مصر و كأس الأمم الأفريقية 2008

[مزاميزو]

أحسن حاجة غير الفوز طبعا

كان إهداء أحمد حسن إنه أهدى الفوز لأمه وزوجته ولم يرسل إهداء المنافقين المعتاد للسيد الر..........

معلش الرقابة حذفت :unsure:

[ميزو وبس]

:فى خبر عاجل

ويعد تأهل منتخب مصر الى نهائى البطولة

نجم منتخب الكمرون وهداف البطولة حتى الآن صموئل ايتو

طالب زملائه بالتأكد من لبس شورت داخلى

قبل المبارة المرتقبة مع مصر فى النهائى

:unsure: :blink: :)

[إيزيس]

ولا بافهم في الكورة خالص لكن الماتش كان هايل و الفريق كله إيد واحدة وده المهم

مبروووووووووووووووووووووووك علينا ويارب الفوز في كل المجالات ياااااارب

تم تعديل 8 فبراير 2008 بواسطة قرنفل

[nash]

ألف الف ألف ألف مليون الف مبروووووووووووووووووووووووووووووووك

ماتش رائع ...وأداء راقي ورجوله

نفسي نبأة أيد واحده في كل مجالات الحياة في مصر كده

:rolleyes: :unsure:

[~Heba~]

فعلا كانماتش هايل وعمرو زكى كان نجمه :rolleyes:

[Modest]

عايزين البطولة تخلص بقى علشان نرجع نتخانق على الأهلي و الزمالك و الاسماعيلي و بركة السبع :ninja:

[se_ Elsyed]

إبننا العزيز موديست ... بهذا أفيدك بإني إتخرب بيتي بعد عركة مصر وساحل العاج وتاني يوم وصلتني رسالة من الإتصالات تفيد بقرب إنقطاع الخط عني لإني تجاوزت حدودي في الكلام بالموبيل معاك ومع أخوك محمد في مصر :ninja: ومع لفيف من اصدقائي حوال العالم حتى الصباح الباكر من يوم الجمعة ...

لكن أنا رقبتي فداكي يا مصر

رقبتي فداكي يا مصر وإن شالله يغور المحمول وأمشي بكوز السلمون المخروم بس مصر تكسب

هاضحكك بقى يا رفيق موديست ... الحاجة أم سين سين مالهاش في الكورة وبتنام قبل العشا .. لقيتها بتتصل بي أمبارح وهي منزعجة وبتقولي : كنا قالقانين عليك أول إمبارح وبنقول يا ترى عامل إيه ساعة الماتش ؟ فقلت لها يعني هو أنا كنت بافحت يا ماما .... فقالت لي شوفت النجاح والمكسب حلو إزاي يا سين سين ؟ فقلت لها بس بقى يا مامي أحسن هاعيط ( هاعيط من الفاتورة بتاعت الموبيل أساساً )

أتمنى الفوز لمصر النهاردة بإذن الله وأنا اسف مقصر في حقكوكو في التحليل الفني والخططي لكن الواحد متأنصر قوي اليومين دول ... لكن أوعدكم بعد ما تخلص البطولة نتكلم براحتنا .... وصدقوني ما أعتقدش إن في مصري واحد هايزعل - إلا موديست لإن أصوله أذربيجانية - لو خسرنا أما الكاميرون .. وذلك لإننا أصبح لدينا منتخب محترم ... ومدرب محترم ظلمناه وصبرنا عليه لحد ما أتعلم فينا وأصبح لديه نضح فني وخططي . وأقابلكم بالليل في إستاد المحاورات ... إوعى حد يمشي

[semsema]

هوا المتش هيبدأ الساعة كام بتوقيت هنا؟؟

[se_ Elsyed]

هوا المتش هيبدأ الساعة كام بتوقيت هنا؟؟

مالكيش دعوة وقومي ذاكري يا أبله ياللي في ثانوية عامية ... الماتش مش هايجيلك في الإنتحانات أخر السنة ولا حسن شحاته هاينفعك في أمتحان الكيميا .

بابا سين سين :ninja:

[Scorpion]

صوت أجش من ناحية تانية:

طب الماتش حيبتدي الساعة كام هنا.. و انا خلاص معايا الدبلونة..... :ninja:

[أبو محمد]

الماتش حيبدأ الساعة السابعة مساء بتوقيت القاهرة .. إحسبها انت بقى تبقى كام بتوقيت الفيوم :lol:

والله أنا باستعجب على الناس "المصريين" اللى كانت بتتمنى خسارة مصر .. حتى الفرحة "العابرة" بتستخسروها فينا ؟ ... طب اهو :rolleyes: :rolleyes: :blush2: .. كده تبقوا مبسوطين ؟ :ninja:

[الطيار المصرى]

الحمد لله رب العالمين علي الفوز المرعب علي الافيال.....

و عقبال الكاس....

بس من غير تشاؤم.....دايما الاسود الجريحة بتبقي اقوي و اشد فتكا من الاسود السليمة...

و احنا غزنهم اربع اجوان في المباراة الاولي.... شرطناهم و شوهناهم.....

علي الرغم اننا لو قارننا مبارة كوت ديفوار بالكاميرون في النهائي....لو جدنا _نظريا_ان مباراة الكاميرون اسهل...

لو واحد سألني يا كابتن طيار ليه اسهل؟؟اقول ان الكاميرون لا تمتلك الكثير من مفاتيح اللعب مثل كوت ديفوار....

فالاداء الكاميروني يكاد يقتصر علي صامويل ايتو و جيرمي نيجتاب و امانا و الكسندر سونج و كما نري معظمهم يلعب في وسط الملعب وهو اقوي الخطوط المصرية القوية جميعا.....لذلك احكام سيطرتنا علي منتصف الملعب في اول ربع ساعة بالكتير....

هتمكننا من تحقيق اكبر انتصار في تاريخ المونديال الافريقي....اما لو افلت الكاميرون من السيطرة...

فلا نستطيع ان نأمن شر الاسود الجريحة.....وربنا يوفق رجالتنا النهاردة و نحقق البطولة السادسةو نحتفظ بالكأس للمرة الثانية ان شاء الله......

تحياتي...

الطيار المصري

[Modest]

إبننا العزيز موديست ... بهذا أفيدك بإني إتخرب بيتي بعد عركة مصر وساحل العاج وتاني يوم وصلتني رسالة من الإتصالات تفيد بقرب إنقطاع الخط عني لإني تجاوزت حدودي في الكلام بالموبيل معاك ومع أخوك محمد في مصر :closedeyes: ومع لفيف من اصدقائي حوال العالم حتى الصباح الباكر من يوم الجمعة ...

هاشارك معاك باربعة ريال في الفاتورة بس كمّل جميلك بقى و شغّل البلّورة السحرية و ولّع البخور و ركّز شوية مع التعاويذ يا أبو الكباتن أحسن عيني الشمال بترّف :rolleyes:

أما لو حصل يا كابتن سين سين و كسبنا الكاس .. ليك عليّا أبعت لك وجبة من البيك من أم عشرة ريال بحالهم .. ياللا إنشالله ماحد حوّش :rolleyes:

[se_ Elsyed]

أما لو حصل يا كابتن سين سين و كسبنا الكاس .. ليك عليّا أبعت لك وجبة من البيك من أم عشرة ريال بحالهم .. ياللا إنشالله ماحد حوّش :rolleyes:

اهو الطلقات بتاعتك اللي في الهوا دي هي اللي جايبه لنا النحس وهي اللي خلت النجم رزعنا على قفانا في مصر في حضور راعي الرياضة والرياضيين

يا جدع إنت انا ليه عندك كام بيك لحد دلوقت ؟ بطل بقى

بس للأمانة يا رجالة ..

موديست له عندي زيارة لجده ... لإني وعدته لو مصر ركبت أفيال ساحل العاج أقطع تذكرة طيران وأروح جده أبوسه وأرجع تاني ..... ووعد الحُر دين عليه .... ما تفهمنيش غلط يا موديست إنت حبيبي واخويا ودي بوسه أخويه :closedeyes:

[semsema]

هوا المتش هيبدأ الساعة كام بتوقيت هنا؟؟

مالكيش دعوة وقومي ذاكري يا أبله ياللي في ثانوية عامية ... الماتش مش هايجيلك في الإنتحانات أخر السنة ولا حسن شحاته هاينفعك في أمتحان الكيميا .

