ازدواجية الحكومة في التعامل مع الشعب

[الطفشان]

هو ايه اللي بيحصل بالضبط؟

مش فاهم؟

الحكومة تعقد اجتماع عاجل لمد العمل بقانون الطوارئ

http://www.egyptiantalks.org/phpBB2Plus/vi...opic.php?t=4848

و في نفس الوقت، و من ناحية اخرى

تنظيم مظاهرة مليونية ضد الصهاينة و امريكا

kbahey: http://www.egyptiantalks.org/phpBB2Plus/vi...opic.php?t=4855

يعني اشتم في "القوى" الخارجية زي ما انت عاوز، لكن الامور الداخلية تتطربق على دماغنا و احنا ساكتين؟

مش معقولة كدة بقى!

[DARWEEN]

ياسلام عليك ياطفشان لما تحبكها ...

ياأخي أعمل نفسك مش واخد بالك ...

وبعدين هي مظاهرة حكومية في ظل قانون الطواريء حاجه كده زي اللي عاوز يطلع مظاهره ماشي بس اللي فتح بقه بالـ ....

وبعدين هو فيه أيه مش متناقض أو إزدواجي في قرارات الحكومة ؟؟

هل تعويم سعر الجنية والمنطقة داخله على مرحلة عدم أستقرار هو اللي منطقي ؟

هل تجديد العمل بقانون الطواريء وترديد شعارات الديمقراطية هو اللي منطقي

[شيكو المصري]

مش عارف يا عم طفشان بتربط حاجات مع بعضيها بطريقة

انتة دلوقت بتخليني افكر :idea: السماح بعمل المظاهرة في نفس

التوقيت مع تجديد قانون الطواريئ اللي جاي علشان يكمم الناس و

المعارضة علشان ينفوا في نفس الوقت تأثيرة على الحريات لعامة

للشعب و مع كدة المظاهرة محددة بمعايير برضة .

لا و الله الحكومة بتاعتنا بتفكر برضة مش ساكتة :wink:

[ragab2]

انت

عليك تنفذ فقط وبدون مناقشة

الحكومة تأمر ونحن نطيع وهم أدرى بما ينفعنا وما يضرنا

والا هاتفهم أكتر من الحكومة

[kokowawa1979]

الطفشان كتب :

مش معقولة كدة بقى!

ماهو كدة مضبوط ياأستاذ طفشان هو انت ناسي إن الحكومة عندها شيزوفيرينيا واللا إيه :lol: :lol: :lol: :lol: