ملابس علي الهوا

[zizetta]

في معرض إقيم بالصين للإبداع في الموضة بإستخدام البالونات .. تم عرض التالي ...وصحيح الفنون جنون ..

اسيبكم تستمتعوا بالمشاهدة... (الدخول لغير المحجبات ... عشان دبابيس الطرحة)

يتبع..

[zizetta]

تحياتي

زيزيتا

[se_ Elsyed]

يا نهار مش فايت !!!!!!

ده لو عيل صغير حضر الحفلة دي ومعاه دبوس ...... هاتقى فضايح ؟

مش عارف ليه أنا شاكك في الناس دي

بس تفتكري لو واحده فيهم فرقعت يا زيزيتا ... مش المفروض يبقى فيه إحتياطات أمنيه ولا يسيبوا البُنيه تبرد ؟

بس والله فكره وموفرة كمان

يعني الواحد يروح يشتري له كيس بلالين ويوديهم للترزي ويقوله فصلي دول جلابيتين على ذوقك ..

[Folana]

السلام عليكم ورحمة الله....

أنا مش عارفة أكتب من كتر الضحك....والله سى السيد ده مشكلة ...بس مشكلة جميلة.. :blush2:

والله براوا عليك يازيزيتا....انا دايخة بقالى شهر بأدور على تصميم فستان لابنتى الكبرى تحضر به حفل البرووم بتاعها الشهر القادم...حيث انها فى اخر سنة فى الاى جى اكس واى زد ابوسترف اس....اسمحى لى اقتبس منك احد هذه التصميمات الخزعبلاية...بس المشكلة ان بنتى محجبة...ياريت تشوفى لى بالونه يكون لها اكمام... :blush2:

صباحك زى الفل....وربنا يسعدك زى ماضحكتنى كده ع الصبح :)

[إيزيس]

الحقيقة فنانين مفيش مجال ما أبدعوش فيه

ومدام زيزيتا لها كل الشكر والتقدير

[semsema]

فكرة جميلة اوي بس مشاكلها كتيرة وخاصة لو المسكينة اللي لابسة فستان زي ده لو قعدت مش هتعرف تقعد

ويا سلام بقى لو البلالين اتفرقعت تبقى راحت فيها000000

[zizetta]

الباشا الكبير سي السيد .. دع القلق واستمتع بالتأمين .. أكيد فيه إحتياطات أمنية بس يعني البشر دول حيكون الأمن بتاعهم بالتأكيد برضة غير مستتب .. وشكراً لمداخلتك الكريمة..

الست فولانة .. بالرغم من اني نوهت ان دخول هذا الموضوع لغير المحجبات علشان الدبابيس الا أنني أقول مرحبا ًبإبنتك زبونة بالمعرض .. والكم نقدر نعمله بالونة طويلة بس مش منفوخة .. المشكلة في الطرحة حنعمل فيها إيه..

قرنفل الشكر لك يا جميلة..

سمسمة تصدقي انك برضة تفكيرك متقدم زي سي السيد .. مفكرتش حيقعدوا إزاي .. عارفة من ضمن مشاكل فستان الزفاف المنفوش انك بتلبسي تحته جيبونة كلها أدوار من السلك (على أيامي كان كده معرفش تقدموا ولا لأ لأني بطلت أحضر أفراح- عشان محدش بيتجوز ) المشكلة كانت إزاي العروسة تقعد وتحافظ علي دوائر السلك بدون ما تقف وتبقي عاملة زي الهولا هوب ... والله مشكلة بجد .. والا الطرحة اللي تتشد لورا وذيل الفستان اللي يتداس عليه .. علشان كده أنا شايفة ان فستان الزفاف حيكون أوقع لو بالونات بيضاء .. ومعروض هذا الموديل بالموضوع..

تحياتي للجميع

زيزيتا

[شموع]

حلوين جدا واجمل مافيهم الفساتين البيضاء والفستان الاحمر بس طول ماهم ماشيين لازم يقولوا لا مساس

[نبض الابداع]

حيث انها فى اخر سنة فى الاى جى اكس واى زد ابوستروف اس ......................

ودا من اية لمو اخذة زعل يعني ولا سحلية عدت من علا رقبتها وهي نايمه ؟؟؟؟؟

موتيني من الضحك ربنا يخلي يارب

[م.سامح المصرى]

يااااااااااة يا مدام زيريتا

دا الواحد لو مشى بالطريقة دي هايوفر كتيييييييييير اوي

يعني تكلفة كدة ايمت خماشر عشين جنيه ويكون اتكسا

كام كيس بلالين على كام منفاخ ويفصلة طقم اية ....... حاجة فلة

وبلاش نبقا تقليدين اوي بقي

بس بجد جميل تسلم الايادي

[Folana]

السلام عليكم ورحمة الله....

نبض الابداع:

ودا من اية لمو اخذة زعل يعني ولا سحلية عدت من علا رقبتها وهي نايمه ؟؟؟؟؟

ولامؤاخذة..!!!...سحلية..!!..رقبتها..!!..وهى نايمة..!!!.... :blink:

طيب. :unsure: ........ميرسى ياجميلة ويخلى لك اولادك ان شاء الله ....

زيزيتا...موضوع الطرحة محلول ..حالزقها بسلوتيب...لكن المشكلة الاكثر ايلاما هى نفخ البلاليين...مين حينفخ البلاليين دى كلها؟؟؟

صباحك جميل...

[م.سامح المصرى]

...لكن المشكلة الاكثر ايلاما هى نفخ البلاليين...مين حينفخ البلاليين دى كلها؟؟؟

roseop:

يا سلام غالى الطلب رخيص

بصي يا استاذتى

اول حاجة انا بستخدم الطريقة التقليدية

يعني امسك البلونة من دول وهاتك فيها لغاية ما وشى يبقي زي الطمطماية وممكن يدي للفرولاية كمان

لكن مع تقدم الطب وفرد الشعر بالاعشاب

ظهر المنفاخ

دا عامل زي منفاخ العجلة بس صغير شوية

المهم دا يعني بينفخو بيه البلالين

لاكن لو بلونة اتسلتت منك هاتنفخيها تاني

واخر ما توصلت الية بقي البتاع داهوت

بلور

دا سهل جدا

ومش للبلالين وبس تؤ تؤ

انما لنفخ العيال الي مش بيسمعوا الكلام

زي الواد داهوت

شوفتى حضرتك الطب بيعمل اختراعات انما اية

[kokomen]

 شكرا مدام : زيزيتا

 موديلات جميلة تناسب جميع المناسبات

وتوفير رائع في تكاليف فستان الزفاف للغلابة والمساكين

 وينفع كمان في حفلات الزفاف الجماعية حيث لن تتكلف كثيرا

وياريت كمان توزع بالونات على المعازيم في الفرح بدلا من قطع الجاتوه

أو سندويتشات اللحم البارد .. يعني توفير في كل شيئ .. ويجعله عامر بالبلالين

 

:unsure: :blink: :)

[~Heba~]

الظاهر ان سين سين مش واخد باله ان البنات لابسين بدى تحت فستان البالونات :ninja: