سؤال للفراعين

[إيزيس]

ألاحظ أننا المصريون جبلنا إلى حد كبير على القهر والاستسلام بل و نستعذب القهر في بعض الاحيان ونستمريء الشكوى( راجع شكاوى الفلاح الفصيح وحتى أغاني الحب وعد كم كلمة شكوي وشكيت وأشكي )

وعلى الصعيد المقابل أشعر أن بداخل كل منا فرعون صغير يكبر وينطلق إذا كان في أيدينا سلطة بداية من سلطة الآباء على الأبناء إلى تحكم أصغر موظف في أصغر شباك في خلق الله .

سؤالي : فتش في داخلك .....ماذا وجدت ؟ فرعون أم مكبوت؟

ويمكن يكون اللي لقيته مهما كان واحد من أسباب مشكلاتنا الكثيرة .

[amrhoras]

بما انى عمرو بن حورس

والاسم مرتبط بالفراعنه

ممكن استفيض بالحديث بعيدا عن الموضوع لتوضيح شيء ما ده بعد اذن مدام قرنفل

لكن بداخلنا فرعون سواء مصريين او من غيره

لى صيق عزيز قالى لى مقوله ان كل انسان داخله الطيب والجميل والحب والكره والنداله كلها موجوده داخلنا

لكنها تظهر بنسب متفاوته من انسان لاخر تبعا لعقليته وتربيته واخلاقه .

******

ارجع للموضوع :-

فى فتره من الفترات اعترف وجدت فرعون داخلى .. الا وهو شبح او فرعون يهاجم كل شاب يضع داخله طاقه تجعله ينقلب على واقعه ويقول اين انا من هذا العالم..

لكن الحمد لله لم اجد سوى الكبت وليس فرعون

فرعون ما يتطلع الى السلطه لغرض واحد هو ان يحكم البشر تبعا لرغباته .... وهذا ما فٌعل بأغلب المصريين ... من الحكام جميعا لم يستمع اى منهم الى رغبات شعبه

لذلك لا اجد قائد واحد داخل الساحه السياسيه يستحق ان يكون قائد لنا حتى الحالى

ما اراه فى الحياه العامه وبصوره شخصيه ان هناك مجموعه من البشر داخلهم فرعون لكنه مكبوت عند النظر فى اعينهم او افعالهم تجدون فرعون

ونرجع للمثل يافرعون ايه اللى فرعنك قال ...... مش فاكر بقيت المثل

الحمد لله اننى لست فرعون وان كنت حفيدا لهم لكنى لا اتطلع الى ان اكون فرعون واسال الله ان يجعلنى اصحاب الحق لا من آخذيه

هذا رأيي من خلال وجهة نظرى .....

شكرا تحياتى

عمرو حورس

[إيزيس]

أكملك المثل يا عمرو ............قال مالقيتش حد يردني عجبني تعبيرك فرعون مكبوت صح كل واحد جواه فرعون مكبوت يعني جبروت خاضع إلى أن يتمكن وياويله اللي يقع تحت إيده وأحيانا تلاقي الواحد عنده الاتنين في نفس الوقت كان عندنا موجه يستخدم الوجهين معا والله كوميدي جدا ...دلوقت الموجه بيكلمنا وش خشب محترم أنا ماعنديش أعذار وما عنديش تبريرات وما عنديش فرق بين فلان وعلان ( فلان يعني الوافدات يعني إحنا وعلان يعني الإماراتيات ) وفجاة يجيلة تليفون من علان تعتذر عن إنه يحضر لها الحصة : مفيش مشكلة وقت تاني يا فندم سلامات يعني في الآخر ما عندوش دم ولما اعترضت على طريقته في معاملة صديقتي: قاللي بالحرف انت شكلك مستغنية (يعني ما بيهمنيش أتفنش مثلا) وكأني عشان أكون مش مستغنية لازم أعمل مكبوت ومضغوط وأحيانا زعبوط عشان أنا لسه ماقدرش أتفرعن زيه وخد من النماذج دي كتير رغم إن الناس هنا بتتعامل ببساطة لكن إحنا وراهم لحد ما نفرعنهم

[هشام عباس]

مدام قرنفل انا زوجتي مثلك مدرسه والمصيبه انها كانت بتشتغل في المدرسه المصريه بمسقط اعتقادا منها انها كده تقدر تاخد حقها تالت ومتلت وبمناسبة الفراعنه كانت عاملالهم تمثال لرمسيس بأرتفاع 3م ويظهر ان ديه كانت غلطتها

ويظهر كمان ان رئيس مجلس الاداره الموقر تلبسته روح الفرعون المزيف وراح طايح فيها

متفتكريش ان العيب في كونا وافدين لأ بالعكس هنا العمانيين في منتهى الاحترام والادب

انما العيب اني معرفش ليه بعض المصريين في الغربه بيتفرعنوا على بعض؟

عموما متقلقيش قدرنا ناخد حقها من الفرعون بس عن طريق القضاء العماني !!!!!!!!!

بزمتك مش حاجه غريبه ديه؟

ان الاغراب هم الي يخدولنا حقنا ومن مين؟ من بعض؟

وعجبي