الإِنتماء

[مصري جدا]

هل عندك انتماء.....؟؟

هل اولادك عندهم انتماء...؟

إذا كان الجواب بالنفي.....أيه هو الحل لتعزيز الشعور بالإنتماء....

:happy: :lol: :lol: :lol:

[badroora]

الانتماء احسه شيء محفور بداخلنا اساسة الحب للشيء .

الى فهمته من الموضوع هو الانتماء للوطن ,, صح؟

كتير جدا مقيمين داخل الوطن وليس لديهم اى انتماء اليه , وعلى العكس المقيمين خارجة او الحاصلين او الساعيين للحصول على جنسيات اخرى معظمهم

لديهم حنين وانتماء لوطنهم الاصل .

الحل من وجهة نظرى لمن ليس لدية انتماء لوطنه عليه ان يتعرف عليه الاول كبداية وسوف ياتى الحب والانتماء بالتباعية .

اما بخصوص الاولاد وانتمائهم او عدم انتمائهم المسئولية تقع فى الدرجة الاولى على الاب والام وعليهم ان يعلموا الاولاد ويعرفوهم بوطنهم وذكر امجادة وتاريخه ربما يغرس فيهم صورة جميلة وشيء يفتخرون به بعيدا عن الحال الذي يمر به الوطن هذه الايام .

[vipwithyou]

تعرف الاسلام اللى بالفطرة اللى الطفل بيتولد بيه اهو الانتماء شبيه بكدة

طيب ماهو مش كل مسلم مكتوب فى بطاقته مسلم بيعمل بيه

طيب ايه الحل فى كدة

الاجابة على السؤالين واحدة

هتقولى الارشاد والتوعيه والبرامج مبتجيبش نتيجة

ممكن لكن العيار اللى ما بيصيبش بيدوش يعنى ممكن يجيب نتيجة بسيطة حتى مع اللى معندوش انتماء خالص

بس المشكلة فى الظروف المحيطة دلوقتى اللى بتخلى الشباب طالع كاره البلد للأسف

وشفنا امثله كتيرة ظهرت حديثاً فى منتدى المحاورات بتدل على كدة للأسف

لكن متهيألى لما مصر تقولى يا ولادى انا اتجرحت المفروض يظهر هنا الانتماء ويتشال الغبار من على عيون الشباب الغاضب منها ويحموها بدمهم

تعرف انى كنت بأفكر مرة ليه متحصلش حرب علشان نتماسك تانى ونبقى كيان واحد

يلا ربنا يستر علينا وعلى بلدنا من الحرب ومن عكس الحرب

شكرا

[وليد أهلاوى مصراوى]

تعرف انى كنت بأفكر مرة ليه متحصلش حرب علشان نتماسك تانى ونبقى كيان واحد

يلا ربنا يستر علينا وعلى بلدنا من الحرب ومن عكس الحرب

شكرا

الحكايه دى جت على بالى كتير .... تعتقد لو قامت حرب فى مصر اليوم .. الشباب هيحارب ؟!!

أنا واحد من الناس فقدت الأنتماء للبلد تماما ... على الرغم أنى ماواجهتش أى مشاكل فى مصر ... لكن يظهر الحكايات الكتير عن الفساد ... والشكوى اللى تسمعها لما تقعد مع أى حد أثرت عليا

نرجع بأه للموضوع الأصلى ... أنا أعتقد أن الأنتماء ممكن يقوى لو بطلنا نقرأ جرايد صفرا ... ونبطل شويه برامج كل همها "كشف السلبيات" زى مابيقولوا ... مع أنى بحس أنها برامج جلد الذات .....

وندور على قصص نجاح فى مصر .... على قصص ناس أشراف ....

[هشام الكندي ان شاء الله]

من واقع الناس اللي بشوفهم و اسمع عنهم

لو قامت حرب الناس هتتسائل يعني ايه حرب و هيبحثوا اسبابها علي ما تكزن خلصت!دول الوطنيين اوي اوي

اما الباقيين فمش بعيد يشتغلوا مع قوات الاحتلال و يقولوا عليها قوات التحرير

[Nonna]

من واقع الناس اللي بشوفهم و اسمع عنهم

لو قامت حرب الناس هتتسائل يعني ايه حرب و هيبحثوا اسبابها علي ما تكزن خلصت!دول الوطنيين اوي اوي

اما الباقيين فمش بعيد يشتغلوا مع قوات الاحتلال و يقولوا عليها قوات التحرير

يالهوي بالي

!!!

الكلام ده في مصر

؟!!

لايمكن طبعا

اسمحلي جايز اهل الوقت ده اتغيروا كتير عن اهل وقت حرب اكتوبر

لكن انا على يقين اننا نفس العقلية و الغيرة على الاهل و العرض و الارض

مش كلام شعارات

وقت حرب اكتوبر زي ماكان في السادات و ابو غزالة كان فيه ناس وحشة برده بتخرب من تحت لتحت

اطماع شخصية كانت او مزقوقين من حد مش القضية

المهم ان وقت ماكان الحلو موجود الوحش كان موجود

وده سااااااااااااري في كل وقت وكل مكان

يعني وقت الجد

زي ماهنلاقي الجبان اللي هيستخبى

هنلاقي عشرة بيجروا يدافعوا

ممكن تكون ثقافة الشباب تكاد تقترب من الصفر

ممكن يكون وصل بيهم الاحباط و اليأس اخره

ممكن يلعنوا البلد و اللي ماسكين البلد و اللي في البلد

بس

وقت ما نقول يا جد

هنلاقي اللي بجد هيدافع

ملحوظة:

ماحدش يقول يالهوي :lol:

[م.سامح المصرى]

الانتماء فى رأى انك تحب بلدك حتى لو ظلمتك

مع انها مش هيا الى ظلمتك دا سؤ ادارة

وتحب كل ما فيها حلو ووحش لان مفيش مكان كله كويس .... بس

من واقع الناس اللي بشوفهم و اسمع عنهم

لو قامت حرب الناس هتتسائل يعني ايه حرب و هيبحثوا اسبابها علي ما تكزن خلصت!دول الوطنيين اوي اوي

اما الباقيين فمش بعيد يشتغلوا مع قوات الاحتلال و يقولوا عليها قوات التحرير

لا يا هشام من الواقع

ان لو قامت الحرب فعلا

هاتلاقى الرجال المصرى الاصيل الى مش جبان

واقف زى الاسد ادام اى جيش تانى حتى لو شباب البلد دى بعيد عنك زى ما بتقول كدا راحو لجيش العدوا

دا انا بتكلم عن الراجل المصرى الاصيل الى بيخاف على عرضة وعرض امه واخته ومراته

ودول هاتلاقيهم فى مصر كتيييييييييييير جدا كلهم على ما اعتقد إلا حبه صغيرين

دول الى هاتلاقيهم فى جيش العدوا

اصل الخيانة ما بتجيش غير من الجيش

تعرف يا هشام العيب مش فى مصر

العيب فينا احنا

نعيبُ زماننا والعيبُ فينا وما لزماننا عيب سوانا .... عارف المقولة دى

بس غير الزمان وخليها وطنُنا

اتمنى ما اكونش ضايقتك

سلامى لكم جميعاً

[الأفوكاتو]

موضوع مهم, و يمكن مناقشته من عدة زوايا,

زاوية عاطفية رومانتيكية

زاوية منطقية تستند إلى الواقع

زاوية أساليب تشككية, تهدف إلى نكران نظرية الإنتماء.

و الإنتماء هو محصلة علاقة بين طرفين,

فعندما تقول أنك تنتمى إلى النادى الأهلى مثلا, أى أنك عضو فيه, أو من حواريه, فهذا يعنى أنك على علاقة روحية بين نفسك و بين النادى, و أن النادى يعطيك السعادة بالإنتماء إليه.

و لا يمكن أن نتصور أن ينتمى شخص لجهة أو سلطة, أو كينونة لا تعطى شيئا فى المقابل.

