أرجو من الإفادة من الإخوة اللى فى الإمارات

[aymanads]

جاتلى زيارة الى شركة من الشركات بالشارقة لمدة شهر ويتم تمديدها شهرين آخرين وذلك للإختبار اذا كنت جدير بالعمل ام لا حيث كان طبيعة العمل network administrator وصيانة

الحمد لله اجتزت المرحلة بتفوق ةتم عمل التأخيرة لمدة 3 سنوات وكان على ان اغادر البلاد لأنى موظف فى مصر ولابد أن اقطع اجازتى الإعتيادية وآخذ اجازة سنة بدون مرتب

وقد وعدنى صاحب العمل بارسال العقد بعد انتهائة وتوثيقة

وبعدما رجعت الى مصر فيه 2 من الناس المعفنة المصريين اللى مخليين سمعة المصريين زفت ادونى اسفينات كتيرة عند صاحب الشغل

وفوجئت بصاحب الشغل جايبلى العقد مع واحد من المعفنين التنين اللى جاى اجازة وقاللى انى لازم ادفع 5 آلاف درهم علشان آخد العقد

3 علشان الإقامة و2 علشان كان صرفلى تذكرة الطائرة ورجع فى كلامة تانى وعاوزهم.

المشكلة الآن ان اصل الأوراق بتاعتى فى السكن الخاص بالشركة والمعفن التانى مارضاش يعطيها لواحد باكستانى صديقى محترم وهوا اللى اثق فيه علشان يبعتهالى

اعمل ايه يا اخوانى

لو دفعت يباه انا بذل نفسى للمعفنين وهرجع مزلول ولو مدفعتش ربما تكون فرصة وضاعت منى؟؟؟؟

أرجوكم افيدونى لأن آخر ميعاد الأسبوع القادم قبل 15/2/2008

جزاكم الله خيرا

[شموع]

لا حول ولا قوة الا بالله

الحقيقة انا مش عارفه ايه اللي ممكن تعملوا ولكن ادعو الله ان يفك كربك يارب

[AboAsem]

شموع

السلام عليكم

أولاً : إنت كنت عايش فى الشارقه لمده 3 شهور ، يعنى عارف الغلاء الموجود و تكاليف المعيشه ، و ممكن تحكم إذا كانت هذة وظيفه جيده و ممكن تحوش مبلغ كويس و لا لأ. و ده أول سؤال لازم تجاوبه

ثانياً : أعتقد الموضوع مش بسبب المصريين اللى عمال تشتمهم ، لأن أغلب الشركات الصغيرة و المتوسطه فى الإمارات بتحمل العامل هذة المبالغ.

ثالثاً : ال 3 ألاف درهم دول تأمين للعامل و يسترد فى نهايه الخدمه عندما تترك الشركه ، إذا كتبوا لك و رقه تحفظ حقك فى الفلوس دى مش مشكله لو دفعتهم

رابعاً : ماذا تقصد بأصول الشهادات ، أعتقد ممكن تطلع غيرهم و لا إيه؟

هدى نفسك و خد الموضوع ببساطه لان الغضب مش هيحل المسائل ، و إسئلنى أنا !!!

سلام

[aymanads]

شموع

السلام عليكم

أولاً : إنت كنت عايش فى الشارقه لمده 3 شهور ، يعنى عارف الغلاء الموجود و تكاليف المعيشه ، و ممكن تحكم إذا كانت هذة وظيفه جيده و ممكن تحوش مبلغ كويس و لا لأ. و ده أول سؤال لازم تجاوبه

ثانياً : أعتقد الموضوع مش بسبب المصريين اللى عمال تشتمهم ، لأن أغلب الشركات الصغيرة و المتوسطه فى الإمارات بتحمل العامل هذة المبالغ.

