ثقافة حمام القطر المعدومة

[Nina Hussien]

بتكلم جد ... من غير مقدمات كل واحد يجيب ورقة و قلم و يحسبها معايا.

قطر السكة الحديد الدرجة الأولى، المسافر على خط القاهرة إسكندرية اللي هو أسهل خط ممكن نتكلم عليه. فيه عشر عربيات . سبعة منها درجة ثانية مكيفة فاخرة العربية 64 كرسي يتراوح سعر التذكرة من 20 إلى 32 جنيه نقول متوسط 25 جنيه و ثلاث عربيات درجة أولى فاخرة مكيفة العربية الواحد 45 كرسي يتراوح سعر التذكرة من 35 إلى 40 نقول متوسط 37 جنيه. يعني بحسبة بسيطة هنلاقي القطر اللهم لا حسد بيجيب في مسافة 200 كيلو عُمي حوالي 16000 جنيه من التذاكر بس.

ده غير تأجير البوفيه لشركة خاصة أسعارها ولا الفنادق الخمس نجوم مقابل نسبة من الأرباح " مثلاً زجاجة المية الصغيرة اللي تمنها برة 75 قرش بتتباع بـ 2 جنيه، و العصير اللي تمنه بره جنيه بيتباع بـ 3.5 جنيه. و ما تحطش أمل إن حد يرجعلك الباقي طبعا. ده غير جنيه المعونة اللي بيتاخد غصب على كل تذكرة " مع اننا انا اللي محتاجين معونة" و ماحدش عارف بيروح فين البظبط.

يعني نقول كده دخل القطر كله على بعضه 25 ألف جنيه. أنا بقى أتحدى إن تكلفة تشغيل القطر ده من ديزل و زيت و صيانة و عمالة تتعدى 500 جنيه نقول ألف - لأ ألفين كمان من عندي - بأي حال من الأحوال.

أنا مش منفسنة ولا بحسد شركة السكة الحديد المدعية الفقر طول السنة و فضايحها ماليا الدنيا و الحمد الله.

و مش هتكلم عن الصراصير الألماني اللي ساكنة في القطرات و بتتمشى على الشبابيك طول ما أنت قاعد و لو بلغت حد هيبصلك ببرود و يقولك حاضر يا فندم و لسان حاله بيقول " خايف من حتة صراصار يا صغنن، إنتوا جايين تقرفونا بقى ولا إيه ما تقعد و أنت ساكت." يمكن الصراصير دي عهدة حكومية ولا حاجة.

و لا هتكلم عن الفيديو بتاع القطر الأسباني اللي فرحوا بيه أول ما وصل و بعد كده غالبا باعوه ولا أجروه مش عارفة المهم انه اختفى.

و مش هتكلم برضه عن الست الغلبانة اللي وقعت بيها أرض الحمام في القطر و لا طبعا المحرقة اللي حصلت على خط الصعيد من كام سنة علشان دي قطرات الناس الوحشين الغلابة و بلاش نقلب على بعض المواجع.

أنا بتكلم عن قطر الناس الهاي و حق بسيط جدا يكفله الدستور لكل مواطن ماشي في الشارع ما بالك باللي دافع 36 جنيه في مسافة 200 كيلو متر . و هو حق دخول الحمام.

أه والله دخول الحمام بس. يعني فك زنقة بالبلدي. طبعا كلنا تقريبا حاولنا في يوم من الأيام و سرح بينا الخيال إننا نعمل العملة السودة دي. و كانت طبعا النتيجة مأسوية. ريحة ما تتوصفش، و حيطان مبقعة و صرف على القضيب و مافيش ماية ولا حنفيات ده غير ... و لا بلاش علشان الإحراج.

يعني بإختصار مزرعة متكملة لفيروس سي و دي و إف و إع و كل أنواع الجراثيم و الأمراض ده غير قلت المزاج بقى.

