الاسلام و المسلمين في كندا

[م.سامح المصرى]

السلام عليكم ورحمة الله وبركاته

اسف على انى فهمتك غلط يا استاذ مزاميزو

وربنا يوفقك يا رب

-----------

اسف يا جماعة على مشاركاتى كلها

واسف انى مش هاقدر اكمل مناقشة علشان ما نبعدش عن جوهر الموضوع

والسبب التاني ان معظم الناس كتبوا اني سبيتهم وقلت عليهم كفار

والى كتب موضوع ولمح فيه مع عدم ذكر اسمى باني قلت على ناس كفار

والحمد لله انا ما قلتش على حد كاااااااااافر

وربنا يسامحنا جميعاً

سلامى لكم جميعاً

[lefilsdunil]

واضح ان الموضوع انحرف كليا عن مساره وهدفه بس لى مداخلة بسيطه تانية عن حب الوطن كما جاء فى بعض الردود بعض صانعى القرار بمصر منهم الاخوان والحكومة احيانا بيحبوا اما المزايده بالوطن او بالدين واللى يتابع الصحف كويس يلاحظ دايما ده وخصوصا مسألة غزه الاخيرة وهنا أقول لكل الناس ان حب الوطن ده أمر فطرى قد جبلنا عليه حتى الطيور التى لا تعى تحن الى أوطانها فلا يزايد على حب الوطن الا منافق او جاهل وده موضوع مفروغ منه وليس كل من هاجر بلده يكرها وليس كل من ينتقض نظام او سياسه قائمة سواء كان بالداخل او الخارج كده جاحد و مش معترف بفضل بلده عليه الانظمة والكرسى والحكم مسيرهم للزوال والوطن باقى وسيبقى الا الابد ان شاء الله فعن نفسى لا اقبل ان يزايد على احد فى حبى لمصر وفخور بهويتى و يتاريخ وحضارة بلدى ومتمسك بهم لاخر لحظه بس فى نفس الوقت ناقم على حكومتها وعلشان أرضى عليها وترضى هى عنى؟؟! فمبادىء المواطنه بسيطة معروفة وبسيطة ومنها على حد علمى

1-سيادة القانون (شريعة, قوانين )على الجميع

2-العدالة في (توزيع اثروة,الوظائف ,المناصب ,التمثيل في المجالس )

3- المساواة في الحقوق والواجبات

4-الحريات العامة (راي ,فكر ,مذهب )

5-قيام مؤسسات المجتمع المدني لتكون اساس الانتماء

6- الاصلاح السياسي والاقتصادي والاداري

وخلينا نقول لو الكلام ده كله مش واضح حتى الان وغير مطبق ولا معمول به على ارض الواقع ستبقى مظاهر المزايده والازدواجية وسيظل يتخبط بعض الناس فى معنى الخيانة وسيتهم بعضنا البعض بسهوله فبعد مثلا قصة الجاسوس المصرى باسبوع مبارك" أنعم على الجنرال الأمريكي "جون أبى زيد" قائد القيادة المركزية الأمريكية بوسام الاستحقاق من الطبقة الأولى، تقديرا لجهوده في دفع التعاون العسكري المصري-الأمريكي (!!) بمناسبة إحالته للتقاعد، وقد أناب "مبارك" المشير "حسين طنطاوي" القائد العام للقوات المسلحة ووزير الدفاع والإنتاج الحربي في تقليده الوسام. 'فالممنوح هنا امريكى ولا فرق عند بعض الناس بين امريكا واسرائيل ' لا تعليق

تم تعديل 9 فبراير 2008 بواسطة lefilsdunil

[Automatic]

1-سيادة القانون (شريعة, قوانين )على الجميع

سياده الشعب, ولا للقانون أي فأءده الا لخدمه الشعب.

