هل تتمنى هزيمة مصر في البطولة الإفريقية.. مثلي؟

[نغم]

بسم الله الرحمن الرحيم

الأستاذ الفاضل اولا انت ممكن تكون مصرى اى تحمل الجنسية ولكن مش مصرى لان المصرى الحقيقى يتمن الخير لااى احد وبعدين هى دى مصر بحلوها ومرها هى دة مصر ام الدنيا

انتا بتتكلم على الأرجنتين والبرازيل لان اقتصادهم صفر فى المية

واحب ان اضيف الى معلوماتك ان البرازيل خامس اقتصاد ينتعش على مستوى العالم حقق طفرة اقتصادية ولما تحب تكتب عن اى حاجة لازم تكون دارس وملم بكل المعلومات عن اى موضوع ودة بيسموة مصادر الخبر او المعلومة فى الأعلام ...............................

انا كنت هبدأ حديثى معك باخى العزيز ولكن لقيت موضوعك فيها امنية نابعة من داخلك ولا ادرى ما هو الذى بداخلك ؟؟؟؟؟؟؟؟؟؟؟

استاذى الفاضل اى وجهة نظر يجب ان تعرض باسلوب يتقبلة كافة فئات ودرجات المجتمع

وبعد ذللك احب اسألك سؤال ماذا تعرف عن فئات الشعب سواء ان كانت سعيدة او حزينة بالوضع الحالى فى مصر .....

والسؤال الذى يحيرنى كيف تكون مصرى ؟؟؟؟

ثم تتمنى تنكيس علم مصر كيف ذلك ولماذا ولما كل ذلك اساله كثيرة ومحيرة ؟؟؟؟ا

احب اقولك ان مصر اعظم بلد فى العالم كلة ( قال الرسول علية الصلاة والسلام اذا فتح الله عليكم مصر فأتخذو منها جندا قالوا لما يا رسول الله قال لانهم فى رباط الى يوم الدين صدق رسول الله عليه وسلم )

فهم مين هى مصر

وفى نهاية كلامى ادعوا الله لك بالهداية ويا ريت تراجع زنفسك وشكرااااااااااااا وأسف على الأطالة

مع تحيات ((((( نغم الأصيل )))))

[نصر]

واثق الخطوه

أنت عامل زى الى بطل يصلى علشان مره و هو بيصلى جزمته اتسرقت

[مزاميزو]

أحب أصحح معلومة البرازيل إنها السابع مش الخامس وسابع أقوى إقتصاد على مستوى العالم حاجة نتمنى نبقى ربعها يعني الناس هناك مجانين كورة بس عارفين مصلحتهم كويس

[هشام عباس]

يارب مصر تاخد بطولة افريقيا

وتعرف يا واثق الخطوه اعتقد انك على الاقل مش هتزعل!!!! ده احساسي والله اعلم مش بقول هتفرح زيينا بس على الاقل مش هتزعل

يارب مصر تاخد بطولة افريقيا

[واثق الخطوة]

يقول الاخر داروين :

أعتذر عن التحاور مع أمثالك ممن يبدأون بأهانة الأخرين لمجرد أثبات وجهة نظر فاشلة

ويقول الأخ نصر :

أنت عامل زى الى بطل يصلى علشان مره و هو بيصلى جزمته اتسرقت

ويقول الأخ : نغم

[ولما تحب تكتب عن اى حاجة لازم تكون دارس وملم بكل المعلومات عن اى موضوع ودة بيسموة مصادر الخبر او المعلومة فى الأعلام

انا كنت هبدأ حديثى معك باخى العزيز ولكن لقيت موضوعك فيها امنية نابعة من داخلك ولا ادرى ما هو الذى بداخلك ؟؟؟؟؟؟؟؟؟؟؟

وبعد ذللك احب اسألك سؤال ماذا تعرف عن فئات الشعب سواء ان كانت سعيدة او حزينة بالوضع الحالى فى مصر .....

والسؤال الذى يحيرنى كيف تكون مصرى ؟؟؟؟

ثم تتمنى تنكيس علم مصر كيف ذلك ولماذا ولما كل ذلك اساله كثيرة ومحيرة ؟؟؟؟ا

احب اقولك ان مصر اعظم بلد فى العالم كلة ( قال الرسول علية الصلاة والسلام اذا فتح الله عليكم مصر فأتخذو منها جندا قالوا لما يا رسول الله قال لانهم فى رباط الى يوم الدين صدق رسول الله عليه وسلم )

فهم مين هى مصر

وفى نهاية كلامى ادعوا الله لك بالهداية ويا ريت تراجع زنفسك وشكرااااااااااااا وأسف على الأطالة

عذرا ... لماذا نعاني من مشكلة ضخمة جدا ......... مشكلة : الاختلاف في وجهات النظر

فعلى الرغم من أن مداخلتي الأولي تعمدت في اخرها أن اكتب :

هل اقتنعت بكلامي ؟

على الأقل : هل "تعذرني" لأني اتمني هزيمة مصر كرويا

فلا لا أدري كيف وصلت الأمور لاتهامي بأني غير مصري !!!!

لماذا لا نزال نعتبر كل من يختلف معنا في وجهة نظرنا مجرد : غبي .. متخلف ...خائن .... وربما ابن(........)!!!!!!!!!!!

لماذا نعتقد دائما أنه يمكن تغيير المواقف بالطرق على الرأس بمطرقة!!!!!!!!!!!!!!!!!! :wub:

ولا أخفي عليكم انني ابتسمت من الاخ أو الاخت التي ذكرت حديث رسول الله صلى الله عليه وسلم لتشتهد به على الامة المصرية وأنها في رباط إلي يوم القيامة ..

لا أدري ما الرابط بين الحديث وموضوعي

فالرباط المقصود فيه في الحديث هو : التماسك

وليس الرباط بمعناه الأخر !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

عموما

شاهدوا برامج مثل : الاتجاه المعاكس كمثال لتعرفوا الحالة التي وصلنا إليها

عموما يجب أن نعود لثقافة : تعالوا نتفق كيف نختلف !!!!!!!!!!!!!!!!!!!!!!!!!!!!!!!!!!!!

