الحياة فى مصر ........

[قاهرى]

السلام عليكم ورحمة الله وبركاته

اخواتى الاعزاء اهلا بيكم وحشتونى بجد ... انا اخوكم قاهرى

انا شايف الموقع ماشاء الله انضم لية عدد كبيرررر من الاعضاء الجدد النشطين لدرجة انى حاسس انى انا الى لسة جديد عليكم كل دة بسبب انى بعت عنكم شهر واحد بس سفرت فيها لمصر

اولا احب اقولكم ان اتجوزت والحمد الله عقبال الجميع

بس مش هو دة موضوعنا ... الموضوع انى عايز احكلكم الى انا شفتو فى مصر من حياة صعبة

بغض النظر على ارتفاع اسعار العقارات و الاحتياجات اليومية و و و و و و انا شايف ان الناس مباتش تحب بعضها ودى اكتر حاجة مضيقانى وعلى فكرة انا اول مرة احس انى دى مش بلدى والاحساس دة مخلينى مضايق اوى

الاحساس دة جالى بسبب معاملة الناس ليا سواء الغرب او الاقارب

بيعملونى كضيف فى بلدى جى شوية وبعدها مسافر بيعملونى كانى واحد مش منهم دة غير بعض الناس الى بتعملك على انك شوال فلوس ماشى على الارض وبس مع انى عشت فى مصر اكتر من 24سنة وبعيد عن مصر مكملتش 3 سنين حتى

انا حاسس انى مصرى بالاسم بس بجد مش حاسس انى مصرى لانى منتمى للبلد الموضوع دة جبلى احباط بجد انا بحب مصر جدا بحب شوارعها بحب كل حاجة فيها بس الى بيحصل فيها يخلى الواحد يغير راى حتى الشوارع مباتش هى الشوارع بقت الناس مهملة بترمى الزبالة والله فى الطرق الرئيسية حتى كوبرى 6 اكتوبر وقصر النيل مبقاش زى زمان تلاقى ناس وقفة بتاكل ذرة وفرح وعريس وعروسة بيتصورو كونت زمان على طول اشوف كدة دلوقتى لقيتو فاضى وعربيات كلها ماشية على الكوبرى وبس رتم الحياة خلى ولقمة العيش الصعبة خلانا كمصرين مندورش على اى حاجة تانية غير الفلوس خلانا فرحنا وقت لما يكون معانا فلوس

بس لو جيت من ناحية تانية افكر طيب مهى مصر كدة بجد الناس بتعامل الى معاة فلوس باشا والى مش معاة زبال كل الناس دلوقتى بتعاملك كدة فى مصر بس هل دة سبب يخلى الناس فى مصر تبقى كدة ؟

والبطالة ......... اية الى بيحصل فى مصر دة ناس وصلة اوىىىىى احنا الى متغربين منجيش فيهم حاجة وناس تانية مش لاقية تاكل بمعنى الكلمة

ناس بيخدو راتب 80 الف فى الشهر واكتر كمان وناس بتاخد 150 جنية واقل....ازاى كدة

وناس تانية مش لاقية تاخد حتى ال 150 جنية الحياة بقت صعبة اوى فى مصر وكل سنة انزل القيها اصعب من الاول ... الطبقى المتوسطة بجد اختفت فى مصر عرفين لية ؟ لانهم هما الى متغربين عن بلدهم هما دول الطبقة المتوسطة الطبقة الى الحمد الله معاها الى يكفيها لمتطلبات الحياة والحمد الله

انا عارف ان كلامى مش متنظم بس هو الموضوع توارد خواطر جوايا من الشهر الى عشتو فى مصر وحبيت اسمع ردودكم وتفاعلكم فى الموضوع دة

هو انا بس الى كدة ولا كلكم كدة ودة العادى

[مصرية و مغتربة]

عادي كل مغترب بيحس الاحساس ده متقلقش احساس طبيعي جدا وكل اللي انا اقدر اقوله ان لا حول لنا ولا قوة الا بالله العلي العظيم دي حياتنا اخترناها اتفرضت علينا ايا كان فالحمدلله اهم حاجة انك تعمل الناس علي قدر عقولها وبالحسني.

[شموع]

السلام عليكم ورحمة الله وبركاته

اولا مبروك الزواج وربنا يبارك لك ويرزقك الخلف الصالح :lol:

ثانيا لا تهتم وتحزن لما رأيت ده عادي جدا جدا انا معاك انه صعب خاصة لما يكون كمان من الاهل بس هنعمل ايه لا حول ولا قوة الا بالله :blush2:

[قاهرى]

شكرا مصرية ومغتربة شكرا شموع لردودكم عليا بس انتو الصح اظاهر انها هى دى ضريبة البعد عن البلد ان الواحد يعيش غريب برة بلدو وجواها

الحمد الله على كل شىء