ثالثاً : ال 3 ألاف درهم دول تأمين للعامل و يسترد فى نهايه الخدمه عندما تترك الشركه ، إذا كتبوا لك و رقه تحفظ حقك فى الفلوس دى مش مشكله لو دفعتهم

رابعاً : ماذا تقصد بأصول الشهادات ، أعتقد ممكن تطلع غيرهم و لا إيه؟

هدى نفسك و خد الموضوع ببساطه لان الغضب مش هيحل المسائل ، و إسئلنى أنا !!!

سلام

أولا ألف شكر لكل من رد علي والله الدنيا لسة بخير

ثانيا بقول اتنين من المصريين الموجودين مش كلهم لأن فيه واحد محترم وقف جمبى بس مش فى ايدة اى حاجة بس المشكلة فى اتنين مصريين منهم واحد فكرنى بالسكماكة أو السيكا بتاع القائد أيام الجيش وكل اللى دخل الجيش عارف السيكا وهوا اللى بينقل الأخبار للقائد بطريقته وغالبا ما يكون مكروه من كل الناس

المشكلى اللى بسأل فيها ايه وضعى القانونى الآن معى تأشيرة 3 سنوات على الجواز بدون عقد

فيه ناس بيقولوا انهم يمنعونى مندخول اى دولة فى الخليج للأبد

فيه حد عندة لنك لقانون العمل بالإمارات بديهولى اقرأه كتر خيركم

والف شكر

[AboAsem]

أخى الكريم

السلام عليكم

هنا موقع و زارة العمل الإماراتيه و عليه قانون العمل و بعض الأسئله و الأجوبه التى ستفيدك كثيراً

http://www.mol.gov.ae

حسب علمى لا يمكن عمل وضع الإقامة على جواز السفر إلا بعض إصدار عقد العمل من و زارة العمل و الذى يكون من ثلاث نسخ :

مع صاحب العمل ، مع العامل ، ومع الوزارة

موضوع الحرمان هو داخل الإمارات فقط ، الكفيل لا يمكنه عمل حرمان لجميع دول الخليج

و الحرمان نوعين :

لمده 6 شهور ، يطلبه صاحب العمل ، و يمنعك من الإلتحاق بأى شركة خاصه فى الإمارات لمده 6 شهور ، لكن يمكنك العمل فى الحكومة و البترول

و النوع الأخر من الحرمان لمده سنه ، و يوضع كختم على جواز السفر و لا يطلبه الكفيل و ليس من صلاحياته ، و لكن هناك جهات خاصه فى الإمارات يمكنها ذلك

المشكله الأن إذا لم تعد ، فيمكن لصاحب العمل أن يبلغ عنك هروب و يعمل عليك تعميم ، و بالتالى سيقبض عليك فور دخولك الدوله من أى مطار ، و سيكون فيها سجن ووجع دماغ

لماذا لا تكلم صاحب الشركة مباشرة و تتفاهم معاه ؟

فى الأخير كما أخبرتك من قبل ، الكثير من الشركات يحمل العامل هذة المصاريف ، إذا كان الراتب كبير و الوظيفة جامده و هتعوض فى أقل من شهر ، فكر تانى أنك تستسمر معاهم

إذا فيه أسئله تانى ، انا فى الخدمه و الموقع عليه كل حاجه

أتمنى اكون أفدتك

سلام

[زعلان]

كلم صاحب العمل وتفاهم معه وقول له ايه الي جد لأنه واضح انها شركة تعبانه وناس مش محترمه بس فهمه انك مش مستعد تدفع الفلوس ده و ان ده كلها مسؤليتهم وانك مش رايح تشتغل في طابونة عيش .......... التذكرة عليهم والتذكرة الي حتيجي بيها كمان عليهم و الاقامة عليهم

[زعلان]

على فكرة ممكن الشخص ده بيعمل كده تطوعا اتصل بصاحب الشركة وقوله الي حصل وقوله انت مصدقتش لأنك قبلت تشتغل لأنها شركة محترمة مش بقالة