وأتمني من أحد المشرفين أن يقوم بالبحث عن هذا الموضوع (ثقافة الاختلاف ) الذي كتبت فيه منذ سنوات

عموما لا يسعني إلا أن أوضح التالي :

أولا : انا اسف إذا كنت قد أسأت - بدون قصد - لـ DARWEN أو لأي شخص ..

ثانيا : بالنسبة لمن تحدثوا عن البرازيل كخامس أو سادس قوة في الاقتصاد العالمي وطالبوني بمراجعة معلوماتي :

أرجو قراءة الروابط التالية :

http://www.fao.org/arabic/newsroom/news/2003/13320-ar.html

ومقال خطير بعنوان أي خراب في البرازيل :

http://www.mondiploar.com/article274.html?...1b46e2a13526133

وحتى لا نخرج على الموضوع نلخص موضوع البرازيل في :

1- البرازيل تملك واحدة من أقوي مقومات التصدير في العالم ..مقومات طبيعية هائلة ولكن هل تعرفوا لماذا جمدت ديونها حتى 2000م ؟

2- البرازيل كانت في حالة فساد وركود ضخم حتى عام 2002 .. ونهضت لكن ليس بفضل الكرة .. بفضل السياسة الاقتصادية الجديدة!

وليسمحوا لي أن ازيدهم من القصيدة بيت : عن الارجنتين:

http://www.al-moharer.net/moh163/hobeika163.htm

ثالثا : لهواة البحث عن المعلومات أريد من الإجابة عن الأسئلة التالية :

1- من كان رئيس اتحاد كرة القدم المصري منذ عام 1959؟

2-كم حجم الانفاق على ملف تنظيم كاس العالم( فضيحة صفر المونديال الشهيرة؟)

3-كم راتب حسن شحاتة ؟

اخواني أنا احب مصر واعتز جدا بالإنتماء إليها

ولكن

ما يحدث لا يمكن السكوت عليه ..

الاهتمام بالرياضة كما قلت شيء جميل

ولكن ما يحدث ليس اهتمام بالرياضة ولا كرة القدم

ما يحدث إلهاء للشعب عن مشكلاته الخطيرة

والرياضة جميلة ولكن انفاق المليارات من الأموال ... والألاف من الساعات في الحوارات والمناقشات والمداخلات والتحليلات فيها .. شيء خطير ...

لدينا فقر + غلاء + رواتب ميتة + علماء يفرون من مصر بعلمهم بحثا عن لقمة العيش + فساد + مشكلات في البنية التحتية ...

يجب أن نلتفت لهذه المشكلات ...

أتمنى فعلا أن يرتفع مصر في كل مجال ..

ولكن ما ينفعني لو جائني ابني ساقط في كل المواد إلا في مادة بسيطة مثل التربية الرياضية مثلا ..

هل احضنه

وابارك له وأقول له : أحسنت .... انت ممتاز !

وهل يحق لابني ان يعتبرني : دكتاتور ... متسلط لو انتبه على سوء تقديراته في المدرسة ...

كلنا نعمل لصالح مصر

ولكن أرجو أن تفهموا ما هو صالح مصر ..........

وإذا كان الإنسان منا سيسأل يوم القيامة عن خمس أشياء من بينها وقته ...

فسأكون سعيد للغاية لاني لم أضيع وقتي في مشاهدة مباراة كرة قدم

وشكرا

[DARWEEN]

أنا ليست مشكلي أختلافنا في وحهة نظر ... وأنت تحاول أن تجعلها كذلك

أنا مشكلتي أن التحاور يكون بأسلوب ولهجة ..... محترمين

أما إن كنت تتمنى هزيمة مصر .... فهذه مشكلتك

قلنطرح واحد أو عشره أو مائه من سبعين مليون فلن يكون الفارق كبير

سبق لي التعامل مع الكثيرين من أنصار مبدأ خالف تعرف .... أو .... إدعي الحكمة يجلك الآخرين

[Mimi]

تم حذف المداخلة لمخالفتهاالقاعدة رقم 1 و 2 من قواعد الكتابة في محاورات المصريين.

الفاضل Mimi

من الأفضل دائمآ ان نناقش الفكرة الي يعرضها الأخر حتي لو كنا نختلف معها دون الحاجة الي مهاجمة الشخص نفسه ...

علي الأقل هذا ما نطلبه من مرتادي محاورات المصريين.

شاكرين تعاونك و تفهمك لهذا الأمر

عن الأدارة سكوربيون

[إيزيس]

والله سوء الظن والاتهامات الجاهزة أصبحت منتشرة في المحاورات بشكل مسيء والردود قاسية جدا ثم ندعي أن صاحب الموضوع هو المخطيء

أرجو أن كل واحد كتب رد في هذا الموضوع يقرأه بحيادية ويحكم هل يحب أن يوجه هذا الكلام له كلنا نحب بلدنا ولا داعي للمزايدات .واثق الخطوة يقول باختصار أن البلد التي تعاني أزمات ويعاني أبناءها الويلات لكسب لفمة العيش لابد وأن تعدل أولوياتها

النهوض بالصحة واللا الصرف على لاعبي الكرة؟

النهوض بالتعليم واللا سفريات التدريب و الأموال الطائلة لشراء اللاعبين؟

الاهتمام بالرياضة في المدارس واللا ملايين لمدرب أجنبي؟

ألا يشعر الشباب بالقهر وهم يسمعون عن الملايين التي تنفق على اللاعبين والدلال الذي يعيشون فيه بينما نرى أطفال تستجدي 75 جنيه علاج من وزارة الصحة ؟

هذه نفس فكرة ال 20 مليون صرفتهم الدولة على آمال ماهر والناس بتموت من الفقر والغلب

كلمة أنه يتمنى مصر تخسر لا تعبر عن معنى حقيقي ولكن يعني أن تكسب مصر في مجالات أهم من الكرة هذا ما نتمناه لا أن نكسب في الكرة ونتعاطى هذا المكسب كمسكن "كرة القدم أصبحت أفيون المصريين الجديد" لنخدع أنفسنا أننا في الصدارة والحقيقة بكل أسف غير ذلك و ما أسهل التهليل مع المهللين لكن الألم كبير و البلد تتراجع ويعز علينا بلدنا ولن ندفن رؤوسنا في الرمال.

نتمنى أن نكسب بلدنا لتأخذ مكانها الذي تستحقه ويكسب أولادنا صحة وتعليم ووظيفة وحياة أفضل ونكسب بعد ذلك في الكرة والطايرة والسلة ونط الحبل ونفرح بمكسبنا بجد ونفسنا مفتوحة وأتمنى ألا ينبري أحد أصحاب الاتهامات الجاهزة ويرميني أنا الأخرى بحجر لأن الأحجار أصبحت كبيرة وكثيرة وأصابت بعضنا ممن لا يستحقون الألم

الكلمة نور وبعض الكلمات قبور

[amrhoras]

والله سوء الظن والاتهامات الجاهزة أصبحت منتشرة في المحاورات بشكل مسيء والردود قاسية جدا ثم ندعي أن صاحب الموضوع هو المخطيء

أرجو أن كل واحد كتب رد في هذا الموضوع يقرأه بحيادية ويحكم هل يحب أن يوجه هذا الكلام له كلنا نحب بلدنا ولا داعي للمزايدات .واثق الخطوة يقول باختصار أن البلد التي تعاني أزمات ويعاني أبناءها الويلات لكسب لفمة العيش لابد وأن تعدل أولوياتها

النهوض بالصحة واللا الصرف على لاعبي الكرة؟

النهوض بالتعليم واللا سفريات التدريب و الأموال الطائلة لشراء اللاعبين؟

الاهتمام بالرياضة في المدارس واللا ملايين لمدرب أجنبي؟

ألا يشعر الشباب بالقهر وهم يسمعون عن الملايين التي تنفق على اللاعبين والدلال الذي يعيشون فيه بينما نرى أطفال تستجدي 75 جنيه علاج من وزارة الصحة ؟

هذه نفس فكرة ال 20 مليون صرفتهم الدولة على آمال ماهر والناس بتموت من الفقر والغلب

كلمة أنه يتمنى مصر تخسر لا تعبر عن معنى حقيقي ولكن يعني أن تكسب مصر في مجالات أهم من الكرة هذا ما نتمناه لا أن نكسب في الكرة ونتعاطى هذا المكسب كمسكن "كرة القدم أصبحت أفيون المصريين الجديد" لنخدع أنفسنا أننا في الصدارة والحقيقة بكل أسف غير ذلك و ما أسهل التهليل مع المهللين لكن الألم كبير و البلد تتراجع ويعز علينا بلدنا ولن ندفن رؤوسنا في الرمال.

نتمنى أن نكسب بلدنا لتأخذ مكانها الذي تستحقه ويكسب أولادنا صحة وتعليم ووظيفة وحياة أفضل ونكسب بعد ذلك في الكرة والطايرة والسلة ونط الحبل ونفرح بمكسبنا بجد ونفسنا مفتوحة وأتمنى ألا ينبري أحد أصحاب الاتهامات الجاهزة ويرميني أنا الأخرى بحجر لأن الأحجار أصبحت كبيرة وكثيرة وأصابت بعضنا ممن لا يستحقون الألم

الكلمة نور وبعض الكلمات قبور

والله كفيتي ووفيتي يامدام قرنفل

بس هو ده كل اللى حصل

بالله عليكم كورة ايه لما شباب يسيبوا تعليمهم فى سبيل الكوره ويتفرغوا علشان الماتشات اعقلووووها وانتوا تتأكدوا

كام لاعب حاصل على تعليم محترم؟

*****************

الفاضل amrhoras

نعتذر عن حذف هذا الجزء من مداخلتك و الموجه الي الفاضل Mimo نظرآ لحذف مداخلته الأصلية.

نثق في تفهمك

عن الأدارة

سكوربيون

[kokomen]

  الأخوة والأخوات الأفاضل والفضليات

  

 قرأت كل التعليقات على هذا الموضوع  ولقد تألمت كثيرا  مما وصل إليه الحوار والمناقشات

بين الأخوة والأخوات المحاورين والمحاورات  بين مؤيد  ومعارض  وبين ردود منطقية وردود عنيفة

لدرجة الإتهام في وطنية كاتب الموضوع ... وتهكم من كاتب الموضوع على بعض الردود التي لم تؤيد رأي صاحب الموضوع ....؟؟؟؟؟؟ فهلا  تمهلنا قليلا وحكمنا بموضوعية على الأمور دون أن نتهم أحدا

أو نستخف برأي أحد ...؟؟؟؟ الأخ واثق الخطوة لقد جانبك التوفيق في عرض رأيك بالتمني لهزيمة مصر

والإستهانة بأي إنجاز مصري ولو في أي مجال رياضي أو غيره من المجالات الأخرى .... صحيح نحن

جميعا مصابون بالإحباط نتيجة وجود أوضاع كثيرة سيئة في حياتنا في مصر وليس معنى ذلك أن نصب غضبنا

على كل شيئ حتى ولو رسم البسمة على وجوه أفراد الشعب المصري وأوجد له الأمل في تحقيق أي إنجاز لمصر

الحبيبة على قلوبنا جميعا .... أليس كذلك ... نحن فرحنا بالشرطي الأمين الذي رد عدة ملايين الي صاحبها وهذا

الشرطي لا يتعدى مرتبه عشرات الجنيهات ... ورغم حزننا على أوضاع ممارسة التعذيب في أقسام الشرطة ..؟؟؟

إلا  أننا فرحنا جدا وسعدنا بهذا الشرطي الأمين الذي عبر عن أمانة وشهامة أبن البلد المصري الأصيل .. من هذا المثال

أعود لموضوعنا وهو أن فرحتنا بفوز مصر رياضيا لا  يمنعنا من ممارسة حقوقنا في كشف الفساد والمفسدين والمطالبة

بالحريات ونزاهة الإنتخابات وتداول الحكم ومحاكمة أي مسؤول يمارس فساد في وظيفته ... نحن شعب أصيل عريق لن تنقص الأحداث مهما كانت من قدر هذا الشعب الكريم ... هذا الشعب النقي الشجاع الذي صمد في كل المحن والمصاعب

لا نتمني هزيمة مصر ... ونتمنى كل الخير لشعب مصر العظيم ... وسوف يحصل على الحياة الكريمة بإذن الله ولن ننكسر أبدا

   :rolleyes:         :blush2:     

  

[واثق الخطوة]

الأخ داروين : لن أقول لك إلا سامحك الله ...

عموما

عرضت وجهة نظري ببعض التفصيل ...

