إبتسم مع السيارات

[zizetta]

اودى حكايتى يا رجالة

كنت قاعد مع ماروتى لحظة شيروكى الشمس

قولتلها يا مازدا

قولتلك الفا روميو

ميتسوبيشى العيال لوحديهم فى البيت

لحسن حد فيهم يجيب من الشباك

يقع يكسر سوبارو او يموت شاهين

ودى تبقى كورسا

قالتلى كيا بونتو تشك فيا

قولتلها ايوه هوندا ده الكلام

بس لو عملتى كيا تانى

هوديكى فى سيتروين داهية

تحياتي

زيزيتا

[amrhoras]

اودى حكايتى يا رجالة

كنت قاعد مع ماروتى لحظة شيروكى الشمس

قولتلها يا مازدا

قولتلك الفا روميو

ميتسوبيشى العيال لوحديهم فى البيت

لحسن حد فيهم يجيب من الشباك

يقع يكسر سوبارو او يموت شاهين

ودى تبقى كورسا

قالتلى كيا بونتو تشك فيا

قولتلها ايوه هوندا ده الكلام

بس لو عملتى كيا تانى

هوديكى فى سيتروين داهية

تحياتي

زيزيتا

ماشا الله على مواهب السيارات

سيبنا فن التريكو وقعدنا نعدد فى انواع العربيات

نسينا الكلام فى التويوتا والمرسيدس وكمــان القيات

وعجبي

بجد انتى حكايه يامدام زيزيتا

:lol: :sad: :D

[zizetta]

واحشني يا عمرو والله .. علي فكرة الكلام ده مش من تأليفي .. قريته وعجبني فقلت أرسم بيه بسمه على وجوه الزملاء .. خصوصا بعد ما خابرت حكاية الإشاعة اللي شغالة في المنتدي عن موضوع سيارة لكل مشرف .. :lol:

تحياتي

زيزيتا

[إيزيس]

طب والله لأحكي لكم حكايتي مع سيارتي

الحقيقة دي سيارة مسكينة غلبانة غرقت في الإعصار وكانت على أصحابها عزيزة ولذيذة وبعد تيك وتاك وطاخ وطيخ ربنا أذن لها تمشي على أربع مرة تانية وكانت فرحة العيلة بيها كبيرة وخاصة الأب لأنه بيعتز بيها زي واحدة من عياله طبعا ما هو عمل بيها أجمل حادثة وقتها كان عمر السيارة الحبوبة 10 سنين وبعد تيك وتاك وطيخ وطاخ رجعت تعرج قصدي تمشي على أربع ولأن الأب بيحبها ما رضيش أبدا يفرط فيها وأشفق عليها من مشواره اليومي الطويل ما هو الاب كمان يا حبايبي الحلوين غلبان بيروح شغلة علشان يأكل ولاده وشريكة حياتة من بعد ما يصلي الفجر الأب مشواره طوييل طوييل والسيارة الغلبانة صحتها تعبانة بعد قصة حياتها المؤلمة صعبت على الأب العطوف الرؤوف قام إداها لمراته شريكة حياته هدية قهرية إجبارية وأخد سيارتها العفية ورغم إن الزوجة مفترية و ما بترضاش بالحركات ديه قالت له حاضر يا بو عيالي الأمر لله وليك يا كل آمالي .وكل يوم يا حبايبي ليها مع السيارة قصة تخلق في القلب غصة وفي الشعور أكبر وكسة يوم تفتح السيارة قزازها لوحدها والزوجة تقول ياللا مشواري هين وان شاء الله بالوقت تتلين ويم تزمجر ويوم تدخن ويوم تفتح شنطتها وهي ماشية لوحدها والزوجة تقول دة سحر واللا غضب واللا يمكن فيها عطب !! وفي يوم من ذات الأيام والأم ماشية في أمان الله وبتسمع ماشي في نور الله ويروح كرسي الزوجة المسكينة راجع للخلف بكل قوة والأم في الدوار ومسكت في الدريكسيون وقالت الشهادتين والناس حواليها ع الجنبين يقولوا يا من سواقة الستات يا ليل يا عين مايعرفوش اللي فيها وإن السيارة الغلبانة بتهزر معاها ولما أبو عيالها سمع منها ضحك وقال انت مش قادرة تحبيها لكن ولا يهمك يا زوجتي الحبيبة أنا هأربيها وعند الميكانيكي هاوريها ولما الميكانيكي ماعرفش فيها قاله دي جنب الحيط وترميها لكن الزوج الأصيل غير آخر حاجة فيها ماهو كل حاجة في السيارة الغلبانة متغيرة إلا الدريكسيون وده كان آخر الحلول يمكن يأثر فيها

