أستفسار الى الأخوة مغتربى الكويت - أرجو الرد

[Egyption Subzero]

انا ياسر عندى 24 سنة محاسب أعزب تقدمت الى إحدى شركات التوظيف بالخارج هنا بمصر لوظيفة محاسب بدولة الكويت وأنهيت إجراءاتى وسوف أسافر الى الكويت فى شهر مارس القادم للعمل (عقد عمل لمدة 2 سنتين) بشركة المسباح الكويتية لأعمال الألمنيوم كمحاسب مقابل مرتب 170 دينار شهريا موقع الشركة فى الجهراء – الصليبية الصناعية

السكن + المواصلات سوف تتحمل تكاليفه الشركة

كنت أريد أن أعرف رأيكم عن :

1 – هذه الشركة (المسباح الكويتية لأعمال الألمنيوم) .

2 – المرتب (170 د.ك) وكم سوف تكلفنى المعيشة هناك تقريباٌ .

3 – موقع الشركة والذى غالبا سوف أقيم بالقرب منه .

4 - أخبار المناخ طوال العام .

أرجو من الأخوة مغتربى الكويت إفادتى ولكم جزيل الشكر

[Mimi]

بسم الله الرحمن الرحيم

احب اعرفك ان قيمة الدينار داخل الكويت هي نفس قيمة الجنيه داخل مصر!!

يعني لو تعرف تعيش في مصر بـ 170 جنيه يبقي هتعرف تعيش هنا بالرقم ده اللي هو 170 دينار!

نصيحة اقدمها لك لوجه الله: مش هتقدر تعيش إطلاقاً بالرقم ده هنا و إياك تفكر تيجي البلد دي أقل من 500 دينار مهما كانت الظروف.

و يمكنك مراسلتي علي الهوتميل: shalaby0007

اللهم قد بلغت، اللهم فأشهد.

[justtrying]

بسم الله الرحمن الرحيم

احب اعرفك ان قيمة الدينار داخل الكويت هي نفس قيمة الجنيه داخل مصر!!

يعني لو تعرف تعيش في مصر بـ 170 جنيه يبقي هتعرف تعيش هنا بالرقم ده اللي هو 170 دينار!

نصيحة اقدمها لك لوجه الله: مش هتقدر تعيش إطلاقاً بالرقم ده هنا و إياك تفكر تيجي البلد دي أقل من 500 دينار مهما كانت الظروف.

و يمكنك مراسلتي علي الهوتميل: shalaby0007

اللهم قد بلغت، اللهم فأشهد.

اختلف معك اخي الكريم

الراتب هذا لا يعتبر سيء للغايه لكن يؤخذ على أنه متوسط مع تحمل الشركة تكاليف السكن والمواصلات

أما بالنسبة للمعيشة .. هنا الأكل والشرب براحتك على الاخر ممكن تكلفك 70 دينار ده مع اعتبار انك شخص مسرف

لو في مصر تقدر تدخر 2000 جنية خلاص خليك في الكويت .. لو متقدرشي توكل على الله وتعالى طالما واثق من الشركة وهناك عقد موثق وأوراقك كلها سليمة

سلام عليكم

تم تعديل 2 فبراير 2008 بواسطة justtrying

[Egyption Subzero]

شكرا يا Mimi

شكرا يا justtraying

لكن اريد ان أوضح شىء

بيقولك ايه اللى رماك على المر اللى أمر منه

أنا متخرج عام 2005 من كلية التجارة جامعة عين شمس بتقدير جيد تحديدا فى يونيو 2005 حولت أن أبحث عن وظيفة مناسبة كى أكون نفسى وأبنى مستقبلى لقيت أن أغلب الوظائف فى مجال المحاسبة تشترط الى الخبرة فأردت أن أخذ الخبرة أولا فعملت بمكتب محاسبة فى يوليو 2005 أى الشهر التالى بعد أستلامى شهادة البكالوريوس حتى الأن يعنى حوالى سنتين ونص وسجلت نفسى فى سجل المحاسبين والمراجعين يعنى بقيت محاسب ومراجع أتعلمت كل شىء فى المحاسبة لغاية ما بقيت آلة حاسبة ....

ولكنى بدأت أعى المصيبة التى تواجهنى وكنت أتشاغل عنها ولا أقيم لها وزن فأنا شاب ومقبل على حياة صعبة ومطلوب منى أن أبنى نفسى بنفسى فاللأسف أبى متوفى ولست من أبناء الأثرياء الذين يجهزون لأولادهم طلباتهم البسيطة كالشقة والسيارة والوظيفة والمهر والشبكة لزوم الزواج وغيرها

فراتبى من العمل بمكتب المحاسبة 350 جنيه شهريا واذا أنتقلت الى اى عمل آخر لن يزيد عن 700 جنيه

مهما عملت عشان اقصقص جناحات ال 700 جنيه مش حوفر منهم أكثر من 400 يعنى لوحلمت كدة وقلت أنا عايز اتجوز مش بعد 15 الى 20 سنة دة على أساس ان تكاليف الزواج كلها مش هتعدى مائة ألف جنيه وده أيضا بعد عشرين سنة أى مع فرض ثبات الاسعار وانا عندى 24 سنة يعنى اتجوز عند 40 سنة على أقل تقدير

بنى وبنكم لى ابنه عمتى تعيش بالكويت تعمل طبيبة منذ أكثر من 15 عام وكثيرا ما كنت أفكر لماذا لاتحب أن ترجع الى مصر آلا تحن لها آلا تشعر بالغربة والى متى...الى أن عرفت ان من يخرج من مصر لا يعود لها أبدا

وبرغم من حبى الشديد لها لم أكن أزورها الا مع الوالد كل عام زمان وأنا صغير

هذه الايام أشعر بأنها وحشانى كتير وأريد أن أراها ليس هذا فقط بل وأن الحياة فى الكويت بدأت تستهوينى

[justtrying]

شكرا يا Mimi

شكرا يا justtraying

لكن اريد ان أوضح شىء

بيقولك ايه اللى رماك على المر اللى أمر منه

أنا متخرج عام 2005 من كلية التجارة جامعة عين شمس بتقدير جيد تحديدا فى يونيو 2005 حولت أن أبحث عن وظيفة مناسبة كى أكون نفسى وأبنى مستقبلى لقيت أن أغلب الوظائف فى مجال المحاسبة تشترط الى الخبرة فأردت أن أخذ الخبرة أولا فعملت بمكتب محاسبة فى يوليو 2005 أى الشهر التالى بعد أستلامى شهادة البكالوريوس حتى الأن يعنى حوالى سنتين ونص وسجلت نفسى فى سجل المحاسبين والمراجعين يعنى بقيت محاسب ومراجع أتعلمت كل شىء فى المحاسبة لغاية ما بقيت آلة حاسبة ....

ولكنى بدأت أعى المصيبة التى تواجهنى وكنت أتشاغل عنها ولا أقيم لها وزن فأنا شاب ومقبل على حياة صعبة ومطلوب منى أن أبنى نفسى بنفسى فاللأسف أبى متوفى ولست من أبناء الأثرياء الذين يجهزون لأولادهم طلباتهم البسيطة كالشقة والسيارة والوظيفة والمهر والشبكة لزوم الزواج وغيرها

فراتبى من العمل بمكتب المحاسبة 350 جنيه شهريا واذا أنتقلت الى اى عمل آخر لن يزيد عن 700 جنيه

مهما عملت عشان اقصقص جناحات ال 700 جنيه مش حوفر منهم أكثر من 400 يعنى لوحلمت كدة وقلت أنا عايز اتجوز مش بعد 15 الى 20 سنة دة على أساس ان تكاليف الزواج كلها مش هتعدى مائة ألف جنيه وده أيضا بعد عشرين سنة أى مع فرض ثبات الاسعار وانا عندى 24 سنة يعنى اتجوز عند 40 سنة على أقل تقدير

بنى وبنكم لى ابنه عمتى تعيش بالكويت تعمل طبيبة منذ أكثر من 15 عام وكثيرا ما كنت أفكر لماذا لاتحب أن ترجع الى مصر آلا تحن لها آلا تشعر بالغربة والى متى...الى أن عرفت ان من يخرج من مصر لا يعود لها أبدا

وبرغم من حبى الشديد لها لم أكن أزورها الا مع الوالد كل عام زمان وأنا صغير

هذه الايام أشعر بأنها وحشانى كتير وأريد أن أراها ليس هذا فقط بل وأن الحياة فى الكويت بدأت تستهوينى

لو الشركة محترمة وكل الكلام الي متفقين عليه صحيح هتستريح بإذن الله رب العالمين

الحياه هنا في الكويت فعلا جميلة والحياه سهلة ولو عايز توفر هتوفر لكن هنا البلد عبارة عن معسكر شغل يعني تنام تصحى تشتغل

أما بيني وبينك من ناحية الجواز فحاول تصرف نظر عن الموضوع ده مؤقتا :blush: عشان لو فضلت تفكر في الموضوع ده وانت في الكويت هتتعقد :blush2: فحاول يكون عندك نوع من الفراغ العاطفي :blush2:

دي وجهه نظري

[nightmare]

أخي Egyption Subzero

اتوكل على الله وصلي صلاة إستخارة أولا , وربنا هيوفقك ان شاء الله للخير , المرتب من وجهة نظرى متوسط , لكن يكفي انك هتقدر تتكفل بنفسك وتعيش كويس وهتوفر فلوس برضه حتى ولو قليلة بس بالمقارنة بمصر فاللى انتا هتوفره كثير ولن يقل عن 80 دينار شهرياً توفير , ده على افتراض انك مسرف كمان .

اتوكل على الله وانفد بجلدك , والحق عمرك قبل ما يجرى منك وترجع تندم . اتوكل على الله وقول يارب . وانطلق .

[رمضان]

توكل على الله انت بس وتعالي وربنا يسهل ان شاء الله

والامور بتيجي واحدة واحدة اهم حاجة تاخد الخطوة وما تخاف الدنيا مغامرة

وياسيدي ما تقلقش ربنا يسهل ملكش دعوة انت تعالي بس

[Egyption Subzero]

أشكركم كثيرا على ارائكم الغالية وأتمنى من الله التوفيق لكم

وبصراحة أنتم طمنتونى وان شاء الله سوف اسافر وأتمنى لنفسى التوفيق وأكيد مش حخسر حاجة

شكرا

[ميزو وبس]

السلام عليكم

مع انى مش عايش بالكويت بس احب اسال سؤال للمغتربيين بالكويت

ازااى عايشيين ومتحملين العيشة بالكويت انا مرى ما فى حياتى عرفت واحد

كويتى بيحب المصريين وشكرا

[رمضان]

السلام عليكم

مع انى مش عايش بالكويت بس احب اسال سؤال للمغتربيين بالكويت

ازااى عايشيين ومتحملين العيشة بالكويت انا مرى ما فى حياتى عرفت واحد

كويتى بيحب المصريين وشكرا

السلام عليكم

مع احترامي ليك اخ ميزو كلامك متناقض جدا

ازاي بتقول ان عمرك ما عشت بالكويت وازاي حكمت الحكم ده

على اي اساس قلت الكلام ده

[الحاج فوزى]

هناك أكثر من موضوع على المحاورات يتناول السفر إلى الكويت ونصائح وإستفسارات ..

أرجو الرجوع إليها بالبحث .. لأنى أشعر بضيق من عدم الرد على أى إستفسار وفى نفس الوقت لا أريد تكرار ردود بالحرف من موضوع لأخر ..

ضيقى من عدم الرد كما قلت سابقاً ، لأنى أحب أن أمد يد المساعدة بالإيضاح لكل من يستفسر ..

فكثير من المشكلات يمكن تجنبها لو عند صاحبها معرفة مسبقة ...

أكرر رأيى هنا .. لا يمكن الحكم على الراتب بصورة مجردة .. فربما 100 دينار تعتبر راتب رائع .. وربما 1000 دينار تعتبر راتب قليل .

طبقاً لمعطيات كثيرة تفرق - جداً جداً جداً - من شخص لآخر .

ما لفت نظرى هنا تعليقين . .

الأول أن 100 دينار فى الكويت تساوى 100 جنية فى مصر .. وهذا غير صحيح تماماً

فعلى سبيل المثال ..

100 دينار فى الكويت تساوى 50 كيلو لحمة من النوع الفاخر ..

100 جنية فى مصر قد لا تكفى لـ 3 كيلو لحمة من النوع المتوسط .

التعليق الثانى ..

أنه لا يوجد كويتى يحب المصريين . .

مجرد التعميم فى العبارة يفقدها المصداقية .

وأكتفى بقول انها عبارة غير صحيحة تماماً أيضاً .

تحياتى وعند أى إستفسار أنا موجود .

[رورة]

الأخ الكريم بالنسبة للشركة فأنا لم أسمع عنها ولكن نقص فية انا وليس في الشركة.. كثير من الشركات هنا انا لا اعرفها، أما بالنسبة للمنطقة (الجهراء) بعيدة جدا جدا وأغلبها صحراء هذا ما اسمعه والله اعلم، ولكن مع الطرق السريعة كل حاجة بتبأة سهلة، غير ان الجهراء عندهم زي القرى عندنا بس مادام الشركة هتوفرلك السكن والمواصلات فأطمئن، لأن أكتر حاجة بتاكل الراتب في الكويت هي السكن لأن الإيجارات هنا غالية ا وي، فإنت دلوقت لو هتاخد 170 دينار هتقدر توفر منهم حوالي 140 على اعتبار إنك هتأفل على نفسك اوي ومش هتصرف أكتر من 30 دينار في الشهر، وسدأني يكفو أكل ومصاريف .. خطيبي كان عايش هنا وكان شغال بــ 150 دينار وهو الي بيدفع المواصلات والإيجار والأكل والمصاريف وكل شيء وكان بينزل كمان كل سنة ومع ذلك قدر يبني شقته وقدر يتجوز، نصحيتي لو عايز تعمل حاجة بجد ماتنزلش ابل سنتين، ومعلش حاول تستحمل، وكمان متسرفش خليك مقتصد اوي. وموفق ان شاء الله

أما عن المناخ: من شهر 6 إلى شهر 9 (جهنم وبئس المصير)، من 9 إلى أول 11 (الجو معتدل وجميل)، من 11 إلى 2 (تلج وزمهرير، من 2 إلى 4 (جو شتوي جميل) من 4 إلى 6 (جو صيفي معتدل مع رياح الطوز رياح محملة بالأتربة)

أتمنى أكون وفيت في الإجابة

[رمضان]

مع احترامي للاخت رورة وتعقيبا على كلامها بخصوص الجو

انا بحس بالصيف والحرارة في مصر عن الكويت لان كل شيء هنا مكيف

[زعلان]

رغم اني ضد القبول بمرتبات صغيرة لكني اقدر ظروفك المهم بس تعرف قبل ما تسافر طبيعة السكن هل حيكون غرف في شقة ولا استديو ولا سكن مشترك و حاول تسألهم عن الخدمات المتاحة في السكن و نظافته

بالنسبة للتوفير حتقدر توفر اذا ما كان السكن جيد ومريح و هناك تأمين صحي لك و ربنا يقدر لك صحبة جيدة و يوفقك

وان شاء الله بعد ما تاخد خبرةسنتين ممكن تلاقي شيء احسن اعتبارها خطوة على الطريق وليس الهدف

[Mohamed Zwiel]

الاخ المحترم ياسر - بالنسبة لما تريد الاستفسار عنه على حسب معلوماتى سوف اجيبك - الموقع الذى تفضلت بالاشارة اليه هو بعيد عن المناطق السكنية ونائى واطلب منك ان تتاكد وبكل حرص من صحة العقد تبعك اما بالنسبة للراتب فهو كخطوة اولى فقط مقبول