الموجه (قول على دي كخ، بس ما تتكلمش خالص على التانية)

وضحت؟

[Seafood]

* النظام و الانضباط التام و عدم الإستفزاز مهما كانت الأسباب. 

* عدم وجود لافتات أو شعارات تمثل أي قوى سياسية. 

* الإتفاق على لافتات موحدة تمثل هدف المؤتمر : ( ضد الحرب على العراق ... دعم الإنتفاضة الفلسطينية ) 

* الهتافات من المنصة فقط و حول هاتين القضيتين فقط

*ممنوع إصطحاب الأطفال الذين تقل أعمارهم عن 27 سنة...

* عدم تناول الأطعمة و المشروبات أثناء فترة التظاهر...

*ممنوع منعاً باتاً النظر إلى الخلف أو حمل الأشخاص فوق الأعناق...

*لن يسمح بالإنظمام إلى المظاهرة بعد الساعة العاشرة صباحاً ...

*يتم فض التظاهر و مغادرة مكان التجمع في تمام الساعة الخامسة ...

على من يجد في نفسه توفر المواصفات أعلاه أن يتقدم بطلب إلى إدارة المظاهرات بالهيئة القومية لسماع الكلام و مكافحة الإستفذاذ ... مرفق به بياناته , و صورة من البطاقة الشخصية .. في موعد أقصاه إسبوع قبل موعد التظاهر .. و سيتم فحص الطلبات .. و إعلام المتقدمين بموافقة الهيئة على التظاهر ... و لن يتم النظر في الطلبات التي لا تقدم عن طريق حاملها شخصياً ...و يسمح للهيئات و المؤسسات العامة و المصالح الحكومية بالتقدم بطلبات جماعية عن طريق مندوب من المصلحة أو المؤسسة ..... و لن يسمح بالمشاركة لمن لا يحمل تصريح من الهيئة ...

نفسي أعرف فين المكان إللي في القاهرة إللي ممكن يستوعب مليون مواطن ... و بنظام و إنضباط تام ...ما عدش و الله ... الكلام ده كان في الستينات .. أيام " الزعيم الملهم " :D

[الطفشان]

إلى إدارة المظاهرات بالهيئة القومية لسماع الكلام  و مكافحة الإستفذاذ 

غلط و ستين غلط!

ما اسمهاش كدة

اسمها الهيئة القومية للنباح و العواء

[شيكو المصري]

حتى انت يا seafood ......

على العموم احنا التلاتة كدة اللي اكلمنا في الموضوع واحنا كلنا برة يعني مش راحين كدة كدة بس رغما عنا انا عايز اشوف رأي الناس اللي في مصر .

معلش حقول حاجة تانية كمان الناس ما شافتش مظاهرات من مدة طويلة حاجة توري ان فية خير لسة و رجالة موجودين ممكن المظاهرة تكون للعراق و فلسطين بس بكرة حتلاقي الناس تفكر انا لية ما اتكلمش عن نفسي و اعبر بمظاهرة برضة عن احوال البلد ما بلدنا اولى بالتظاهر .

انا شايف ان المظاهرة دية حتصحي حاجات كتير غايبة عن الشعب اللي اتعود ما يتكلمش و يعبر عن نفسة و كل همة لقمة العيش و بس .

[Seafood]

حتى انت يا seafood 

.

عزيزي شيكو ...

على فكرة ثلاثتنا على حسب فهمي ..من المداخلات و من مواضيع أخرى ... متفقين على أهمية التظاهر ... و لكن منهجنا مختلف ...

*أنت تقول ... المهم نتظاهر إحنا لاقيين ... و هي نظرة إيجابية متفائلة أحييك عليها ..

*الطفشان يقول ... نتظاهر و لكن بشرط أن لا يكون ذلك لعبة لكي نلتفت بعيداً عن مشاكل أخرى ... حتى نرتمي في أحضان الحكومة ( أمنا الغولة ) ...

*و أنا ... أقول نتظاهر و لكن بدون وصاية على كيفية التظاهر ... و ضد ماذا نتظاهر ...

و قد أغاظتني فعلاً هذه العبارة ...

الهتافات من المنصة فقط و حول هاتين القضيتين فقط

نظام إللي على رأسه بطحة ... يعني إيه؟ ... إحنا تلامذة في إبتدائي ؟ !! :roll:

[الطفشان]

*الطفشان يقول ... نتظاهر و لكن بشرط أن لا يكون ذلك لعبة لكي نلتفت بعيداً عن مشاكل أخرى ... حتى نرتمي في أحضان الحكومة ( أمنا الغولة ) ... 

الطفشان يقول

- التظاهر ضد الحرب مطلوب

و لكن:

- يجب ان يكون هناك حرية التظاهر (او الاعتراض السلمي على الاقل) ضد ما هو بداخل البلد كما التظاهر ضد ما هو خارجها

- عدم الهاء الشعب عن مشاكله الداخلية الملحة و الهامة بتنفيس الغضب ضد ما هو خارجي

[ابو حلاوه]

انا عندي احساس ان شعب مصر هيتحرك و يملا استاد القاهرة .. علي الاقل مائتي الف متظاهر...... منهم .....199 الف عسكري امن مركزي .... و الف شهيد مش هيبان لهم صاحب ....

