kokowawa1979 بتاريخ: 24 فبراير 2003 تقديم بلاغ مشاركة بتاريخ: 24 فبراير 2003 هل شاهدتم حلقة أمس الأحد من برنامج هلا شو !!! كنت أدور بين محطات التليفزيون مصادفة فشاهدت هلهولة مستضيفة بعض فلتات الزمان اللي بيسموهم مثقفين ولن أذكر أسماءهم لأنها عورة !!!! المهم الزباين بتوع هلهولة كانوا يتكلمون عن موضوع ضرب العراق وكيف كان أحد المتخلفين عقليا يقول إذاصدام استقال فلن يكون هناك حرب ياسلام ياجهبذ ياللي جبت التايهة ومن المؤسف أن والده كان وزيرخارجية يعني المفروض أبوه سقاه السياسة سقي !!! ماعلينا أعطيت الفرصة لبعض الشباب الخنافس اللي بتسضيفهم هلهولة باستمرار يعني في السياسة تلاقيهم في برامج الفنانين تلاقيهم وهلم جرا !!! هنا ظهرت فتاة مش خنفوسة ويبدو أنها ضربت كرسي في الكلوب ودخلت في الممنوع فسألت سؤال فيه دهاء : هل يمكن أن يأتي على مصر وقت ويحكمها رئيس أمريكى ؟؟؟ أنا شايف من ناحيتي إنه سؤال عاقل جدا !!!! هنا قامت القيامة وبدأ الخبط في الحلل الخاصة بالفتاة البريئة التي ظنت أن الندوة ديموقراطية فهبت فيها هلهولة بوصلة ردح منفرد إيه السؤال الساذج ده عيب كدة يتقال على مصر حضارة ال7000 سنه إن ييجي يوم ويرؤسها رئيس أمريكي وظلت تهتف بطريقة سنية ولعه لحد ماباقي الشباب الخنافس صقفوالها !!!! وبدأ الأخ نجل وزير الخارجية السابق يتكلم بأن جيش مصري قوي ورادع وعلشان كدة شارون مش قادر يهاجم مصر !!!! شفتم المنطق !! ومصر من أكتر من 5000 سنه مفيش حاكم أجنبي حكمها !!!!!!! طيب ياجهبذ يابتاع الدراسات الاستراتيجية ونجل وزير الخارجية الملك والحكومة المصرية قبل الثورة مش كانت بتاخد أوامرها من المندوب السامي البريطاني !!!! تسمي ده إيه والخديوية اللي حكموا مصر مش كلهم أتراك !!!! وحينما حاول صحفي يسمى سليمان الحكيم الدفاع عن سؤال الفتاة طلعت فيه سنية ولعة ولهته وسكتته وآدي إعلام الست سنية ولعة !!!! لكن تعالوا نناقش هل من الممكن أن يحكم مصر رئيس أمريكي في يوم من الأيام !!! إيه رأيكم لو حولنا السؤال ده للسياسة الداخلية اسألوا الأيام .......... اسألوا الآلام من الملام إذا ......... وكلنا لوام رابط هذا التعليق شارك المزيد من خيارات المشاركة
Sherief AbdelWahab بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 هل لا زال من يدعون أن الإعلام المصري بشكله الحالي المهلهل ينتمي إلى مدرسة "الإعلام الهادئ" بعيدا عن "صراع الديوك" لديهم كلام ليقولوه بعد حلقة هلا شو الأخيرة؟...و التي تريد أن تثبت بها الست المذيعة أنها أعلى صوت في الحلقة...و أنها قادرة على أن تقول للضيف الذي لا يوافق كلامه هواها بخ يتبخ!... كما يقول المثل:داحنا دافنينه سوا...و برامج "التوك شو" في معظمها تمثيل في تمثيل أصلا...من أول الكومبارس"الجمهور"...المعروفين مسبقا...و من الممكن دعوة أي قريب لأي عامل أو معد في البرنامج حتى تكتمل الصورة...و لما يعطي المخرج إشارة للكومبارس بالتصفيق يصفقون"وهذا للعلم هو الخلاف بين هلا شو و جلسات مجلس الشعب!"...وفي بعض الأحيان يكون طرح بعض الأسئلة الساخنة عن عمد!...لجعل الحلقة "أكثر إثارة"!... مذيعة خبيرة في برامج التمثيل تلك أثبتت "خيابة" غير عادية...لأن الأستاذ صلاح عيسى رفع صوته عن المتوقع...وجاراه بعض الضيوف...كدة قلبت قناة الجزيرة...ياي!...و لو هالة سرحان تتمتع ببعض "الشطارة" الإعلامية لامتصت الموقف...بدلا من الزعيق...وربما التهديد برفع البطاقة الحمراء للضيوف غير الملتزمين... للأسف هناك في مصر من لا يزال يعتقد أن 1+1=يوم الجمعة...وهم يكتبون في الصحف و يتحدثون في التليفزيون...و لا يزالون يحاولون اقناعنا بأن قناة النيل للأخبار تتفوق على البي بي سي...و أن منشآتنا الإعلامية تجتذب الشركات الإعلامية لعمل فضائيات تنطلق من القاهرة-بأمارة الشوتايم التي ستغلق مقرها في القاهرة و تستعد للانتقال إلى دبي!-وأن إعلام الريادة هو الأفضل في العالم... هؤلاء ...كتاب الزور...قادرون على تضليل إبليس...و ليس المجتمع المصري فقط!...و يا إحنا يا همة...و وراهم وراهم حتى يفتضح أمرهم أو يقضي الله أمرا كان مفعولا... وعلى رأي المثل: press any key to continue خلص الكلام Sherief El Ghandour<br /><br />a furious Egyptian رابط هذا التعليق شارك المزيد من خيارات المشاركة
شيكو المصري بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 خدتها من على لساني يا كوكوواوا انا كنت حنزل موضوع في نفس الاطار يتكلم عن ما يحدث في العراق و هل ترضى بذلك حدوثة في مصر و ماذا ستفعل يا ريت تنزل الموضوع في السياسة الداخلية الله غايتنا....الرسول قدوتنا ......القرآن دستورنا ......الجهاد سبيلنا ............الموت في سبيل الله اسمى امانينا. رابط هذا التعليق شارك المزيد من خيارات المشاركة
Proud Muslim بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 بصراحة يا جماعة كله كوم .. و موضوع الشباب الخنافس ده كوم تاني .. و الله فعلا مأساة ان يكون هذا حال فئة من شباب مصر .. :( يعني واحد عامل شعره أحمر .. كيف يمكن له ان يناقش ضرب العراق .. هو أصلا يعرف العراق دي ايه ؟؟؟ و على فكرة .. حكى لي صديق أنه بالفعل يتم اعطاء اشرة بالتصفيق للجمهور .. و أن هالة هانم بتربط مع الخنافس قبل البرنامج .. و اللي يخالف هتمسح بيه أرض الاستوديو لما عرف عنها من سلاطة لسان غير معهودة !! طيب و بعدين مع هالة دي ؟؟ يعني بصراحة مش عارف هي آخرتها ايه معاها ؟؟ نفسي أروح مرة .. و أطلع أديها كلمتين في عظامها .. و تبقى تعمل فيها سنية ولعها بقى .. و بعدين حكاية 7000 سنة مش خلاص بقى ؟؟ أكل عليها الزمن و شرب ؟؟ هي الناس لسه بتصدق الكلام العبيط ده ؟؟ و الله مأساة .. ذو العقل يشقى في النعيم بعقله.. واخو الجهالة في الشقاوة ينعم هذه مدونتي: Fathy رابط هذا التعليق شارك المزيد من خيارات المشاركة
elbana بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 آسف ما عرفتش أحذف المداخلة الزيادة -- الاخ البنا يبدو انه حصل قفلة انا حذفت احدى المداخلتين المكررتين و في نفس الوقت، انت كنت تعدل هذه المداخلة ياريت لو عندك نسخة على الجهاز بتاعك تضيفها هنا و معذرة الطفشان رابط هذا التعليق شارك المزيد من خيارات المشاركة
kokowawa1979 بتاريخ: 26 فبراير 2003 كاتب الموضوع تقديم بلاغ مشاركة بتاريخ: 26 فبراير 2003 مسلم فخور كتب : نفسي أروح مرة .. و أطلع أديها كلمتين في عظامها :) :) ماينفعش تروح ياأخ مسلم لإنك مش شاب من الخنافس :D :D :D :D اسألوا الأيام .......... اسألوا الآلام من الملام إذا ......... وكلنا لوام رابط هذا التعليق شارك المزيد من خيارات المشاركة
Proud Muslim بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 ماينفعش تروح ياأخ مسلم لإنك مش شاب من الخنافس معلش يا أخي العزيز .. الواحد ساعات بينسى نفسه !! :) بصراحة الأخ elbana خلاني أموت من الضحك !! :) :D فعلا ..هم بيقلدوا لبنان و مذيعات لبنان .. و لبنان يموتوا في تقليد أمريكا و الهيافة و العري و الابتذال .. بصراحة .. دريم .. قناة غير محترمة !! ذو العقل يشقى في النعيم بعقله.. واخو الجهالة في الشقاوة ينعم هذه مدونتي: Fathy رابط هذا التعليق شارك المزيد من خيارات المشاركة
kokowawa1979 بتاريخ: 26 فبراير 2003 كاتب الموضوع تقديم بلاغ مشاركة بتاريخ: 26 فبراير 2003 شيكو كتب : يا ريت تنزل الموضوع في السياسة الداخلية تفضل إنت يا أخ شيكو وقم بإنزاله كموضوع جديد بالسياسة الداخلية اسألوا الأيام .......... اسألوا الآلام من الملام إذا ......... وكلنا لوام رابط هذا التعليق شارك المزيد من خيارات المشاركة
elbana بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 يا خسارة تعبي ، ده أنا حطيت في الموضوع ده عصارة خبرتي الفكرية والثقافية ، ده الأعضاء فاتهم كم من المعرفة والتنوير لا يمكن يتصوروه ، أعمل ايه أنا دلوقتي ، أخش الحربية ازااااي ، أنا أحتج دي مصادرة على الفكر ، وقصف للأقلام الحررة ، ومحاولة لتكميم الأفواه ، المداخلة بتاعتي كانت ستعتبر وثيقة تتناقلها الأجيال تؤرخ لواقع المجتمع المصري وتسير عليها الحكومات المتعاقبة في مجال الإعلام وتنصلح بها أحوال البلاد والعباد ، ولكن لأغراض قمعية تم حذف مداخلتي . عموماً أنا مش فاكر منها ولا كلمة :) :) :D ولا يهمك يا عم الطفشان ، بكره القريحة تجود بغيرها وأتحفكم بدرة أخرى تسير على نهجها الأجيال المتعاقبة . رابط هذا التعليق شارك المزيد من خيارات المشاركة
Katamando بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 سؤال ؟ ممكن يعني أعرف مادام كل الكره ده موجود لهالة سرحان .................. بتتفرجوا عليها ليه؟ علشان انتوا غاويين تعذبو نفسكو ولا الريموت بيعلق على القناة دي (والكلمة السحرية بتاعت أيدك والريموت كنترول بتشتغل) ولا ما أسخم من سيدي إلا ستي يعني كله محصل بعضه يعني مافيش حاجة ارحم من كده خلاص اللي مش عاجبه اللي بيشوفوه يغير القناة وبلاش وجع دماغ مش كده ولا ايه؟ قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم __________________________________________________________________ بيض صنائعنا ... سود وقائعنا ... خضرمرابعنا ... حمر مواضينا _______________________ رأيت هم جميع الناس ماملكو وما ولدو فالحمد لله لا مال ولا ولد رابط هذا التعليق شارك المزيد من خيارات المشاركة
elbana بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 ما هو المصيبة إن أنا كنت مجاوب على السؤال ده يا كاتماندو في المداخلة التاريخية بتاعتي اللي حذفها أخونا الطفشان ، الرد بسيط ، أنا غاوي أجيب لنفسي النكد ، باتفرج علشان أشوف وصلت بينا الوقاحة الإعلامية لفين ، علشان أشوف الغم بعيني وأبات متنكد ومقهور ، آخ بس لو المداخلة دي ما كانتش اتحذفت كنتوا لقيتوا إجابة على كل أسئلتكم :) :) :D رابط هذا التعليق شارك المزيد من خيارات المشاركة
Katamando بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 انا شايف أن في ناس كتير من اللي بيشوفو برامج هالة سرحان وحريصين عليها وبعدين يرجعو ينتقدوها بشده, نا شايف ان ده نوع من أعراض الماسوخية وهي التلذذ بان يعذبنا الآخرين وبعد ما الحالة تعدي والحلقة تخلص نفوق ونبتدي نشتكي ف أنا من رايي ان ما دام هي قرفاكم كده ماتتفرجوش عليها وشوية شوية مافيش حد يتفرج عليها خلاص وتبقى موجة وهوجة وعدت وبلاش وجع دماغ قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم __________________________________________________________________ بيض صنائعنا ... سود وقائعنا ... خضرمرابعنا ... حمر مواضينا _______________________ رأيت هم جميع الناس ماملكو وما ولدو فالحمد لله لا مال ولا ولد رابط هذا التعليق شارك المزيد من خيارات المشاركة
elbana بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 شوف يا عم كاتماندو ، إنت حصرت الموضوع في نطاق ضيق جداً ، وهو إننا نسيب اللي مش عاجبنا ونتفرج على اللي عاجبنا ، بينما إحنا بنناقش اللي مش عاجبنا ده مش عاجبنا ليه؟ وإيه اللي يوصل مستوى الإعلام للدرجة دي؟ وإزاي واحدة زي هالة سرحان تبقى صوتها عالي قوي كده . وطبعاً لو البرنامج مش عاجبنا أكيد بنقلب المحطة ، بس بسبب التساؤلات أعلاه بنقعد نشوف ونتابع ، وبعدين فيه حاجة مهمة لازم لو عايز تنتقد حد إنك تشوفه وتتابعه ، ولا إيه ؟ رابط هذا التعليق شارك المزيد من خيارات المشاركة
kokowawa1979 بتاريخ: 26 فبراير 2003 كاتب الموضوع تقديم بلاغ مشاركة بتاريخ: 26 فبراير 2003 كاتاماندو كتب : أعراض الماسوخية :lol: جرى إيه ياعم كاتاماندو انت داخل فينا شمال ليه كدة :lol: الأشخاص اللي كانوا موجودين كان بينهم صلاح عيسى وأنا قلت أشوف بيقولوا إيه وانا ماقاعدتش علشان أتفرج على سنية والله لكن هي كاتنت بتحشر نفسها في كل الكلام ولعلمك اللي أنا شفته كان حوالى تلت ساعة لكن كانت ماسوخية بصحيح :lol: :lol: لأن سنية ولعة خللتها فاسوخية بصحيح أيضا :lol: :lol: والحمد لله إنها ماحولتهاش لماسونية :lol: :lol: :lol: اسألوا الأيام .......... اسألوا الآلام من الملام إذا ......... وكلنا لوام رابط هذا التعليق شارك المزيد من خيارات المشاركة
Sherief AbdelWahab بتاريخ: 26 فبراير 2003 تقديم بلاغ مشاركة بتاريخ: 26 فبراير 2003 أخيرا يعود قصاص المنتدى الأستاذ البنا بعد طول غياب..وحشتنا ووحشتنا قصصك الجميلة و نتمنى ألا يطول الغياب... كلنا في انتظار مداخلتك التي حدثتنا عنها.. خلص الكلام Sherief El Ghandour<br /><br />a furious Egyptian رابط هذا التعليق شارك المزيد من خيارات المشاركة
الطفشان بتاريخ: 27 فبراير 2003 تقديم بلاغ مشاركة بتاريخ: 27 فبراير 2003 معلش يا اخ elbana انا عارف انا ضيعت مستقبل البلد حذفت مداخلتك الشاملة عن اصلاح البلد، و اخرت الثورة المستقبلية لمدة نصف قرن اخر مش عارف ازاي اكفر عن غلطتي بصحيح.... ذنب الاجيال الجاية كلها فر رقبتي بس ماكنش اقصد :) :lol: :lol: الشعب اراد الحياة و القيد انكسر رابط هذا التعليق شارك المزيد من خيارات المشاركة
بنت شعنونة بتاريخ: 27 فبراير 2003 تقديم بلاغ مشاركة بتاريخ: 27 فبراير 2003 مع احترامي لأرائكم الا ان هالة سرحان.. او من ورائها من معدين يعتبروا اذكياء فعلا لأنهم بلغة السوق عارفين المواد الحارقة الملهلبة الفراقيع يعني يعني باختصار عارفين ايه هيا المواضيع القوية اللي بتشد المتفرج وتخليه حريص على سماع موضوع الحلقة ولجل الحق هيا دايما سابقا الغير في محاكاة الاحداث يعني مثلا كانت هالة اول واحدا عملت لقاء مع الفنانة وفاء مكي من خلف القضبان ورغم التحيز الشديد لها اللي كان باين جدا الا ان الناس كانت جعانا جداا للقاء دا.. ويكفينا اننا شوفنا تعبيرات وفاء ع الطبيعة وسمعنا منها الكلام.. برناكج الحقيقة يثير قضايا قديمة وجديدة صحيح هيا فنانة في انتقاء الضيوف ونصف فنانة في الحوار الا اني لا انكر انها ذكية هالة عيبها التسلط.. يعني انا ومن بعدي الطوفان مثلما حدث ودافعت عن مصر و"كينونة" مصر من 7000 سنة؟!؟!؟ :lol: لكن ها تعمل ايه؟ ماهيا عبد المأمور يا جماعا :wink: مهما قلنا انه فيه حرية وديموقراطية.. :wink: الا ان برنامج هالة يوفر لنا مساحة "مش بطالة+ جديدة علينا" من الحرية ويمكن دا الي بيخلينا نشوفها هالة تعتبر من اول من ناقش قضايا المرأة المصرية الجنسية.. صحيح الحوار ماكانش ممتاز لكن لجل الحق... صدمت من الكم الهائل من الأتصالات و الايملات من النساء غير السعيدات... يعني لكل حلقة اوجه سيئة وجيدة يؤخذ عليها حقا بعض حلقات سخيفة زي بتاعت ايناس الدغيدي ودينا وكلنا عارفيين الهدف من وراها :? هالة من ايام ال art كانت قضاياها ساحنة وهذا يدل على ذكائها وذكاء من يعد لها وهو يحاول عدم التكرار ودي ميزة... موضوع الأستوديو ف الجمهور يا سادة مدفوع الأجر ولو حد نقص يطلعةا على اول شارع الهرم يلموا اي حد من الشارع والنفر ب 20ج :? وهناك ضوء للتصفيق واخر لوقف التصفيق وهالة ليس لها اي كونترول على دا ودا وظيفة المخرج مش وظيفتها وظيفتها هيا الأشراف على المخرج.. :) ولو عاوزين واسطة عشان تدخلولها قولولي بس وانا اوديكم :lol: :wink: :wink: :wink: وانا من البلد ديييييييييييي رابط هذا التعليق شارك المزيد من خيارات المشاركة
الطفشان بتاريخ: 27 فبراير 2003 تقديم بلاغ مشاركة بتاريخ: 27 فبراير 2003 اعلام الاثارة Sensationalism الشعب اراد الحياة و القيد انكسر رابط هذا التعليق شارك المزيد من خيارات المشاركة
بنت شعنونة بتاريخ: 27 فبراير 2003 تقديم بلاغ مشاركة بتاريخ: 27 فبراير 2003 وهوا الأعلام ايه غير اثارة؟ :) :roll: او اخبار؟ وهالة ليست مذيعة اخبارية وبالتالي فقد تفوقت في مجالها رضينا ام ابينا :? وانا من البلد ديييييييييييي رابط هذا التعليق شارك المزيد من خيارات المشاركة
Katamando بتاريخ: 27 فبراير 2003 تقديم بلاغ مشاركة بتاريخ: 27 فبراير 2003 برافو شانا أنا أخيراً لقيت حد فاهمني جداً ..... أصل أنا كنت عايز أوصل للفكرة دي ماكنتش ح أعرف أعبر بالطريقة دي عن الفكرة اللي أنا عايز أقولها وشكراً لسعة صدر الأخوة الأفاضل قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم __________________________________________________________________ بيض صنائعنا ... سود وقائعنا ... خضرمرابعنا ... حمر مواضينا _______________________ رأيت هم جميع الناس ماملكو وما ولدو فالحمد لله لا مال ولا ولد رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان