هل تتمنى هزيمة مصر في البطولة الإفريقية.. مثلي؟

[واثق الخطوة]

إذا كنت من عشاق الكرة .. ستقرأ عنوان مقالتي باستخفاف وربما بغضب ... ربما تسبني وتتهمني في أعماقك أنني (غير وطني)!!!

حتى إذا كنت لا تفهم في الكرة ...(وهي عبارة صارت شتيمة في وقتنا الحالي) فربما تغضب مني .. لأنك تعتبر (نصر مصر) شيء عظيم لاسيما مع كثرة (نكباتنا ) ...........حتى ولو كان في شيء في غاية التفاهة مثل كرة القدم؟

في كل الأحوال ... لا أملك إلا أن اقدم بكل خجل وجهة نظري ...

لأني فعلا اتمني ومن كل أعماق قلبي الهزيمة الساحقة لمنتخب مصر وباقي المنتخبات العربية في الأمم الأفريقية !

ولي أسبابي التي سأشرحها لاحقا ...

ولكن قد يسألني واحد منكم السؤال التالي :

" يا أخي انت انسان حقود على المنتخب المصري و وما بتحبش لنا الفرحة بالنصر حتى في الكرة ...ليه جي تعكر علينا فرحتنا بالنصر على الكاميرون والسودان ما تخلي عقدك دي على جنب واكتمها في قلبك الأسود!!"

اجيب : أصل انا شفت بعد ماتش الكاميرون وعلى قناة دريم اللقاءات دي مع (الجما هير المصرية التي خرجت فرحه بالنصر ) ومن ضمن ما شفته :

المشهد الأول-مجموعة مراهقين يمسكوا كتب دراسية مهلهلة .... عمالين يجروا في الشارع ... ونازلين : مصر ...مصر .. مصر ..

المذيع : ايه يا شباب انتم جايين من أين ؟

الشباب : اصل الأستاذ في الدرس استاذ وطني فقال لنا مفيش درس النهاردة امشوا اتفروجوا على الماتش...!!

ونعم الوطنية !!!!!!!!!!!!!

المشهد الثاني: رجل فاضل عليه سمات الوقار يركب سيارة فارهة ...يوفقه المذيع:

المذيع :مساء الخير انت جي من أين ؟

الرجل : والله انا بقالي اربع ساعات في الطريق من مدينة نصر إلى ...........والطريق مقفول خالص علشان الهيصة بعد الماتش ...

المذيع : وانت ايه شعورك بعد الماتش ؟

الرجل : طبعا فرحان جدا بالنتيجة ..

يا عم بقالك اربع ساعات متعطل وفرحان !!!!!!!!!!

المشهد الثالث : يقفز المذيع لاحد الأتوبيسات الحكومية :

يقال أحد الجالسين ... يا عيني الراجل حالته بؤس خالص ... وواضح عليه اثار ارتفاع الأسعار ولكنه رغم كل شيء :

فرحان جدا لفوز مصر !!!!!!!!!!!!!!!!!!!!!!!!!!!!!!!!!!!!!!!!!

طيب

الناس فرحانة .. رغم ان الدنيا ثلج والمطر نازل .. ولكن يبدو أن نار الأسعار تدفئهم !!!!!!!!!!!

الناس مزقططة رغم أن غزة لا يوجد فيها نقطة وقود! ولكن يبدو أن الناس لا تدري هل تلعب غزة في الأمم الأفريقية أم خرجت من التصفيات !!!!!!!!!!!!!!

تمنيت هزيمة مصر في كرة القدم وأسبابي :

1- أن الفرح المؤفت ليس دليل على الصحة النفسية .. وإلا لأصبح مدمنوا المخدرات والخمور هم أسعد الناس ... !

2-الشعب مغيب عن مشاكله الضخمة والفساد المتفحل بكرة القدم والمسلسلات والأغاني ...

3-لم تأخذ من كرة القدم إلا كل خسارة ... وكانت أحد الأسباب الرئيسة التي قادتنا لهزيمة 67 عندما كان كبار قادة الجيش ما بين رئيس مجلس الكرة .. والمشرف على الرياضة .. الخ ... وكان الاهتمام بكأس العالم العسكري اكبر من الاهتمام بالجيش نفسه !

4-لنفترض فرضا .. أن مصر فازت بكأس افريقيا . ... وكأس العالم ..

هل سيغير هذا من واقعنا شيء !؟؟؟

يا عالم افهموا ... البرازيل و الأرجنتين .. اليسما هما أكبر دولتين في فنون كرة القدم .... أين هما من ا لاقتصاد العالمي ... البرازيل والارجنتين تحت الصفر في الاقتصاد .... فلماذا ننفق ملايين المليارات (أتكلم عن الوطن العربي) لشراء مدربين ولاعبين وتجهيز ملاعب واستعدادات ورحلات ومكافأت ... من أجل كرة القدم وهي مشروع خاسر فاشل !!!!!!!!!!!!!!!!!!!!!!!

لماذا لا نوجه هذه المليارات في تنمية دولنا في هذا الوقت العصيب ..

الحديث ذو شجون ..

والكلام فيه كثير ..

كرة القدم خرجت من إطارها الجميل وهو الرياضة .. ودخلت في إطار سخيف اسمه اللعبة ... يعني أنه من الجميل أن نمارس كرة القدم كرياضة تنمي أجسامنا .. ومن المخجل أن تتحول للعبة نكتفي بمشاهدتها في التلفاز وكروشنا أمامنا امتار ....

حتى الصحف والقنوات الفضائية تفرد مساحات ضخمة لكرةا لقدم ... وتتجاهل قضايا أكثر أهمية بمراحل !!!

هل اقتنعت بكلامي ؟

على الأقل : هل "تعذرني" لأني اتمني هزيمة مصر كرويا؟؟

[amrhoras]

أ/واثق الخطوه

صباح الخيرات الاول

معاك حق فى كل كلمه قولتها يمكن انا بفكر مثلك تمام بس جزء الهزيمه او المكسب منظرتش فيها من الزاويه دى لان النتيجه واحده بالنسبه ليا

انما موقفى من الكوره اؤكد لك انى فرحت انى مش لوحدى فى الدنيا دى ملوش فى الكوره لدرجه لما اقول لاى شخص زي مايكون انا من العالم التات وهو من الاول

كورة ايه بس ملايييييين ومليارات تصرف على لعبه طلعت او نزلت.

ملايين تصرف في حين هناك ملاييين لا يجدون رغيف العيش

ملايين تصرف فى حين المواطن لايجد وسيله مواصلات مريحه الى الان

ملايين تصرف فى حين اقل حقوق البشر مغالى (بمد الياء وضم الغين) فيها

رجعنا بالكاس ... هو ده الانجاز؟ مرجعناش بالكاس السنه الجايه انشا الله يرجاله نجيبه... ونغير المدرب

سياسة إلهاء مش اكتررررررر

ومع ذلك لا اتمنى مكسب او خساره :lol:

[هشام عباس]

بصراحه انا مختلف معاكم تماما بالرغم من اني انا كمان مش من محبي الكوره لكن بفرح جدا لما مصر بتكسب وبحب اعرف نتيجة الماتش اول بأول واتمنى ان مصر تاخد بطولة افريقيا تاني ومش حاجه وحشه اننا نفرح شويه وكفايه الغم الي الناس عايشين فيه

ليه مستكترين عليهم شوية فرحه وأكيد برفض المشاهد السيئه بتاعت المدرس الي لغى الدرس علشان يتفرج هو على الماتش انما الزحمه ديه حاجه اتعودنا علها وافضل انها تكون بسبب احسن ما تكون بدون سبب زي العادي يعني

ويارب مصر تاخد بطولة افريقيا

والاختلاف في الرأي لا يفسد للود قضيه

ولكم تحياتي

[واثق الخطوة]

الحق يا أخي انني لست ضد كرة القدم ولا أكرهها ..

بل أحب لعبها جدا

أحبها كرياضة نافعة للجسم مسلية للوقت وليس كلعبة مهدرة للوقت هادمة للجسم جالبة للتعصب والمشاهدة السلبية!

واستمتع بمشاهدة بعض الأهداف العالمية أو المحلية ...

ولكني لا أتكلم عن كرة القدم كرياضة أو حتى كلعبة وقت الترفيه ..

