City of angels بتاريخ: 17 يناير 2008 تقديم بلاغ مشاركة بتاريخ: 17 يناير 2008 (معدل) اتكلم .. اتكلم هاسمعك هاسمع كل حاجة تقولها ليا همسك سكاتك غضبك ثورتك ضعفك هاسمع حتى الكلام الي مش ممكن تقول عليه كل حاجة كرهتها كل فرحة عشتها لو قلتلي انك ارق مخلوق في البشر اسمعك لو قلت يوم هاخدك وهاطلع للقمر هاسمعك لو قلت يوم انك هاتبعد عني وتفارق هوايا هاسمعك لو قلت كل الي بيخجلك هاسمعك ما بتقولش ليه اتكلم جوا قلبي اتكلم اتدفا بيه حضنه هيساع الليالي الي يا ما عشتها الليالي كلها حلوها او مرها اتكلم انا بسمعك لو ماكنتش انا هاسمعك مين الي ممكن يفهمك قول كل الخطايا واوعاك تخاف مش بس بسمع بفهم كمان كل الكلام بدايته ايه ونهايته ايه لو تحب ممكن اكملك كلامك قبل ما انت تكمله هاكملهولك واحكية بدالك لو كنت مش قادر تقول عليه لو حتى كنت مش عارف تقوله ليه اوعاك تفكر اني ممكن هازعل من كلامك مهما كنت بيه بنجرح مهما كانت قسوته لو كنت منه هانجرح يبقى ايه الفرق بيني وبين حد غيري غيري الي مش ممكن يفهمك زي ما قلبي بيفهمك اتكلم باسمعك مين غيري هايسمعك بسمعك اتكلم بسمعك مانت ياما قلت وياما كنت انا بسمعك تحب اختارك انا تحكيلي ايه احكي عالجرح الي ياما بيوجعك والي انت ياما حاولت منه تهرب وماقدرتش النهاردة ممكن منه تهرب لما تحكيلي عليه لان فيه حد غيرك .... حد غيرك ممكن معاك ... يحس بيه لانك هتلقى حضن ممكن تتدارى فيه ويسمعك ويسمعك كلام ينسيك الجراح كل الجراح ويفهمك ولا تحب تحكلي عالحلم الي ياما حلمت بيه وماقدرتش يوم توصلله احكيه معايا هاسمعك وهاحس بيه واحلم معاك دلوقت ممكن كل احلامك تصبح حقايق مانت النهاردة غير زمان النهاردة في حد غيرك حد يحلم الاحلام معاك ويفسرها ليك ياخد بايدك يعدي بيك يعدي للاحلام دلوقت فيه حضن دافي تلقى فيه مكان تكبر الاحلام تكبر معاها انت ناسي انا بسمعك ومش بس بسمع بعرف كمان حاجات كتيرة بس انت قول وانا هسمعك شوف لحد ايه ممكن القلب الي ياما كتير تعب ممكن يكون يكون لك ويكون معاك ..يكون فداك ولا تحب تحكي عللي في يوم بقلبك غدر وهان عليه سنين امان عشتهاله وهان عليه كل الاماني والليالي والسهر قول وانا هاسمعك هاسمع كمان خوفك لاكون في يوم واحد منهم واشوف كمان نظرة الشك الي في عيونك وافهمك وهاسمعك ولا عمري هازعل ولا نسيت مانا قلتلك اوعاك تفكر اني ممكن هازعل من كلامك مهما كنت بيه بنجرح مهما كانت قسوته لو كنت منه هانجرح يبقى ايه الفرق بيني وبين حد غيري غيري الي مش ممكن يفهمك زي ما قلبي بيفهمك كل دا ولسه خايف مالكلام اتكلم هاسمعك ولو ماتحبش الكلام مش مهم من غير ما تتكلم انا بسمعك من غير ما تحرك شفايفك بفهمك وبسمعك لاخر لحظة فيا ولاخر حته مني هاسمعك اتكلم بسمعك بسمعك عمرو عريبه تم تعديل 17 يناير 2008 بواسطة City of angels رابط هذا التعليق شارك المزيد من خيارات المشاركة
bentmasria بتاريخ: 19 يناير 2008 تقديم بلاغ مشاركة بتاريخ: 19 يناير 2008 صديقى عمرو تنتقل بين الوان الكتابة المختلفة فى ساحتنا بعفوية ومقدرة جميلة اهنئك عليها وربما بعد قراءتى لهذه المناجاة الجميلة احسدك ايضا على صدقها فقد شعرت وانا اقرأها اننى فى وقت ما احتجت ان اقول هذه الحروف لشخص ما فى عالمى بصدقها وان احاول حقا ان اميط اللثام عن خبايا روحه التى تغلفها نظرة صامته او حديث غير مكتمل كلنا يحتاج احيانا ان بقول اتكلم بسمعك :blush2: احسنت يا عمرو وفق الله خطاك لكل الصدق والخير ام مادا عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
shahd بتاريخ: 20 يناير 2008 تقديم بلاغ مشاركة بتاريخ: 20 يناير 2008 (معدل) اخي الغالي عمرو ... قمة في الروعه .. صح لسانك وادام الله عليك رقي ابداعك تم تعديل 20 يناير 2008 بواسطة شهد طـــــــفولــــة شــــــهـــد رابط هذا التعليق شارك المزيد من خيارات المشاركة
امانى بتاريخ: 21 يناير 2008 تقديم بلاغ مشاركة بتاريخ: 21 يناير 2008 الاخ الفاضل عمرو كلماتك رائعة راقية صادقة الاحساس سلمت اناملك والى المزيد امانى الصداقة كنز لا يفنى لازم نحافظ عليه رابط هذا التعليق شارك المزيد من خيارات المشاركة
City of angels بتاريخ: 23 يناير 2008 كاتب الموضوع تقديم بلاغ مشاركة بتاريخ: 23 يناير 2008 الاصيلة البنت المصرية الرقيقة شهد الرائعة أماني ما احوج من هو مثلي لتلك المساندة الرائعة التي تمنحونها لي دوما اشكر لكم دفء مشاعركم عمرو عريبه رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان