أول أعمالى بالـ Maya

[م.سامح المصرى]

السلام عليكم ورحمه الله وبركاته

دى أول اعمالى ببرنامج Maya طبعا هيا حاجات عادية بس زى ما قلت انا لسة بتعلم

معلشى يا مهندسة هبه انا قريت رسالتك متأخر علشان دخلت على البروفيل بتاعى صدفة

ودى بعض اول اعمالى بالبرنامج

وعلى فكرة هوا مش صعب اوى يمكن بس علشان حضرتك قريتي فى المنتديات انه صعب

لاكن هوا بس عايز دماغ فاضيه خااااااااااااااااااااااالص

بس انا الى متكاسل اوى فى تعليم البرنامج دا كل فترة ببص عليه كدة

دا اول مشروع اشتغلت فيه

علشان باين فى تعديل المنتدى شالو ايكونة موقع اليو تيوب

فدى اللنك بتاعه

Maya 01

ودا تانى مشروع ليا

maya 02 -1

ودا فيديو تانى

maya 02 - 2

بس هوا بطيئ شوية لانى صورتة من برنامج تسجيل سطح المكتب

انما هوا اسرع من كدة شوية

ودا اخر مشروع لسة ما كملتهوش

انا زى ما قلتلكم انا لسة بتعلم :lol:

[~Heba~]

ما شاء الله شغلك رائع لكن انا شفت الصور فقط اما الفيديوهات فاتصالى البطئ لا يسمح لى لكن اوعدك اول ما اروح سيبر حنزلها و اشوفها

بالنسبة لى انا اتعلمت المايا مع نفسى و استخدمت فقط الدروس الملحقة به وهى طبعا بالانجليزى بس كانت سهله الفهم و التطبيق لكنى لم ارى له اى دروس فى منتديات عربية و لم اسمع احد يتكلم عنه بخلاف المنتدى اللى نزلته منه و كان فقط تنزيل البرنامج

والبرنامج هو سهل لكنه بيحتاج وقت على بال ما تستكشف امكانياته

لو عندك مصادر تعليمية و ان كانت انجليزية الحقنى بيها انا حابة البرنامج ده جدا و اصابنى الملل من الفوتوشوب و الفلاش

[م.سامح المصرى]

ما شاء الله شغلك رائع لكن انا شفت الصور فقط اما الفيديوهات فاتصالى البطئ لا يسمح لى لكن اوعدك اول ما اروح سيبر حنزلها و اشوفها

بالنسبة لى انا اتعلمت المايا مع نفسى و استخدمت فقط الدروس الملحقة به وهى طبعا بالانجليزى بس كانت سهله الفهم و التطبيق لكنى لم ارى له اى دروس فى منتديات عربية و لم اسمع احد يتكلم عنه بخلاف المنتدى اللى نزلته منه و كان فقط تنزيل البرنامج

والبرنامج هو سهل لكنه بيحتاج وقت على بال ما تستكشف امكانياته

لو عندك مصادر تعليمية و ان كانت انجليزية الحقنى بيها انا حابة البرنامج ده جدا و اصابنى الملل من الفوتوشوب و الفلاش

على فكرة يا مهندسة هبه

انا ما اخدتش ولا دورة واحدة فى اى برنامج ولا حتى دخلت مقدمة دورة

والحاجات الى انا عاملها دى برضو مع نفسى من شركة ديجيتال توترز لو حضرتك تسمعى عنها

ولو انتى عايزة البرنامج انا معايا MAYA 7 و MAYA 8 و MAYA 8.5 وهانزل ان شاء الله Maya 2008 دا لو هاتستنى شوية

ولو عايزة تعليم للبرنامج قوليلى وان شاء الله أجيبهوملك لحد عندك لو حبيتي

[~Heba~]

ما شاء الله شكلك صاحب موهبه و عرفت تنميها

انا زيك مش باخد دورات كله تعليم ذاتى حتى فى البرمجة

انا نزلت نسخة وحيدة من المايا و هى نسخة 6.5 و اتعلمت عليها شوية وعملت الامثلة المشروحة فى ال help بتاعته و عملت كمان animation لكن انا حاليا مش بشتغل عليه لانى اهتماماتى برمجية اكتر

[م.سامح المصرى]

على فكرة انا مش بقول لحضرتك كدا علشان اتعالى ولا حاجة والعياذ بالله

لكن بس علشان اوضح ان ممكن الواحد يتعلم اى حاجة مع نفسة

بس حضرتك منجذبة لانهى اكتر

للبرمجة ولا للجرافيك أياً كان هوا لازم تحددى حضرتك عايزة اية واية الى جازبك اكتر

يعنى ممكن تكونى متعلمة برمجة لكن انتى عندك ابداع وبتعرفى تستخدمى الالوان يبقي انتى تدخلى مجال الجرافيك افضل

فهمتى حضرتك انا قصدى على اية

وتقبلى منى كل تحية وتقدير واذا عوزتى حاجة انا تحت أمر حضرتك وأى حد يكون عايز حاجة

[واثق الخطوة]

مشاريع متميزة باعتبار أنها أول أعمالك ..

