الإِنتماء

[Scorpion]

نعم يا صديقي العزيز من الأفضل استكمال هذا الجانب علي صعيد آخر.. فلقد بعدنا بالفعل عن الغرض من هذا الموضوع.. و الذي اعتذر لصاحبه و لمن شارك فيه عن هذه "التفريعة" الغير مقصودة.

:lol:

[الأفوكاتو]

استاذى العزيز

هل سيكون التجنيد اختيارى فى حالة قيام حرب بين العرب سواء كانو مسلمين او مسيحين او او او

هل تتخذ قرار ان حضرتك لن تعطى لهم ضرايب ليعمروا بها بلادهم او ينفقوها فى اى شئ اى كان

وانا يا استاذى العزيز لم اقل ان معى كشف بأسماء الذين سيدخلون الجنه والذين سيدخلون والعياز بالله جهنم

هذا تفسير للأية الكريمة التى ذكرتها انا لم اذكر شئ من عندى

وثالثاً استاذى العزيز

ديننا لا يقول ان لا نستسلم لحكم ظالم او لا ننعم على انفسنا بالرحمة

يوجد بشر سافرو لكندا( كونت ) نفسها وعادت ...... هل كل البلاد العربية فيها فساد او ظلم

لكن لم يفكرو فى الجنسية ( واحد حب يعمل نفسة بس بطريقة حلال وبشغل حلال )

يوجد بلاد اخرى ممكن نهاجر اليها عربية

ومثل ما ذكرت ان الاسلام ليس عسر الاسلام يسر

ويوجد دلائل دينية كتير بتحرم الهجرة لبلاد الغرب

يمكن انا مش عارف اوصل لحضرتك المعلومة بس هاحاول اكتبها بتناسق افضل من كدا

لكن اريد ان اسال حضرتك سؤال بعد اذنك

ايهما اسوء حالا

ايام الجاهلية ام الان ؟

بس اريد ان تجاوبنى على هذا السؤال فى رد منقطع خاص

الدول الغربية لا تجبر المغترب على الحرب ضد بلاده حتى لو كان مجندا إجباريا

[لؤلؤة]

الأخ م/ سامح المصري

أنا مش عارفة أيه المنتدي العجيب ده

أنا من أول مادخلته بتشتم و بيتقالي أني أخ مش اخت

و أكتر من واحد يقولي الكلام ده مش عارفة ليه

صراحة لو عندي كاميرا كنت صورتلكم الحلق اللي انا لابساه و فيه فص أخضر كمان و الله العظيم :lol:

بصراحة من كتر الشتيمة مش عارفة أرد علي ايه ولا ايه علي اني جاهلة و لا علي اني بفسر الدين بمزاجي ولا علي موضوع الرويبضة ده

وبعدين كمان ملونهالي باللون الأحمر يعني كمان انا غشيمة مبفهمش

في حاجتين بس احب أقولهم

أولا : لو كل واحد جيه يتكلم في الدين قلناله لأ انت معلوماتك قليلة أسكت يبقي مش حنتكلم في ديننا خالص

لأن مفيش حد حيوصل لمنتهي العلم ابدا

المهم أني متكلمش في حاجة مش فاهمة فيها

ثانيا بالنسبة للأنتماء

عشان انت مش حقتقنع بأي حاجة اكتبها

لو فيه فرصة حعمل سيرش و أقولك موضوع الأنتماء و الهجرة ده أيه

و بعدين يا اخي واحد قرفان من مكان و مش بيحبه انت تقولوه لأ حبه بالعافية

مش عارفة تيجي ازاي دي

وبعدين صدقني الزعل ده بييجي في لحظة ضيق بس

أكيد كلنا بنحب بلدنا اللي أتولدنا و أتربينا فيها

[هشام الكندي ان شاء الله]

بسم الله الرحمن الرحيم

الاخ و دي اخر مرة هقولك يا اخ عمرو حورس

اولا اسمك حورس ودا فرعون و لم يكن مسلما ارجو تغيير اسمك اولا قبل كل شئ

ثانيا ارجو التحدث باسلوب اكثر رقي و عدم استخدام اسلوب استفزازي متل قولك " يا استاذ مشغول"

انا ممكن ارد عليك و اقولك يا "استاذ فاضي" لكن اخلاقي لا تسمح لي بالابتذال في الحوار

ثالثا:ارجو توضيح سر عداءك الشخصي لي مع شرح الاسباب لانه ليس خلاف في الراي حيث انه لطالما اختلفت مع مثقفين و لم يفسد هذا من الود قضيه

رابعا: قرات ردك في موضوع الاختلاف في الراي و قد قلت بلسانك ما معناه انه اذا كان راي الشخص خطا او استخدم اسلوب استفزازي فيجب مهاجمه الشخص نفسه

نفس اسلوب جمال عبد الناصر الشيوعي

اسلوب هتلر النازي

اسلوب موسوليني الفاشي

اسلوب فويرباخ

بالنسبه للاخ ابو محمد:

انا بقول حقائق قالها لي ضابط في الجيش المصري عاصر حرب 73 قاللي بالحرف

بعد اول ضربه في سيناء و دخولنا حوالي 20 كيلو داخل سيناء بدات اسرائيل تفوق من الصدمه الاولي و بدات دك كثيف علي الجنود المصريين في سيناء و كان فيه كتير منهم بينسحب و يرمي نفسه في قناه السويس فاصدرت القياده اوامر للشرطه العسكريه باطلاق الرصاص علي اي جندي يعبر القناه للضفه الغربيه

و لما سالته ليه بينسحبه قاللي منهم الفرفور و كلهم مكانش معاهم سلاح كفايه او مدفعيه تغطيهم فالانتظار في سيناء يعني الموت المحقق

شوفت الظلم, يضرب نار علي اخوه المصري

دا تولي يوم الزحف و انا لا انكر و لكن حبيت اوضحلك ان من قديم الازل و فيه مصريين بايعين القضيه بالفعل و ليس بالقول دا لعدم الاهتمام بهم

متطالبش حد بانه يدافع عن شئ لا يملكه اصلا

بمعني

متطالبش واحد من قلعه الكبش او بشتيل انه يحارب في الجيش دفاعا عن مارينا و التجمع الخامس

طيب سكان المناطق دي فين اصلا؟

و اظن انك عارف ان معظم الناس دول كوس و ولادهم مش بيدخلوا جيش و لو دخلوا بيستريحوا علي الاخر

و لا هوا اللي يشيل الطين هوا الغلبان و لو قال يا جماعه اهتموا بيا تقولوا دا خاين و عميل و قد تكفروه ايضا؟

شكرا

بالنسبه للاخ جوست:

كلامك حكم و نصيحتي ليك هي للامام دائما

الاخت اماني:

انا لا اتعمد تشويه صورة مصر ابدا و لكني اذكر حقائق فقط لا غير و لا اذكر اي راي شخصي بخصوص مصر فمصر للمصريين و انا ليس لي اي دخل بعلاقه ام مع ابنائها, بعدين انا لم اشوهها في عيني هيا اللي شوهت نفسها في عينيا و اظنك متاكده تماما من كدا و برغم كل دا مش بتدخل برأي شخصي لكن بقول سيبوا الغلابه في حالهم و محدش يزايد بوطنيته علي حد, اذا كنت وطني دا شئ كويس و اذا لم تحب دوله فانت حر و لا تعاير احدا قط بسبب عدم حبه لدوله انت تهيم في حبها

بالنسبه للاخت ناش:

انتي فعلا مواطنه مصريه بامتياز

انتي من المؤمنين بنظريه المؤامرة التي وضع حجر اساسها جمال عبد الناصر و التي تقول ان:

هناك مؤامرة كونيه تحاك في الظلام من الشيوعيين و الليبراليين و الاشتراكيين و العلمانيين و التكفيرين و الاخوان المسلمين و الماسونيين و ..................الخ

باختصار هيا مؤامرة من تحالف قوي الظلام للقضاء علي المنتدي و نسف وحدته القوميه

فهناك دكتور و ان هناك عضوة هيا في الاصل رجل

مؤامرة كونيه رهيبه لصد افكارك يا استاذه ناش

ارجو عدم تصديق مقوله و نظريه المؤامرة

لؤلؤه و سولي:

بلاش انتوا الاتنين تتكلموا في الدين

اذا كانت لؤلؤه مش فاهمه يا سولي في الدين فانتا مش عالم و انتا قولت بالحرف قبل كدا

انا فاهم في امور ديني شويه

بعدين انتا بتتكلم في مسائل خلافيه جدا

مساله البنوك

مساله الهجرة

انتا عارف اصلا ان فيه علماء امتنعوا عن الرد نظرا لخطوره المواضيع دي

ثانيا فيه اراء بتايد الموضوع و اراء ضده و كلا من الرايين لديه ادلته

ارجو الابتعاد عن موضوع التكفير و اتهام الشخص في دينه او اتهامه بالرويبظه

هداكم و هدانا الله الي ما يحبه و يرضاه

بالنسبه للاستاذ الموقر افوكاتو:

مشاركتك شرف للمنتدي اللي انا ضيف عليه و علي بلاده لمده لا يعلمها الا الله

ادعو لك بالتوفيق و النجاح في الحياه لحفيدك ادم

و ادعولك برفع راس المسلمين في بلاد الماجنا كارتا و ارض السكسون

نداء للجميع

انا مش فاضي علشان بشتغل ساعات كتير و بتعلم فرنساوي دا غير المشاوير الاسريه و خلافه

فيا ريت محدش يتتريق علي ظروفي

كمان انا بحضر لكم هديه الا و هي كورسات انجليزي و فرنساوي عندي عايز ارفعها لكل الراغبين في الهجرة و علي استعداد لمتابعه مستواهم اللغوي مقابل مرضاه الله عز و جل

مشكلتي في مصر مش مشكله نظام لكن مشكله افراد

الناس هيا اللي بتنصب عليا مش النظام

سواقين الميكروباص هما اللي بيقلوا ادبهم مش الضباط

المعامله غير الادميه في المكاتب, في الشوارع, في المصالح من الناس مش النظام

الناس هيا اللي بتكدب و الابهات هما اللي بيطلبوا مطالب اسطوريه للزواج مش النظام

بعدين الشعب المصري مشهور بالغائه الفكر و الراي الاخر او تسطيحه علي الاقل

انا مش بقول كل لكن بقول معظم الناس

اخوكم هشام الكندي ان شاء الله

[إيزيس]

متهيألي كده كل واحد قال رأيه في التاني سواء غلط أو صح بطريقة مهذبة أو غير.................

خلاااااااااااص التطويل في الموضوع هيعمل نتيجة مش لطيفة واضح إن كل واحد متمسك برأيه

كل واحد اسمه مكتوب في رد هشام يمسحها في المرة دي مش عايزاكوا تزعلوا الزمن كفيل بكل اللي ما قدرناش نوصله له

:sad:

كلمة أخيرة أوجها لهشام وكل من على نفس الفكر بلاش تعلن العداء بسرعة يمكن بعد فترة تغير رأيك وساعتها هتتعب علشان

تبدل رأي الناس في شخصك .. وشكرا

[هشام الكندي ان شاء الله]

الي الاخت قرنفل:

انت تتاسفي لكل من ورد اسمه في ردي, هل قمت بالتطاول علي احد ما؟ اذا قلت هذا بالفعل ارجو الاشاره الي هذا الموضع حتي اعتذر لهذا الشخص او تلك

ثانيا: انا لا اعلن العداء انا اقول رايي بحريه في منتدي ديمقراطي و لا ادري سر هذه الثورة البرتقاليه ضد افكاري سواء كانت صحيحه او خاطئه

[أسد]

على فترات تفتح موضوعات مشابهة لهذاالموضوع ..

وبالتالي يدور حوار مشابه لهذا الحوار الموجود هنا ..

وفي النهاية .. يسير كل في طريقه ..

ولكن .. أرى أن هناك من يحاول أن يجد المبرر للطريق الذي سلكه ...

أنا شخصياً أعيش خارج مصر منذ سنوات ليست بالقليلة ... ولكني في دولة عربية ..

ولم أهاجر ..

وقدمت للهجرة إلى كندا منذ سنوات وقبل طلبي ..

وفي آخر لحظة وبعد ان أنهيت كل الإجراءات تراجعت ..

أسافر لبلاد كثيرة بحكم عملي .. أنبهر ويعجبني نظامهم ..

ولكني لم أفكر يوماً أن أهاجر إلى هناك ..

هذا رأيي .. وتلك وجهة نظري ...

ولكن ..

الأساس .. يأتي من التربية .. تربية الأب لأبناؤه .. والأم لأبناؤها .. هم من يعلم أبناؤهم الإنتماء ..

ولكن قصة أن المصريين لم يعد لديهم إنتماء .. أو أنهم لم يكن لديهم إنتماء . أو أن الجنود كانت تهرب من المعركة .. أو أن كل الناس في مصر مرتشين .. وأفاقين ..

فتلك خرافات .. يحب البعض أن يقولها ويرددها .. لتبرير موقفه ..

ولكن ..

موقفك لا يحتاج إلى تبرير ..

من يهاجر إلى كندا أو إلى استراليا أو إلى أمريكا ... هو حر في قراره .. فهو قد إختار أن يذهب إلى هناك ..

قد يرى الحياة وردية .. ولكن هناك أيضاً ألوان أخرى .. وكثيرة ...

تلك البلاد .. لم تكن لها أساس ... ولكنها قامت وبنيت على المهاجرين .. والذين أتوا من كل بقاع الأرض .. وهذا ليس عيباً ..

ولكن العيب أن نترك بلادنا دونما أن نساهم في بناؤها ... أو مساعدة إخواننا فيها ....

[م.سامح المصرى]

أتاسف لصاحب الموضوع عن هذه المداخلة والتى تبعد قليلا عن جوهر الموضوع

الدول الغربية لا تجبر المغترب على الحرب ضد بلاده حتى لو كان مجندا إجباريا

اشكر حضرتك جزيل الشكر استاذى الافوكاتو للتوضيح

بس هل كل الدول لا تجبر المغترب الحرب ضد بلادة وان اخد الجنيسة للبلد الى هوا فيها

يعنى هوا دلوقتى كندى مش مصرى ...... طب لو كل البلاد بتعمل كدا

هل النقط التانية وهيا كثيرة فيها شك فى شئ يدل على ضعف ما ذكرته

---------------------------

احنا بنفكر فى الوحش اكتر من الحلو

وبنفكر فيه كمان

يعنى احنا بنركز على السلبيات الى فى اي موضوع من غير ما نركز على ايجابياته

وسلامى لك استاذى العزيز

-------------------

كلمة للأخ هشام

انا قلت انى مش عالم علشان ما فيش حد يجي يقول انتا بتفسر من عندك

وكويس انك ذكرت انا قلت اية

انما انا مش بفسر الدين على مذاجى ابدا

انما انتم بس بتجيبوا ايات وبتقولو دى تفسيرها كدة

والمشكلة ان التفسير الى بتقولوة دا اساسا غلط

فانا بستتعين زى ما قلت بحد خبرة اكتر منى وان شاء الله هاتلاقوه فى المنتدى قريب

وبيشرح كل النقط دى

تم تعديل 5 فبراير 2008 بواسطة م.سامح المصرى

[amrhoras]

بسم الله الرحمن الرحيم

الاخ و دي اخر مرة هقولك يا اخ عمرو حورس

اولا اسمك حورس ودا فرعون و لم يكن مسلما ارجو تغيير اسمك اولا قبل كل شئ

ثانيا ارجو التحدث باسلوب اكثر رقي و عدم استخدام اسلوب استفزازي متل قولك " يا استاذ مشغول"

انا ممكن ارد عليك و اقولك يا "استاذ فاضي" لكن اخلاقي لا تسمح لي بالابتذال في الحوار

ثالثا:ارجو توضيح سر عداءك الشخصي لي مع شرح الاسباب لانه ليس خلاف في الراي حيث انه لطالما اختلفت مع مثقفين و لم يفسد هذا من الود قضيه

رابعا: قرات ردك في موضوع الاختلاف في الراي و قد قلت بلسانك ما معناه انه اذا كان راي الشخص خطا او استخدم اسلوب استفزازي فيجب مهاجمه الشخص نفسه

نفس اسلوب جمال عبد الناصر الشيوعي

اسلوب هتلر النازي

اسلوب موسوليني الفاشي

اسلوب فويرباخ

مش عارف ابدأ من أول بسم الله الرحمن الرحيم الاول

وبعدين نشوف القصيده اللى أولها كفر واخرها كفر برده :sad:

-نبدأ بعم حورس الكبير بص فى الحقيقه لم أنظر الى الديانه لكنى انظر الى تاريخ ككل بدال حورس مش عجبك خدلك فاس واطلع ع الهرم وانسف الهرم والاثار كلها ماهو اللى عملها كفره

العيش اللى بتاكله داخل منه جزء من السياحه فامتنع عن الأكل

بدال كلما تسمى الانسان باسم يقولو عليه كافر وان نسيت ان اصلنا فراعنه مش جديده يعنى عليك عن نفسي منبهر بعلمهم وياريت نعمل زيهم ونبني نفسنا تانى وننهض من جديد .... مش قولنا اللى ينسى قديمه ملوش جديد واللى مش عجبه تاريخه الهرم محدش يتوه عنه سيدا سيدا وحزام ناسف وانسفه

وكمان الاسم ده له تاريخ معايا ع الاقل ليس تنصلا من بلدى والذكى يفهم

-خلاص بما انك فضيت ودى فرصه سعيده جدا ليا انى اشوف اسمى منور فى مداخلتك الى جانب اسامى اخوه افاضل لهم منى كل احترام يكون شرف ليا جدا يافندم

اما اسلوب الاستفزاز والرقى لن اتفوه ب أم كلمه فى ذلك لان ده رأيك وكل شخص حر طليق فى رأيه ولا احد يستطيع ان يقيم نفسه

بالنسبه للفاضى ولا المشغول اعتقد اعتقد الردود كلها تقول ان سيادتك موجود ولم تكتفى الا ب اعتذر لانى مش فاضى طيب ليه تعتذر بدال مش فاضى متردش وتروح وتيجي بالسلامه ونكون فى انتظارك مانا فاضى بقى ونايم هنا فى المنتدى

حكاية الاسلوب مبتذل دى احط تحتها 100 خط واقولك النور الاصفر بدأ ينور عندى واتمنى ميوصلش للنور الاحمر لانى بعدها بكون مش عمرو ولا حورس وده جد جدا

-سر العداوه واسبابها

انه مفيش اختلاف فى رأى ولا حاجه سر العداوه ده بيكون مع اى واحد بكل بساطه يرمى هويته ويروح يلحس بلاط غيره

اسبابى انى محبش التمادى فى الخطأ

انا شايف كرهك لبلدك من قبل ما تتكلم ... اقولهالك وعلى بلاطه وبأسلوب منحدر

انت لو اتاحتلك الفرصه تعمل اى حاجه من اجل الوصول الى هدف هتعمل سواء صح او خطأ لذلك خطر انك تطلع او تروح وتيجي

اللى ملوش خير فى اهله ملوش خير فى حد

عرفت سر عداوتى ليك ان كنت بتسميها عداوه

مع احترامى للافاضل هذه الامثله والنماذج ليس فى حاجه الى تحليل وعلاج ده متأخر جدا TOO LATE

من يتهاون فى حقه وحق الاخرين لا يستحق حتى النصيحه

كل المداخلات دى كانت ليك وكل الناس حاولت تنصحك لكنك متمادى فى الاستفزاز ورأيك الخاطىء

الكل قالك سافر حد قلك اقعد ماحنا كلنا مسافرين انما مشكلتك ان ناقم ع عيشتك

سؤال ومش محتاج رده .... اخر مره قولت فيها الحمد لله كانت امتى؟ دى جاوب بيها لنفسك

حط نفسك ادام نفسك كدى وشوف واسأل نفسك وككون صريح مع نفسك

ليه انت كاره عيشتك فى مصر مع العلم ان الحياه خارجها صعبه ايضا لا تفكر ان الجميع يخرج وينام فى بيته والفلوس تيجيله وتيجي الحكومه تطبطب عليه

المعامله الادميه والبغير ادميه اللى بتتكلم عنها احنا اللى خلقناها بانفسنا لو كل واحد قال لا من البدايه مهما كانت العواقب مكنش ده حالنا

مكناش بقينا ضحيه

ربنا ليه اكرمنا بالصحه ؟ ليه اكرمنا بالعقل ؟ كى نكون مسيرين من بشر مثلنا؟

هاجر وروح وتعالى لف العالم كله لكن اهلك عايشين جواك ادام عينيك صدقني حيكونوا ديما الحارس الروحانى لك ... اللى يعصموك عن الخطأ وده مش كلام وبس

مترميش كل اصولك اللى اتعلمتها لانها اساسك لو اترمت يبقى انت جسد بلا روح وتعمل زى الشجر اللى قطعوا جذورها مع اول ريح تطير وتقع وترجع تانى تقول ياريتني

انت شايفها عداوه دلوقتى لكنك حتعرف معنى كلامى ادام فى المستقبل ولو بقدر بسيط

لا ادعى الوطنيه لكن هناك اشياء بيقولك ممنوع الاقتراب منها والا لو تبعثرت مش عاوز اقولك حتعيش فى جحيم اكتر من جحيم جهنم والعياذو بالله

عاديني اليوم وعاديني بكره لكنك ستتذكر كلماتى ولو بقدر بسيط وساعتها يكون لا وقت للتراجع

كل ما اقوله ليس لك وحدك بل لكل من اخذهم التفكير بنفس الطريقه بقولهم فوقوا مصر مش حكومه وظروف فقط

- تصدق اول مره اعرف انى موسيليني وهتلر وعبد الناصر بس لست شيوعى ربنا يسامحك بس اذا كان ده رأيهم ان مابني ع باطل فهو باطل والمخطىء لازم ينول عقابه يبقى ونعم الرأى

ورأيي انا مقتنع به 100% وبقولك الاختلاف ف الاراء الخاطئه يفسد القضيه كلها كمان

اما كونك ان تنعتنى بالشيوعيه فده تانى تحذير مني اليك انت نسيت انى موسيليني وهيتلر ديكتاتور يعنى ولا ايه رايك يا ..... ا/كندى

تم تعديل 5 فبراير 2008 بواسطة amrhoras

[Scorpion]

كثيرآ من المداخلات في هذا الموضوع كانت ستكون بالفعل أكثر من رائعة لو لم تأخذ مسحة الشخصنة .....

بلا شك عرض الفاضل هشام فكرة غير مقبولة اطلاقآ لمعظمنا .... أقول لمعظمنا لأن هناك الكثبر من يفكرون مثله أيضآ و لكن لا يملكون وسيلته للتعبير ..... و أنا أحترمه علي شجاعته في عرض افكاره و ان كنت بالفعل لا أستطيع أن أحترم الفكرة التي يحملها ....

و لكن هذا لا يعطيني الحق في أن ألجأ الي كلمات جارحة تصل الي حد الأهانة لمعارضة فكرة لا أقبلها ....

لماذا ندخل في الضمائر ... و نقرر بتأكيد غريب وجود مؤامرات ... و أن هذا العضو يكذب .. و ان هناك مجموعة وضعت علي عاتقها تأدية مهمة معينة .... لماذا لا نكتفي بعرض وجهة نظرنا و كفي بدون عداء او كراهية او شكوك ... و علي من يقرأ في النهاية أن يبني حكمه و تأثير هذا الحوار علي تفكيره أو حتي علي نهج حياته او اختياراته المستقبلية .....

فضلآ أعزائي ... رجاء حار أن نبتعد عن الشخصنة و مخاطبة الناس بما لا نحب أن نسمعه نحن أيضآ .....

[لؤلؤة]

لو سمحتم يا اخواني ساعدوني

لو عايزة أكلم ادارة المنتدي علي الخاص أعمل أيه

شكرا لكم

[Scorpion]

الفاضلة لؤلؤة

في آخر اي مداخلة هناك خيار اسمه "تقرير" تستطيعين الضغط عليه و كتابة ما تودين الي فريق المشرفين .

تحياتي

[seeem]

لي رأي ... بسيط

الانتماء ... يزرع فى الوجدان ... مثل الاسم والعنوان ...

وهي مسؤولية الوالدان ... والأهل والأعمام والخلان ...

وينمو مع الفرد بمرور الزمان ...

وبتعاقب المواقف ... والخبرات ...

وملاحظة تصرفات الكبار الثقات ...

ثم يتم توريثه ... لمن كان وريثه ...

وكما هو معلوم ... ففاقد العلوم ... مهموم ...

فالإنتماء ... لا يستنبط من العدم ...

.................................................................

حورس باشا :sad:

واتمنى اقولك ... حمدلله على السلامة قريبا"

عقبالي

.................................................................

تم تعديل 5 فبراير 2008 بواسطة seeem

[amrhoras]

.................................................................

حورس باشا

واتمنى اقولك ... حمدلله على السلامة قريبا"

عقبالي

.................................................................

شكرا اخى سييمممم

ربنا يكتبلك كل خيير باذن الله

والله يسلمك تسلم من كل شر وسوء

وترجع مصر انشا الله بألف مليون سلامه

أعتذر عن الخروج عن الموضوع للرد ع اخى الفاضل سييم :)

تم تعديل 5 فبراير 2008 بواسطة amrhoras

[vipwithyou]

اعتذر اولا للأخ ( مصرى جدا ) لتحول موضوعه من بحر الانتماء الى نقطه سوداء من عدم الانتماء

لكن كل واحد بيشارك فى الموضوع دة اكيد مخنوق من عدم الانتماء للأسف

لما تلاقى ظاهرة بقت موجودة فى شباب كتير وكلهم كارهين البلد

طيب الاستاذ هشام قال ان الموضوع موجود من زمان وان فى ضابط صديقة قاله كدة ان كان فى جنود بتهرب من الحرب

طيب ما انت قلت انهم كانوا بيرموا نفسهم فى القنال

هل دا معقول يحصل من خير اجناد الارض

طيب فرضاً فرضاً يعنى فى جندى كلب جبان عايز يهرب من شرف الحرب هل هيروح ينتحر مثلا ولا ايه ؟

المهم ما علينا

لسنا بصدد النقاش الدينى والحرام والحلال

معظم الاعضاء وتقريبا ً نسبة كبيرة جدا متغربين خارج مع

وربما كان ذلك المنتدى هو قناة المياة التى تصلهم بمصر لشوقهم اليها ولحبهم فيها

فكلنا مصريين وهذا هو عنوان المنتدى

وكلنا نحب مصر ( ما عدا قله ضئيلة ) ندعوا الله ان لا تنتشر هذة القله كثيرا بيننا

لم يقول احد لهشام ان لا يسافر او يهاجر

لكن الكل قال لا تكره بلدك ولماذا تكرهها

الكل يعانى من مشاكل فى حياته لنكن لا نكره مصر

عجبتنى كله لعمرو هآخد المفيد منها وبس هو ( متى كانت آخر مره قلت فيها الحمد لله )

فعلا يا جماعة حتى وقت الابتلاء ليه ما نقولش الحمد لله

وقضاء اخف من قضاء

جاء رجل الى الحسن البصري فقال : اشكو الفقر فقال له الحسن: استغفر الله, ثم جاءه اخر فقال : لم تمطر السماء , فقال له: استغفر الله, فجاءه ثالث فقال: اجدبت الارض, فقال : استغفر الله,,

فتعجبوا جميعا وقالوا له نقول لك كذا وتقول استغفر الله فقال: الم تسمعوا قوله تعالى(( فقلت استغفروا ربكم انه كان غفارا* يرسل السماء عليكم مدرار* ويمددكم باموال وبنين* ويجعل لكم جنات ويجعل لكم انهارا)

متهيألى لو كل واحد واجهته ازمة او حتى ازمات وقابلها ببغض وكرة للوضع كلنا هنسيب الدنيا وننتحر مش هنسيب مصر بس

فكل اللى متغربين عارفين ان مش مصر بس هى اللى فيها مشاكل

ياريت ما نعلقش هروبنا من المسئوليه على شماعة الظروف والبلد ووووو ... صعب يا جماعة كدة

شكرا للكل والله المستعان

أستغفر الله الذى لا اله الا هو الحى القيوم وأتوب اليه

تم تعديل 6 فبراير 2008 بواسطة Scorpion

[nash]

الإنتماء أو عدم الإنتماء شيء شخصي بحت....

لم اجد إنسان ناجح في حياته العلميه أو المهنيه أو علي اي صعيد جاء وأعلن عدمالإنتماء للبلد او لإي شيء...

إنسان رضي بشهاده متواضعه ولم يطور نفسه أخذ يسب ويشتم في مصر والحياة وكذا وكذا...

إنسان رضي بالإهانه من أخر ..لم يحاول أخذ حقه وأخذ يسب في كذا وكذا...

إنسان وجد الظلام حوله في كل مكان لم يحاول إضاءة شمعه صغيرة بدل اللعن والسباب وإستعراض العضلات والتفنن في أكثر العبارات أستفزازا للأخرين...

إنسان يعيش في ظلام الكراهيه للأخرين ولظروفه التي لم يسعي لتغييرها وكراهيه لبلده والتعليم والكذا والكذا...

لماذا نتحمل نحن نتيجه فشله في الحياة ثم نتحمل بعد ذلك إستعراض عبارات الكرة والحقد لبلد من أعظم البلاد علي وجه الكرة الأرضيه لولا أختطافها من بضعه لصوص إن شاء الله ستعود إلينا....

أنا شخصيا لن أرد ثانيه في هذا الموضوع...

وأقدم شكري العميق لإخينا الفاضل مصري جدا ...لإنه قدم لنا موضوع أظهر إنتماء وولاء بعض بني جلدتنا الحقيقي لمن يكون

[مصري جدا]

السلام عليكم

الأخوة الأعضاء

عندما طرحت موضوع الانتماء للمناقشة كان قصدي مناقشته بصورة عامة ومناقشة أسباب ضعفه أو عدم

أحساس البعض به ....وقد تفضل بعض الأخوة بهذا ...ولكن البعض الأخر اتخذت مواضيعه وردوده

الصفة الشخصية مما خرج بالموضوع عن مساره المنشود له لذا أتمني من الجميع مناقشة عامة بعيدا عن

الخصوصية

مثلا أحد الأعضاء أو العضوات كان يمكن آن يناقش المفهوم الديني للانتماء بصفه عامة

أي عضو يقول رأيه دون التعرض لقضايا جانبية مثلا....أنا مش بأحب شئ ...من حقي بس لا ألوم الآخرين علي حبهم له ولو حتى عاوز أقول أن كلمة الانتماء دي كلمه قديمة وأري إنها تتلغي من القاموس ..أقول رأي ....علي العين والرأس...بس يلاش الهجوم ثم الدفاع والهجوم....بكده حندخل في مهاترات ونقاش لا فائدة منه........ ويبقي الواحد يقفل المواضيع أحسن

أتمني آن تكون رسالتي وصلت لكم جميعا ولكم تحياتي ا

هداني الله وهدي الجميع ......أمين

[أسد]

كل شخص كتب هنا ... هو عضو في محاورات المصريين ..

وأجزم بأن كل أعضاء محاورات المصريين (من المصريين طبعاً) لديهم إنتماء لمصر ..

وإلا ما الذي يجعلهم يدخلون إلى هنا ..

كل منا يغضب من مصر في بعض الأشياء .. أو بعض الأمور التي لا تسره ..

ولكن الجميع .. لديه إنتماء لمصر .. وحتى دون أن يشعر ..

وحتى وإن أنكر هذا ...

ولو كتب هنا وأقسم بأن ليس لديه إنتماء ..

مستعد أن أتحداه بأن لديه إنتماء .. لمصر ... ولكنه قد لا يدري ....

تلك حقيقة ..

كلنا كذلك ...

ولكن فورة الغضب .. وفورة الحماس ,,, وفورة الشباب هي التي تجعل البعض يصب جام غضبه على مصر ويتهم نفسه زوراً وبهتاناً بأنه لا يفضل الإنتماء لمصر ...

هذا غير صحيح على الإطلاق ....

حتى المشايخ .. والأشخاص الذين يدعون إلى إحياء الأمة الإسلامية والخلافة الإسلامية ...

تجده في كل المواقف التي يكون وطنه طرفاً فيها .. يظهر كثير من الإنتماء لبلده ..

وهذا يظهر مع كل المصريين في كل الأوقات .. وفي كل البلاد ..

والمصري حتى وهو في آخر الدنيا .. يحن لرؤية شوارع مصر ..

ويحن للعودة ..

ويتمنى أن تتحسن الأوضاع في مصر ..

ويرقص قلبه ليكاد ينخلع من بين ضلوعه إن سمع أم كلثوم تشدو من على بعد ...

هذا حقيقي .. وأتحدى ....

علشان كده ..

أدعوكم للتهدئة .. وألا يقسو أحدكم على الآخر ....

فتلك مشاعر مؤقتة ..

ومشاعر مزيفة

[vipwithyou]

شوفوا الناس فى الشارع بيبقوا عاملين ايه لما مصر تجيب جون

شوف لما بنت محترمة وهى مروحة من الشغل ويعاكسها سافل او فاشل تلاقيه ياخد علقة محترمة من ولاد البلد الرجاله

شوف احساسك ايه لما تسمع عبدالحليم ولا ام كلثوم ولا عايدة الايوبى لما تقولك لا يا مصرى لا و 1000 لا

تهجر بلدك وتسيبها بلدك بيك اولى

اعتقد ان وقت الحرب بيكون الاستدعاء فى الجيش للكل مش للى مجندين فعلا

دا غير التطوع اللى كان موجود من 73 والكل كان بيتطوع مش بيهرب من الحرب

ودا اللى هيحصل لو لا قدر الله مصر تعرضت للحرب بأقول لا قدر الله اذا جت الحرب ولسة فى مصر ناس كارهاها انما الحرب جايه جايه

دى معروفة

[Ghost]

يا جماعة ارجو عدم الدخول في مشاحنات شخصية

الموضوع كدة خرج عن مسارة

الاتهامات من كل طرف للاخر و الدخول الى الصدور و القلوب افقد المناقشة كل طعم

ارجو عدم شخصنة المواضيع و اتباع نهج ايجابي في المناقشات

و شكرا للجميع