اتكلم عن الكرة عندما تتجاوز حدودها وتصبح أداة لتخدير الشعب كالمخدرات ... لاحظ صورة حسني مبارك الضخمة في استاذ القاهرة واستاد الكلية الحربية وكأنه يقول للناس : انا شايفكم ! لاحظ حرصه على حضور المباريات النهائية للبطولات الكروية في الوقت الذي يكتفي بارسال (مندوب عن رئيس الجمهورية) في احتفالات ليلة القدر وتوزيع جوائز حفظة القرآن الكريم !

واتعجب فعلا ممن ينظر للبطولة الأفريقية على أنها حدث وطني !!!!!!!!!!!!!!!!!ويعتبر كل معارض لهم ( خائن للوظنية )

مشكلة أخرى هي أننا لا نحصل على مليم أحمر من أرباح كرة القدم

كلها تصب في جيوب لاعبي كرة القدم

والمدربين

والإداريين

ورؤساء الأندية

ونحن نلعق الصبر ونحرق أعصابنا ... بلا طائل ولا هدف ولا قرش صاغ !!!!!!!!!!!!!!!!!

أنا لا أشك لحظة في ان قيادتنا المباركة النظيفة تتمني من أعماق أعماقها أن ينتظر المنتخب في الدور الأول من البطولة و أن يكمل مشواره مؤزرا في النهائيات حتى يصل للكأس ..

فذلك كفيل بأن يلهي الشعب عما يحدث في مصر لأيام وأسابيع طويلة في تحليل البطولة والاحتفال بالكأس ..

أما الهزيمة ... فهذا ما يقلق القيادة بالتأكيد لأنها ستصرف الشعب عن متابعة البطولة بشكل كبير .. وسيلتفت الناس لمشاكلهم الحقيقية !!!!

لذا

أرجو من كل من يتفق معي أن يدعو معي الله أن ينهزم المنتخب في هذه البطولة؟

[mohmaher]

عارف يا واثق الخطوة ...

مع اني باحب جدا الكرة ...

بس كنت دايما بافكر في اللي انت قلته .. وساعات كتير باتمنى كده ...

و كنت أتمنى جدا ان ده يحصل في كاس الأمم اللي فاتت اللي حضرها الريس وماما سوزان ... خصوصا بعد موضوع العبارة ..

وفعلا فوز مصر ساعتها قلل كتير من رد فعل الناس على موضوع العبارة ...

كلامك صح يا واثق الخطوة .. خصوصا ان الكورة ما بقتش رياضة قد ما هي بيزنس و تجارة ...

أزيدك من الشعر بيت ... أن النوادي الرياضية مثل الأهلي والزمالك وغيره وغيره ... بتاخد دعم من الدولة مادي ...من فلوس الشعب ..

و بيروح منه طبعا في صفقات اللاعيبة ... والناس في البطيخ .. مش فاهمين أو فاهمين ومطنشين ... أو غلابة وجهلة .. اختر ما تحب من وصف

أنا أتفهم ان يكون فيه احتراف بس مع خصخصة الأندية .. مش جزء من دخل الدولة يروح في شراء لاعيبة .. وكلام فارغ مالوش أى علاقة بنشر الرياضة نفسها بين أفراد الشعب ..

دليل ان فيه أطفال في الشارع مش لاقيين ملاعب ولا مساحات خضراء .. بل مش لاقيين ياكلوا ...

وكله طالعلي في موضة المحترفين .. و حسني عبد ربه مين اشتراه و سيد معوض هيروح فين ..؟؟ وكلام خايب مالوش أى فايدة لشعب نصفه جاهل ومعظمه فقراء !! لا يملك قوت يومه ...

عارف العيب على مين ؟؟؟؟

العيب على الكبار اللي في البلد اللي فاهمين وراسيين .. بس متواطئين ومطنشين .. أو مستفيدين

هوجة في البلد .. هوجة زى هوجة الفيديو كليب .. هوجة المحترفين و الكورة .. كأننا دولة من دول العالم المتقدم المرفه ...

للأسف .. أنا بحب مصر جدا جدا جدا ....

