بوسه لكل مواطن !!!! هي وصلت للدرجة دي يا حكومة ؟

[se_ Elsyed]

أقسم بالله ما صدقت نفسي وأنا أقرا الخبر ....

هي وصلت للدرجة دي يا حكومة الفساد ؟؟؟؟؟؟؟؟

جريدة المساء الحكومية .. واخدين بالكو .. يعني لا صحافة صفر ولا صحافة تهييجية

"بوسة" .. مع كل "رشة" !!

كتب - هشام ابراهيم :

صدق أو لا تصدق.. هذا يحدث في مصر الآن.. سيارة نقل كبيرة تقف بجوار حمام السباحة الأوليمبي بنادي الشمس تبيع أحد منتجات شركة عطور وبجوار السيارة تقف فتاة في حوالي العشرين من عمرها ترتدي ملابس ساخنة تقبل كل من يشتري العطر.

أحد الشباب أخبرها ان معه 5 جنيهات فقط فقالت له أنت لا تستحق سوي التسليم باليد. وفتاة تقدمت لشراء العطر لكنها لم تحصل علي قبلة لأن القبلات للشباب فقط حسب كلام صاحبة الملابس الساخنة!

شركة العطور وزعت مطبوعات تحمل صورة شفتين ومكتوباً عليها مع كل رشة من العطر تاخد بوسة.. ومع العطر في عيد الحب تاخد 100 بوسة"!!

أنا ساكن حالياً بيني وبين نادي الشمس حوالي محطتين اتوبيس ...

أتاريني كل ما أتصل على أخواتي من كام يوم مش لاقي حد في البيت وماما كل شوية تقولي دول راحوا يرتاحوا ويشتروا ريحة اللهي يريح قلوبهم

والله هم يبكي وهم يضحك

عيد الحب ده باين يوم 13 فبراير ؟

دي هاتبقى معجنه في نادي الشمس والشركة بتاعت الريحة ممكن تستعين بقوات إضافية عشان تلاحق على الأوردرات ..

بس عندي سؤال : هما عدم اللامؤخذه شرطة الأداب او أمن النادي سافروا بره لا سمح الله ؟ .. ولا ده بقى العادي والناس صدقت الكلام اللي بيحصل لما الواحد يشتري حاجه ويختلف مع البائع يقوم قايل له : يا عم أدي الحاجه اهي وفوقيها بوسه ..

بس ما كانش بيحصل بوس أساساً لإن البياعين غالباً بيبقوا رجاله .. زائد إن الواحد بيقرف أساساً ...

[Salwa]

شوف ياسى السيد ..

حكاية البوسة دى كانت تقليد كان متبع زمان(( فى بلاد برة )) لما مثلا واحد يفوز فى مسابقة رياضية والا حاجة كدة ...تقوم اى نجمة مشهورة تقدم له الجايزة ومعاها ....بوسة ( يعنى جايزة تانية بالنسبة له )..

ودى حاجات كانت بتبقى فى الافلام ( تقريبا ) بس..

انما عندنا ؟؟

والله العظيم احنا حديثنا هنا فى البيت ...(خد بالك مش على النت ) ...كله على درجة الهيافةاللى الناس وصلوا لها ...وكان الاولاد بيعترضوا ومصممين ان تغيير مفاهيم الشباب راجع للبث الخاطئ فى الاعلام ..

وان الافلام والمسلسلات والدعاية تفسها كلها موجهه لشريحة معينة من المجتمع ...( وكأن فئة الشباب دول عايشين فى اميركا وبيخاطبوهم على هذا الاساس .)..

يعنى ناس بتتبهدل علشان تلاقى رغيف عيش ..( نضيف..وصالح للاستهلاك الآدمى ) ...

تقوموا تسمحوا بالاعلان عن نوع من البرفانات والجايزة بوسة ؟؟

ومش مثلا من ممثلة مشهورة ؟؟ لالالا ..ده بقى .من واحدة رضيت تشتغل ..(( بواسة ...ومش عاوزة اقول ..دواسة ويكون المعنى اصدق ..)) ...والله هم يبكى وهم يضحك ...ماهى اذا كبرت المصيبة اضحكت ...

واتارى ...

احنا فاكرين الناس مشغولة او فى اشغالهم اتاريهم كلهم واقفين فى الصف ...

بيقولوا لنفسهم ...آهو...قليل من البر ولا الحرمان ...وآهو ...الواحد يتكلين ويبوس وكله شروة واحدة ...

ارحمنا يارب برحمتك ...

[إيزيس]

خبر عاجل................

مظاهرة تضم الآلاف من البنات والسيدات الثائرات يطالبن بالمساواة في هذا الشأن

ونحن من هنا من هذا المنبر الحر نشجب هذا التصرف و نعلن تضامننا مع الثائرات و قد أعلنت منظمات حقوق الإنسان وجمعية المرأة المستفزة وجمعية سيدات بلا رجالة تنظيم وقفة احتجاجية أمام نادي الشمس لحين الاستجابة لمطالبهن .

آه يا خوفي لا يحصل بجد 0000000000 إنا لله وإنا إليه راجعون

[amrhoras]

انا كنت ناوى اجيب عطور للاسره من هنا

انما الحمد لله مصر فيها بقى انزل اجيب من هناك

قولتولى فين العنوان :blush2:

*********

والله خبر بمليون جنيه يفقع المراره

حسبي الله ونعم الوكيل ف فساد الاخلاق

[nash]

:blush2:

:blush2:

:wub:

أنا أهو حذفت ردي قبل ما اكتبه

[zizetta]

طيب لو واحد إشترى زجاجة عطر في عيد الحب .. وبعد ما وصل البيت حس انه اتدبس ( في العطر) فقرر يرجعها .. تفتكر حيرجع كل الل خده برضة ..

قولي بصراحة يا سي السيد .. باين عليك موجود برة مصر .. علشان كده الخبر ده حازز فيك أوي :blush2:

أهي نسخة حية من اللي بنشوفه يوماتي في الفضائيات .. خلي الغلابة تتفرج .. .. حنقول ايه .. أما أروح اتفرج .. :blush2:

تحياتي

زيزيتا

[Ghost]

يعني حتى الغلبان يا عيني ما لوش بوسة حتى في هذا الزمان و هذا البلد

و الله الواحد ما عارف يضحك و لا يبكي لحال البنات اللي بيبيعوا جسمهم رخيص علشان مش لاقين رغيف العيش

الاخلاق بتتغير علشان الواحدة تتجوز في زمن العنوسة و البطالة و الفقر

مش عارف مبارك و شلته القذره حسابهم عند الله هيكون شكله ايه

ربنا يعاملهم بعدله و يبعدهم عن رحمته

امين

[se_ Elsyed]

و الله الواحد ما عارف يضحك و لا يبكي لحال البنات اللي بيبيعوا جسمهم رخيص علشان مش لاقين رغيف العيش

لأ معليش

مش دول اللي بيبيعوا جسدهم عشان لقمة العيش ..

لكن هي دنائة وطفاسة بعيد عنك وبنات ما تربوش وعايزين يوصلوا سريع سريع ....

على فكرة دي ممكن تلاقيها خريجة الجامعة الأمريكية مثلاً لكن بتدورها في دمغاها وتقول " يا بت يا نواعم إنتي لسه هاتستني جواب القوى العاملة وأتعين سكرتيرة ولا بتاعت علاقات عامة واخد لي 5000 ملطوش اخر كل شهر .... إديها ريحه ومرتب وعموله مريحه " وبعدين يا سيدي هي البوسة بتلزق ولا شفايفها هاتخس من كتر البوس ؟

ويا سيدي البنت طالما محافظه على شرفها ومقضياها نظري بس يبقى هي كده في السليم .

[MZohairy]

لو الإزازه ببوسه :unsure:

اللي يحب يشتري كرتونه حيعمل ايه؟ :sad:

[nash]

و الله الواحد ما عارف يضحك و لا يبكي لحال البنات اللي بيبيعوا جسمهم رخيص علشان مش لاقين رغيف العيش

لأ معليش

مش دول اللي بيبيعوا جسدهم عشان لقمة العيش ..

لكن هي دنائة وطفاسة بعيد عنك وبنات ما تربوش وعايزين يوصلوا سريع سريع ....

.

لم يكن الفقر يوما مبرر للفساد الخلقي والإنحراف

[MZohairy]

لم يكن الفقر يوما مبرر للفساد الخلقي والإنحراف

والله يا ناش انا شايف ان الفقر هو اهم اسباب الانحراف الاخلاقي

سيدنا علي ساب كل حاجه و قال لو كان الفقر رجلا لقتلته

الفقر هو اكبر بوابه للإنحراف والتنازلات

[MZohairy]

عيد الحب ده باين يوم 13 فبراير ؟

14 فبراير

و يوافق عيد جوازي كمان :sad:

[nash]

لم يكن الفقر يوما مبرر للفساد الخلقي والإنحراف

والله يا ناش انا شايف ان الفقر هو اهم اسباب الانحراف الاخلاقي

سيدنا علي ساب كل حاجه و قال لو كان الفقر رجلا لقتلته

الفقر هو اكبر بوابه للإنحراف والتنازلات

والله يا زوهيري أنا شوفت فتيات منتهي الفقر...وربي الشاهد فقراء بمعني الكلمه وعلي قدر عالي من الجمال..ومع ذلك يعملن في مهن منتهي التواضع ولم تفكر واحده في الإنحراف...

طبعا الفقر أحد الأسباب ولكن إذا كانت الفتاة تخشي الله صدقني لن تنحرف أبدا وتصل إلي هذا المستوي الذي وصلت إليه في نموذج سي السيد....

حتي عند البلاء لم تستتر ...

هناك مثل يقل...تموت الحرة ولا ******

[امانى]

ابدا يا اخى زوهيرى مش الفقر سبب الانحراف

انا اعرف ناس لا يجدون قوت يومهم ومع ذلك يحافظون على ماء وجوههم من التسول مش الانحراف

وفى ناس تمتلك ملايين والانحراف فى دمهم

فى مثل بيقول ان لم تستحى فافعل ما شئت والبنت دى نموذج للاستهتار والتبجح من اجل الثراء

السريع دون مراعاة لدين ولا اخلاق ولا قيم

صحيح الفقر احد اسباب الانحراف كما تفضلت وناش وقالت بس مش بالكيفية دى يعنى ممكن يسرق

علشان ياكل علشان بيتعاطى مخدرا ت لكن تسيب نفسها لكل من هب ودب علشان لقمة العيش

لأ والف لأ وحسبى الله ونعم الوكيل

امانى

[MZohairy]

انا وضحت في كلامي ان الفقر هو اهم اسباب الانحراف

و ليس كل اسباب الانحراف

بدليل وجود اغنياء منحرفين

لكن لا شك ان الفقر كلما ازداد شده ازدادت فرص الانحراف بقوه

[amrhoras]

يا اخوانى جميعنا فقراء الى الله

الفقر ليس كثرة فلوس او قلتها

ممكن فقر فى الاخلاق او فقر فى المبادىء واقبحهم هو الفقر فى الدين

لذلك نجد بنات وبرده شباب مستهترين عقولهم فاضيه يقولوا هواى نوت طالما هوصل اعمل اللى انا عوزاه

نسيت فقر التربيه الرك ع التربيه

لا اله الا الله مش عارف اقول ايه غير حسبي الله ونعم الوكيل فى كل من غرر بعقولنا وخلانا نوصل للدرجه دى من الانحطاط

شكرا

[Ghost]

طبعا يا سي السيد انا معاك ان الطمع من اهم اسباب الانحراف

و بالتاكيد الفقر عامل مهم جدا و ضاغط لزيادة الانحراف

ممكن نشوف حالات كتير بتتنازل علشان خاطر عيالها و لقمة عيشها

انعدام الوازع الديني هو اهم سبب في رأي

انعدام التربية و انشار ثقافة العري و الجنس عامل اخر مهم

شكرا