دلوقت يا حلوين حكيت لكم الحدوتة حلوة ؟ حلوة يبقى نسمع الغنوة

[amrhoras]

:lol: هههههههههههه قصه مثيره ومضحكه والله يامدام قرنفل

ينفع يتغنى بيها ظلموه ههههههه

مواهب والله بس نسيتي تقوليلنا حاجه اسمها ايه يا مدام قرنفل؟؟؟؟؟؟؟؟؟؟

*****

مدام زيزيتا ربنا يكرمك والله انتى اللى وحشانا والمنتدى نور بوجودك واوعى تغيبي تانى انا بقولك اهوه عوزين نعمل حضور وانصراف لاهل المنتدى علشان التغيبين يتخصم منهم

[إيزيس]

نسيتي تقوليلنا حاجه اسمها ايه يا مدام قرنفل؟؟؟؟؟؟؟؟؟؟

ما كانش العشم تسأل السؤال ده يا عمرو

وأنا معقولة أقول اسمها

!!!!!! أفضحها

ولا يمكن أبدا

[امانى]

ايه الجمال ده يا زيزيتا فينك من زمان وحشتينا والله وجودك بالمحاورات له بصمة رائعة وبسمة جميلة

متغبيش تانى خلاص الشتا خلص والنت انصلح حاله يعنى ملكيش حجة بقى

انا وجهتلك نداء من ورشة ناش لما غبتى عنا 0 سعدت برجوعك لورشتك ويلا ندخل على الشغل الجميل وشرحك

الراقى

بعد ازنك يا زيزيتا اوجه كلمة لقرنفل علشان هى كمان طلعت زيك دمها زى العسل ولها فى الشعر هى كمان

مداخلاتك رائعة يا قرنفل وعربيتك يظهر من نفس نوع عربيات ناس تانيين يالا ربنا يستر بقى

حمدا لله على سلامتك يا زيزيتا :lol: :sad: :D

[إيزيس]

و الله ما تغلى عليكي يا أماني :sad:

[vipwithyou]

بجد رسمتى فعلا ابتسامة رقيقة على وجهى على الصبح كدة

شكرا ليكى اخت زيزيتا

[semsema]

اودى حكايتى يا رجالة

كنت قاعد مع ماروتى لحظة شيروكى الشمس

قولتلها يا مازدا

قولتلك الفا روميو

ميتسوبيشى العيال لوحديهم فى البيت

لحسن حد فيهم يجيب من الشباك

يقع يكسر سوبارو او يموت شاهين

ودى تبقى كورسا

قالتلى كيا بونتو تشك فيا

قولتلها ايوه هوندا ده الكلام

بس لو عملتى كيا تانى

هوديكى فى سيتروين داهية

تحياتي

زيزيتا

مدام زيزيتا انتي بجد مالكيش حل :unsure:

دي احسن حاجة تفتح النفس بعد امتحان ادب صعباوي طحن :sad:

[zizetta]

عمرو أماني وسمسمة وتامر السيد .. إيه رأيكم بفى أهي قرنفل جت تطل غلبت الكل .. بجد ظريفة أوي الحكاية دي .. فكرتني بواحدة أعرفها .. واحدة عربية يعني ..

زيزيتا

[إيزيس]

شكرا وأخجلتم تواضعي

[amrhoras]

الحكيكه

ان كان مدام زيزيتا ومدام قرنفل ماشا الله خفة دم متناهيه جدا

ربنا يديمها عليكما نعمة شوفتوا بالفصحى اهيه عليكما (ما المثنى) والجمع عليكم وجميع المؤنث السالم عليكن مش عارف مثني المؤنث السالم ايه

عموما مش مشكله بقى

اروح اشوف اللى ورايا عامل زى المرض مش راضى يعتقنى

جيلك ياعنيا

سلام

[م.سامح المصرى]

مدام زيزتا

نورتينا تانى والله

طب مش تقولى ان النت مقطوع كنت اوصلك وصلة (ما تخافيش مش هادفعك كتير 150 بس )

بس بجد موضوع حضرتك وبالزات رد استاذة قرنفل خرجنى من اودى (قصدى مودى )

بعد ضرب النار الى كان حاصل

بس حمد لله على السلامة يا ريس