الحداية ما بترميش كتاكيت

:? :?

[مصرى]

نفسي أعرف فين المكان إللي في القاهرة إللي ممكن يستوعب مليون مواطن

مش مصدق ؟ أبقى تعالى عد :D

[Seafood]

نفسي أعرف فين المكان إللي في القاهرة إللي ممكن يستوعب مليون مواطن

مش مصدق ؟ أبقى تعالى عد :D

و أنا ها عد ورا الحكومة برضه يا مصري ؟ .. لو الحكومة قالت إنهم مليون .. يبقوا مليون .. و عشرة كمان ... :D

[بنت بحري]

انا عندي احساس ان شعب مصر هيتحرك و يملا استاد القاهرة .. علي الاقل مائتي الف متظاهر...... منهم .....199 الف عسكري امن مركزي .... و الف شهيد مش هيبان لهم صاحب ....

الحداية ما بترميش كتاكيت

:?  :?

:D :D :D :D :lol: :lol: :lol: :lol:

:lol: :lol: :lol: :lol: :lol: :lol: :lol: :lol:

كان هنا في كندا مظاهرات بأعداد كبيرة وصلت إلى 15000 متظاهر

وخرجنا في هذه المظاهرات كنت بهتف و أناحاسة إني بهتافي أنا وغيري الدنيا حتتغير و تنتهي الحروب من العالم كله .

لكن أيه إل أتغير !!!!!!!!!!!!

ولللللللللللا حاجة ........ للأسف مفيش فايدة

[sarab]

هذه المظاهرة لن تقام سوى فى أحلامكم .... مليونية؟؟؟

[sarab]

فى الأستاد آه أنا ماكنتش واخد بالى , أنا كنت فاكر حتخرج بره , ممكن طبعا فاسوار الأستاد ستكون حائلا جيد لأى مفاجئات غير متوقعة كما أن الكاميرات ستكون راصدا لكل من تسول نفسه برفع شعارات كده ولا كده لا سمح الله

[sarab]

يعنى الدولة منظمة مظاهرة , طيب شكرا

[sarab]

طب متخلوها بعد الغزو علشان المشورة

[maksoof]

انا عندي احساس ان :

كان هنا في كندا مظاهرات بأعداد كبيرة وصلت إلى 15000 متظاهر

وخرجنا في هذه المظاهرات كنت بهتف و أناحاسة إني بهتافي أنا وغيري الدنيا حتتغير و تنتهي الحروب من العالم كله .

لكن أيه إل أتغير !!!!!!!!!!!!

ولللللللللللا حاجة ........ للأسف مفيش فايدة

والله يا بنت بحرى الحكومة الكندية بتسمع و بتعارض الكاوبوى اللى فى الجنوب و رئيس الوزراء كريتيان قال إنه مش حا يقيد قرار الحرب ما دام مش صادر من الأمم المتحدة.

مكسوف

[عمر بيك]

أنا أرجو من هولاء الجموع للسفر الي العراق وحمايته من هذا العدوان.

عمر :idea:

[الطفشان]

منذ عام مضى، قرأت عن مظاهرات قامت في مصر لتأييد الانتفاضة الفلسطينية و ضد اجتياح شارون لاراضي الضفة الغربية

و لكن هذه المظاهرة تحولت فجأة الى شعارات ضد الرئيس و ابنه علاء ايضا، و تنديد به

و هاهي وصلة المقالة، و قد نقلت منها الجزء المهم، و الشعارات التي قيلت

http://www.washtimes.com/upi-breaking/0504...84517-2980r.htm

April 6, 2002

Letter from Egypt: Monster without a head  

By Issandr El Amrani

UNITED PRESS INTERNATIONAL

...

On Wednesday, for instance, a group of leftist intellectuals staged a sit-in at the United Nations headquarters in Cairo, close to the British and American embassy. The Egyptian government has always taken great care to protect foreign institutions in Cairo, and none more so than the nearby U.S. Embassy. That the sit-in could happen at all is either a gigantic blunder by the security officials in charge, or a sign that in the confusion of the various demonstrations that sprang up across Cairo, this one slipped by.  

    During last Monday's riots, I was astonished to hear the gathered crowds switch from the anti-Israeli and anti-U.S. slogans they had started chanting to ones that targeted the regime and Mubarak specifically.  

    "O Mubarak, you coward, you are a client of the Americans,"  

    That's pretty strong talk in Egypt. The country may not be the same kind of dictatorship as you find elsewhere in the region -- Iraq and Syria come to mind -- but public criticism of the president is nevertheless not tolerated.  

    The anti-regime slogans had seemingly energized the crowds, and it was from that point that the demonstrations against Israel also turned into demonstrations against the regime and its inability to take a strong stance against Israel because it would upset its main backer, the United States. Egypt is in the third year of a recession (caused mostly by bad governance and corruption) and the economic shock delivered by Sept. 11 only made itworse.

يا مبارك يا ***ن يا ***ل الامريكان

يا علاء قول لابوك الملايين ب*****

يا مبارك فينك فينك دم رام الله بيننا و بينك (؟؟؟؟؟ مش متأكد من الترجمة)