و مصر تعطى لأبنائها الكثير, فهى تعطيهم مكان الميلاد, و الإنتماء لأسرة, و التعليم, و التعليم العالى, و فرص للعمل, و حق و شرف الخدمة فى القوات المسلحة, و حق الدفاع عن الوطن.

و المقابل هو أن يعمل المواطن على أن يتعلم ما يفيده, و أن يكون منتجا, و أن يكون بارا بوالديه, و أن يساعد أقرانه و أقرياءه , و أن لا يسئ إلى أى مصرى آخر.

هذه العلاقة هى أساس الإنتماء,

و لكن عندما لا يسعى الفرد لتحسين حالته الفكرية أو الثقافية, أو حينما يفشل الفرد فى علاقاته مع أسرته, أو يفشل الفرد فى الزواج, ثم يلوم الحكومة على هذا, فربما يكون له عذر فى لوم الحكومة على ذلك, و لكنه لا يحق له لوم المواطن المصرى نفسه, أو لوم الوطن, لأنه لو لامه, فقد لام نفسه.

لهذا, عندما يغترب فرد, و عندما يحس هذا الفرد بأمان فى دولة المهجر, فلا بد أنه سيشعر بنوع من الإنتماء,

و لكن هذا الإنتماء لا يفرض عليه أن يدير ظهره لوطنه الأم, فقد أعطته الأمان قبل أن يرحل, و قد ولدته قبل ذلك.

الإنتماء لا يقوّم بالمادة أو المكسب أو الحياة الرغدة,

الإنتماء غريزى, و تفهمه الحيوانات أكثر من الإنسان.

تقبلوا تحياتى.

تم تعديل 2 فبراير 2008 بواسطة الأفوكاتو

[هشام عباس]

استازي الفاضل الافوكاتو قلت كل ما كنت اتمنى ان اقوله وبالتأكيد لم اكن لأستطع سرده بطريقتك الراقيه المتزنه لكن فعلا الانتماء ليس مجرد كلمه او فكره مجرده

تحياتي لك

[أبو محمد]

من واقع الناس اللي بشوفهم و اسمع عنهم

لو قامت حرب الناس هتتسائل يعني ايه حرب و هيبحثوا اسبابها علي ما تكزن خلصت!دول الوطنيين اوي اوي

اما الباقيين فمش بعيد يشتغلوا مع قوات الاحتلال و يقولوا عليها قوات التحرير

الفاضل / هشام الكندى إن شاء الله

أولا .. أحييك على صراحتك التى لا تخطئها أى عين تتابع الموضوعات التى تشارك فيها وخاصة مواضيع الهجرة إلى كندا وملحقاتها من مواضيع البحث عن عروسة بمواصفات خاصة

ثانيا .. أدعو الله أن تنتهى إجراءات هجرتك بأسرع ما يمكن

ثالثا .. أعتبرك - وأرجو أن يعتبرك الأخوة الأعضاء - ضيفا على مصر وعلى موقع محاورات المصريين .. وأرجو أن تبقى فى نفسك ذكرى امتنانك له لعثورك فيه على ما يساعدك على هجرتك إلى وطنك الذى ترجوه

رابعا .. بما أنك اخترت وطنك فما هو الداعى لاهتمامك بالحديث عن أوطان الغير ؟ ربما يكون مفهوما حديثك عن انتمائك إلى وطنك (الذى لم تصبح مواطنا فيه بعد) .. أما الحديث عن انتماء الغير إلى أوطانهم فاسمح لى أن أعتبره حديثا لا لزوم له ..

خامسا .. سؤال - ولو فيه بعض الفضول - هل ستحتفظ بجنسيتك الحالية .. ولماذا ؟ هذا سؤال ليس له ما وراؤه .. فإن لم يكن يزعجك ، فأرجو أن تتفضل بالإجابة عليه ..

وأهلا بك ضيفا على مصر وموقع محاورات "المصريين"

[هشام الكندي ان شاء الله]

انا اسف علي الرد الذي قد اسئ فهمه كما اسيئ فهم اراء اخري لي

انا لا اعمم و لا اقول ان الهروب من الدفاع عن مصر امر صحيح و لكني اقول ان نسبه من سيهرب ستكون اكبر من نسبه من هرب من حرب 73 فقط لا غير

بعدين انا بقول علي اساس اللي شفته ساعه التجنيد و كل الشباب قاعد

يا رب ما ادخل الجيش يا رب بلاش انا.......... الخ

بعدين عندكم العراق معقل العروبه و الوطنيه راحت في 21 يوم

انا ضد فكرة الحرب بالمطلق بمعني اني بقول يا رب ما تحصل حرب لمصر و لا السودان و لا الصومال لا و لا و لا و لا

و اخيرا انا اسف و ارجو عدم الرد علي مشاركتي هذه اذا كانت ستتسبب في عاصفه اخري من المعارك

و لا انتوا هتقولوا يا هلا بالمعارك يا بخت مين يشارك زي ما قالوا في الستينات و حصلت نكسه ان اربع دول يتهزموا في ست ساعات

شكرا

[أرملة الحجاج]

أعتقد بأننا غير منصفين إذا حاولنا إنكار انتمائنا ورمي جناية الآخرين على الوطن.

فهوَ بريء من ما يحدث كبراءة الذئب من دم يوسف.

أنا أنتمي للأرض لا لسيد الأرض .

تحيتي .

[مصري جدا]

تم تعديل 3 فبراير 2008 بواسطة مصري جدا

[مصري جدا]

بالنسبة للأنتماء وغربة المواطن جوه بلده أعتقد دي اللي جعلت الأخ هشام يقول اللي قاله هنا وفي مواضيع اخري

وده اللي خلانا نسمع حاجات كنا نعتبرها مستحيلات ......

زي ناس راحوا أسرائيل وناس اتجوزا يهوديات وناس باعوا نفسهم لأجهزة مخابرات أجنبية …كل ده ليه .....

رأفت الهجان أو رفعت الجمال كان ضايع ومش لاقي نفسه في بلده ولا حتي في عيلته ومع ذلك لم يفقد انتمائه وفي لحظه تحول الي بطل......

طب ايه السبب......الناس في مصر اتغيرت ليه....ومفيش انتماء ليه؟

يمكن اللحظة الوحيدة اللي بنشوف المصريين بيظهروا ويعلنوا انتمائهم هي في ماتشات الكورة.....وبعدها خلاص.........

ياتري دي نتيجة لما حدث من حكامنا{ علي مر أجيال } ....اللي قطعوا كل الوصلات اللي بتربط المواطن ببلده اللي خلوا الناس تكره بلدها وتكره بعضها......وتكره نفسها كمان....ياتري ده السبب ولا الحالةالأقتصادية اللي برضه حكامنا وصلونا لها جعلت كل فرد همه نفسه ومش فاضي يفكر في حد تاني حتي لوكانت بلده ......؟

اعتقد ان هشام هو و معظم جيله ضحايا ومذنبين في الوقت نفسه

وحيعرف قيمة البلد لما يشوف غيرها.....وساعتها حيبقي واحد مننا ....أو علي الأقل زيّ أنا ... بحب قوي وزعلان من حبيبته شوية ............

بحب أرض مصر وزعلان من اللي عليها ومن اللي بيتعمل فينا انا أرُغمت علي الغربة علشان أقدر أصرف علي ولادي مش علشان أعمل ثروة وشالية في الساحل أنا بأنزل أجازة مبقدرش أكملها من الغلاء يعني أنا أتغربت علشان الستر لا أكتر ولاأقل..... تصور ياهشام ان انا مرة زيك تمنيت ان أكون أمريكي بس مش علي طريقتك كان نفسي أخد الجنسية الأمريكية..... بس تعرفوا ليه ؟؟؟....علشان أرجع وأعيش في مصر وأخد حقي يعني ببعد عنها علشان أقرب منها أكتر ...زي بالظبط واحد بيحب واحده وهي لا.... فبيبعد عنها ولكن بيدور علي أي سبب يكون قريب منها أو جنبها ...

يارب أحمي مصر من أعدائها وأهدي ولادها وأصلح حالها علشان نقدر نعيش فيها........وأرجع أقول

ليه يامصر تقسي علي ولادك

وتخلي شبابك يهربوا من بابك

وبعيد عنك ..هناك في الغربة

يعيشوا في عز .....وذل بعادك وعجبي

واقول تاني

جيتك كنت فاكر حألقي في قلبك حنان

جيتك بعد غربة ملقيتش في حضنك أمان

جيتك فاتح أيديا لكل نسمة فيها عطرك

جيتك وكل نبضه جوه قلبي بتقول بحبك

جيتك لقتني خايف…خايف منك وخايف عليكي

خايف …..لآني شايف دمعة نازلة من عينيكي

دمعة نزلت جوه قلبي …وحيرتني …. علي مين بتبكي؟!!!

علي ولادك اللي أتباعوا …..ولا بتبكي م اللي باعوكي

ولابتبكي م اللي جري لنا

ع النفوس اللي خربانه ولا أخلاقنا اللي تعبانه

نفسك نفسك............قرشك حصنك ............…وودع شرفك بألف سلامة

جيتك وعايز أسألك …لآنك أنتي أمنا

وحبك رغم عنا …وعنك بيجري في دمنا

ليه شايفك بتسكتي ع اللي جري وبيجري لنا؟ مش أنت برضه أمنا؟!!! ……….. مش أنت برضه أمنا؟!!!!! :blush2: :blush2:

[لؤلؤة]

يا اخي المفروض أنتمائنا يكون للأسلام مفيش حاجة أسمها أنتماء للمكان

مفيش مصري و سوري و عراقي فيه مسلم

ده ميمنعش ان أحنا نحب المكان اللي أتولدنا وعشنا فيه

بقول النبي صلى الله عليه وسلم وهو يخاطب مكه المكرمة ( والله إنك لأحب البلاد إليَّ ولولا أن أهلك أخرجوني ما خرجت )

لكن دعوة القومية دي وحب مصر و الكلام ده مبالغ فيه شوية

[ميزو وبس]

البلد بتبيع ابنائهااااااااا

المصريين مش همة المصريين ولا اخلاقهم اختلفت كثيرا وثقافة البلد اندحرت ولا امل فى المستقبل الى يوم الدين

لامؤاخذة انا بكرة البلد دى

[أبو محمد]

انا اسف علي الرد الذي قد اسئ فهمه كما اسيئ فهم اراء اخري لي

انا لا اعمم و لا اقول ان الهروب من الدفاع عن مصر امر صحيح و لكني اقول ان نسبه من سيهرب ستكون اكبر من نسبه من هرب من حرب 73 فقط لا غير

بعدين انا بقول علي اساس اللي شفته ساعه التجنيد و كل الشباب قاعد

يا رب ما ادخل الجيش يا رب بلاش انا.......... الخ

بعدين عندكم العراق معقل العروبه و الوطنيه راحت في 21 يوم

انا ضد فكرة الحرب بالمطلق بمعني اني بقول يا رب ما تحصل حرب لمصر و لا السودان و لا الصومال لا و لا و لا و لا

و اخيرا انا اسف و ارجو عدم الرد علي مشاركتي هذه اذا كانت ستتسبب في عاصفه اخري من المعارك

و لا انتوا هتقولوا يا هلا بالمعارك يا بخت مين يشارك زي ما قالوا في الستينات و حصلت نكسه ان اربع دول يتهزموا في ست ساعات

شكرا

قلت لك قبل ذلك دع وطن غيرك فى حاله ..

من قال لك أن جنود مصر هربوا فى 73 ؟ .. جنود مصر اقتحموا خطا دفاعيا منيعا كان العدو يتباهى به على خط ما جينو الشهير (أرجو أن تكون سمعت عنه) .. ووصل الحال أن البعض صدقه وأشاع أنه يحتاج إلى قنبلة ذرية لتحطيمه .. جرى اقتحام الخط وتحطيمه فى 6 ساعات ..

حتى فى الحرب التى أشرت إليها فى آخر مداخلتك لم يهرب الجنود .. ولكن صدرت إليهم أوامر بالانسحاب العشوائى ..

ركِّز فى دراسة تاريخ كندا فربما تحتاجه فى interview ودع تاريخ مصر للمصريين

[أبو محمد]

يا اخي المفروض أنتمائنا يكون للأسلام مفيش حاجة أسمها أنتماء للمكان

مفيش مصري و سوري و عراقي فيه مسلم

ده ميمنعش ان أحنا نحب المكان اللي أتولدنا وعشنا فيه

بقول النبي صلى الله عليه وسلم وهو يخاطب مكه المكرمة ( والله إنك لأحب البلاد إليَّ ولولا أن أهلك أخرجوني ما خرجت )

لكن دعوة القومية دي وحب مصر و الكلام ده مبالغ فيه شوية

الرسول عليه الصلاة والسلام قال ذلك حبا وعشقا فى "وطنه" مكة التى كان يحكمها المشركون وأخرجوه منها .. مشركون وليسوا مجرد مسلمين فاسدين .. ومع ذلك كان يتمنى العيش فى وطنه وسط هؤلاء المشركين لولا أنهم أخرجوه ..

الحديث الذى وضعتيه يبين زيف التعاليم التى يملأ السياسيون المتأسلمون بها رؤوس الشباب .. إنه يبين أن الانتماء للوطن حتى ولو كان حكامه مشركين لا يتعارض مع الإسلام .. أعجب لمن يدعى تأسيه بالرسول الكريم قولا لا عملا ..

الوطن ليس مجرد مكان .. إلا فى مفهوم جحا الذى سألوه : بلدك فين يا جحا ؟ قال اللى فيها مراتى

[م.سامح المصرى]

أرجو من الاخوة الافاضل عدم ذكر اى امور دينية

طالما احنا ما نفهمش فيها ولا نعرف اسبابها

علشان دينا مش لعبة فى ايدينا زى وطنا

وطنا بتكرهوة وبتحرفو فيه وتقول دا لو حصل كذا يحصل كذا وهوا فى الاساس مش كدا خالص

انما الدين لا

مش كل واحد يجي يقولى دا انا سمعت كذا والدين بيقول كذا

طب ما تشوف الى حصل دا فى ظروف اية واية الى ترتب علية

حراااااااااااااااااااااااااااااام التحريف فى الدين او تفسيرة غلط يا جماعه دا دينا

وكفاية كدا يا جماعة انتوا (واكيد عارفين نفسيكم )

علشان بجد ردودكم تستفز جدا جدا جدا وتخرج الواحد عن شعورة

يا ريت ما حدش يدخل دينا تانى فى الموضوع طالما مش فهمين اساسا تعاليم دينا

وسلام

[م.سامح المصرى]

البلد بتبيع ابنائهااااااااا

المصريين مش همة المصريين ولا اخلاقهم اختلفت كثيرا وثقافة البلد اندحرت ولا امل فى المستقبل الى يوم الدين

لامؤاخذة انا بكرة البلد دى

حتى انتا كمان يا ميزو

تعرفوا .......

والله انا بعيط دلوقت

ودا حقيقي والله

مش بعيط علشانكم ..... بعيط علشان ناس زيكم بيقولو كدة على مصر

كان بالزبط اخواتى بيتبروا منى

حسبى الله ونعم الوكيل بجد انا صدعت وتعبت اوى

تعبت من التفكير ....

تعبت من كلامى معاكم

تعبت من ردودكم الى لوحدها كفاية انها تخليني ابقى مخبول

بجد انا مش عارف اقولكم اية

انا فعلا تعبت وحزنت ان فى ناس زيكم فى ناس من مصر ما بتحبش مصر

مصر الى ذكرت فى القرأن

والرسول صلى الله عليه وسلم قال (فى رباط الى يوم الدين )

بجد انا صدعت جدا جدا وفى حالة نفسية زى الزفت

مش قادر والله حتى مش عارف هاروح شغلى بكرة ولا لاء

بجد حرام عليكم

ربنا يسامحكم