لكن بتمنى زيك انهم يتغلبوا قبل المباراة .. لكن أول ما المباراة بتبدأ .. بانسى يا واثق الخطوة وباشجع :lol:

تحياتي

تم تعديل 26 يناير 2008 بواسطة mohmaher

[DARWEEN]

كيف يمكن لأي مصري أن يتمنى هزيمة أي شيء يحمل أسم مصر

مهما كانت المبررات

وما المانع أن ينتصر أسم مصر في كل المحافل وفي كافة المجالات

فلننتصر في العلم والصناعة والكره وكل شيء وأي شيء

لماذا دائما نلبس كل شيء ثوب الحكمة إذا كنا لا نحبه ...

من الطبيعي في كل دول العالم أن تتوقف الحياة وتتعطل الأمور في أوقات الأحتفالات والفرح

تضربون أمثالا بالبرازيل والأرجنتين ... وتنسون أن دولا مثل فرنسا وأنجلترا وألمانيا أيضا تتفوق في مجال كرة القدم

النجاح لا يتجزأ ... و الأفراح ليست خسارة في المصريين

[amrhoras]

أفراح تسمى افراح عندما يكون هناك رخاء عام وليس كساد عام وشبه مجاعه

بدلا من المليارات المدفوعه لتجميل الملاعب اعتقد من حق المواطن تجميل الحياه المعيشيه له افضل بعد ذلك نفكر فى الملاعب والكره

ما المنفعه ان كان فريق كسب او خسر؟ او عندما يظهر النقاد فى التليفزيون للتشاجر من اجل مستوى فريق او سعر لاعب؟

لا شيء

نسينا انها لعبه وليست هدف قومى

من الممكن ان تكون هدف قومى لكنه ياتى فى اخر القائمه من اهداف الدوله

لذلك مكسب او خساره لا فرق بينهما فى الحالتين تأتي اغنية شاديه المصرريين اهم حيويه وعزم وهمه ومظاهرات فارغه لا علاقة لها باى رياضه ...

اما ان كانت فرنسا او بريطانيا اعتقد لا وجه للمقارنه فما هو المستوى الاقتصادى لكل منهما على حده بالمقارنه بمصر؟

وعموما اتمنى تكون كل ايامنا افراح حقيقيه وليست وقتيه .

شكرا

[تيتو]

صح الكورة وسيلة لإلهاء الشعب

والشعب بيستجيب بدرجة كبيرة جداااااااااا

على الرغم من إن الشعب مش هياخد حاجة فى النهاية

بس يعمل ايه

ده غير بقى تحليل المباريات قبل وبعد الماتش

وكله كلام عشان الناس تتلهى

بس يكفى لما نلاقى اسم مصر مرفوع فى دول العالم اكيد دى حاجة حلوة

[mohmaher]

Tito >>

عجبني كلامك .. مع انك شكلك بتحب الكورة مثلي .. بس جدع ...

Darween

لو على رفع الأعلام . ففيه مجالات كتير قوي غير الكلام ده ممكن تترفع فيها ...

احنا بنكلم في كده .. ان مصر مش بتزعل على عدم رفع علمها في أهم المحافل الدولية المفيدة جدا ...

و بنزعل قوي قوي قوي لما بنتغلب في الكورة ..

والدول اللي حضرتك اكلمت عنها اهتموا بمواطنيهم وبلدهم وشئونهم الجادة قبل ما يهتموا برفع علمهم في بطولة كرة ...

و مع كل ده مافيش مانع من الكورة .. بس منكدبش على نفسنا و نتكلم بقه على أعلام و شرف و منظر مصر و احنا من أغلب دول العالم ..

وكمان لازم الناس يستوعبوا ان الدنيا مش كورة وبس الدنيا حاجات كتير قوي ..

واذا كان ضاق الحال بالشعب المصري انه مش لاقي حاجة تفرحه الا الكورة فا ديه كارثة تانية ...

[م.سامح المصرى]

أستاذى واثق

انا مع حضرتك فى حاجات ومختلف فى حاجات

أولا مع حضرتك ان دى بيلهو الشعب فيها

يعنى مثلا فتحت جريدة الأهرام بتاعت يوم الجمعه لقيت كريكاتير

على ماتش مصر والكاميرون صورة تلفزيون ومكتوب فيه

كأس الامم الافريقية

مصر تهزم الكاميرون 4 - 2

وواحد بيقول لنظيف

إبسط سعتك ...... كدة هينسونا شهر بحالة

وفعلا دا الى بيحصل

لية بقى لانهم من الغلب والافترا الى هما فيه بيحاولو يصبروا نفسم بحاجة

لانهم عملو كل حاجة

بس اختلف مع حضرتك ان اتمنى ان مصر تخسر

طب لو خسرت هل هاترجع الميه لمجاريها بالعكس دا الوضع هايزداد سوء

هايجوا يعملو اية بقي

دا المنتخب ما قدرش ياخد البطولة احنا نجيب مدرب اجنبى (او ما شابه من هذا الكلام ) ويصرفو بالملايين ويتحرق دم

المصرييين بس

وسلامى لك استاذى العزيز

[mohmaher]

Solee..

مع اني دلوقتي باتفرج على ماتش الكاميرون ....:rolleyes:

بس أحب أقوللك لو اتغلبنا لا قدر الله ... الشعب بتاعنا بطيبته وسذاجته ..:) هيبدأ يفكر ليه اتغلبنا ؟؟ و ليه طلعنا من البطولة ؟؟؟

يبقى لازم فيه غلط ... ومن هنا الشعب هيبدأ يفكر فين الغلط ؟؟؟ هممممممممم من الاتحاد ولا الأندية ؟؟ ولا من وزارة الشباب والرياضة ؟؟

ولا من الحكومة .. يمكن من النظام .... هممممممممم و هنا :) وهنا فقط سيحدث التغيير .. عندما يكتشف الشعب للأسف أن سبب خروج مصر من كاس أفريقيا .. هو النظام ... هنا فقط .. سيقوم الشعب و يهب من أجل ثورة عارمة .. من أجل تنحية النظام .. وتصعيد نظام أخر قادر على الحفاظ عل كاس أفريقيا ...ويمكن كاس العالم ...

الله أعلم :)

فهمت بقه ياعم Solee

ركز أنت كده بس ...

[م.سامح المصرى]

Solee..

مع اني دلوقتي باتفرج على ماتش الكاميرون ....:)

بس أحب أقوللك لو اتغلبنا لا قدر الله ... الشعب بتاعنا بطيبته :) وسذاجته ..:) هيبدأ يفكر ليه اتغلبنا ؟؟ و ليه طلعنا من البطولة ؟؟؟

يبقى لازم فيه غلط ... ومن هنا الشعب هيبدأ يفكر فين الغلط ؟؟؟ هممممممممم من الاتحاد ولا الأندية ؟؟ ولا من وزارة الشباب والرياضة ؟؟

ولا من الحكومة .. يمكن من النظام .... هممممممممم و هنا :) وهنا فقط سيحدث التغيير .. عندما يكتشف الشعب للأسف أن سبب خروج مصر من كاس أفريقيا .. هو النظام ... هنا فقط .. سيقوم الشعب و يهب من أجل ثورة عارمة .. من أجل تنحية النظام .. وتصعيد نظام أخر قادر على الحفاظ عل كاس أفريقيا ...ويمكن كاس العالم ...

الله أعلم :)

فهمت بقه ياعم Solee

ركز أنت كده بس ...

:rolleyes: هههههههههههههههههه

تصدق ممكن يا استاذ محمد

بس ممكن يعملو ثورة لو مصر خرجت من الدور الاول

بس ما اعتقدش ان تفكير المصريين كدة (او معظمهم يعنى)

بس انا مصدق حضرتك من بعد متش 6-1 بتاع الاهلى

تخيل حضرتك لو بتسمع عن واحد اسمه الخواجة (اكبر مشجعى الزمالك) كانوا مستضفينه بعد الماتش دا

واعد يعيط ويقولهم غيروا الجهاز الفنى قولت راجل كبير زى دا وبيعيط لان افريقة خسر ماتش واحد

وما عيطتش من الغلا ولا كدا

كانت الواقعه دى عندنا (فى ميت عقبة ) فى الكافية بتاعه (قهوة الزمالك)

بس الحمد لله على كل شئ اهم حاجة ان احنا من شعب طيب جدا جدا جدا

وسلامى لك ودومت بكل خير

[واثق الخطوة]

كيف يمكن لأي مصري أن يتمنى هزيمة أي شيء يحمل أسم مصر

مهما كانت المبررات

وما المانع أن ينتصر أسم مصر في كل المحافل وفي كافة المجالات

فلننتصر في العلم والصناعة والكره وكل شيء وأي شيء

من الطبيعي في كل دول العالم أن تتوقف الحياة وتتعطل الأمور في أوقات الأحتفالات والفرح

تضربون أمثالا بالبرازيل والأرجنتين ... وتنسون أن دولا مثل فرنسا وأنجلترا وألمانيا أيضا تتفوق في مجال كرة القدم

النجاح لا يتجزأ ... و الأفراح ليست خسارة في المصريين

منطق عجيب جدا

يغيب عن ذهن قائله الحقائق الدامغة التالية :

1-فرنسا وانجلترا وألمانيا لم تبحث عن التفوق في كرة القدم أولا ثم حاولت بعدها التقدم الصناعي والتكنولوجي بل ما حدث هو العكس ... بدليل أن قائمة أفضل 100 جامعة في العالم شلمت جامعات أوروبا وجامعة تل أبيب بالمناسبة ولم تشمل إلا جامعة القاهرة في ذيل القائمة(دخلتها فقط لأن 3 ممن حصلوا على نوبل من خريجيها يعني دخلتها بسبب التاريخ وليس الحاضر) ...

فأين أنت من هذه الدول المتقدمة ... التي تتخذ كرة القدم (لعبة ترفيهية)

2-تتمني أن تنتصر مصر في كل المحافل ..........................سيدي هل تعتبر أن كل كلمة يرتبط بها اسم مصر في المركز الأول هو شرف لنا ... على هذا الأساس ستعتبر أن إعلان أن مصر الأولى على العالم في عدد الراقصات الشرقيات من مختلف الجنسيات -وهي حقيقة- نصر لنا !!!!!!!!!!!

أي نصر وأي محافل التي تتحدث عنها ؟؟ وعلماءنا يهاجرون لأمريكا لتقنتصهم فريسة سهلة بسبب التجاهل التام لهم في البلد ...والمال يذهب لمدرب كرة راتبه (40 ألف دولار)شهريا ولاعب كرة مكافأة الفوز في مباراة واحدة فقط في الدوري المصري المعدوم تتعدي 10 ألاف جنية ومعاش نقابة العلميين (42)جنية شهريا (كما ورد في برنامج90 دقيقة يوم الإثنين28-1-2008)

بس اختلف مع حضرتك ان اتمنى ان مصر تخسر

طب لو خسرت هل هاترجع الميه لمجاريها بالعكس دا الوضع هايزداد سوء

هايجوا يعملو اية بقي

دا المنتخب ما قدرش ياخد البطولة احنا نجيب مدرب اجنبى (او ما شابه من هذا الكلام ) ويصرفو بالملايين ويتحرق دم

المصرييين بس

أكره التشاؤم جدا

والأمل موجود يا أبو علي

موجود ان الناس تصحي في يوم

وتنظر للكرة نظرة حقيقية كلعبة ترفيهية ويفطن الشعب لأن الحكومات(إياها ) تتخذها لعبة ولكن لعبة سياسية !!!

ولا زلت أدعو الله أني ينهزم المنتخب ليس كراهية لمصر .. ولكن حبا لمصر ............وخوفا على مصر !!!

