تحب تعمل إيه لما تنزل مصر

[إيزيس]

:rolleyes: شكلك نازل قريب يا أستاذ عمرو

عامة ولا يهمنا كلها شهرين تلاتة أربعة وننزل..........عادي

أجازة سعيدة إن شاء الله :blush2:

[nash]

وبما أنكم بتشكروا في ساقيه الصاوي ...يبأة أروحها بعد ما أزور المهندسين

دي المهندسين هاتنور يا استاذة

بس شوفيلي معاكي كام نفر علشان اروح احجز الشاعر نفسة :rolleyes:

لا بس بجد تنورى

تسلم يا سامح والله كرم أخلاقك احرجني وكدهوت ...ياريت وانت بتحجز الشاعر تاخدلي الكرسي اللي جنب الشباك....وبعيد عن دوشه العيال اللي بيقعدوا يعيطوا ويعملوا هيصه....

اة نسيت كمان بجد نفسي اروح خان الخليلي ...من سنين طويله مارحتوش...نقدر نقول من ايام رحله الجامعه...وأقعد علي قهوة الفيشاوي..أتصدمت لما شوفتها أول مرة كنت فاكراها خمس نجوم علي اساس كانت المفضله عند مشاهير الأدباء في مصر...

إن شاء الله هاحاول أعمل توريست وتور حلو السنه دي...هاحاول مش أكيد يعني :blush2:

[se_ Elsyed]

يا حبيبي فوق شويه من الاحلام دي .. ده أنت كده عايز لك قد 5 شهور بلياليهم عشان تلف اللفاليف دي كلها

( هايروح كل الأماكن دي وأنا هايطلع عين أهلي وأشم جبس في الإجازة ؟ جاتنا نيله في حظنا الهباب )

---------------

محسوبكو بقى ناوي في الاجازة دي اعمل " عبد المنعم مدبولي " في فيلم الحفيد !!!!!!!!

آه والله

يعني ناوي أدور لي على بتاع فراخ بلدي كويس ما يكونش عند فراخه إنفلونزا الطيور

وناوي أدور على بتاغ مُغات كويس من اللي يشربوه بعد الولادة

وبتاع شموع ما تكونش سوداء زي بتاعت عم صالح سليم وأبله نجاة الصغيرة اللي ما بتكبرش أبداً

وكمان عربية فشار كويسه لزوم السبوع

وده لإن عقبال عندكو عندي ولادة صيفية

ما حدش يفهمني غلط .. مش انا اللي هاولد .. ولكن المدام طبعاً ومنتظرين البامبينو التالت بإذن الله هايدي الصيفية

فبالصلاتو عالنبي شكلها هاتبقى أجازة سوقع .. وبس يا واد وإسكتي يا بت ... وإنزل إشتري لنا بامبرز يا سي السيد .... واعمل الرضعة للبيبمبو يا سيد السيد وأتأكد من تعقيم البزازة وبعدين أملى حلة ميه ساقعة وغطس البزازة فيها عشان تبرد وما تلسعش البيبي ...

لكن اخوكو متعود عالزوغان وبأحجز بلاكون دايماً ... ولي صومعه خاصة ما حدش بيقرب لها وبأبعد عن دوشة العيال ... زائد بقى إستخدام بعض الأساليب الإلتوائية البرئية مثل : أنا مضطر أقطع أجازتي لمدة إسبوع يا حبيبتي عشان عندي إجتماع مهم خارج مصر ولو حد وصلني المطار بيلاقيني فعلاً بأدخل الصالة ومعايا شنطة سفر وحركات ... بس بزوق على أي مكان هاديء داخل مصر وأعيش اللحظة مع نفسي ...

فاللي هايورح الشرم أو الغردقة هايلاقيني هناك لواحدي لابس الشورت وماسك كوباية عصير برتقان وقاعد على الشاطيء وداهن جسمي زيت عربيات عشان أكتسب اللون البرونزي و بأعمل دماغ مع نفسي ...

إدعوا لي بقى ربنا يقويني .. ما هو كله عشان مصر .. وطالما سين سين دماغه متكلفه ... يبقى مصر دماغها هي كمان متكلفه

[nash]

:rolleyes: :blush2: :lol:

ألف مبروك ياسي السيد ..وإن شاء الله تتربي في عزك وفي عز مامتها....

قلبي حاسس أنها إن شاء الله بنت... :rolleyes:

بجد خبر يفرح..... :ninja:

قولتلي اسم الفندق في شرم ايه؟؟؟

هاتلاقي هديه ( كمين ) مستنيك هناك

[إيزيس]

خيانة

بأة كده يا سي السيد دي آخرة خدمتي ليك العمر ده كله

تشرب عصير برتقال من غيري

ما كانش العشم

وسايبني لايصة عيلين في إيدي والتالت على كتفي والله لا أروح لنينة أشتكي لها ...........هات ربع جنيه علشان اركب السوارس

الست أمينة

[التونسى]

اجازتى لمصر السنه دى ان شاء الله حتكون اجازه مختلفه تماما عن الاجازات السابقه wst:: ... رغم انها حتكون قصيره نسبيا ((اقل من شهر)) ...لانى قبلت التحدى مع نفسى وقررت و ناوى بجد استمتع بها :rolleyes: ... ومش حسمح لجيرانى فى الشارع انهم يعكنونى كل يوم الصبح بمنظر قاذوراتهم وهى مرميه على جنبات الطريق رغم ان فيه مقلب قمامه كبير !!!!! :sad: ..حتغاضى واتغافل wst:: ... وحا اسد انفى وعيونى ..كل يوم وانا نازل وانا طالع للبيت :closedeyes: ...ومش حسمح لاى موظف فى اى مصلحه خدميه انه يقرفنى بالروتين العقيم :ninja: ... او يدفعنى لدفع اى رشوه ...لانى ببساطه مش ناوى اعمل اى اوراق .. والبركه فى احد اقاربى اللى معاه توكيل باسمى وممكن يعمل بيه اى شئ يتعلق بيا :blush2: ......ولانى حاجى فى بداية الصيف . فلازم ولا بد اركب التكييف لانى عانيت جدا جدا من موجة الحر السنه اللى فاتت الى اجتاحت مصر وتعبتنى حقيقى رغم انى كنت مفتقد شمس مصر جدااااااااااا :wub: ... واهم شئ حعمله انى حتقابل مع اعضاء منتدى مدينتى واللى بتفاعل معاهم وبعايشهم عبر النت منذ اكثر من ثلاث سنوات :rolleyes: .. كان مفروض اللقاء الجميل ده يتم من سنتين تقريبا لكنه كان تقصير منى صراحه :unsure: .. لكن ملحوقه باذن الله ::

[م.سامح المصرى]

السلام عليكم ورحمة الله وبركاته

استاذى marawan

دا الشرف ليا انا يا ريس اني ان شاء الله هاتعرف على شخصية محترمة زى حضرتك

وان شاء الله على معادنا ما تنساش ها :closedeyes: :rolleyes:

-------------

استاذتى ناش

بس كدة انتي بس تعالي

(اطفال بتعيط و١٣ نفر من عندى وكمان ١٧ نفر )

انا بقول اية ....... احنا نحجز الساقية ونعيش بقي

----------------------

اخ عمرو

انتا عايز تروح فين ان شاء الله

نسيت ان انتا اول ما تنزل من الطيارة ام شاء الله ورانا متش كور،

لا واية وهانروح بالعربية السيات ام باب واحد

اهوا حتى لما نزقها كأننا بنسخن

-------

سي السيد

الف مبروك يا ريس

وان شاء الله يكون لك والولد الصالح يا رب

وماتنساناش (مش قصدة تنسا الاستاذة ناش من السبوع

ها ومبروك مقدماً

بس انا اخالف استاذتى ناش (معلشي يا استاذة )

انه ولد مش بنت

وسلامى لكم

[se_ Elsyed]

:rolleyes: :blush2: :unsure:

ألف مبروك ياسي السيد ..وإن شاء الله تتربي في عزك وفي عز مامتها....