فقط ساكتفي بمانشيت الجمهورية الصادر اليوم الجمعة 31-1-2008

( صرف 30 الف جنية مكافأة فوز لكل لاعب من لاعبي المنتخب المصري لكرة القدم بمناسبة الفوز في الدور الأول في البطولة الإفريقية )

- لاحظ لكل لاعب

-لاحظ عن الدور الأول يعني 3 مباريات ( تبقي المباراة وافقة بكام ) ؟؟

-لاحظ أيضا ان الصفحة الأولى فيها نص مكالمة كل من علاء مبارك وأبوه حسني مبارك الشخصية مع سمير زاهر ...

مجرد مانشيت وملاحظات ...

وسلامي للجميع !!!!!!!!!!!!!!!!!!

[ahamedgad]

والله انا واحد كنت بفرح لمصر فى اى حاجه طول فتره تعليمى جايز عشان مش كنت لسه قابلت الحياه

لكن انا دلوقت اقول ازاى ملايين ومليارات تصرف وفى ناس مش لاقيه تاكل

ياعالم حرام عليكم والله احنا الحكومه حطانا فى جيبها وطبعا بطوله زى دى لازم تاخد عقولنا اكتر من همومنا

لنا الله

يارب الهزيمة لمصر وبنتيجة ثقيلة عشان الحكومة ترتاح مدام بتحسب ان مقياس نجاحها هو كرة القدم

[هشام عباس]

بصراحه انا مستغرب جدا جدا جدا بتقولوا ان الكوره بتضيع وقت الناس ومعترضين على كده؟ صح؟؟؟؟؟؟؟؟؟

اوك

انا معاكم ومن حق كل انسان يقول رأيه

لكن مش غريبه شويه انكم ضيعتوا كل الوقت والجهد ده علشان تقولوا ان الكوره وحشه ؟؟؟؟؟؟

انا مش عاوز حد يفهم من كلامي اني بتهكم عليه لا سمح الله بس بجد انا استغربت لأني بقالي يومين كنت مشغول شويه ومدخلتش المحاورات ولما دخلت دلوقتي لاقيت الموضوع ولع وزاد عن الحد وتجريحات ملهاش لازمه وردود على التجريحات وناس اتلغت مشاركتهم اكيد لأن بها ما هو غير لائق!!

وواثق الخطوه عمال يجيب في مواقع مؤكدا على كلامه عن البرازيل والارجنتين وناس بتزعق وناس بتتخانق

يا جماعه انتوا عارفين ايه مشكلتنا؟

مشكلتنا اننا لا نقبل الرأي الاخر

وبالرغم من اني اختلف جدا جدا مع واثق الخطوه في تمني هزيمة مصر الا اني لا استطيع الا ان احترمه فعلى الاقل اسلوبه في عرض وجهة نظره غير مجرحه في معارضيه

لكن انا مش بختلف معاه بس في كده للأسف انا بختلف معاه كمان انه بيناقض نفسه!

وكمان الاستازه قرنفل لأنهم زكروا ان كرة القدم مضيعه للوقت الي المفروض ان عندنا حاجات كتير جدا نتكلم فيها اهم من الكوره؟!!!!!

ومع ذلك انفقوا كل هذا الوقت في محاوره ارى انه لا طائل منها بعد ان عرض كل منهم وجهة نظره؟

فلماذا نستهلك كل هذا الوقت الذي ستسأل عنه يا استاز واثق واسمحلي ان كنت اقتبست كلامك فأنت الذي قلت انك عندما تسأل عن الوقت فلا تريد ان تقول انك اضعته في الفرجه على ماتش !!!!! فكم اضعت في الكتابه عن الكره؟؟؟؟؟

اعلم الان ان كلامي قد فهم غلط تماما ولذلك اريد ايضاح مقصدي

القصد من كلامي اننا شعب نهتم جدا بمصر وبكل شيئ يحدث فيها وحتى الكره انت تهتم بها يا استاز واثق وانتي يا مدام قرنفل غصبا عنا نحن نهتم شئنا ام ابينا فنحن نهتم

كلنا نحب مصر وكلنا نهتم بأي شيئ يحدث بها

واقتبس ايضا مقولة احد الاخوه

يجب ان نتعلم كيف نختلف وكيف نقبل الرأي الاخر

تحياتي لكل من التزم بالتحاور بطريقه لائقه وغير مجرحه في الاخرين

وتحياتي لكل من يحب مصر- لكم جميعا-

ويارب مصر تاخد بطولة افريقيا

[Nonna]

طبعا لا اتمنى أى مكروه يحصل لأي شئ أو شخص أو حدث

مهما كان

لمجرد انه يحمل اسم مصر

حتى لو ما كنتش مستفيدة

سؤال معلش وجايز يكون مكرر

انا اتمنى مصر تخسر البطولة عشان اهدار للوقت و المال و الهاء للشعب عن بلاوي اخرى

ماشي_جدلا يعني_

ليه لم نتمنى الاوبرا تتحرق تاني و تالت وعاشر

ماهي عمالة تاخد في فلوس و الناس بتروحها و بتهدر الوقت

ليه لم نتمنى التلفزيون يخرب ووزارة الاعلام تولع ونانسي و هيفاء

_أحسبهم على خير أحسبهم على خير لا تقولوا بغتابهم!!_

ماليين الشاشات

طووووووووووول بعررررررررررض

مااحنا بنصرف عليهم برده تذاكر تعالي وروحي

فندقة و أقامة

مسارح

!!!!

معلش يعني انا شفت ناس ايام ستار اكاديمي

لا حول ولا قوة الا بالله

ليه ما اتمنناش وقتها مصر تخسر

؟!!

أتذكر موقف مالوش دعوة بالكورة

بس جه على بالي

كان في راجل كبير في السن قاعد على شاطئ من شواطئ اسكندرية

كل اللي يعدي

يسمعه عمال يقول

الله يخرب بيته

ابن ...تيت...

خربها وقعد على تلها

كتير ومنهم والدي ووالدتي طبعا قالوا ده مخنون

بس بنظرة سريعة على لبس الراجل و مظهره العام

استحالة يكون مجنون

بصراحة

وقفت بابا وماما نتابع

اي حد يعدي ادامه يقوله الجمل ده

شباب كتير وقف

منهم اللي وقف عشان يتريق عليه

ومنهم اللي وقف عشان فعلا عاوز يسمع

الراجل قعد يتكلم عن ايام عبد الناصر

وازاي من بعده الدنيا خربت

وان الحاجة الوحيدة اللي تحسب للسادات _ربنا يرحمهم جميعا_

حرب اكتوبر

طبعا لما جه عند سيرة...تيت....

قعد يقول

الله يخرب بيته

الله ينتقم منه

وهكذا

قعد يقول اسباب كرهه للاخ اللي بيدعي عليه

فجاة واحد من الشباب اللي واقفين

بيسأل بتريقة كدة سؤال لا يلقي ليه بال

طيب يا حاج

لو عرفت ان فلان ده قتلوه الاسرائليين أو الامريكان

ترتاح و ما تزعلش؟

الراجل ثار و غضب

وانت ازاى تجرؤ

وتقول كدة

بابا طبعا باصلي اللي هو شفتي مش بقولك مجنون

استنين بصراحة الراجل لما خلص الوصلة بتاعته

و سمعت اللي فعلا أثلج صدري_هما بيقولوها كدة مااعرفش معناها_

قال أكرهه أه

لكن يقتله الغريب لا

!!!

منطق غريب

بعدها بيوم سألت والدي

قاللي عنده حق

رمز بلدي لو قتله الغريب لازم أثور وأهيج وأقلب الدنيا

ده في الاول والاخر اسمه مصري

وانا انصر المصري على اى عربي وعلى اي اجنبي

ماما نادتني من المطبخ

_ادبست في السلطة عادي يعني_

بسالها ماما فاكرة كذا كذا و حكيتلها رد بابا

قالتلي بصي الخلاصة

أنا وابن عمي على الغريب

وانا واخويا على ابن عمي

مش عارفة ايه علاقته بالكورة معلش

جه على بالي بقى

[هشام عباس]

طبعا نونا ليه علاقه وعلاقه كبيره كمان

وهي ان لو انا اهلاوي والزمالك غلب الاهلي هزعل بس لو غلبه فريق مش مصري بتقهر!!!!!!!!!

وحتى الزملكاوي الي غلبني لما الاهلي يتغلب على ايد فريق مش مصري كمان بيزعل ويتقهر

هيي كده ومنعرفش نغيرها!!! بقصد طبيعتنا مش مصر علشان متفهمش غلط

[amrhoras]

الاخت نونا

اعتقد ان الجميع يتمنى ان تغلق واجهتنا الاعلاميه بالنسبه للاغانى والكليبات المشينه ومن قال لكى عكس ذلك فاقدر اقولك انه فاسد مين قال ان نانسي ولا بتاع دول عدلين

حاجات كتييير اوى ضاعت معناها حتى الفن انهار

بالنسبه للكوره وما وصلنا اليه ف الفتره الاخيره محزنه

واقولك على حاجه تانيه

اكيد كلنا بنشتغل او بندرس

هل تصدقين ان بعض الموظفين يتركون العمل بحجة فى ماتش كوره؟

الطلبه يتركوا التعليم بحجة الكوره؟ انهارده النهائي والبطوله

زيه زى الاغانى

لما البنات والولاد يقعدوا يقلدوا تقليد اعمى

بس الفرق ان الكوره سيطرت على ناس ناضجه

ده الناس بتقعد تشتم بعض وساعات بتوصل للقتل

دى فى كل دول العالم طبعا انما احنا دوله اختلت موازينها حاليا ناس كتييير اوى مش لاقية اللقمه

شباب نايم فى بيتهم مش لاقيين الشغل

فى حين ملايين تصرف ع الملاعب وشراء لعيبه ومدربين وان مكنش ده يبقى ده

بالله عليكي انا مش بحسد او بحقد

انما لما لاعب مش معاه اعداديه يتقاضى الاف الجنيهات ان مكنش بالعمله الصعبه وتلاقيه لاوي لسانه وهو بيتكلم فى حين اللى تعبوا وذاكروا وبيموتوا عشان لقمة العيش هل هذا هو العدل؟

المفروض نعيد حسابتنا من جديد

ان كنا متاخرين فى التعليم او الصحه او الزراعة او او او نرتب اولوياتنا وياستي بلاش نمنع الكوره انما تكون مقننه يعنى كل حاجه بحساب يعنى مجرد ترفيه

مش واحد بيموت ونيجي نقوله والنبي افرح مصر اخدت الكاس

لو مفرحش هل حنقول انه ليس وطنى؟ ام نقول كان الله فى العون

الحمد لله انا لا اتمنى لا خساره ولا مكسب ولا احب الكوره من اساسه ولا عمر ماتش جذبني اليه لانها فعلا مضيعه للوقت وفلوس رايحه فى الهوا خلوها رياضه اوك انما يتصرف عليها ملايين ويجي حبة لاعيبه يهزوا نفسهم ويقعدوا يشدوا فنلات بعض طيب ليه لم تركز على رياضات اخرى مثل السباحه والفروسيه والتنيس

كنت حتى سمعت ان الجماعه بتوع كمال الاجسام يناشدوا وزير الشباب والرياضه انهم بيطلبوا المساعده لان نظام غذائهم له نظام خاص ومكلف جدا

انما الدوله اى الحكومه عوزه كدى وقولتها قبل كدى وحقولها تانى ان الكوره مرتبطه بالسياسه مجرد غطاء لشد انتباه الناس حصلت مصيبه انزل تانى يوم بماتش

*********

اخى ا/ هشام عباس

بالنسبه لمضيعة الوقت فى النقاش حول الكوره يبقى النقاش فى كل الموضوعات مضيعه للوقت ..جميعنا هنا من اجل النقاش والتحاور لا لضياع الوقت اعتقد انه سؤال غير مناسب بالمره انا عندى استفيد من اى مشاركه انما اتفرج ع لعبه لا تنفعنى الا بحرقة الدم يبقى دى مضيعه للوقت

لكل منا له زاويه ووجهة نظر

[واثق الخطوة]

الأخت نونا: سعدت جدا بتعليقك البسيط العفوي

وساحاول أن اعرض لك الموضوع بشكل بسيط :

قابلت أحد الزملكاوية المتعصبين جدا للكرة عامة وللزمالك خاصة فخطر علي بالي سؤال طرحته عليه :

" لو الأهلي لاعب اسرائيل تشجع مين؟"

لم يفكر .. رد بسرعة " طبعا اسرائيل ؟

ليه ياعم ؟ : لأن الأهلي العن من اسرائيل .. اسرائيل على الأقل لا تتلاعب بالنتائج ولا تسرق اللاعبين ... وقعد يخطب لي خطبة من بتوع الزعيم الملهم !!!!!!!!!!!!!!!!!!!!!

كرة القدم .. والأوبرا ................وشريط عمر دياب الجديد ................زوالمسلسلات الفضائية والمغنيات ( ويجوز والله أعلم سبهم لأن لا غيبة للمجاهر بالفواحش ) .. وستار اكاديمي ... والحفلات ..

وكل ما يغيب الشعب عن مشكلاته ويبعده عن دينه

كل هذا نرفضه ونحاربه ...

ومن قال لك اننا فرحانين بالاوبرا وبنانسي عجرم ؟

ومن قال لك اننا قلنا نفس الكلام عندما بدأت الهجمة الحكومية لترجيل الدعاة مثل عمرو خالد وعمر عبد الكافي وبالمقابل "استيراد" المغنيات والممثلات !!

ادخلي قسم التكافل في هذه المحاورات لتعرفي ان ثمة امراة تعرض كليتها للبيع لكي تعلاج زوجها .. ثم عودي لقسم الأخبار لتعرفي أنه تم صرف 30 جنية مكافأة فوز لكل لاعب في المنتخب نظير الفوز في الدور الأول لكأس الأمم ...

لتعرفي عمق المأساة التي تواجهها !!

الحديث ذو شجون ...

وسامح الله كل من يتهمنا بأننا غير وطنيين أو بأننا نكره النصر لمصر ... أو أننا (محدودي الفكر )

سامحهم الله مثلما اطلب من الله أن يسامح المشير عبد الحكيم عامر لأنه كان رئيس اتحاد الكرة في فترة الستينات .. وترك الجيش

فحدثت النكسة .. التي تسببت في احتلال الجولان وغزة والقدس نفسها .. فقام عبد الناصر بإلغاء مسابقات كرة القدم وقام بتسريح لاعبي الكرة من الجيش (كان عبد الحكيم عامر يلحق عشرات لاعبي كرة القدم في الجيش لعدة أسباب من بينها طمعه في الحصول على بطولة العالم العسكرية )! ولكن بعد ايه؟

أم هل ننتظر نكسةأخرى حتى نلغي كرة القدم ؟ 3

ساكتفي بهذا القدر الأن لانشغالي الشديد

[احمد هادي]

أنا مصري مغترب

عندي أسباب كثيرة تجعلني اتمني فوز مصر

1- تمنيت الفوز من أول مباراة لمصر في البطولة ونحن نجتمع _ مجموعة كبيرة من المصريين - لمشاهدة المباريات ولولا الفوز والاستمرار ما تجمعنا من اماكن مختلفة وبعيدة ربما تمر شهور لا نجتمع ...ولا يعرف قيمة ذلك إلا من يعيش وحيدا في الغربة منذ سنوات طويلة . تشعرك ان لك أهل وجماعة - حالة من التوحد والانصهار تجعلنا تنعانق بعد كل هدف ونتبادل التهاني بعد كل فوز .

2-تمنيت الفوز لانه يمنع عن المصريين - ويفهم كلامي من يعيش في الخليج خصوصا - سفاهة وتفاهة البعض , ممن يبحث عن اي فرصة للاستخفاف بالمصريين واثارتهم

3-اتمنيت الفوز عندما شاهدت مقاطع علي الانترنت والموبايل لاحتفالات المصريين في كل مكان خارج مصر - في الكويت - الشارقة - ابوظبي - الدوحة -دبي- لندن - امريكا- بروكسل شيء مؤثر جدا

اطفال صغار لم يتربو في بلادهم علي اعناق الاباء يهتفون لمصر ...

الكل يتبادل التهاني رغم انه لا يعرف الا ان من حوله مصريين

هتافات رائعة ......تسمع كلمة مصر مصر تحيا مصر .......ترددها الحناجر بعفوية وحماس فتشعر برغبة عارمة في البكاء

تشاهد علم بلدك مرفوع ويرفرف ..وتتمني في تلك اللحظة لو كان معك علم ترفعة لتشعر بقيمة الانتماء

4- تمنيت الفوز لان الفوز يعني اننا نستطيع ان ننجح وان يكون لنا مكان بين الاقوياء علي كل المستويات في ظل نزعات اليأس والشعور بالضعف والانحطاط والهوان علي كل المستويات .....لو شاهدت نهائي بطولة افريقيا لكرة اليد بين مصر وتونس ...وكيف كان فريقنا متاخر بخمسة اهداف حتي نهاية الشوط الاولوهو يعطي درسا في الكفاح والتمسك بخيوط الامل لتمنيت لهم الفوز

لو رأيت منتخب القدم وكل لاعب فيه يأكل نجيلة الملعب امام نجوم العالم حتي يفوزوا لتمنيت لهم الفوز

والله ...لو كانت بوركينا فاسو هي التي تلعب بتلك الروح والرجولة والاخلاص والانتماء ......لتمنيت لها المكسب

5- تمنيت الفوز للفريق الذي يسجد بعد كل هدف .....حتي تعلم منة لاعبوا الفرق الاخري الدرس ولو رأيت لاعبي غانا في مباراة تحديد المراكز كيف سجدوا بعد الهدف الاول ....لعلمت ان ميزان حسنات لاعبينا يثقل بتلك السجدات بعد ان سنوا سنه حسنة في ملاعب العالم

6- تمنيت الفوز للاعب الذي صرخ بالتعاطف مع الفلسطينين ....الذين تآمر عليهم الغرب وتناساهم العرب والله ........صورة أفزعت اليهود والصهاينة واربكتهم ......حتي انهم حاولوا ان يزيلوها من محركات اللبحث علي الشبكة ....مع انها مجرد صورة ....لنعرف كم هم جبناء ...يخافون من مجرد صورة ....فماذا يكون حالهم لو تحول الشعار الي فعل ........كم أبكت هذه اللقطة من عيون ......وكم ايقظت من غفلة ....وكم جمعت من تفرق... ..وكثير من السودانيين قال بالحرف انه تمني بعدها لو يحرز ابو تريكة اهدافا واهدافا حتي لو كانت في مرمي فريقهم ليري العالم ويسمع ويعرف ان العرب لم ينسوا اخوانهم المحاصرين ..وموقف الفرق العربية في البطولة التي اجتمعت لأول مرة علي شيئ وهو رفض اي عقوبة قد يتعرض لها ابو تريكة جعلتني اشعر بالعزة والفخر

7- تمنيت الفوز لمصر ....حتي نفرح لأيام ...في سنوات عجاف لم نعرف فيها إلا الحزن والالم والكوارث والمصائب ...يكفينا ليلة ننسي فيها كل هذا الحمل الثقيل الذي نحملة باقي ايام السنه .....فهل كثير علينا ان ننساه لساعات ؟

8- تمنيت فوز مصر ...لأنه يعطي فرصة للاعبينا للاحتراف في اوروبا ....بعده ملايين لكل منهم ...تسعد عائلاتهم ربما لعدة اجيال وتضخ أموالا الي بلادنا التي تخرج منها الاموال ولا تدخلها

9- تمنيت فوز مصر ......عندما استوقفني زميل عمل عربي ..........اكاديمي يحمل درجة الدكتوراة...لم يشاهد سوي مباراة كوتديفورا .........يتحدث عن انبهاره بروح الفريق المصري وجماعيتة وتفانية وأخلاصه وانه لم ير في حياته فريقا يصل الي ذلك المستوي من الرياضو والاخلاق معا ..... ... ويقول لي انه يشعر أن هؤلاء الرجال يمثلونه وانه يتشرف بهذا كعربي وكمسلم ويسألني ماذا فعلتم في هؤلاء الشباب حتي يصبحوا هكذا ....فأشعر بالفخر لأنني مصري ينبهر العالم بأخواني .

10- تمنيت الفوز لأن أكثر من نصف الكرة الارضيه الليلة سيري علم مصر ......ويسمع نشيد مصر ........ويري أبناء مصر

دعاية لنا لو انفقنا ملايين الملايين ما حققناها

وكيف لا واانا اشاهد حسن شحاته في النشرة الرياضية كل صباح علي شاشة ال سي ان ان

واسمع اسم محمد ابو تريكة في القناة الامريكية المتصهينة فوكس نيوز مساء

وكل مرة اسمع اسم مصر

اتمني فوز مصر ................لانها مصر

وللحديث بقية ....تحياتي

تم تعديل 10 فبراير 2008 بواسطة احمد هادي

[Salwa]

وانا ايضا يا.....احمد هادى.

مصرية مغتربة مثلك ...ومثل الاكثرية هنا ...

وحتى لااعيد ولا اردد نفس الكلام .....فان مداخلتك هى كل ما كنت اود قوله ..

يارب مصر تكسب.

يارب....مصر...تكسب.

اللى حاتكسب هى مصر....مش علاء ولا جمال .

اللى حايكسبوا ( ان شاء الله )...ولادنا .

ولاد مصريين ..( كافحوا وتعبوا وبيتصرفوا بكل رجولة ) ...من اسر متوسطة ...( محدش فيهم ابن مليونير ) ..

حلال عليهم كل المكافآت ...

حلال عليهم كل حاجة حلوة ...

كفاية قدروا يخللوا ناس كتير ....تفرح وتحس انها عايشة فى بلد ( ممكن يحس الناس فيه بالسعادة ولو لمدة ايام )..

يارب مصر تكسب....

[مصري أصيل]

أنا مصري مغترب

عندي أسباب كثيرة تجعلني اتمني فوز مصر

1- تمنيت الفوز من أول مباراة لمصر في البطولة ونحن نجتمع _ مجموعة كبيرة من المصريين - لمشاهدة المباريات ولولا الفوز والاستمرار ما تجمعنا من اماكن مختلفة وبعيدة ربما تمر شهور لا نجتمع ...ولا يعرف قيمة ذلك إلا من يعيش وحيدا في الغربة منذ سنوات طويلة . تشعرك ان لك أهل وجماعة - حالة من التوحد والانصهار تجعلنا تنعانق بعد كل هدف ونتبادل التهاني بعد كل فوز .

2-تمنيت الفوز لانه يمنع عن المصريين - ويفهم كلامي من يعيش في الخليج خصوصا - سفاهة وتفاهة البعض , ممن يبحث عن اي فرصة للاستخفاف بالمصريين واثارتهم

3-اتمنيت الفوز عندما شاهدت مقاطع علي الانترنت والموبايل لاحتفالات المصريين في كل مكان خارج مصر - في الكويت - الشارقة - ابوظبي - الدوحة -دبي- لندن - امريكا- بروكسل شيء مؤثر جدا

اطفال صغار لم يتربو في بلادهم علي اعناق الاباء يهتفون لمصر ...

الكل يتبادل التهاني رغم انه لا يعرف الا ان من حوله مصريين

هتافات رائعة ......تسمع كلمة مصر مصر تحيا مصر .......ترددها الحناجر بعفوية وحماس فتشعر برغبة عارمة في البكاء

تشاهد علم بلدك مرفوع ويرفرف ..وتتمني في تلك اللحظة لو كان معك علم ترفعة لتشعر بقيمة الانتماء

4- تمنيت الفوز لان الفوز يعني اننا نستطيع ان ننجح وان يكون لنا مكان بين الاقوياء علي كل المستويات في ظل نزعات اليأس والشعور بالضعف والانحطاط والهوان علي كل المستويات .....لو شاهدت نهائي بطولة افريقيا لكرة اليد بين مصر وتونس ...وكيف كان فريقنا متاخر بخمسة اهداف حتي نهاية الشوط الاولوهو يعطي درسا في الكفاح والتمسك بخيوط الامل لتمنيت لهم الفوز

لو رأيت منتخب القدم وكل لاعب فيه يأكل نجيلة الملعب امام نجوم العالم حتي يفوزوا لتمنيت لهم الفوز

والله ...لو كانت بوركينا فاسو هي التي تلعب بتلك الروح والرجولة والاخلاص والانتماء ......لتمنيت لها المكسب

5- تمنيت الفوز للفريق الذي يسجد بعد كل هدف .....حتي تعلم منة لاعبوا الفرق الاخري الدرس ولو رأيت لاعبي غانا في مباراة تحديد المراكز كيف سجدوا بعد الهدف الاول ....لعلمت ان ميزان حسنات لاعبينا يثقل بتلك السجدات بعد ان سنوا سنه حسنة في ملاعب العالم

6- تمنيت الفوز للاعب الذي صرخ بالتعاطف مع الفلسطينين ....الذين تآمر عليهم الغرب وتناساهم العرب والله ........صورة أفزعت اليهود والصهاينة واربكتهم ......حتي انهم حاولوا ان يزيلوها من محركات اللبحث علي الشبكة ....مع انها مجرد صورة ....لنعرف كم هم جبناء ...يخافون من مجرد صورة ....فماذا يكون حالهم لو تحول الشعار الي فعل ........كم أبكت هذه اللقطة من عيون ......وكم ايقظت من غفلة ....وكم جمعت من تفرق... ..وكثير من السودانيين قال بالحرف انه تمني بعدها لو يحرز ابو تريكة اهدافا واهدافا حتي لو كانت في مرمي فريقهم ليري العالم ويسمع ويعرف ان العرب لم ينسوا اخوانهم المحاصرين ..وموقف الفرق العربية في البطولة التي اجتمعت لأول مرة علي شيئ وهو رفض اي عقوبة قد يتعرض لها ابو تريكة جعلتني اشعر بالعزة والفخر

7- تمنيت الفوز لمصر ....حتي نفرح لأيام ...في سنوات عجاف لم نعرف فيها إلا الحزن والالم والكوارث والمصائب ...يكفينا ليلة ننسي فيها كل هذا الحمل الثقيل الذي نحملة باقي ايام السنه .....فهل كثير علينا ان ننساه لساعات ؟

8- تمنيت فوز مصر ...لأنه يعطي فرصة للاعبينا للاحتراف في اوروبا ....بعده ملايين لكل منهم ...تسعد عائلاتهم ربما لعدة اجيال وتضخ أموالا الي بلادنا التي تخرج منها الاموال ولا تدخلها

9- تمنيت فوز مصر ......عندما استوقفني زميل عمل عربي ..........اكاديمي يحمل درجة الدكتوراة...لم يشاهد سوي مباراة كوتديفورا .........يتحدث عن انبهاره بروح الفريق المصري وجماعيتة وتفانية وأخلاصه وانه لم ير في حياته فريقا يصل الي ذلك المستوي من الرياضو والاخلاق معا ..... ... ويقول لي انه يشعر أن هؤلاء الرجال يمثلونه وانه يتشرف بهذا كعربي وكمسلم ويسألني ماذا فعلتم في هؤلاء الشباب حتي يصبحوا هكذا ....فأشعر بالفخر لأنني مصري ينبهر العالم بأخواني .

10- تمنيت الفوز لأن أكثر من نصف الكرة الارضيه الليلة سيري علم مصر ......ويسمع نشيد مصر ........ويري أبناء مصر

دعاية لنا لو انفقنا ملايين الملايين ما حققناها

وكيف لا واانا اشاهد حسن شحاته في النشرة الرياضية كل صباح علي شاشة ال سي ان ان

واسمع اسم محمد ابو تريكة في القناة الامريكية المتصهينة فوكس نيوز مساء

وكل مرة اسمع اسم مصر

اتمني فوز مصر ................لانها مصر

وللحديث بقية ....تحياتي

للحديث بقيه ؟؟؟؟؟؟؟؟؟؟؟؟؟؟؟؟

حضرتك كفيت ووفيت لسه هتقول أيه تاني أنا من أول ما الموضع نزل و أنا كل يوم بأدخل عليه و للأسف مش قادر أكتب تعليق لأن حاسس أني ممكن أزعل ناس مني وأنا مش عايز كده بس بصراحه لما قريت ردك ما قدرتش ما أدخلش أبعتلك تحيه علي هذا الرد الجميل ولكل من يتمني هزيمة مصر أتمني أن يسمع أبني الذي لم يكمل عامه الثاني وهو يردد طوال النهار ( مسر مسر سجع مسر)

وبنتي التي لم تكمل عامها السادس عندما أستيقظت من نومها علي هتافات المصريين في الشوارع يوم فوزنا علي ساحل العاج ثم أتصلت علي تليفونيا لأنني كنت أشاهد المباراه عند أصدقاء لي ودار بيننا هذا الحوار.

بنتي :- أنت فين يا بابا

أنا :- أنا جاي في الطريق يا ماما عايزه حاجه

بنتي :- أنا كنت نايمه وصحيت علي الهيصه اللي في الشارع وعايزه أنزل أشجع مصر زيهم ( تقول ذلك وهي مفطوره من العياط)

أنا :- بطلي عياط تنزلي فين بس؟؟؟

بنتي :- هوه أنا مش مصريه ؟؟؟؟

أنا :- لا طبعا مصريه

بنتي :- مش مصر دي اللي فيها بيتنا البمبه ؟ (( ده لأن غرفتها بمصر مطليه بلون مقارب للون البمبه )

أنا :- أيوه يا ماما بس هتروحي فين بس دلوقتي؟؟؟

بنتي :- هوه مش مصر غلبت تونس (( كل مباريات مصر اللي كسبتها كانت بتلعب مع تونس ده من وجهة نظر بنتي ))

أنا :- طيب أنتي عايزه أيه دلوقتي؟؟

بنتي :- تنزلني أتفرج علي المصريين اللي عاملين حفله تحت.

ولم أكن أستطيع بعد حالة هستيريا البكاء الا أن أخذها و أنزل الي الشارع للمشاركة في أحتفالية المصريين المقيمين بالكويت بفوز مصر علي تونس قصدي ساحل العاج .

في حديث لجريده كويتيه مع أحد الكويتين الذين شارك في الأحتفاليه

أنت كويتي ليه بتشارك مع المصريين

لأن منتخب بلدنا لم يستطيع أن يقرحنا فقلنا نفرح مع المصريين

اكتب هذه الكلمات قبل ساعتين بالتحديد من مباراة الكاميرون

وأتمني الفوز لمصر

لأن مصر لو بتلعب بلي برده هشجع مصر

علي فكره أنا تركت مشاهدة المباريات منذ أكثر من 15 سنه ولكني رجعت مره أخري أتابع المنتخب فقط هذه الأيام لأن الروح التي وجدت المنتخب عليها لم أري المنتخب عليها منذ هذا التاريخ