[DARWEEN]

منطق عجيب جدا

يغيب عن ذهن قائله الحقائق الدامغة

أشكرك على ردك المحترم ياعالم بالحقائق الدامغة

وأعتذر عن التحاور مع أمثالك ممن يبدأون بأهانة الأخرين لمجرد أثبات وجهة نظر

فاشله

[sharif]

كويس والله

احمد زويل ليه فرحنا له لما اخد جائزة نوبل ماهو ما دخلناش مليم ولا البرادعى ولا كرم جابر ولا شبانه فى الاشكواش ولا كرة اليد

عزيزى الفاضل احنا بنفرح لمصر مش للكره ولا لزويل ولا للاشكواش ولا لليد

احنا بنفرح لمصر لما بيثبت ابنائها انهم قادرين على التفوق على الاخرين واقرانهم العالميين

احنا بنفرح وبيكون دافع للتحدى فى جميع المجالات

احنا بنفرح لما يكون ايضا هناك اعلام ناضج وبرنامج مصرى كويس مثلا زى العاشره مساءا مع انه مش مفيد ماديا للشعب

بنفرح بالموظف الناجح والعامل الناجح والطالب الناجح والعالم الناجح والاعلامى الناجح والفنان المحترم الناجح والطبيب الناجح المهندس والمحاسب والمدرس والمحامى الناجح والصيدلى .........................الناجح و كمان بالرياضى الناجح

بس نكره التشاؤم والفشله والمتكاسلين والفاسدين

ممكن كرة القدم فيها سلبيات ومصاريف كتير من فلوس الشعب ممكن تناقش وترشد لكن مش نقضى عليها وعلشان كده بتمنى الفوز لمصر والتقدم مش فى الكره فقط لكن فى كل المجالات

[هشام عباس]

اتفق معك تماما اخ شريف في كل كلمه قلتها

[هشام عباس]

الاخ واثق الخطوه من حقك الا تتمنى فوز مصر في بطولة افريقيا ولكن الا ترى ان تمنيك هزيمة مصر يؤذي مشاعر المصريين؟ الا تعتقد ذلك؟!

عموما بالتأكيد لك الحريه فيما تتمنى ولكن ارجو مراعاة مشاعرنا نحن المصريين المغتربين

فنحن تلهف على اي فوز او نصر تحرزه مصر في اي مجال

وعلى فكره فيه بلاد كتير غير مصر بها راقصات شرقيات واعتقد ان العدد في لبنان فاق العدد في مصر

وبصراحه لا ارى مقارنه بين الرقص الشرقي ولعب كرة القدم

[إيزيس]

أقولكم حاجة بس ما حدش يزعل مني كرهت الكورة لأنها تعدت حدود الرياضة واللعب في مصر إلى أن أصبحت مسكن أو إدمان أو سمها اي اسم يغيب الناس عن مشاكلها شفتوا استفتاء العاشرة مساء أسوأ يوم للمصريين يوم ما اتغلبوا من النجم الساحلي ؟؟؟ مش عارفة اسمي ده إيه ده أسود من يوم مات فيه الشباب في البحر هاربانين من بلدهم أسود من يوم مات فيه شاب 16 سنه سافر فرنسا متعلق في طيارة أسود من يوم انهيار عمارة اسكندرية أسود من كل يوم يتهان فيه الناس في القسم وفي المظاهرة والشارع ؟؟؟؟

كده الحكاية زادت عن حدها لعب يلهي عن صلاة عن عبادة عن عمل عن مشاكل بلد إذن فيه حاجة غلط كلنا بنفرح بالفوز لكن لازم يكون في في حياتنا أهم من الكورة

ملحظة : الردود أحيانا قاسية مش لازم نزعل من بعض لأن الآراء مختلفة مش ال .................لا يفسد للود قضية واللا إيه ؟؟

[srmohamed]

السلام عليكم ياخ قرنفل- انا مش معاك خالص مش عشان بحب الكرة ولا بكرها-بس تفتكر لو ان مصر اتغلبت وطلعت من البطولة يبقي هو دة الحل عشان الناس تحس بشاكلها الاهم؟ طيب لية متبصش للموضوع من ناحية تانية... مثلا ان الكرة من الحاجات اللي بتجمعنا ولو مؤقتا-انها بتحسسنا اننا ممكن نعمل حاجة كويسة... انها بتخلي الناس تنفس عن مشاكلها بطريقة او بأخري-اديك شفت ازاي وكالات الانباء بتتكلم عن ابو تريكة لما رفع قميصة تعاطفا مع غزة- خليها علي اللة ياقرنفل..... وشكرا

[إيزيس]

لحد كده تمام تجمعنا تفرحنا لكن الحكاية تعدت الحدود أصبحت تشغلنا وأحيانا تجننا