ألأتيكيت أم ما فعله سيدنا موسى؟

[moody00x]

فيه سؤال مهم حول موضوع الإتكيكت الغربي وإتيكيت سيدنا موسى عندما مشى أمام المرأتين تحاشيا منه لوقوع نظره على معصية.

هل يجب علينا أن نري الغرب أننا نعرف الآداب، ونفهم بالإتكيكت الغربي "المرأة أولا".. هذا إذا تقابلنا على باب أو مخرج أو مدخل...إلخ،أما الرأى الآخر فيقول وصفت المرأة سيدنا موسى بالقوي الأمين؛ لأنه مشى أمامها..ولم يقدمها على نفسه فى السير.... أريد رأيكم.

[Proud Muslim]

يا سلام على الموضوع الجميل يا أخي moody00x

بارك الله فيك .

و وصف بالقوي ..لأنه رفع الحجر الذي كان على البئر التي تسقي منها المرأتين ..

و لا ننسى أنه كان يوما عاصفا .. مما جعل تصرفه تصرفا حكيما و حييا ( من الحياء ) ..

يا ترى مقولة ladies first الغرض منها ايه ؟؟

:? :?

تقليد و خلاص .. مش مهم ليه !! :?

اللهم صلى عليه و على نبينا و سلم تسليما كثيرا .

ربنا يرزقنا الاتيكيت الاسلامي .

[se_ Elsyed]

طبعاً ديننا الأسلامي كله خير وإذا تفهمنا قرآننا الكريم وسنة نبينا العظيم لوجدنا فيه ما ينظم حياتنا وتعاملتنا اليومية من غض البصر وأحترتم الكبير والعطف على الصغير والإستئذان فى دخول بيوت الغير والأستئذان حتى داخل بيت الأنسان نفسه عند الدخول على الأب أو الأم ... الخ ... وكل ده من الأتيكيت الذى يتشدق به الغرب وننساق وراءه بدون فهم.

[Cleo]

أنا شخصيا لا أشعر بارتياح نهائيا خاصة عندما أكون أصعد السلم و أحدهم خلفى... ف"أركن" عند أول باسطة و أدعه يسبقنى فأتبعه أنا....

[بنت شعنونة]

دايما اقعد اتخانق مع الناس عشان مين فينا يدخل مكان الأول او يمشي الأول

انا دايما احب لو راجل يعدي قدامي

ولو بنت واحنا في حتة زحمة بعدي انا الأول وامسك ايدي في ايدها من ورا ضهري وبمد دراعي كله قدامي زي درع كدا عشان ماحدش يخبط فيا :D "مسترجلة شوية"

ولو انا وبنت وحتى فاضية بخليها على راحتها سواء قدامي او ورايا

فيما عدا لو مكان زحمة واخويا معايا و "مكيانزم الدرع" ما نفعش بروح واقفا مصوته عشان يعدي هوا قدامي واتشعلق انا في قميصه من ورا :cry: :roll: :D :lol: :D :D :D :D

اما بقى لما بقف اتعازم انا وحد ويروح في الأخر قايلي ladies 1st

اروح انا متنحة في وشه ورادا " الرجال قوامون"

واسكت :cry:

ساعتها غصب عنه بيعدي :D

وارتاح انا :wink: :wink: :cry: :cry: :cry: :cry: :cry:

[Katamando]

بصراحة انا لمل بلاقي أي حد وداخل من باب أو خارج منه فبقول اتفضل وأصر على ذلك من باب الادب أو الذوق خاصة لو كان أكبر مني سناً لكن لو كانت واحدة بنت أو ست فبعرض كلمة اتفضلي دي مرة واحدة بس فأن قبلتها خلاص وأن ما قبلتهاش خلاص برضه بس تضرب دماغها في الحيط لو عملت فيه مؤدب معاها تاني. لان فيه بنات وستات بيعتبروا أن لو حد ما قلهمش اتفضلوا يبقى جلياط وقليل الذوق ومعاندوش دم بس انا بعرض مرة واحدة بس معجبهاش بالسلامة وأبقي قابليني لو عملتها تاني خصوصا لما يكون حد من الجيران

[ragab2]

القرآن الكريم

مليئ بالإتيكيت

وقد أمرنا الله بألا ندخل بيوتا غير بيوتنا قبل أن نستأذن منهم ونسلم عليهم

حتى علمنا الاتيكيت فى الجنس عندما أمرنا بأن نقدم لأنفسنا قبل العملية الجنسية بالاضافة الى بر الوالدين والمجادلة بالحسنى وبالتى هى أحسن

وأن لا نرفع صوتنا فوق صوت النبى واطاعة الله والرسول أولو الأمر منا

أليس كل هذا هو اتيكيت وآداب عامة