فلو حد من السادة الأفاضل مسؤلي السكة الحديد يفهمني هما إزازتين فنيك على إزازتين كلور و حبة رابسو هيكلفوا كام استريح؟

يعني لو جابوا ولدين حلوين من العواطلية القاعدين على القهوة ليل و نهار و شغلوهم مشرفين حمام بالبقشيش بس من غير مرتب زي ما معظم المطاعم و الكافتريات بتعمل هايخسروا ايه ؟

أظن مافيش أسهل من كده علشان بس يحسسونا إننا بني آدمين . الحكاية مش محتاجة حسبة برما و لا حجج فرغة إن الناس هي اللي ريحتهم وحشة و بيوسخوا الحمام . ما الناس دي هي اللي بتروح حمامات كنتاكي و كارفور و عاندهم حمامات في بيوتهم و بيعرفوا يستخدموها مش إختراع يعني!!

ثم راكبي قطارات الدرجة الأولى على وعي و ثقافة تأهلهم لاستخدام السيفون و حنفية المية و ممكن اعطاء دورات ارشادية لو الحكاية معقدة!!!

المهم با اني بقضي نصف عمري على القضيب بين اسكندرية و القاهرة ... نفسي اركب قطر فيه حمام صالح للاستخدام الآدمي.

و عقبال عندكم.

تم تعديل 18 يناير 2008 بواسطة Nina Hussien

[Sherief AbdelWahab]

س ح م حاصلة على شهادة فقر من أيام وزير kill bill إبراهيم الدميري الذي أنفق من وزارته نصف مليون جنيه على مكتب رئيس هيئة السكة الحديد في عهده اللي اللي يا ميمون!

وشهادات الفقر ليست غريبة على الفكر السياسجي البيروقراطجي.. فنقص الإمكانيات هو من أشهر الشماعات الإعلامية المحفوظة عن ظهر بوبي والتي يتم تسميعها في مثل تلك الظروف رغم أن العديد من القطاعات تحقق مكاسب مالية هائلة كان من باب أولى أن تُنفَق على تحسين الخدمة.. لكن هذا عادة لا يحدث..

لكن ما أذهلني أمران :

الأول هو أن هذا يحدث في قطار سكة حديد درجة أولى.. أمال قطورات السبنسة شكلها إيه دلوقت؟

والثاني أن الصراصير الألماني غزت السكة الحديد .. أيام الدميري متهيألي ما كانش اتسمح لكل قطر بتقييد أكثر من صرصارين أجانب في القايمة! :blush2:

وكم ذا بمصر من مضحكات.. ولكنه..

خلص الكلام

[Nina Hussien]

لكن ما أذهلني أمران :

الأول هو أن هذا يحدث في قطار سكة حديد درجة أولى.. أمال قطورات السبنسة شكلها إيه دلوقت؟

والثاني أن الصراصير الألماني غزت السكة الحديد .. أيام الدميري متهيألي ما كانش اتسمح لكل قطر بتقييد أكثر من صرصارين أجانب في القايمة!

وكم ذا بمصر من مضحكات.. ولكنه..

خلص الكلام

حالة القطارات لوصلت لأروع صورها الآن

لم أسمع ان مصر اشترت قطارات جديدة منذ ثفقة القطارات الاسباني من 15 عاما الله يمسيهم بالخير.

أما الصراصير الألماني فتعامل معاملة الاجانب في مصر

أي ان لها حقوق لا يتمتع بها المصريين انفسهم mf-:

و لا تسأل عن قطارات الغلابة

لان معروف طبعا انهم يا بيلوعوا فيها يا بيدخلوا بيها السوق :blink:

[Alshiekh]

بتكلم جد ... من غير مقدمات كل واحد يجيب ورقة و قلم و يحسبها معايا.

قطر السكة الحديد الدرجة الأولى، المسافر على خط القاهرة إسكندرية اللي هو أسهل خط ممكن نتكلم عليه. فيه عشر عربيات . سبعة منها درجة ثانية مكيفة فاخرة العربية 64 كرسي يتراوح سعر التذكرة من 20 إلى 32 جنيه نقول متوسط 25 جنيه و ثلاث عربيات درجة أولى فاخرة مكيفة العربية الواحد 45 كرسي يتراوح سعر التذكرة من 35 إلى 40 نقول متوسط 37 جنيه. يعني بحسبة بسيطة هنلاقي القطر اللهم لا حسد بيجيب في مسافة 200 كيلو عُمي حوالي 16000 جنيه من التذاكر بس.

ده غير تأجير البوفيه لشركة خاصة أسعارها ولا الفنادق الخمس نجوم مقابل نسبة من الأرباح " مثلاً زجاجة المية الصغيرة اللي تمنها برة 75 قرش بتتباع بـ 2 جنيه، و العصير اللي تمنه بره جنيه بيتباع بـ 3.5 جنيه. و ما تحطش أمل إن حد يرجعلك الباقي طبعا. ده غير جنيه المعونة اللي بيتاخد غصب على كل تذكرة " مع اننا انا اللي محتاجين معونة" و ماحدش عارف بيروح فين البظبط.

يعني نقول كده دخل القطر كله على بعضه 25 ألف جنيه. أنا بقى أتحدى إن تكلفة تشغيل القطر ده من ديزل و زيت و صيانة و عمالة تتعدى 500 جنيه نقول ألف - لأ ألفين كمان من عندي - بأي حال من الأحوال.

و عقبال عندكم.

طيب نحسبها بالراحة شوية

الركاب حايدفعوا 16000 ، مين بقى اللى حايدفع الـ 9000 الباقيين؟ هذا غير التذاكر المخفضة والمجانية والاشتراكات ...... ماعلينا.

ندخل على النقطة المهمة وهى استهلاك البترول ، من المعروف ان استهلاك الراكب للطاقة على القطارت المكيفة يكون اعلى من المعدل عند استخدام السيارة او الاتوبيس ، واعتقد ان مايدفعه الراكب فى تذكرة السفر على خطوط القطارات فى مصر اقل او بالكاد يساوى التكلفة الحقيقية وان كنت اعتقد انها اقل بكثير من التكلفة الحقيقية.

انا حقيقى مستغرب كيف تخيلت ان 640 راكب يسافرون على متن ضطار مكيف درجة اولى وثانية تكون تكلفة الراكب فقط 3 جنيهات كما تفضلت وحسبتيها. اعتقد ان الآلة الحاسبة التى استخدمتيها بها عطل ما. :wub:

تم تعديل 24 يناير 2008 بواسطة Mohammad

[Nina Hussien]

بتكلم جد ... من غير مقدمات كل واحد يجيب ورقة و قلم و يحسبها معايا.

قطر السكة الحديد الدرجة الأولى، المسافر على خط القاهرة إسكندرية اللي هو أسهل خط ممكن نتكلم عليه. فيه عشر عربيات . سبعة منها درجة ثانية مكيفة فاخرة العربية 64 كرسي يتراوح سعر التذكرة من 20 إلى 32 جنيه نقول متوسط 25 جنيه و ثلاث عربيات درجة أولى فاخرة مكيفة العربية الواحد 45 كرسي يتراوح سعر التذكرة من 35 إلى 40 نقول متوسط 37 جنيه. يعني بحسبة بسيطة هنلاقي القطر اللهم لا حسد بيجيب في مسافة 200 كيلو عُمي حوالي 16000 جنيه من التذاكر بس.

ده غير تأجير البوفيه لشركة خاصة أسعارها ولا الفنادق الخمس نجوم مقابل نسبة من الأرباح " مثلاً زجاجة المية الصغيرة اللي تمنها برة 75 قرش بتتباع بـ 2 جنيه، و العصير اللي تمنه بره جنيه بيتباع بـ 3.5 جنيه. و ما تحطش أمل إن حد يرجعلك الباقي طبعا. ده غير جنيه المعونة اللي بيتاخد غصب على كل تذكرة " مع اننا انا اللي محتاجين معونة" و ماحدش عارف بيروح فين البظبط.