بابا سين سين :unsure:

ياربي :rolleyes:

كإن بابا اللي بيتكلم...بجد يعني نفس الكلام اللي بسمعه.....ليه كل الاباء كدا صحيح؟ :blush2:

عموما.........احنا في اجازة دلوقتي :closedeyes: بلا مذاكرة بلا قرف

الماتش حيبدأ الساعة السابعة مساء بتوقيت القاهرة ..

يعني الساعة 8 بتوقيت هنا.... شكرا كتير ياابو محمد :rolleyes:

[se_ Elsyed]

يا سمسمه أنا ياما إتسمم بدني من الكلام ده مع إني كنت شاطر ... ومع إن الماتشات النهائية ما كانش يحلا لها تيجي إلا في إمتحانات أخر السنة وخصوصاً دورات رولان جاروس للتنس أو نهائي الدوري والكاس والحركات دي والواحد كان بيبقى مذاكر كويس ومحتاج يفك عن نفسه بمات هنا ولا هنا ...

ودلوقت

قومي إفتحي لك كتاب ... وأبقي قابليني لو نفعتي من كترة الفرجة عالتليفزيون ... وخلي سوزي بنت البواب اللي في نفس سنك تجيب اكتر منك يا ست هانم ياللي بتاخدي مصروف وبيتصرف عليكي قدها 10 مرات ( سمعت بابكي بيقولك كده برضوا :closedeyes: )

ده أنا محضر شوية مصطلحات للواد عُمر إبني .... هاسود بها عيشته وأطلع عليه كل العُقد اللي إتعقدتها في العقد الثاني من عُمري

نياااااااااااااااااااااااههههههههههههههها

[Salwa]

تسمحوا لى ؟؟

على استحياء اتدخل فى موضوعكم .....!!!

يارب يارب نكسب ...

ان شاء الله حانكسب وربنا حاينصرنا ..

دى الفرحة حلوة قوى قوى ..

انا فى رأيى المتواضع احنا والله كسبنا ...

كسبنا فريق جميل كلهم متواضعين ومؤمنين وعندهم اخلاق وبيثبتوا ان الرياضة اخلاق قبل ما تكون مجرد لعب ...مكانش فيهم حد بيلعب بأنانية ...لالالا...كان فيه بينهم تفاهم دايما ..

مشفتش فيهم حد متغطرس والا طالع يقول كلام ساذج امام الكاميرات ...

ربنا معاهم ..

لأول مرة اشوف مصر بتلعب فوتبول بجد ...لى كتير مشفتش ماتشات حلوة كدة من فريق بلدى ..

بعد ما كنت بشوفهم بيلعبوا ( بالتصوير البطئ ) دلوقت شايفة فريق بيلعب وكأنى بتفرج على ( رسوم متحركة ) ...سرعة وجمال وايقاع حلو ...

ولاد جدعان بجد ...

ربنا يحميهم لاهاليهم و...لكل مصر...

مصر ولادة دايما ...

على فكرة ياجماعة (( مغتربى الغرب )) .... ...!!!

الماتش مع كوت دوفوار اتذاع فعلا على ....tv5 monde ..الفرنسية

ويارب انهاردة يتذاع برضه ماتش مصر مع الكاميرون ...

[ميزو وبس]

اللهم انصر المصريين

وادخل الفرحة فى قلوب هذا الشعب المطحون

قوولوا امين

[semsema]

الهدف الاول :rolleyes: .......عقبال التاني يـــــــــــارب :closedeyes:

[Scorpion]

و عملوووووووهاااا الولااااااد

مصر1 الكاميرون0

مصر بطلة أفريقيا ... و الفراعنة أنتزعوا الكاس من فم الأسود

wst:: wst:: :sad: :ninja: :closedeyes: :wub:

:rolleyes: :blush2: :unsure:

:rolleyes:

برافو حسن شحاتة .... برافو الحضري

الحمد لله ... طعم النصر رائع يا ولاد ....