[arad]

الأعضاء الأفاضل

لن يُسمح باقتباس آيات من القرآن الكريم إلا إذا كانت كاملة التشكيل .. ويمكن الحصول على تلك الآيات من أى نسخة إلكترونية للقرآن الكريم إما باستخدام أحد البرامج الخاصة أو من أحد المواقع الإلكترونية للقرآن الكريم

نرجو أخذ هذا الموضوع بكل جدية .. وأى مداخلة تحتوى على آية كريمة أو جزء منها خلاف ذلك ستُلغى بالكامل

ولن نسمح باقتباس آيات القرآن الكريم لإسقاط وصف معين من أحد الأعضاء على عضو آخر مخالف له فى الرأى أو لتسفيه رأيه أو السخرية منه أو ما شابه ذلك .. وسنواجه من يفعل ذلك بإجراءات حاسمة .. فلم تتنزل الآيات الكريمة لمثل هذا الصغار .. ولمن لا يعلم .. فإننا نقدس كل "حرف" من حروف القرآن الكريم .. فنرجو احترام مقدساتنا

هذا التنبيه لن نقبل أى مناقشة فيه

لا اله الا الله محمد رسول الله و الهي وانا كمان اقدس القران الكريم بس انا كنت عاوز اوصل رسالة وتارىت تكون وصلت بالنسبة للاستاز ايهاب انا مصري ومنالاسكندرية بالنسبة لللاستاز الفاضل اتوماتيك كل واحد بيشوف كندا من وجهة نظره انا لي اخين في كندا من 22 سنة واحد عاوز يموت هناك و بيقول لوحيدفعولوا ملايين مش ممكن يرجع مصر و التاني فاشل عوز يرجع و بقا لو 20 سنة يقول انا راجع الشهر الجاي وعلي فكرة انا زورت كندااربع مرات و نشاء اللة قريبا ح كون هاجر جديد بس علي العموم ايلي ح يصبر و يشتغل بضمير لزات في كندا ربنا ح يكرموااا اوي اوي وايلى حظه جامد ياخد شهادة يعنئ يدرس هناك نا اسف لو في اخطاء املأية

[هشام الكندي ان شاء الله]

ناس كتيره جدا سافرت و ناس كتيره جدا هتسافر و الكل سابهم و ماسكيني انا

كان مفيش حد في الدنيا دي مهاجر غيري

و بيطبقوا كل القوانين و الاحكام الشرعيه عليا

لو حد سالني مصر عامله ازاي هجاوب بكل صراحه و وضوح

هقول الحلو و الوحش و اظنكم عارفين ايه الاكتر في مصر

لو قاللي ازاي بلد اسلامي يبقي كدا؟ هقوله علشان بعدت عن تعاليم الاسلام بقت كدا فالمسلم يجب ان يجتهد و لا يتواكل علي مساله انه مسلم و انه سيحقق كل شئ في الدنيا بلا مجهود لانه مسلم, فالاخرة للمسلم الحق و الدنيا للمجتهد المجد فان كان مؤمنا و مجتهدا فسيتفوق علي المجتهد غير المؤمن, اما اذا تواكل فسيسبقه غير المؤمن المجتهد

اولا: الدين يتعارض كثيرا مع فكرة الوطنيه القوميه

و الشاهد ان الرسول(صلي الله عليه و سلم) و صحابته حاربوا قريش و هم قومهم و اقربائهم ليس للاختلاف القومي لكن للمحافظه علي دينهم

شاهد اخر: يا تري الوطني العراقي يعمل ايه وقت ما غزا صدام الكويت؟

بدافع الوطنيه يروح يدبح الكويتين

بدافع الاسلام يحارب العراق نفسها و جيش صدام

المنادون بالقوميه المصريه ذات الاصل الفرعوني او القوميه العربيه احب اقوله ان فيه قوميات اسلاميه اخري

القوميه المغاربيه (تونس و الجزائر و المغرب)

القوميه التركيه( و تضم 8 دول منهم تركيا و تركمانستان و اذربيجان و كام دوله تانيين)

القوميه الاورديه و تضم باكستان و السند و كشمير

القوميه الكرديه اللي عايزين يحاربوا العراق و تركيا و ياسسوا دولتهم

يا تري القوميين الاكراد صح لانهم عايزين يعملوا دولتهم؟

يا ساده الاسلام ليس دين قومي قط, سيدنا سلمان الفارسي كان من فارس و اعتبره الرسول من ال البيت

سيدنا صهيب الرومي

سيدنا بلال بن رباح الحبشي

القوميه للاسف تضعف الاسلام و هي الدوده التي تنخر في صف المسلمين

بعدين كلامكم متناقض جدا

مرة تقولولي هاجر و سافر لكن حب بلدك

و مرة تقوليلي انتا هتحلف لملكه بريطانيا و دا مينفعش

و مرة تقولولي احلف لو نيتك انك تعيش حبه و ترجع

فيه فتوي افتي بها مفتي المانيا من كام سنه

المانيا كانت بتسال المسلمين اللي هياخدوا الجنسيه سؤال و هو:

لو المانيا حاربت السعوديه و طلبت منك انك تقصف الكعبه, هل هتوافق؟

المفتي افتي و قال قولها بلسانك طالما قلبك مؤمن بانك لن تفعلها

الالمان هاجوا عليه و قالوا الاسلام دين الكذب و ما الي ذلك

حتي الشيوخ قالوا انتا ازاي تقول كدا

انا معرفش ايه الراي الصح بس انا مش هقول كدا

لكن القسم الكندي مش بيقولك قول انك تضرب المسلمين او ما الي ذلك

الاخ الافوكاتو قال ان ما فيش مهاجر بيحارب بلده الام و ان مفيش اصلا تجنيد اجباري

يعني انا لو كنت قولت انا مهاجر و بس من غير ما اقول اني مش بحب مصر كنتوا شجعتوني علي الهجرة

انا عرفت انتوا عايزين ايه مني

عايزيني ارضا بالظلم اللي بيحصلي في مصر و ما حاولش اني اغير نفسي مش اني اغيره

عايزيني افضل بلا علم كويس بدلا من الدراسه في كندا

عايزيني اعيش في مصر و دي الحاجه اللي مش قادر استمر فيها

عايزيني استمر في الحياه بلا احترام لادميتي

لو انا بتاع مصلحتي كنت رحت استراليا و ليا هناك قرايب لكني مش راضي لان استراليا علمها فيه صليب و بيحاربوا في العراق بعكس كندا مفيش في علمها صليب و هتسحب قواتها من افغانستان

بعدين قولوا كلمه الحق

اذا كانت الهجرة لكندا حرام قولوا لايهاب سالم و لبقيه الناس ارجعوا بدل مانتوا بتصرفوا ضرايبكم علي قوات كندا في افغانستان

انحلوا وبرهم وقطعوا فروتهم زي ما بتعملوا معايا

و لا هوا الحق يبقي عليا بس

متزعلش يا هوبا بس انتا الوحيد اللي انا عارف انه في كندا, خليهم يستلموك شويه

هههههههههه

هشام الكندي ان شاء الله

[هشام الكندي ان شاء الله]

نسيت اقولكم ان للاسف دول الخليج و تركيا و ماليزيا لا تمنح الجنسيه للمصريين او الاجانب بسهوله كما تفعل كندا, و انا اريد جنسيه اخري لاعيش حياه جديده في بلد اختاره انا, لذلك من واجبي ان ادعو لله في هذا البلد ايا كان, كمان اريد ان اربي ابنائي في مناخ نظيف و تعليم صحيح و ان اعرف ان الدوله لن تتركهم يواجهون المجهول او الامراض او البطاله لوحدهم

بعدين نسيت برضه اقول ارجو عدم الشخصنه

[ايهاب سالم]

الله الله...طب ليه الزق ده ياعم...حريمي إيه بس :ninja:

عفوا مسيو وجدي

أنا قلت لغه حريمي .. مش اللي بيتكلموها ...

عن نفسي .. بأموت في "الإغ" و هي طالعه من واحده ست

بس من راجل بيبقى شكلها مش حلو خالص

تحياتي

تم تعديل 10 فبراير 2008 بواسطة ايهاب سالم

[هشام الكندي ان شاء الله]

السلام عليكم,

سؤال و استفسار لاخونا ايهاب سالم:

يا تري ايه اكتر مكان في كندا فيه مساجد علشان الواحد ما يتعبش في التدوير علي مسجد؟

هل لو تزوج الشخص من محجبه ممكن ان تتعرض او يتعرضوا سويا للاضطهاد او الفصل من العمل؟

انا ليا صديق في كالجيري بيقول ان كلها عنصريه ضد العرب, يا تري الكلام دا صحيح مع العلم ان صديقي دا مثير للمشاكل اصلا

اخوك

هشام الكندي ان شاء الله

[vipwithyou]

بداية التنازلات .. ولا تعليق

[ايهاب سالم]

بداية التنازلات .. ولا تعليق

ممكن توضيح أكثر

[هشام الكندي ان شاء الله]

رد عليا يا هوبا

[ايهاب سالم]

السلام عليكم,

سؤال و استفسار لاخونا ايهاب سالم:

يا تري ايه اكتر مكان في كندا فيه مساجد علشان الواحد ما يتعبش في التدوير علي مسجد؟

هل لو تزوج الشخص من محجبه ممكن ان تتعرض او يتعرضوا سويا للاضطهاد او الفصل من العمل؟

انا ليا صديق في كالجيري بيقول ان كلها عنصريه ضد العرب, يا تري الكلام دا صحيح مع العلم ان صديقي دا مثير للمشاكل اصلا

اخوك

هشام الكندي ان شاء الله

ليس عندي معلومات كافيه للرد على سؤال المساجد .. لكن بالنسبه لتورونتو التي أعيش فيها .. المساجد موجوده و لكنها ليست بنفس درجة إنتشارها في بلادنا بالطبع

يعني هتصلي الجمعه و العيدين بدون مشاكل .. لكن الصلوات الخمسه مش هتصليها في المسجد الا لو ساكن جنبه و ده إحتمال مش كبير

معظم الناس هنا يصلون جماعه مع أهل بيتهم في البيت .. أو بيسوقوا العربيه للمسجد لو مش بعيد قوي ..

الحجاب موجود و بدون مشاكل .. لكن أيه اللي هيعرف أصلا جهة عملك إن مراتك محجبه و الا لأ عشان يضطهدوك و حتى لو عرفوه هيضطهدوك ليه .. هو إنت مش بتشتغل صح .. هما ده اللي هما عايزينه .. ده بيزنس .. أنا صاحب العمل و إنت بتشتغل عندي .. إعمل شغلك صح .. إكسب و كسبني .. مش مهم بعد كده إنت دينك أيه .. مراتك محجبه و الا لأ .. أنا مالي

أنا مراتي محجبه .. رحنا حفلتين الشغل بتوع الكريسماس .. حفلة الأطفال و حفلة الكبار .. و كان مفيش محجبه غيرها .. و لم يكن هناك مشاكل ..

و لم يضطهدني أحد بعدها و ما زلت في عملي .. أيه دخل حجاب مراتي بشغلي

معرفش حاجه عن كالجاري .. لكن عايز أقولك إن كتير من الناس بتشتكي و بتكون هيا أصل المشاكل .. و بتكون معاملة الغير السيئه لها هي أقل ما تستحقه نتيجة لغلظة طباعها و قلة أدبها

و فيه ناس كتير بترمي مشاكلها على العنصريه .. يعني واحد مش عارف يشتغل نتيجة إنه مش مؤهل .. يلقي باللوم على العنصريه .. واحد ورقه مش كامل عشان مصلحه ما .. يرفضوها .. يقول عنصريه

المكان الوحيد في كندا اللي سمعت و قرأت عنه كلام كتير في العنصريه هو كيبيك

لكن اللي عايشين هناك أدرى مني ..

أخيرا

أيه رأيك لو غيرت إسمك الى إسمك الحقيقي .. هشام (..........)

مش يبقى أحلى

تم تعديل 11 فبراير 2008 بواسطة ايهاب سالم

[عبدوس الوزير]

ربما ساعدك هذا الموقع

www.islamicfinder.org

[م.سامح المصرى]

بقولك يا أتش

تسمحلى !!!!!!!!

[هشام الكندي ان شاء الله]

اتفضل يا استاذ سامح, سمحتلك

[arad]

نسيت اقولكم ان للاسف دول الخليج و تركيا و ماليزيا لا تمنح الجنسيه للمصريين او الاجانب بسهوله كما تفعل كندا,

تركيا تمنح الجنسية بعد اربع سنوات من الاقامة بشرط التحدث اللغة التركية ماليزيا بعدعام واحد فقط لا غير فى حالة الزواج من مواطنة ماليزية و خمس سنوات في خالة اقامة مشروع تجاري و علي فكرة مصر من الدول المسموح لها بدخول ماليزيا من غير تاشيرةمسبقة امااللخليج ماعرفش عنه حاجة

[arad]

ليس عندي معلومات كافيه للرد على سؤال المساجد .. لكن بالنسبه لتورونتو التي أعيش فيها .. المساجد موجوده و إنت دينك أيه .. مراتك محجبه و الا لأ .. أنا مالي

أنا مراتي محجبه .. رحنا حفلتين الشغل بتوع الكريسماس .. حفلة الأطفال و حفلة الكبار .. و كان مفيش محجبه غيرها .. و لم يكن هناك مشاكل ..

و باللوم على العنصريه .. واحد ورقه مش كامل عشان مصلحه ما .. يرفضوها .. يقول عنصريه

المكان الوحيد في كندا اللي سمعت و قرأت عنه كلام كتير في العنصريه هو كيبيك

لكن اللي عايشين هناك أدرى مني ..

السلام عليكم انا عندي اخين عايشين في كندا من 22 سنة وزوجاتهم محجبات و مافيش اىمشاكل كندا فيها عنصرية يس في القلب يعني في الدرج لكن في كيبيك ممكن تكون واضحة بس العنصرية في كندا اقل من مصرعلسان القوانيين الصارمة و علي فكرة د حق من حقوق المواطنة PROTECTION AGAINST DISCRIMINATION

[arad]

,

مع العلم ان صديقي دا مثير للمشاكل اصلا

اخوك

هشام الكندي ان شاء الله

تتوقع ايه من واحد مثير للمشاكلTROUBLE MAKERS

شوف عايز تعيش في كندا وخاصة فى كندا MIND OWN YOUR BUSINESS

انت احتكاكك قليل جدا جدا بالمكاتب الحكومية لان كل حاجة بتخلص بلأنترتت او عن طريق البوسطة تقريبا واصحابك انت ايلي بتختارهم و صاحب الشغل زي ما الاستاز ايهاب سالم قال عايزك تكسبه مالوش دعوة انت مسلم او بوزي علي فكرة انت ممكن تشتغل عند هندي او يهودي ISRAELE

USE THIS PROVERB IN CANADA

SMILE AND WHENE YOU SMILE ANOTHER WILL SMILE

[arad]

, كمان اريد ان اربي ابنائي في مناخ نظيف و تعليم صحيح و ان اعرف ان الدوله لن تتركهم يواجهون المجهول او الامراض او البطاله لوحدهم:l: ان شاء الله توصل كندا بالسلامة مع لؤلؤة هانم وتعيشوا فى تبات ونبات و تخلفوا كنديين و كنديات :

[هشام الكندي ان شاء الله]

بسم الله الرحمن الرحيم

بالنسبه للاخ ايهاب:

انا باؤيدك و ابايعك عمده للكنديين مدي الحياه

بالنسبه لاسم هشام الكندي ان شاء الله فانا مش مسمي نفسي هشام الكندي و بس لكن بقول فعلا ان شاء الله لان ممكن مبقاش كندي

فاسمي يعبر عن امنيه زي ما واحد بيسمي نفساوي الاهلاوي او الزملكاوي او مارادونا او ابو تريكه فانا بقول ان شاء الله ابقي كندي يا رب

بالنسبه للاخ اراد:

اولا: ارجو عدم السخريه من العضوه لؤلؤه و احترام غيبتها

ثانيا: بالنسبه لماليزيا فانا مش متجوز ماليزيه و اكيد مش هعمل هناك مشروع تجاري, اما تركيا فانا مش بتكلم تركي

فوق دا و دا, ازاي تجيب اول فيزا سواء لتركيا او ماليزيا و تكمل السنين دي بالشروط اللي انتا نفسك قلتها؟

كويس اوي حته الاحتكاك بالموظفين انها قليله احسن يطلع الموظفين في كندا بيحلوا كلمات متقاطعه و يقولك فوت علينا تومورو يا سيد

فيه استفسار مهم اوي يا جماعه, فين العضوة نونا اختفت كدا ليه؟

اخوكم

هشام الكندي ان شاء الله