يعني نقول كده دخل القطر كله على بعضه 25 ألف جنيه. أنا بقى أتحدى إن تكلفة تشغيل القطر ده من ديزل و زيت و صيانة و عمالة تتعدى 500 جنيه نقول ألف - لأ ألفين كمان من عندي - بأي حال من الأحوال.

و عقبال عندكم.

طيب نحسبها بالراحة شوية

الركاب حايدفعوا 16000 ، مين بقى اللى حايدفع الـ 9000 الباقيين؟ هذا غير التذاكر المخفضة والمجانية والاشتراكات ...... ماعلينا.

ندخل على النقطة المهمة وهى استهلاك البترول ، من المعروف ان استهلاك الراكب للطاقة على القطارت المكيفة يكون اعلى من المعدل عند استخدام السيارة او الاتوبيس ، واعتقد ان مايدفعه الراكب فى تذكرة السفر على خطوط القطارات فى مصر اقل او بالكاد يساوى التكلفة الحقيقية وان كنت اعتقد انها اقل بكثير من التكلفة الحقيقية.

انا حقيقى مستغرب كيف تخيلت ان 640 راكب يسافرون على متن ضطار مكيف درجة اولى وثانية تكون تكلفة الراكب فقط 3 جنيهات كما تفضلت وحسبتيها. اعتقد ان الآلة الحاسبة التى استخدمتيها بها عطل ما. :lol:

هل تتوقع ان تكلفة القطار تتعدى 25 الف جنيه !!!!

ليه

راكبين طيارة !!!

ايش حال انه ماشي بالديزل مش البنزين

و المسافة 200 كم مش راكبين للمراكش يعني !!!

ثم ايه دخل ده بنظافة الحمام

هو ظافة الحمام هاتفلس السكة الحديد !!!!

[رمضان]

السلام عليكم ورحمة الله وبركاته

الاخت الفاضلة صاحبة الموضوع لو تسمحيلي اني اتكلم في النقطة دي من وجهة نظر اخرى

تفضلتي بالحديث عن النظافة في القطارات وعدم اهتمام الحكومة او الجهة المسؤولة عن نظافة القطارات كلام جميل ، لكن ما دور المواطن في الحفاظ على المرافق العامة بوجه عام .

هل تشتري الحكومة هذه القطارات بهذه الحالة المزرية ؟ انا لا اعتقد ذلك وانتم ايضا ، اذن من يقوم يقوم بتكسير نوافذ القطارات والكتابة عليها واستخدام الامواس في تخريب الكراسي وما الى ذلك ؟ هل مثلا يأتي وزراء الحكومة بهذه الافعال ؟ ام الركاب انفسهم والذين اعتقد ان معظمهم من طلبة الجامعة ؟ الاجابة بسيطة الراكب نفسه من يقوم بتلك الافعال .

عندما كنت في مصر كنت اشاهد بأم عيني المواطنين وهم يكسرون المرافق العامة وبدون سبب والله بدون سبب ، فتجد من يكسر لمبات الانارة بالشارع ومن يعبث بمحولات الكهرباء ... الخ وعندما تسال احدهم يجاوبك اجابة غبية ويقول لك بكل بساطة انا متضايق من الحكومة ودي املاك الحكومة ، طبعا هذا الكلام غبي جدا فالوزير لن يركب قطار او يسير في الشارع ويخشى الظلام ، من يعاني هو أنت !!!

اذن هناك دور ايضا علينا نحن المواطنين في الحفاظ على هذه المرافق .

لابد ان يكون هناك توعية من البيت والمدرسة للحفاظ على املاكنا .