يمكنني أن اسرد لك عشرات السطور في المدح ..

لكني دائما ما اترك المدح لأصحابه

واعرف أن المدح لا يزيد صاحبه إلا غرور!

في المقابل النصيحة دائما ما تكون محبطة وثقيلة .... ولكنها غالبا ما تكون دفعة للأمام ..

لذلك أعرف أنك مثلي كنت متشوق لعرض أول أعمالك في المايا علي الجميع ..

ولكن من الأفضل في نظري أن تنتظر قليلا لتعرض أول مشاريعك الحقيقة بعد أن تكون قد تمكنت من البرنامج ... وهو برنامج ضخم يحتاج لشهور وشهور من الدراسة

عموما أحييك لأنك بدأت ولم تكن مثلي !

اتمني لك كل التوفيق والسداد

[amrhoras]

انا شايف انه محركات دفع فوتونى لجريندايزر رعد الفضاء

بس والله تنفع ربنا يعينك ياسولى ........وتكمل بقيت الرسمه عوزك تعملنا ماسنجر مصري كدى نضرب بيه اسرائيل mf-:

بس والله رائع معلش وان جت متأخره .. اهم حاجه تكمل الطريق لغاية اخره

وحضرلى الاسطوانات لما انزلك tot:: عارف لو مش لقتهم جاهزين انت عارف حعملك ايه tot::

تحياتى وبسجل متابعه :blink:

عمرو.

[~Heba~]

يا اخى واثق الخطوة سولى وضع موضوعه هذا بناءا على طلبى لانى احب تصميم الجرافيك فعلا لكنى افضله كهوايه و البرنامج فعلا صعب لان التصميم ثلاثى الابعاد بشكل عام يختلف عن التصميم العادى بالفوتوشوب و غيره

[amrhoras]

اخــــــــي ..... ماشي ياسولى وعمال تقولى حاططلك الموضوع علشان خاطررررررك :wub:

***********

اختى مهندسه هبه ا/واثق الخطوه من هدفه دفع سولى الى الوصول درجه اعلى وليس الاكتفاء عند تلك النقطه وانا بشجع سولى كمان بس يدفع الكام اسطوانه بتاعة البرنامج بدال ما .... هو عارف :P

[م.سامح المصرى]

أستاذى واثق الخطوة

انا عارف ان حضرتك ما بتحبش تمدح حد (ودى حاجة انا بحبها جدا وبحترمها فى حضرتك)

واتمنى انى ابقى زى حضرتك (زى ما ذكرت)

بس بجد انا مش اول ما عملتهم عرضتهم هنا

دول مشاريع على مدار على ما اعتقد 8 شهور منقطة

بس المهندسة هبه زى ما تفضلت وقالت انها الى طلبتهم فعلشان كدة حطيتهم

ياريتك كنتى جنبى هنا شوية كنا شجعنا بعض

انا شايف انه محركات دفع فوتونى لجريندايزر رعد الفضاء :wub:

بس والله تنفع ربنا يعينك ياسولى ........وتكمل بقيت الرسمه عوزك تعملنا ماسنجر مصري كدى نضرب بيه اسرائيل :wub:

بس والله رائع معلش وان جت متأخره .. اهم حاجه تكمل الطريق لغاية اخره

وحضرلى الاسطوانات لما انزلك i*: عارف لو مش لقتهم جاهزين انت عارف حعملك ايه :blink:

تحياتى وبسجل متابعه :P

عمرو.

جريندايزر مين يا خويا md2:

دا فين دا

اة انتا قصدك على السفينه يا عمورى دا بقى الجزء التانى لجرينديايزر md2:

طب تصدق بقى انى كنت هاعملك عروستك 3D على الاقل تبقى مجسمة وواقعيه شوية

بس لاء ولا ونفر حتى طالما اتريقت على جريندايزرى مش هاعملهاك

وعلى فكرة يا عمورى انا هاعمل مازنجر مصرى حلو ان شاء الله بس المشكلة الون ضوافرة بأية دى الحاجة الوحيد الى معطلانى

شكرا يا عمورى على مرورك وتعالى انتا بس وهاتلاقى اى اسطوانة انتا عايزة لحسن انا عارف انتا هاتعمل اية :blink: