خبر عاجل - حريق في مكتبة الاسكندرية

[elbana]

أنا بأتساءل إيه الل يخلي ماس يحصل في المكتبة رغم إنها مفتتحة حديثاً وفيها تكنولوجيا حديثة ، والمبنيى لسه بشوكه والتوصيلات الكهربائية المفروض إنها بحالة ممتازة؟ أتمنى ألا يكون هناك إهمال بشري وراء الأمر ، وأتمنى أن نحافظ على مقتنياتنا اللي عمالة بتقل يوم عن يوم . أنا عارف إن احتمالات الخطأ موجودة بنسب معين في كل عمل بيقوم بيه الإنسان ، لكن المهم دائماً هو البحث عن أسباب الخطأ ومعاقبة المخطئ إن وجد ومحاسبة المقصرين ، الحريق ده كان ممكن لا قدر الله يطول أماكن كتير من المكتبة ويتسبب في موت حد وفي فناء مخطوطات ومقتنيات نادرة في المكتبة ، والمفروض تعلن أسبابه بعد بحث الملابسات ويعرفونا إيه اللي حصل وأدى لحدوث الماس الكهربائي في الدور اللي فيه العاملين بالتحديد؟

[se_ Elsyed]

- وبرضوا اللى مستغرب له ان ده مش ميعاد الجرد السنوي !!!

- لكن الحمد لله انها جت سليمه ... كنت هازعل قوي لأنى باعتز بالمشروع الجميل ده فى المدينة الغالية على قلوبنا المحجوبية قصدي الأسكندرية.

- شكر واجب : شكراً للدكتورة شعنونة مراسلة المنتدى فى الأسكندرية التى ننتظر عودتها سريعاً من رحلة الأستجمام ،

عودي يا هاميس ........ عودي على الأقل علشان تقوليلي شخصياً على موضوع فاكهة الكوكواوا دى اللى هي أساساً هجين ما بين البرتقال والبشملة اللى مش عارف هي أيه برضوا ... للعلم أنا مش عارف أنام من التفكير فى نوع الفاكهة دى أرحميني وقوليلي أيه البشمل دى ؟!!!! .... هاموت :roll:

[الطفشان]

لي قريب عمل مع الشركة الاستشارية لتصميم المكتبة

قال لي ان هناك ابواب ضد الحريق تغلق تلقائيا فيها بحيث انه لو اندلع حريق يتم احتواؤه في مكان معين، و لا ينتشر في اماكن اخرى

و بصرف النظر عن سبب الحريق الاساسي، يبدو ان هذا النظام عمل كما يجب، فلم ينتشر الحريق و لم تسجل خسائر للارواح

و لو تبين ان السبب هو ان بعض الموظفات نسيت سخان الماء الذي تعمل عليه الشاي بينما تقوم بتقميع البامية، فيبقى عليه العوض في مصر، مهما عملنا الامخاخ هي هي

[amir]

و لو تبين ان السبب هو ان بعض الموظفات نسيت سخان الماء الذي تعمل عليه الشاي بينما تقوم بتقميع البامية، فيبقى عليه العوض في مصر، مهما عملنا الامخاخ هي هي

هو ده مربط الفرس

المهم هو الاداره الحازمه و ليس نفس عينة موظفين الحكومه .

و الملاحظ فعلا أن الحريق تم فى مكاتب الموظفين لأنهم بدون رقيب ، اما رواد المكتبه فلم يحضروا الباميه معاهم .

[MuslimaEgyptian]

الحمدلله إن ربنا سترها، وخصوصا رأفه بنا فى تحمل المزيد من الاخبار الحزينه فى ظل الاجواء التى نعيشها...الحمدلله...خاصا وحادثه قطار الصعيد ومراره ذكراها التى لم تنسى بعد...

الحمدلله..