انا لا انكر دور الحكومة ولكن احملي المواطن المسؤولية ايضا في تلك المهازل اليومية التي نراها وسنظل نراها لاننا مازلنا اميون وليس شرط ان الامي هو الشخص الذي لا يعرف القراءة والكتابة ولكن الامي هو الجاهل باسط الامور والجاهل بحقوقه وواجباته

[Nonna]

افتكرت موقف

كنت في رحلة تبع الجامعة

واحنا مروحين اخر اليوم طبعا كان الواحد هلكان و بيكنى نفسه بس يسند راسه على ازاز

الشباك اللي جنبه

لسة بحط راسي لقيت صرصار

طبعا قمت جريت

معرفش اذا كنت هرست اللي جنبي او حبتلها هارت اتاك لما خضتها وهي نايمة هي كمان

الصرصار نفسه اتخض من ردة فعلي

وطار طار طار

و اخيرا استقر على الكرسي نفسه

مشرف الباص جه يشوف في ايه

بالذات ان حالة من الهرج و المرج و الدوشة

صرصار بيطير طبعا

لقى الصرصار على الكرسي

لقيت نفسي بقوله :صرصار !!!

قاللي : مانا شايفه

قلتله طيب ايه ؟

قاللي بكل بساطة:هو من الاشراف برده اقتل الصراصير ولا ايه؟!!

ووقف معايا

نتفرج احنا الاتنين على الصرصار

!!!!!

[ابو محمود]

السلام عليكم ورحمة الله وبركاته

الاخت الفاضلة صاحبة الموضوع لو تسمحيلي اني اتكلم في النقطة دي من وجهة نظر اخرى

تفضلتي بالحديث عن النظافة في القطارات وعدم اهتمام الحكومة او الجهة المسؤولة عن نظافة القطارات كلام جميل ، لكن ما دور المواطن في الحفاظ على المرافق العامة بوجه عام .

هل تشتري الحكومة هذه القطارات بهذه الحالة المزرية ؟ انا لا اعتقد ذلك وانتم ايضا ، اذن من يقوم يقوم بتكسير نوافذ القطارات والكتابة عليها واستخدام الامواس في تخريب الكراسي وما الى ذلك ؟ هل مثلا يأتي وزراء الحكومة بهذه الافعال ؟ ام الركاب انفسهم والذين اعتقد ان معظمهم من طلبة الجامعة ؟ الاجابة بسيطة الراكب نفسه من يقوم بتلك الافعال .

عندما كنت في مصر كنت اشاهد بأم عيني المواطنين وهم يكسرون المرافق العامة وبدون سبب والله بدون سبب ، فتجد من يكسر لمبات الانارة بالشارع ومن يعبث بمحولات الكهرباء ... الخ وعندما تسال احدهم يجاوبك اجابة غبية ويقول لك بكل بساطة انا متضايق من الحكومة ودي املاك الحكومة ، طبعا هذا الكلام غبي جدا فالوزير لن يركب قطار او يسير في الشارع ويخشى الظلام ، من يعاني هو أنت !!!

اذن هناك دور ايضا علينا نحن المواطنين في الحفاظ على هذه المرافق .

لابد ان يكون هناك توعية من البيت والمدرسة للحفاظ على املاكنا .

انا لا انكر دور الحكومة ولكن احملي المواطن المسؤولية ايضا في تلك المهازل اليومية التي نراها وسنظل نراها لاننا مازلنا اميون وليس شرط ان الامي هو الشخص الذي لا يعرف القراءة والكتابة ولكن الامي هو الجاهل باسط الامور والجاهل بحقوقه وواجباته