قلبي حاسس أنها إن شاء الله بنت... :rolleyes:

بجد خبر يفرح..... :closedeyes:

قولتلي اسم الفندق في شرم ايه؟؟؟

هاتلاقي هديه ( كمين ) مستنيك هناك

وكتاب الله لو طلعت بنت يا ناش يبقى ليكي الحلاوه .... ولو ما بتحبيش الحلاوة يبقى لانشون أو إن شالله يارب جبنة فلامنك ... وعندي أستعداد ساعتها أشغل لك ياسر نائب رئيس مجلس الإدارة ... وكل اللي يجيبوا ربنا كويس لو ولد ... يبقى معرفوش وخليه يعتمد على نفسه ويقرا موضوع الواسطة بتاع اونكل شاوشنكو .....

بس أنا مش عبيط عشان أقولك إني بأنزل في فندق الـ " صن رايز "

وبعدين يا ناصحه كل شيء معمول حسابه ..

أولاً الست الوالدة ولا نفسه - كده صح الكلمة دي - ما بتتحركش عشان الحركة وحشة عشانها وبتشرب عسل إسود ومغات بس ... عشان ترم عضمها ..

ثانياً مراتي عارفه إن تليفوني فيه roaming وبالتالي لما بتتصل وأنا أكون في أي حته بأرد عليها وبراءة الأطفال في عيني وباحاول أكتم أيش صوت ميه ولا رمله حواليه ... ...

كل شيء مدروس وخطة ما تخرش الميه ... عيب يا ماما .... خِبرررررررررررررره

------------

يا أمينة ما هو سي السيد كان بيسهر كل يوم عند الست بديعة مصابني ليه ؟ مش عشان يفرفش وينسى هموم الحياة ويروق لكم ... وبعدين لما الواو تخف قتقومي تلمي الهاند باج بتاعتك وعلى الفيلا بتاعت مامتك عشان تحرمي تتشعبطي في السوارس من ورايا وتقوليلي سيدنا الحُسين ناداني وإنتي أساساً رايحه تشيشي على قهوة الفيشاوي

[Handasah]

اولا مبروك :rolleyes: ويارب تبقى زيك كدة دمها خفيف وانا مسيبهاش ابدا لعمر ابنى .دة فى حالة البنت :rolleyes:

اما فى حالة الوالد استنى اما اجيب بنت وبعدين افكر بس اكيد برضة هيطلع دمة خفيف زيك . الف مبروك :blush2: :unsure:

ثانيا يارب اتعلم واكون زيك واعرف اهرب زيك كدة احسن كل مرة بتقفش

ممكن اخد عندك درس خصوصى فى كيفية ترييح الدماغ :closedeyes:

[Handasah]

اول مجت سيرة الاجازة نسيت اقول الكلام اللى فات دة لمين طبعا لحبييب قلبى ( سى السيد ) :closedeyes: :rolleyes:

[se_ Elsyed]

اولا مبروك ويارب تبقى زيك كدة دمها خفيف وانا مسيبهاش ابدا لعمر ابنى .دة فى حالة البنت

اما فى حالة الوالد استنى اما اجيب بنت وبعدين افكر بس اكيد برضة هيطلع دمة خفيف زيك . الف مبروك

ثانيا يارب اتعلم واكون زيك واعرف اهرب زيك كدة احسن كل مرة بتقفش

ممكن اخد عندك درس خصوصى فى كيفية ترييح الدماغ

يا عم عنينا ولو إني ضد الردوس الخصوصية .. لكن هناك معاملة خاصة لأعضاء جمعية الازواج المقهورين وانا عامل كورس قريب هايبقى في قاعة المؤتمرات من 6-7 إبريل هايبقى بعنوان

" كيف تقرطس مراتك ... من غير ما تخسر حياتك "

والأولوية لسرعة الحجز

بالمناسبة ... عندي لك هدية ... ووالنبي ما هي راجعة يا شيخ ... الولا عُمر طالع نُسخة مني شكلاً وموضوعاً ودماً وغلاسةً لدرجة ساعات بأبقى عايز اخنُقني في صورته ...

جهز إنت البنت وبعدين نتكلم في التفاصيل العفش والشقة اللي في التجمع الخامس المطلوبة منكم وخلافه ... ومش هانختلف لإني هاديكو راجل ...

خد الحته دي .. هي قديمة شويتين لكن تقضي الغرض

[nash]

بسم الله ماشاء الله ربنا يبارك وعلي راي جدتي...

اللهم بارك فيه ولا يؤذيه...يخزي العين شو بيجنن....>>>>>جدتي اللي بتقول كده أصلها كانت بتحب تعيش الدور شويه... :blush2: :closedeyes:

أنا من النهارده في الصومعه ونازله دعاء...يارب بنوته حلوة لحسن بجد زهقت من الصنف التاني ربنا يحفظهم..ويقولوا البنات أكتر من الولاد ...لأ دي مقوله حقوده مش صح... :rolleyes:

وإن شاء الله أزوركم وياسر رئيس مجلس الوزارة مش صح برضك :rolleyes:

[واحد تاني]

محسوبكو بقى ناوي في الاجازة دي اعمل " عبد المنعم مدبولي " في فيلم الحفيد !!!!!!!!

آه والله

يعني ناوي أدور لي على بتاع فراخ بلدي كويس ما يكونش عند فراخه إنفلونزا الطيور

وناوي أدور على بتاغ مُغات كويس من اللي يشربوه بعد الولادة

وبتاع شموع ما تكونش سوداء زي بتاعت عم صالح سليم وأبله نجاة الصغيرة اللي ما بتكبرش أبداً

وكمان عربية فشار كويسه لزوم السبوع

وده لإن عقبال عندكو عندي ولادة صيفية

ما حدش يفهمني غلط .. مش انا اللي هاولد ..

:

:

:

إدعوا لي بقى ربنا يقويني .. ما هو كله عشان مصر ..

ناوي أعمل زي الأخ ده ... :closedeyes:

[nash]

أخي العزيز واحد تاني ...

كلاكيت تاني مرة :rolleyes: :blush2: :unsure:

ألف ألف ألف مليون مبروك ...إن شاء الله يوصل ولي العهد بالسلامه والماما بصحه ممتازة...وإن شاء الله البابا مش هايخلع زي أخونا سي السيد...

المفروض نفتح باب استقبال المواليد لإبناءالمتحاوريين :closedeyes:

وهايبأة باب كله هيصه ودوشه وأخر جمال...وشوفوا بأة اللي يفكر يقرب منه..يبأة بايع عمرة ومستغني عن دماغه....

إن شاء الله يكون صبي جميل وامور وربي يحفظه من كل سوء :rolleyes:

[إيزيس]

ربنا يقوم كل المامات بألف سلامة ويجيبوا لنا محاورين و محاورات صغننين وحلوين يا ختي عليهم شربات :closedeyes: :rolleyes:

الله يحميهم ويكبرهم ويكونوا أحسن مننا في زمن أحسن ودنيا أكثر عدلا ونقاء

[Handasah]

" كيف تقرطس مراتك ... من غير ما تخسر حياتك "

والأولوية لسرعة الحجز

بالمناسبة ... عندي لك هدية ... ووالنبي ما هي راجعة يا شيخ ... الولا عُمر طالع نُسخة مني شكلاً وموضوعاً ودماً وغلاسةً لدرجة ساعات بأبقى عايز اخنُقني في صورته ...

جهز إنت البنت وبعدين نتكلم في التفاصيل العفش والشقة اللي في التجمع الخامس المطلوبة منكم وخلافه ... ومش هانختلف لإني هاديكو راجل ...

خد الحته دي .. هي قديمة شويتين لكن تقضي الغرض

اولا انا حاجز فى الكورس دة من دلوقتى وياريت يبقى لية ملحق عملى

ثانيا بدأنا ياسى السيد من اولها شروط وشقة فى التجمع وعفش :hearts: اذاكان ابو الواد معندوش شقة فى التجمع :hearts:

ثالثا مشاء اللة ربنا يباركلك فية ويخلهولك بس حاسس انى بشوف عمر ابنى

[se_ Elsyed]

ناوي أعمل زي الأخ ده ...

يا سلام !!!!!!!!!!

يعني اللي لفت نظرك موضوع المغات والفراخ البلدي .. ونضارتك ما وقعتش على موضوع الشرم ولا حتى عصير البرتقان ؟

أنا قلت واحد هايعمل غضنفر ويقولي : إحجز لي سمسيه ريحك يا سيد المعلمين ....

لكن يا خسارة !!! مانت لو دبحت البسه من أول الجواز كنت زمانك قاعد ومآنتخ وما حدش يقدر يقولك تلت التلاتة إيكول كام ؟

يا عم سيب واحد في حاله ده من ساعة ما اتجوز وهو اتغير 140 درجة .. وسمعت والعهده على الراوي إنه بقى لهلوبة في غسيل المواعين وتشطيف الغسيل ... وعليه ماسكة مشابك الجيران بيحسدوه عليه ... ولا نفسه في الطبيخ ... ويا سيدي على طشت الملوخية بالأنارب .... تيجي إنت تقوله زوغ وتعالى بلبط في شرم ؟ !!!! wst::

[Folana]

السلام عليكم ورحمة الله...

الله ياولاد....ايه الاخبار الجميلة دى...الف مبروك يا ابو الاسيان ...والفين مبروك لاخونا واحد تانى...

والله بجد أنا شاعرة اننا عيلة واحدة وبتمر بنا كل الاحداث سوا...ونحضر افراح اخوتنا ونشوف ذريتهم الصالحة ان شاء الله...

انا حاجزة عمر يا ابو الاسيان...مش عارفة لمين لكن حجزته وخلاص...ماشاء الله تبارك الله ..لاقوة الا بالله...يارب تشوفه فى اعلى المراتب..بس انا كنت سمعت انك قريب الشبه من المدعو اميتان باتشاب..:) وعمر لا يمت لهذا الشبه بصلة...ماشاء الله جميل و handsome ...وماتنسوش تزوروا موقع اغانى السبوع بتاعنا هنا..

حلاقاتك ..برجالاتك..

وفى انتظار سماع الاخبار السعيدة حتى نشارككم فرحتكم.... wst::

[واحد تاني]

اعتذر لصاحبة الموضوع للخروج عن النص لمدة نص دقيقة فقط لواجب الرد على التهنئة الجميلة من الأهل الاجمل ... مع الشكر لها على الموضوع اللطيف

أخي العزيز واحد تاني ...

كلاكيت تاني مرة :110: :110: :110:

ألف ألف ألف مليون مبروك ...إن شاء الله يوصل ولي العهد بالسلامه والماما بصحه ممتازة...وإن شاء الله البابا مش هايخلع زي أخونا سي السيد...

الله يبارك في عمرك مدام nash ... الف شكر وعقبال فرحتك بياسر واخوته :)

السلام عليكم ورحمة الله...

الله ياولاد....ايه الاخبار الجميلة دى...الف مبروك يا ابو الاسيان ...والفين مبروك لاخونا واحد تانى...

والله بجد أنا شاعرة اننا عيلة واحدة وبتمر بنا كل الاحداث سوا...ونحضر افراح اخوتنا ونشوف ذريتهم الصالحة ان شاء الله...

الله يبارك فيكي يا مدام Folana الفين مرة ... كل الشكر لكي

وأكيد طبعا احنا عائلة واحدة ... وانا لسة فاكر كلمات التهنئة الرقيقة اللي كتبتيها أيام زواجي وقد ايه حسيتها طالعة من قلب حد من عيلتي ...

عقبال فرحتك بالبنات ... :)

[واحد تاني]

ناوي أعمل زي الأخ ده ...

يا سلام !!!!!!!!!!

يعني اللي لفت نظرك موضوع المغات والفراخ البلدي .. ونضارتك ما وقعتش على موضوع الشرم ولا حتى عصير البرتقان ؟

أنا قلت واحد هايعمل غضنفر ويقولي : إحجز لي سمسيه ريحك يا سيد المعلمين ....

كلمة واحدة بس هرد بيها على كل اللي عملته ...

إحجز لي سمسيه ريحك يا سيد المنجدين .... :110: