خطأ فادح على قمصان منتخب مصر

[KANE]

لاحظت اليوم في ماتش السودان ان كل سماء اللاعبين تبدأ بحرف Small وليس Capital كما هو المعتاد(المفروض)

والذي لفت نظري هو أن اسم مصر مكتوب egypt وليس Egypt على قمصان الجهاز الإداري

طبعا اكيد شفل الفهلوه :rolleyes:

عموما مبروك لمصر

تم تعديل 26 يناير 2008 بواسطة KANE

[اسلام الطيب]

معلش يا عم كين هنعمل ايه بس[ :rolleyes: :) :) /i]

[se_ Elsyed]

ده أنت رعبتني يا كين ... بتيهألي ده عادي كنوع من انواع الديكور يعني ..

اومال لو شفن الفانلة بتاعت منتخب اليد اللي فاز ببطولة أفريقيا الإسبوع اللي فات ..

مصيبة يا مان ......... مصيبة

مكتوت عليها من الخلف إسم مصر بالإنجليزي وكابتل كمان مش صمول يا عم ...Egypt

والبيه الخزعبلي بتاع الفنون الجميلة راح عامل زي Water sign كده بالعربي وكاتب " إيجيبت " بالعربي والله يا مان في وسط كلمة Egypt ... فكانت النتيجة إن الكلمتين بهتوا على بعض وتحس إن الفانلة محروقة من ورا أو مقطعة ... يعني كان منظر زبالة على كل حال .....

ده نوع من انواع أعطاء الأمانات لغير أهلها يا مان

يعني ممكن يكون إبن اخت المدرب او عضو غتحاد الكورة عنده مطبعة في شارع محمد علي يقوم خاله موجب معاه ومديله صفقة تحليل وتصميم الفانلات ... وسلم لي عالتخصص .

[تيتو]

يعنى هى جت على الفانلات

دى حاجة بسيطة

[~Heba~]

طبعا حاجة بسيطة احنا دولة عربية المفروض الاسماء تتكتب بالعربى

[محمد عبدالعزيز]

فى إيه يا جماعة موضوع كتابة الأسماء بحروف صغيرة ده من البطولة الماضية اللى كانت فى مصر, واضح إنها موضة عاملاها الشركة اللى بتصمم الفانلات دى, ولاحظوا كده تلاقوا معظم الفرق عندها نفس الحكاية, هتلاقوا كمان فى حاجة مشتركة بين معظم الفرق وهى إن فى 3 نمور على الفانلات نمر على كل كتف ونمر على الصدر.

الموضوع مش خطأ فادح ولا حاجة.

[sharif]

ولا خطأ ولا حجه كمان غانا مكتوب اول حرف small وكل الفرق تقريبا الظاهر انها تقليعه جديده او فكره فعلا وياريت بلاش تهليل وتقليل من قيمة مصر