أخى الفاضل ان من أهم الأشياء التى تجعلك تحافظ وانت صغير على العابك ان تكون ملك لك وينمى ابائك هذة الخصال بك وانت فى طور الحياة الأول وعندما تكبر تجد انك تحافظ على كل ما حولك ولاكن عندما تكبر وتجد ان الكبير يأكل الصغير وان الفساد هو السائد وان اللا عدل هوالحاكم لكل ما حولك ستجد أصابات كثيرة بأمراض نفسية ومنها الأنتقام من كل ما لا تملكة وهذا ليس بسبب التربية ولاكنة بسبب عدم العدالة الأجتماعية فليس من يكسر أزاز مجنون وليس من يقطع فرش كرسى أهبل بل هومرض نفسى نتج من الأحساس بالغربة فى البيت او المكان الذى يأوى ذلك الفرد أن الأحساس بالغربة داخل الوطن يصيب المواطن بأمراض منها ما تشاهدة حضرتك ومنها عدم الأنتماء واللا مبالاة التى نعيشها ويعيشها شباب هذة الأمة التى تسرق كل طلعة شمس وتسرق بسمة الشباب ويكسو وجوههم الحزن لأنهم غرباء فى اوطانهم فهل أحس الفقير يومآ ان لة قيمة فى هذا الوطن الا يوم يهاجم ويعتدى علية ويهرب من يسرقة ويدافع عنة من كان يومآ محرومآ من خيرة ولاكن أخشى ان يكون مرض اللا مبالاة قد استفحل فحين يعتدى على الوطن يومها لن نجد فقيرآ يدافع لأنهم قد أصابهم الوهن وعدم الأكتراث فاليوم غير الأمس الكل أصبح يعرف اين يكون الداء وكيفية الدواء فما يحدث ليس الا ردة فعل عن وضع مقلوب فمن يملك اليوم لا يترك اى فتات لمن لا يملك وهذا سبب كوارثنا التى تتتابع فى شتى المجالات

[رمضان]

ولاكن أخشى ان يكون مرض اللا مبالاة قد استفحل فحين يعتدى على الوطن يومها لن نجد فقيرآ يدافع لأنهم قد أصابهم الوهن وعدم الأكتراث فاليوم غير الأمس الكل أصبح يعرف اين يكون الداء وكيفية الدواء فما يحدث ليس الا ردة فعل عن وضع مقلوب فمن يملك اليوم لا يترك اى فتات لمن لا يملك وهذا سبب كوارثنا التى تتتابع فى شتى المجالات

لقد لفت انتباهي جملة لن نجد فقير يدافع عن الوطن

أرجو منك اخي الفاضل ان توضح ماذا تقصد بهذه الجملة فأخشى ان يفسرها البعض بشكل خاطئ

[إيزيس]

بتتكلموا عن الصراصير والحمامات يا إخواني إحنا الصيف الماضي الأولاد حابين يركبوا القطار لأول مرة لإسماعيلية ولآخر مرة طبعا في حياتهم ولأنه مكيف قلت أحسن من المواصلات العادية في الحر.أول مفجأة التذكرة 12 جنيه التانية الكراسي حالتها لا تطاق اما حكاية الحمامات دي إحنا أعقل من إننا نفكر فيها مهما حصل لكن المفاجأة الجديدة القطر وقف ... عطل وما حدش بيرد عليك وكل ما تسأل تحس إن حد هيلطشك مش من حقك تسأل وإيه يعني لما يعطل ساعة اتنين تلاتة لما جابوا مقطورة تجرنا وتخيلوا لو حد تعبان أو عنده ميعاد أو أي طاريء ولما وصلنا العيلة منتظرة في مشهد درامي وطبعا كل واحد بكلمة وأهم كلمة..... لسه في حد بيركب القطر ؟؟ أنا جيت أوري أولادي حاجة جديدة وظريفة بقيت مش عارفة أودي وشي منهم فين وطبعا بلعت الموقف وقلت عادي كل حاجة بتعطل لكن الحقيقة مش عادي على الأقل كومساري يقول لنا sorry

تم تعديل 29 يناير 2008 بواسطة قرنفل

[badroora]

يااااااااااااااااااه فكرتونى بالقطر اللى تناسيته من شهرين تقريبا .

فى شهر نوفمبر اتحفنى الحظ وقررت ازور اسوان انا وصديقتى من كثرة الرفاهية اللى احنا فيها قررنا نسافر بالقطار وليس طيران وانا اعجبت بالفكرة كثيرا وذهبنا لحجز التذاكر قولنا نجرب قطر النوم اللى بيحكوا عنه روحنا وبعدين قابلتنا مشكلة ان صحبتى اجنبية ولازم تدفع تذكرة اجانب وطبعا صحبتى راسها والف جزمة ماهى دافعه زيادة عن اللى انا هادفعه كمواطنه مصرية يعنى :blush2: المهم عشان افض المشكلة والرحلة مش تبوظ قولتلها خلاص نشوف قطر يعاملنا سواسية وبسعر واحد .

قولنا نحجز درجة اولى مكيف واكيد اكيد هيبقي نظيف ومريح روحا حجزنا والتذكرة كانت ب 150 جنية طبعا انا قولت طالما التذكرة غالية كدا يبقي اكيد دى طيارة على هيئة قطر المهم الكرسيين يتوعنا كانوا اول كرسين بعد الحمام مباشرة طبعا انا لمدة 5 دقايق مركزتش بل بالعكس فرحت لانى كنت فى وش التليفزيون المهم مافيش 10 دقايق ولاقيت روايح وعينك ماتشوف الا النور قمت استكشف المكان ولاقيته عبارة عن ,,,,, بلاش

المهم قولت استنى لما اشوف حد من المسؤولين .

شرف الكمسري قبل ما القطر يتحرك بكل براءة طليت منه ممكن تجيب لنا روتانا سينيما بصلي واستغرب اجيبهالك ازاى قولتله من التليفزيون دا ودا بصلي واستغرب كأنى قولت شيء مش ولا بد قالى يا انسة التليفزيون بايظ من 4 سنوات قولت يااااااااااااااااااااه ومن 4 سنوات وللحين مبلغتوش عن العطل فى التليفزيون ؟؟؟؟!!

الجو برد قولتله لو سمحت افتحوا التكييف بقي قالى تكييف ايه قولتله مش دا قطر مكيف قالى المفروض وسالنى حضرتك مش مصرية شكلك طبعا بكل برئه مفهمش قصده ايه :happy: ؟؟؟!!!

و14 ساعة ساكنه جنب الحمام واتعميت من الروائح وكأن الناس دي عبارة عن ,,,,,, مش من حقهم حتى يقعدوا فى مكان نظيف

احسبوا بقي كام نفر فى 150 جنية تطلع كام والحكومة بتضرب كام فى جيوبها ؟!!!

قطر الرجوع بقي كان كويس جدا ونظيف فى قطر النوم حيث ربنا كرمنا بواحد قلبه مش على الحكومة وحجز لنا بسعر واحد

الحمام نظيف

مكيف

ومش ناقصة غير حاجات بسيطة جدا

ماية

سيفون

مناديل

سوب

ويجعلة عامر wst::

تم تعديل 29 يناير 2008 بواسطة Badria Mekkawy

[ابو محمود]

ولاكن أخشى ان يكون مرض اللا مبالاة قد استفحل فحين يعتدى على الوطن يومها لن نجد فقيرآ يدافع لأنهم قد أصابهم الوهن وعدم الأكتراث فاليوم غير الأمس الكل أصبح يعرف اين يكون الداء وكيفية الدواء فما يحدث ليس الا ردة فعل عن وضع مقلوب فمن يملك اليوم لا يترك اى فتات لمن لا يملك وهذا سبب كوارثنا التى تتتابع فى شتى المجالات

لقد لفت انتباهي جملة لن نجد فقير يدافع عن الوطن

أرجو منك اخي الفاضل ان توضح ماذا تقصد بهذه الجملة فأخشى ان يفسرها البعض بشكل خاطئ

انى اقصدما تراة فى الصورةياسيدى

[ابو محمود]

يا بدردر اية النور الجامد اللى ضرب مرةواحدة فى السكة الحديد دة

وانا قول لية التذاكر غلوها بعدنوفمبر ؟

انا بصبح طب كدةبقى انا عرفت الناس بتسطح لية فوق القطر ؟

اكيد ما بيستحملوش التكييف او الزنقة من غير ....... وبيطلعو فوق منهم للسما هههههههههههههههههه

صباحك جميل يا نجفة