الاسلام و المسلمين في كندا

[ايهاب سالم]

يا أستاذ / أراد

لو سمحت خف الإقتباسات شويه

الموضوع بيورم بدون داعي

[ايهاب سالم]

الموضوع خرج عن سياقه كالعاده

روقوا كده يا جماعه و اشربوا العصير

سعيا مني لارجاع الموضوع الى هدفه الاصلي ساعيد اقتباس مشاركه لي عن صلاة العيد في كندا

كنت قد كتبتها في احد المنتديات الشقيقه

واجدها مناسبه لموضوعنا عن المسلمين في كندا

يالا اشربوا العصير و اتفرجوا على الصور وصلوا ع النبي و استهدوا بالله

الاخوه الأعزاء

صلاة عيد الفطر المبارك لهذا العام بالنسبه لي كانت مناسبه خاصه ..

لأنها كانت أول صلاة عيد لي في بلد غير إسلامي .. لذلك فقد كنت أعتقد انها ستكون بلا طعم .. و لكني لم اكن أعلم أنها ستكون بهذه الروعه

السبب في ذلك يعود الى أن إحدى المنظمات الإسلاميه الكنديه و تدعى "The Muslim Association of Canada"

http://www.macnet.ca

قامت هذه المنظمه بالإتفاق مع الحكومه الكنديه على تنظيم صلاة العيد لهذا العام في أحد أشهر معالم مدينة تورونتو ...

إستاد قبة السماء Skydome الشهير والذي يقع مباشرة بجوار برج سي إن CN Tower في وسط تورونتو

ترجع شهرة الإستاد الذي تم إفتتاحه سنة 1989 الى أنه وقت بناءه كان أول إستاد كبير في العالم له سقف متحرك يفتح صيفا و يغلق في الشتاء ليصبح صاله مغطاه عملاقه ..

هذه بعض الصور من الإنترنت للإستاد للتعرف عليه قبل عرض الصور التي إلتقطها للصلاه

هكذا يبدو الاستاد من فوق برج سي ان وسقفه مفتوح

[ايهاب سالم]

و الأن دعونا نتكلم عن الصلاه ..

بدأت الرحله بركوب المترو من حيث أقيم الى المحطه المركزيه Union station و تقع في قلب المنطقه التجاريه لمدينة تورونتو و في هذه المحطه تتلاقى جميع خطوط القطارات و المترو و الباصات و لكن بطريقه منظمه .. لتسهيل إنتقال الركاب من و الى تورونتو و المناطق المحيطه بها

دخلنا من هذا الباب

ثم تلك الصوره من البهو العلوي للمحطه .. و الأعلام المعلقه هي علم الدوله الكنديه و أعلام المقاطعات

ثم سلكنا طريقنا الى الإستاد عبر ممر يسمى sky walk و هو ممر مغطى من المحطه حتى البرج و الملعب لتمشي فيه الجماهير ليحميها من البرد و الثلوج وقت الشتاء

و هذه صورته

وصلنا الى الإستاد و هذه صور للمصلين أثناء دخولهم من الأبواب

[ايهاب سالم]

ثم دخلنا الى الإستاد ..قبل ساعه من ميعاد الصلاه (الصلاه كانت الساعه العاشره صباحا) و لذلك فعدد المصلين صغير و يظهر المكان المخصص للنساء في الخلف

مكان الرجال

[ايهاب سالم]

منطقة الألعاب المخصصه للأطفال و هي مغلقه قبل الصلاه

قبل دقائق من الصلاه و قد إمتلأ الملعب عن أخره و منظمو الحدث يدعون المصلين للتقدم للأمام لإفساح مكان للناس الواقفين في الخارج

لقطات من لوحات الإعلانات داخل الملعب

[ايهاب سالم]

بعد إنتهاء الصلاه قام الخطيب بالقاء الخطبه

المصلون يستمعون للخطبه

ثم قامت وزيرة التعليم الكنديه بإلقاء كلمة لتهنئة المسلمين بالعيد نيابة عن الحكومه الكنديه

ثم عمدة مدينة تورونتو

[Ghost]

الاخ اراد

ارحو من اخي الكريم عدم اداراج الايات القرانية مع الاقتباس بهذا الشكل لان هذا له دلالة خطيرةعند مقارنة وعيد الايات على احد المسلمين

معلش

انا بس حبت الفت النظر الى مناقشة موضوعية و فقط و حتى ان كانت الكتابة بالعربية مشكلة للبعض

و مرة اخرى اخي هشام بلاش هذه اللغة التهديديه و ابعد عن ذكر الاشخاص و تكلم و اعرض مشاركتك مع مراعاه الطرف الاخر

و شكرا

[ايهاب سالم]

محطات التلفزيون تغطي الحدث

ثم صعد ممثل عن كل حزب من الأحزاب الكنديه الرئيسيه للتهنئه و لم أجد داعي لتصويرهم

الأطفال يلهون في منطقة الألعاب بعد الصلاه

[ايهاب سالم]

حد يدلني على بلد اسلامي اعطى لغير المسلمين فيه مثل هذه الحريه

لو المسيحيين مثلا في مصر طلبوا يعملوه قداسهم في الاستاد

هيحصل ايه

هم دول اللي بيقولوا عليهم البعض كفار

ياريت نتعلم منهم التسامح و التعايش و تقبل الاخر

تم تعديل 8 فبراير 2008 بواسطة ايهاب سالم

[arad]

يا أستاذ / أراد

لو سمحت خف الإقتباسات شويه

الموضوع بيورم بدون داعي

يا استاز ايهاب مش المضوع بس يلي ورم

[ايهاب سالم]

اماكن تمركز الجاليه الاسلاميه في كندا:

ما لا تخطئه عين هو تمركز الجاليه المسلمه في كندا في كيبك و بريتش كولومبيا

و اليكم توزيع السكان المسلمين في كندا عام 2001 و عام 2017 باذن الله يكونوا اكثر من الاحصائيات الرسميه

Muslim Population 2001 2017

Quebec 103,900 247,600

British Columbia 57,200 131,100

Ontario 356,700 910,600

الحاجات اللي بالاحمر دي مش راكبه مع بعضها يا هيشو

مش محتاجه احصائيات

اكتر مسلمين فيكي يا كندا في اونتاريو طبعا

وفي تحديدا Greater Toronto Area

كانت كيبيك زمان

لكن هما اللي جابوه لنفسهم بدعاوي الانفصال

البيزنس هرب و بالتالي الاجور انكمشت و الناس رحلت

ده غير عنصريتهم الشهيره

هؤلاء الكيبيكواه

يغوروا بالفرنساوي بتاعهم

لغه حريمي صحيح

لكن هو الموضوع منقول والا من ابداعك

والا نص و نص

ملحوظه لاستاذ اراد

شفت

كده الاقتباس على مقدار الحاجه

عشان الموضوع مايورمش

تم تعديل 8 فبراير 2008 بواسطة ايهاب سالم

[ايهاب سالم]

يا أستاذ / أراد

لو سمحت خف الإقتباسات شويه

الموضوع بيورم بدون داعي

يا استاز ايهاب مش المضوع بس يلي ورم

انت مصري يا استاذ اراد ?

طبعا انت منورنا في كل الاحوال

تم تعديل 8 فبراير 2008 بواسطة ايهاب سالم

[أبو محمد]

الأعضاء الأفاضل

لن يُسمح باقتباس آيات من القرآن الكريم إلا إذا كانت كاملة التشكيل .. ويمكن الحصول على تلك الآيات من أى نسخة إلكترونية للقرآن الكريم إما باستخدام أحد البرامج الخاصة أو من أحد المواقع الإلكترونية للقرآن الكريم

نرجو أخذ هذا الموضوع بكل جدية .. وأى مداخلة تحتوى على آية كريمة أو جزء منها خلاف ذلك ستُلغى بالكامل

