بمناسبة البرد اللى احنا فيه

[نبض الابداع]

كابوتشينو بالكاكاو ( تراراراراراااااااااااااااااا )

المقادير:

نصف كوب كريمه، 3 ملاعق كبيرة سكر ناعم، نصف كوب كاكاو

مبشور، نصف كوب كاكاو بالنعناع،8 أكواب قهوة ساخنة (ملعقة كبيرة نسكافية لكل كوب ماء مغلي).

طريقة الاعداد :

اخلطي الكريمه مع

السكر في الخلاط واتركيه جانبا، ضعي في كل كوب تقديم ملعقة من الكاكاو

المبشور وملعقة من الكاكاو بالنعناع، ثم اسكبي عليها القهوة الساخنة وزينيها بخليط الكريمه

كوفي لاتيه ( ياسلام سلم )

المقادير:

كوب كوفي، 3 أكواب ماء، 3 أكواب حليب أو كريمه.

طريقة الاعداد :

سخني الكوفي مع الماء في وعاء وفي وعاء آخر سخني الحليب أو الكريمة ثم اسكبي في كل كوب

تقديم كميات متساوية من الكوفي والحليب

شراب الكاكاو بالكريمة

المقادير:

ثلث كوب سكر، ثلث كوب بودرة كاكاو، ثلث كوب ماء، 6 حبات كاكاو بالكراميل، 6 أكواب حليب، كريمه

وقليل من بودرة الكاكاو للتزيين.

طريقة الاعداد :

اخلطي السكر وبودرة الكاكاو والماء في وعاء وضعيه على النار واتركيه حتى يذوب السكر ثم اضيفي

قطع كاكاو الكراميل وقلبيها حتى تذوب وبعدها اسكبي الحليب واتركيه حتى يسخن وقبل ان يغلي ابعديه عن النار

واسكبيه في أكواب التقديم وزينيها بالكريمة ثم رشيها بقليل من بودرة الكاكاو وحركيها بالشوكة حركة دائريه واحدة

فقط لتحصلي على شكل رخامي

شراب الكاكاو بالنعناع

المقادير:

ثلث كوب كاكاو مبشور، 4 أكواب حليب، ربع كوب بودرة كاكاو، ربع كوب سكر، أوراق نعناع.

اضيفي المقادير كلها في وعاء وسخنيه على نار هادئة واتركيه حتى يذوب السكر والكاكاو ثم صفي الشراب من أوراق

النعناع واسكبي شراب الكاكاو في 4 أكواب

شراب الكاكو بالقرفة

المقادير:

ثلث كوب كاكاو مبشور، 4 أكواب حليب، ربع كوب بودرة كاكاو، ربع كوب سكر، 4 عيدان قرفة.

طريقة الاعداد :

اخلطي الكاكاو المبشور مع الحليب وبودرة الكاكاووالسكر وسخني الخليط على نار هادئة حتى يذوب

السكر والكاكاو ثم اسكبي الخليط في 4 أكواب ووزعي عيدان القرفة وحركي حتى تمتزج نكهة القرفة بالكاكاو ثم

اخرجي عيدان القرفة وقدمي الكاكاو

الكابتشينو المنزلي :

المقادير:

ملعقة صغيرة نسكافيه، 2 ونصف ملعقة صغيرة سكر، فنجان شاي صغير

حليب ، كوب ماء مغلي، حبات نسكافيه للتزيين.

طريقة الاعداد :

اخلطي النسكافيه والسكر والحليب في الخلاط لمدة 3 دقائق واسكبيه في الكوب ثم أضيفي القليل من الماء المغلي واخلطي بالملعقة ببطء ثم أضيفي بقية الماء وزيني الكوب برشة من

حبيبات النسكافيه

خليط شراب الموكا بالتوفي

المقادير:

ثلاث ارباع الكوب نسكافه

+ كوب مبيض القهوة بودرة + نصف كوب حليب بودرة + ربع كوب كاكاو بودرة + كوب سكر بني .

الطريقـــــة :

تخلط كل المقادير

وتضرب بالخلاط حتى تصبح بودرة ... وتحفظ في اناء زجاجي محكم .

لعمل المشروب ...نتستعمل ملعقتين صغار على كوب ماء مغلي ... وممكن زيادة السكر حسب الرغبه .

خليط الكــــاكاو الساخن

المقادير:

8ونصف كوب حليب بودرة + كوب ونصف مبيض القهوة بودرة + 3 أكواب

كاكاو بودرة + كوب ونصف سكر ناعم .

الطريقة:

تخلط المقادير كلها وتحفض في وعاء زجاجي محكم .

لعمل الشراب .. يخلط نصف كوب من الخليط السابق مع كوب ونصف الكوب ماء مغلي . وممكن زياده السكر حسب الرغبه

شراب الموكـا بالقرفه

كوب نسكافه + كوبين من خليط الكاكاو السابق ذكرة + كوبين من منيض القهوة + ملعقه صغيرة قرفه + ملعقه صغيرة

جوزة الطيب + كوب ونصف سكر .

تخلط المقادير وتحفظ .

لعمل الشراب ... 4 ملاعق صغيرة مع كوب ماء مغلي .

قهـــوة نصف الليـــل

ثلثين كوب مبيض القهوة + ثلث كوب نسكافه بودرة + ثلث كوب سكر + ملعقه صغيرة هيل مطحون + ملعقه صفيرة

قرفه .

الطريقه:

تخلط جميع المقادير

وتحفظ . لعمل الشراب ..ملعقه أكل مع كوب ماء مغلي .

((( كابوتشينو )))

المقادير:

علبة حليب نستلة مركز- 4

اكواب ماء مغلي – علبة قشطة – 1/2ملعقه صغيره كاكاو -1/2 ملعقه صغيره نسكافي

توضع في الخلاط وتخفق جيدا حتى تتكون رغوة كثيفة ثم تصب في اكواب ويزين الوجة بالنسكافي

((( قهوة اللوز )))

المقادير:

حليب سايل – 5ملاعق كبيره سكر- 4ملاعق كبيره رز مطحون+ 1ملعقه كبيره نشأ – رشة هيل – 1كوب لوزمسلوق

ومدقوق

الطريقة :

نضع الحليب على النار مع السكر والرز والنشأ ويحرك بإستمرار حتى يصبح ثقيل شوية ثم نضع رشة الهيل وقليل من

اللوز ويترك 2دقيقة فقط ثم يصب في اكواب ويزين باللوز

((( نسكافي خيااال )))

المقادير والطريقه :

لكل كوب ماء ساخن ملعقة صغيرة نسكافي و2 ملعقه صغيره سكر تخلط في نفس الكوب

مع 2ملعقه صغيره ماء ساخن وتخلط جيدا حتى يصبح الخليط فاتح قليلا ثم يصب عليه الماء المغلي ويحرك بسرعة

نضع على وجة كل كوب قليل من الكريمة وبواسطة عود خشب تحرك الكريمة على الوجة حتى تمتزج وتاخذ شكل دائري

ذو لونين متداخلين ..

بالعااااااااااااااااااااااافيه يارب على قلوبكم و شتاء سعيد :blush2:

[nash]

شهيتينا يا نبض تسلم ايديكي يارب

هاضيف شويه صورة اتجنيت عليها وخصوصا درجه البروده غريبه عندنا وكده يبأة الموضوع أون لاين للجميع...بعد إذنك طبعا

صحتين وعافيه

[Nonna]

جميل جدا

اتكتبوا

وقايمة حالاااااااااااااااااااااا

أعمل كوباية شاي :happy:

[م.سامح المصرى]

ما شاء الله استاذة نبض الابداع

حاجات حلوة للبرد دا لحسن دا عامل معايا دور وسطوح كمان

ما فيش عند حضرتك طريقة عمل النسكافية بلاك من غير سكر

لحسن دا انا بحبة اوى وعندنا بيعملو بس مش عارف ازاى :happy:

شكل الطريقة صعبة جدا :wub: فلو الاقيها عند حضرتك

ابقى منموم .... لا مش هيا دى

مموم .... برضو مش هيا

ملموم .... ييييييييييييييه مش هيا

ابقى كويس يعنى لو لقيتها

وسلامى لكى استاذتى

[se_ Elsyed]

برد إيه وبتاع إيه ؟

ده أنا لو أتقدم لي كوباية زي دي

أتكسف أشربها وكل اللي اعمله إني أتصور جنبها

[Folana]

السلام عليكم ورحمة الله....

ومين سمعك يا ابو الاسيان....ولا اشربها ولا اخلى الضيوف يشربوها كمان...حتبقى عينات للعرض فقط...ويشربوا شاى اخضر...

:happy:

[Scorpion]

يا جدعان كابوتشينو ايه و كاكاو ايه...

البرد مالش غير حل واحد..

صحن شوربة عدس و جنبه راسين بصل اخضر...

و نحبس بكوباية شاي كشري ..

و الأحسن من ده كله

حد يدعيلي بقي

[se_ Elsyed]

كتير بيجيلي إحساس إن سكروبيون بيسرح بينا ويقول إنه في إيطاليا .. بس هو أساساً ما خرجش من شبرا وأخره محطة الخلفاوي ..

فحل عدس وطبق بصل يا مفتري ؟ ...

طب راعي شعور الناس اللي عايشين معاك في البيت

بلاش كده .. إفرض ضيوف غلسين طبوا عليك في البيت .. يقى منظرك إيه والبيت ريحته عدس ؟

وبعدين شوف الناس النواعم ...

حتبقى عينات للعرض فقط...ويشربوا شاى اخضر...

ناس بتتكلم في شاي أخضر وساليزون وحركات .. مش فحل عدس يا يا يا شبراوي ؟

بس سيبك إنت يا واد يابو جونيور ... اخوك سين سين عنده وصفة للبرد .. أقسم بالله تخليك ماشي في البيت تتنطط وتخبط راسك في الحيط من كتر الباور يا مان ..

وأنا عن نفسي سميت المشروب الشتوي ده " فودكا بلدي " وده من قوته وجبروته والطاقة التي يمنحها للنفر من دول والتي تبلغ حوالي 120 ميجا واط بمقياس ريشتر ... وبنسمية في الحارة عندنا ( حلبسه ) والفرافير من مرتادي كوبري قصر النيل بيقولوا عليه ( حمص الشام )

دلوقت فلانه هاتدخل تقولي :

ياي حلبسه إيه وحمص إيه ؟.... كتكو الكرف ( جتكو القرف )

إوعى تلتفت لأقوالها يا سكوب وخليك معايا ومد إيدك في المونيتور وألقف الشوب ده

من عربية اخوك الصغنن سين سين ... شعارنا ( أشرب حلبسه .. وادبح لمراتك البسه )

وإليك مقادير وطريقة عمل الفودكا البلدي

- تنزل السوبر ماركو وتشتري علبة حمص جاهز .. احسن الحمص الحب بيبقى مقرف وتقعد تنقع فيه يوم كامل وكل شوية تغير له الميه وشغلانه .

- وبعدين تاخد علبة الحمص على البيت وتغسل محتوياتها كويس من المواد الحافظة .

- وتقوم دالقها في حله صغيرة على لترين مياه بيضاء من الحنفية

- وتقوم حاطط عليهم معلقتين صلصة طوميطو ... ومقطع عليهم طوموطمينطي .. بأختصار 2 حبه طماطم عشان مش عارف أكتب الكلمة اللي فاتت ... وتحط عليهم معلقيتن خل طعام أبيض

- تسيب الخليط ده يغلي لمدة لا تقل عن نصف ساعة .( نص يا سكوب مش أقل من كده )

- وبعدين تقوم مزوده ملح طعام مُشبع باليود .

- تكون بقى سعادك جايب قزازة ميه معدنية حجم لتر بس فاضية زي مانا باعمل .. وحاطط فيها 3 ملاعق كمون مطحون ... على معلقة بهارات وتعصر عليهم قد لمونيتن تلاته ... وتزودهم نص كوباية ميه .... وتضع اهم مكون رئيسي للفودكا وهو الشطة الحراقة .. أنا بأستخدم هوت صوص اللي هو بالإيطالي يعني الشطة الجاهزة

زي اللي في القنينه دي ؟

ده يابني المشروب المُفضل لقراصنة الكاريبي ...

وتقوم قافل قزازة المية بالغطا اللي إنت حطه على جنب وما تضيعش الغطا زي كل مره يا سكوب ... وتفضل ترج ترج ترج في القزازة وأنت تطلق صيحات الفزع القرصانية اللي هي ( مين يعادينا .. واك واك ... في أراضينا ... واك واك )

وتقوم جايب كوباية كبيرة من اللي بتحطوا فيها شربات الورد للمعازيم في الأفراح وتقوم ماليها 10 % من الخليط الجبار ده على 45 % حب حُمص و45 % مية طرشي قصدي مية حُمص ... أي تغيير في النسب المئوية دي ممكن يؤدي إلى أثار جانبية خطيرة أقلها هو مرض سلس البول .. إنت حُر ...

وإشرب يا معلم واتحدى إن ما راحو جابوك من لوكسمبورج اللي جنبكو لإنك ممكن تاخدها جري من روما للكسمبورج في نص ساعة بعد ما تضرب لك شوب من الفودكا دي .

يا نهار مش فايت أنا بوظت الموضوع بتاع طنط نبض الإبداع وقلبته حلبسه وفودكا .. ربنا يُستر وما تشوفش المداخلة دي