ولن نسمح باقتباس آيات القرآن الكريم لإسقاط وصف معين من أحد الأعضاء على عضو آخر مخالف له فى الرأى أو لتسفيه رأيه أو السخرية منه أو ما شابه ذلك .. وسنواجه من يفعل ذلك بإجراءات حاسمة .. فلم تتنزل الآيات الكريمة لمثل هذا الصغار .. ولمن لا يعلم .. فإننا نقدس كل "حرف" من حروف القرآن الكريم .. فنرجو احترام مقدساتنا

هذا التنبيه لن نقبل أى مناقشة فيه

الإدارة

[lefilsdunil]

السلام عليكم ورحمة الله أذا سمحلى صاحب الموضوع اعمل مداخلة بسيطة بخصوص اندماج المسلمين فى بلاد غير المسلمين كما يروق لى ان اسميها بس قبل من نتكلم عن ده خلينا نبص كده على الداخل وعلاقة المسلمين مع الاقباط دلوقتى وبقول الاقباط لان مفيش غيرهم بعد هجرة اليهود

ومش عايز حد يعتقد انى عايز ولو للحظه أتكلم على الفتنة والوحده والمساواة والمؤمرات وأقباط المهجر لأن الكلام ده كلة وهم فعلا وهم المصريين وانا منهم لهم طراز فريد فى كيفية تقبل الأخر حتى بالمقارنة بالدول العربية الامارات والبحرين ولبنان والمغرب العربى لان زى ما كلنا عارفين البلاد دى كلها اديان ومذاهب متعددة لا الجديد بأة انهم متعايشين ودة اللى اكتشفتة لما جيت هنا فى فرنسا من 3 سنين وزرت بعض الدول العربية منها المغرب واذا كنا بنتكلم عن أقباط مصر فأقدر اقول انهم مبعدين او واخدين ركن ده لو صح التعبير ممكن نقول مش مندمجين بوجه كامل مقولتش مظلومين ولا ولا لان الكل مظلوم

وأوقات فعلا بستغرب لم حد ينادى بالمساواة والمواطنة والكلام الكبير ده ولما اقول انهم ملفوظين فده بمعنى مثلا لم كنت صغير زى اى حد فيكم فى شارعنا كان فى مسيحين دايما كنت احس ان الناس دى مختلفه لية يعنى مثلا نلعب احنا فى نادى هم يلعبوا فى الكنيسة تيجى حصة الدين برة وهكذا مواقف كتير أكيد اغلب اللى بيقرأ عارف انى بتكلم عن اية ووقتها ما كنتش فاهم ليه خلينا نفكر لية هل هم قرروا يعزلوا نفسهم ولا هو المصرى ايا كانت ديانته عايز كتالوج بمواصفات معينه كده يا مش هينغع أتجانس واتعايش فى أضيق الحدود طول ما انا فى بلدى ولو خرجت اتقوقع او اختلط فى حدود العمل بس يا ترى الناس اللى مش زييى دى اية -بتكلم بلسان حال المصرى ايا كان- كفرة اهل كتاب اهل زمة كما ورد فى المداخلات ؟!!

يا جماعه احنا معندناش فعلا ثقافة قبول الاخر والتعايش معاه كما هو شيراك فى أخر كلمه ليه قبل ما يترك الاليزية قال الاختلاف الاختلاط هو سبب ثراء فرنسا الثقافى فلا تفسدوه التنوع بين البشر زى شبكة بتغذى بعضها بعض البشر خلقهم المولى كما هم عليه من اختلاف اللون والعرق والدين وحتى الاسماء للتعارف والتبادل والا كان قادر يخلقهم زى بعض مش لازم نتدبر ونفكر شوية ليه حتى الاسماء مختلفه كده ما كان اسهل اعطاء للبشر دى ارقام وكانت هتكون ادق الف مرة وتسهل حاجات كتير اعتقد ان لكل صاحب اسم من اسمه نصيب حضارى وثقافى ودينى ويحملة لايصال فكره او حاله ولا شك ان التنوع يرتبط عادة بدرجة تحضر الشعوب الذي يحدد مدي تسامحهم انتم فعلا بتصدقوا ان الغرب هنا مرعوب من رجال الدعوة وبيضيق ويرحل أئمة المساجد و ينزع منهم الحنسيات ولا بنقول الكلام ده علشان دايما بنتكلم فى مصر عن تهم جاهزه مسبقا مثل ادفع دولارا ونصر مسلما والتبشير والمد الشيعى لا احب أطمئنكم و اقولكم احنا بخير ولا تقلقوا بنعتكف هنا من غير امن الدولة ما يهجم اول ايام العيد فى اى مسجد سلفى فى مصر علشان يا خد ناس مش عارفه حتى اسماء الوزاء الحاليين ولا لهم اى نشاط سياسى من وسط ولادهم بنصلى فى الخلاء امام الناس التانين عادى و بنصوم وبندبح وبنمارس كل شعائرنا ؟!!! بيعيدوا علينا فى اعيادنا ونباركلهم فى الكريسماس مش علشان مضطريين لا علشان فهمنا اخيرا قوله تعالى

(يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ)

أسف للأطالة مه تمنياتى للجميع بالتوفيق

[هشام الكندي ان شاء الله]

بسم الله الرحمن الرحيم

بالنسبه للاخ اوتوماتيك:

مين قالك اني مش بحترم الكنديين؟ انا بحترمهم جدا نظرا لاحترامهم الراي و الفكر الاخر و لو مكنتش بحترمهم مكنتش نويت و النيه لله اني اهاجر.

بعدين التعامل بذكاء معناه الا تتخلي عن مبادئ دينك في سبيل ارضائهم, اما عن مص الدم فانا مش فامباير و الدليل اني هفيد كندا و هشتغل و هبذل قصاري جهدي لبناء كندا حرة مستقله في مقابل العيش بسلام و ادميه و مع مراعاه لحقوقي كانسان

بعدين انا مقلتش عليهم متخلفين و لو حبوا يعاملوا المسلمين بذكاء فده المطلوب فعلا للانفتاح المتبادل و لمعرفه الدين الحق

بالنسبه للاخ اراد:

حضرتك بتستشهد بايات في موضوعك, ارجو توضيح كلامك اكثر من هذا

بالنسبه للاخ سامح:

واضح انك لسه مش مصدق قصه سيدنا عمر بن الخطاب, انا سمعتها اكتر من مرة من اكتر من شيخ, ارجو التاكد منها. شكرا لردك هذه المرة بدون شخصنه

بالنسبه لسي السيد:

اولا: انا لم اهدد, انا قلت رجاء و ركزت علي الكلمه (ارجو اعاده قراءه المداخله مرة اخري)

ثانيا: ارجو التفرقه بين كندا (ادامها الله لنا سالمه امنه) و بين اسرائيل

ثالثا: هناك فرق بين الكراهيه و عدم الحب, فانا اذا كرهت انسانا ما تمنيت له الشر و عدم التوفيق اما اذا لم احب انسانا فانا لا اتمني له لا الخير و لا الشر لان اموره لا تعنيني اصلا

الفرق كبير, صح و لا ايه؟

الاخ جوست:

ردودك نورت الموضوع يا اخ جوست و اتمني لك التوفيق في حياتك العمليه

الاخ ايهاب سالم:

مشاركه اكثر من رائعه, و يبدو ان المسلمين في كندا يتمتعون بالحريه الدينيه يمكن اكتر من بعض البلدان الاسلاميه

و يا ريت نتعلم منهم التعايش مع الاخر و الله يا ايهاب

و معلش غلطت و انا بكتب الاحصائيات عيني زغللت و شوفت بريتش كولومبيا مكان اونتاريو

و الموضوع تم جمع نحو ثلثيه من مصادر متنوعه و الباقي اضافات من اخوك

استاذ ابو محمد:

شكرا علي التدخل في الوقت المناسب, رجل اللحظات الحرجه بالفعل

بالنسبه ل لو فيز ديونل:

"يا جماعه احنا معندناش فعلا ثقافة قبول الاخر والتعايش معاه كما هو "

"ولا هو المصرى ايا كانت ديانته عايز كتالوج بمواصفات معينه كده يا مش هينغع أتجانس واتعايش "

انتا حطيت ايدك علي الجرح الغائر عند الشعب المصري بالفعل و الذي بسببه سنهاجر الي ارض الله كندا وقاها الله من كل سوء

كلامك حكم بالفعل و ارجو منك المزيد من التقدم

[wagdi]

كانت كيبيك زمان

لكن هما اللي جابوه لنفسهم بدعاوي الانفصال

البيزنس هرب و بالتالي الاجور انكمشت و الناس رحلت

ده غير عنصريتهم الشهيره

هؤلاء الكيبيكواه

يغوروا بالفرنساوي بتاعهم

لغه حريمي صحيح

الله الله...طب ليه الزق ده ياعم...حريمي إيه بس :ninja: أحلى حاجة إنهم هنا "الكيبيكواه" بعتبروه الanglophones عنصريين ومتكبرين ومغرورين... :lol: وأهي دنيا...محدش عاجبه إلا دماغه...

طب بمناسبة موضوع الأخ هشام الكندي إن شاء الله...

يا أخ هشام الكندي إن شاء الله...أنا مش حاشخصن حوار ولا حاجة...أنا بس عايز أفهم...

حضرتك في موضوعك بتنصح الأخوة المهاجرين كيفيه التعامل مع "الكفار" لما يهاجروا...

طيب...علشان بس نحط النقط على الحروف...

لما هما "كفار" بتهاجر ليه للكفار... يعني لو واحد مسافر يقضي عمل مثلاً فترة وراجع نقول ماشي...أهو واحد رايح لبلاد "الكفار" أسبوعين تلاتة للضرورة... لكن واحد مهاجر وسايب "ديار المسلمين" ورايح "لديار الكفار" ودافع فلوس علشان يروحلهم ومطلع كارت تأمين صحي علشان يتعالج على أيدي "الكفار" وحيشتغل مع "الكفار" وعياله حيخشوا مدارس "كفار"...طب إيه إلى رماه على الهم ده؟

طب بلاش... حتتعامل "بذكاء" مع الكفار إزاي؟... بما إننا "العرب" عامة و"المسلمين" خاصة شطار أوي كدة في التعامل مع "الكفار" بذكاء... مش حتدفع ضرايب يعني؟ لأن الضرايب إلى إنت حتدفعها جزء منها حايروح للقوات الإلى في أفغانستان إلى بتحارب "المسلمين" ده في حالة كندا.ولو في أمريكا يبقى جزء من فلوسك بيروح فعلياً للحرب على العراق والمعونات والأسلحة التي تقدمها أمريكا لإسرائيل...وهلم جرا...

طب بلاش كل ده... علشان تبقى "كندي إن شاء الله"...يبقى لازم تاخد الجنسية إن شاء الله...وعلشان تاخد الجنسية يبقى لازم تحلف اليمين إن شاء الله... واليمين إلى إنت حاتحلفه أهه:

I swear (or affirm) that I will be faithful

and bear true allegiance to Her Majesty

Queen Elizabeth the Second, Queen of Canada,

Her Heirs and Successors, and that I will faithfully

observe the laws of Canada

and fulfil my duties as a Canadian citizen.

وترجمته:

"أقسم (أو أقر) بأن أكون وفيًّا أو وليًّا لجلالة الملكة اليزابيث الثانية ومن يخلفها ومن ينوب عنها وأن أكون مطيعا للقانون الكندي وأقوم بجميع واجباتي كمواطن كندي"...

طيب... يعني حضرتك حتقسم إن شاء الله على أن تكون ولياً للملكة إليزابيث...إلى هيا لو ماتعرفش من ألقابها The Supreme Governor of the Church of England... يعني الحاكم الأعلى للكنيسة في إنجلترا...يعني على حسب كلامك إنت حتقسم تبقى ولياً لرئيسة "الكفار" شخصياً...

طب تركب إزاي؟؟؟

أنا مش باقولك الكلام ده علشان أدخل في جدل سفسطائي لا حايودي ولا حايجيب... ومش باقول الكلام ده علشان نقعد نحرت في أحكام... وتقولي الشيخ فلان قال إيه والشيخ علان افتى بإيه... ولا عايز أخش في متاهة التكفير ومين كافر ومين مش كافر ومين مهاجر ومين مواطن... انا بس عايز الناس تحسبها بدون إزدواجية...لأني بسمع كتير واحد يقولك اصل أنا مهاجر "لديار الكفار" علشان أبقى سفير للإسلام...طب ياعم السفير..مؤهلاتك إيه؟...لأن زي ما حضرتك قلت الغلطة هنا حتتحسب على الإسلام مش على شخصك... طب بلاش...سفير الإسلام حايدعوا الكفار بالحسنى وهو أقسم الولاء لرئيسة الكنيسة... طب دي حتى تضحك...

عايز تهاجر علشان فيه حرية وامان وإحترام ماشي... عايز مستقبل أحسن لأولادك ماشي... عاوز فرص تعليم ماشي... بس سيب الدين بره الموضوع... مش معنى كدة إنك ماتحاولش تحافظ عليه...بالعكس..إعمل ما في وسعك علشان تحافظ على دينك وعلى أولادك... بس ماتقولش أنا بقى رايح أدعوا الكفار بالحسنى... عايز تدعو يبقى تروح تدرس كام سنة فقه وشريعة وتدخل البلد من المطار كداعية إسلامي...

معلش أنا طولت عليك...

وربنا يوفقك ويوفق الجميع...

[se_ Elsyed]

شكراً لمداخلتك القيمة يا دوق وجدي ... جت في وقتها

المشكلة إن في ناس كتير فاهمه إنه لما يشتم في بلده أو يُنكر جميلها عليه أو على الأقل إن كل خلية من جسده متكونة من ترابها ويرجع يقولك البلد دي ما ربتنيش ولا لها فضل عليه !!!!!!!!!!!!!!... فاكر بكده إن الناس اللي عايز يروح لهم هاتحترمه ؟ ... بالعكس ولازم الجميع يفهم كده ..... فاقد الشيء لا يُعطيه يا أساتذه وإذا كنا بنقول إن اللي مالوش خير في أهله مالوش خير في الناس .

واللي بيقرأ ويتابع ويفهم ما بين السطور هايتأكد من ذلك

عارف يا أخ هشام يا كندي .... عارف الجاسوس محمد صابر اللي كان شغال في هيئة الطاقة النووية وراح يراسل جامعات يهودية في إسرائيل عشان يحضر ماجستير بحجة إنها بلد متطورة علمياً وبتنجانياً وما إلى ذلك ..... طبعاً رحوا لقطوه وخلوه جاسوس لهم وكانت النتيجة إنه اتهبد 25 سنة سجن العام الماضي ؟ ... عارف إنهم ما حطهوش على جهاز كشف الكذب إلا عشان حاجه واحده لإنهم ما صدقهوش وقالوا ده بيشتغلهم ... عارف ليه ؟

لإنه قالهم في سياق الكلام إنه " بيكره مصر " فما صدقهوش وحطوه على الجهاز عشان يتأكدوا ... ده حسب كلامه هو

عارف كان بيكره مصر ليه يا هشام يا كندي إن شاء الله ؟

عشان يا عيني هيئة الطاقة النووية ما ساعدتوش إنه يحضر ماجستير ..

فنسي دينه وأهله وبلده وراح ينتقم وقال هاتجسس لإسرائيل بالعند فيكو يلاولد الـــ ...........

الخلاصة ...زي ما كل الأخوة قالوا لك .. هاجر وسافر وروح إن شالله تروح بلاد الواق الواق ... لكن إحترم بلدك وتذكر الجميل .... ولو لسه مش حاسس إن بلدك لها جميل عليك مثلها زي اهلك وعائلتك اللي ربوك ... يبقى أنا اسف أقولك إن مالكش مكان مع المصريين ... لإننا مهما إتغربنا زي ما هو الحال دلوقت ... لا نستطيع أن ننكر حبنا لبلدنا وفضلها علينا .... وإذا كنا نختلف مع حكوماتها ونحارب أي مفسد .. إلا ان هذا لا يؤثر على حب الوطن في قلوبنا ....

ده من الاخر يعني عشان مواضيعك المتعددة اللي بتجاهر فيها لكرهك لمصر اللي لم تعطيك أي شيء ...

[مزاميزو]

يا بشمهندس سامح يا كبير

أنا كنت عايز تصحيح كلمة غليظ القول إلى غليظ القلب في الآية لأني خفت اني أكون مش فاكرها كويس فاغلط فيها :ninja:

أما بالنسبة للمشاركة حول الموضوع

فأنا رآيي أنه مفيش حد يقدر يتحكم في تصرفات واحد تاني فلو هو رايح يهاجر عشان ظروف معيشية أفضل من مصر فدا حقه ولو هيتعامل بأخلاق وتعاملات المسلمين اللي اختفت تماما وكان سفير كويس عن الإسلام يبقى خير وبركة مع العلم احنا الوقتي بنقيس التدين بالصلاة والصوم والزكاة وخلافه ونسينا ان الدين معاملة :lol:

يعني من المعاملة الكويسة إن لما أراد كفار قريش قتل الرسول غدرا لم يرفع الرسول السيف عليهم دا في غير المعارك طبعا ..... طيب شوف لما واحد بيتكلم برآي مختلف ايه اللي بيحصل بنرفع السيوف والسواطير :lol:

[م.سامح المصرى]

السلام عليكم ورحمة الله وبركاته

يا استاذ مزاميزو

كويس ان حضرتك وضحت غرضك بس كان ممكن تقولها بطريقة تانية او اسلوب تاني

المهم

انا ما بتحكمش في تصرفات حد ممكن حضرتك تتفضل وتقرآ مداخلة استاذى وجدي

هوا بجد وفى وكفى فى حكاية انه يكون سفير للآسلام ازاي

بس سؤال لحضرتك بعد ازنك

انا دلوقتى واحد عمال بتبرى من بلدى الى عملتنى وعملت اهلى الى عملونى

البلد الي اتعلمت واخدت شهادة واتعلمت فيها لغة والي اشتغلت فيها والخ الى اخرة

هل بعد كدا تضمن انى اساسا احافظ على ديني دا مش بعيد اول ما اوصل هناك يقولولي بلدك كانت ازاي

هاقولهم طبعا دي كانت بلد دي كانت كذا وكذا وافضل اسئ في البلد الى انا من صلبها

طب ولما يسآلونى عن ديني هاقول اية ......... فكر كدة حضرتك

دا انا ممكن زي ما اتبريت من بلدى اتبرى من ديني ومش بعيد

انما انا لو قلت لا دينا دا دين جميل وبيقول كذا كذا

يبقي انا لا مؤاخذة بناقد نفسى ...... صح ولا اية

لان دينا ما قالش اننا نعيب في بلدنا ونشوهها .... يبقي انا منافق لو قلت كدة

صح ولا انا غلط اتمنى ما اكونش ضايقت حد منى

سلامى لكم

[مزاميزو]

شوف يا هندسة

يمكن كلامي مش مفسر شوية معلش اعذرني أنا مقدم هجرة لكندا عشان أدرس وأخد الجنسية وأرجع تاني علطول لأني بحب البلد دي بكل اللي فيها حلو أو وحش ولما حد هيسألني أنت جنسيتك ايه هقوله مصري لسببين الأول شكلي ولوني وديني وإنتمائي والسبب التاني اني يوم ما هاخد جواز السفر الكندي هكون راجع مصر :blush2:

أنت عارف برضه يا أخويا لما تعيش في مصر بجواز سفر تاني بيحل كتير من المشاكل اللي ممكن تقابلك ولو ربنا وفق في شغل مرتبه بالدولار يبقى خير وبركة وأنا اشتغلت في الكويت سنة ونص واللي كان يجيب سيرة مصر بحاجة مش كويسة كنت أكله بالكلام دا حتى كفاية علينا إنها البلد الوحيدة التي ذكرت في القرآن خمس مرات :rolleyes: