هل يحق للزوجة طلب الطلاق اذا تزوج زوجها واخبرها بعد وقوع الزواج ,,,,من الناحية القانونية ؟

[badroora]

والله حسه انى بقيت نجفة مشاكل مبقتش ادخل الا وغير فى ايدي مشكلة بس يلا معلش دا العشم بردوا .

المشكلة باختصار

واحدة وواحدة حبوا بعض وحصلت مشكلة فلن يتم الزواج بينهم قام هو بالزواج من اخرى اختارته له والدته ومكث فى الزواج 9 شهور ولن يستطيع البقاء معها .

فطلقها وظل الطلاق مؤجل لحين وضع مولودها

اثناء تلك الفترة مرضت امه مرض شديد وحست بالذنب تجاه ابنها انها لن تجعله ان يتزوج بمن يحب .

تقدم الشاب لحبيبتة الاولى مرة اخرى ولكن اهلها رفضوا رفض تام ولكن بعض عدة محاولات ومع سوء حالت الام الصحية الكل ضغط على مشاعر اهل العروس على اساس انه مامته هتقابل رب كريم وعاوزينها تبقي مرتاحه فى قبرها وكمان البنت كانت لسه بتحبه

المهم

تم الزواج وبعد الشهور الاولى من زواجه بها ظل اهل طليقته يضغطون عليه يا اما بطلاق بنتهم او بردها مره اخرى

الزوج كان متردد لانه ليس لدية ما يسعه من المال لاتمام عملية الطلاق من الاخرى

قامت الزوجة باعطاء مصوغاتها للزوج لكى يخلص زوجته الاولى وبالفعل تم الطلاق ومع العلم ان الاولى لديها ولد عمره الان 4 سنوالت

وبعد اتمام الطلاق ظنت الزوجة الجديدة انها ارتاحت من شبح رد زوجته التى ظل يؤرق حياتها كل حين واخر

واجنبت بنت وولد المهم

فكر الزوج برد زوجته الاولى بعد الحاح بعض من رجال الدين واهل طليقته وكان السبب حتى يتربي ابنه معه

عندما علمت زوجته غضبت وذهبت الى بيت ابيها وبعدها جاء اليها واعتزر وقال انه لن يفكر فى هذا مرة اخرى

ومن اسبوع تقريبا فوجئت الزوجة بان زوجها قد رد زوجته مرة اخرى ويريدها ان تمكث معها بنفس الشقة حيت ان شقتها كبيرة وانه غير قادر على تاجير شقة اخرى .

اريد اراء من الناحية القانونية ويكون فيه الامور التالية

اولا طريقة سريعه للانتقام من الزوج ؟

ليه انا تفكيري عدوانى كدا لانى اعرف هذه الفتاه معرفه جيدة واعرف انها اعطت الكثير وتنازلت عن الكثير فى سبيل عيش حياة هادئه تساعدها على تربية اولادها .

ثانيا انه لن يناقشها ولن يترك لها مساحة ان تختار بل فاجئها ويريد ان يجبرها ان تقبل الوضع.

ثالثا حسه انه مالوش امان للحياة معه مرة اخرى

ثالثا استهتاره باهل زوجته واستغلال طيبتهم وعدم عمل اى اعتبار له .

دا كان راى الا بناءا عليه نصحتها بطلب الطلاق ولكنى اخشي ان اكون سبب فى تدمير حياة ام عمرها 24 عام وام لولد وبنت ولا تعمل ؟

الرجاء المساهمة بالاراء السريعه لحل هذه المشكلة واريد ان اعرف ماهى الحقوق التى لابد ان تطالب بها لانها مصرة على الطلاق وهو يصر على بقائها معه.

شكرا

تم تعديل 9 فبراير 2008 بواسطة Badria Mekkawy

[Nonna]

معلش سؤال

هي الزوجة التانية لما تزوجته كانت عارفة انه لم يطلق بعد زوجته الاولى طلاق نهائي؟!!!!

ولا هو قال لها انه هيطلقها ولا ايه بالضبط؟

يعني هي واهلها ما لفوش و سألوا على الزوج و مدى صدق كلامه عن صحة طلاقه من الاولى او عدمه؟!!

حابة أفهم معلش

[~Heba~]

الحكاية واضحة زى عين الشمس ده بنى آدم ميستاهلشى تعيش معاه و لا ساعة واحدة بعد كده و مش حيبقى خراب بيوت و لا حاجة بالعكس حتصون كرامتها و كرامة اولادها اللى هم ممكن لما يكبروا و يشوفوها بالوضع ده مع ضرة معاها فى البيت ممكن يلوموا ضعفها و صبرها على الموقف

تم تعديل 10 فبراير 2008 بواسطة ENG.Heba

[vipwithyou]

لا حول ولا قوة الا بالله

الموضوع صعب لكن واضح ان الزوج بيحب الزوجة التانية وفى نفس الوقت مش عايز ابنه من الزوجة الولى يتربى بعيد عنه

رأيي ان تشترط عليه الزوجة الثانية ان تظل فى بيتها دون شريك واعتقد ان هذا حقها القانونى ان لا يشاركها فى البيت زوجة اخرى

وان يستأجر بيت آخر ليرد زوجته الاولى على ان يرد لزوجته الثانيه ما اخذه منها من ذهب او مال او ما شابه

وتكون تلك القرارات عن طريق اهل الزوجه الثانيه

واين اهل الدين الذين نصحوه بان يرد الزوجه الاولى ليحفظوا حقوق الزوجه الثانيه ؟

[Toronto]

ازا ما رمت ان تحيا سعيدا فلا تشغل فؤادك بالنساء

فهن الجالبات لكل نقص وهن المسبيبات لكل داء

[شموع]

ازا ما رمت ان تحيا سعيدا فلا تشغل فؤادك بالنساء

فهن الجالبات لكل نقص وهن المسبيبات لكل داء

.....

ازاي يعني ؟

هو مين اللي عمل المشكله دلوقت ؟

الزوج اللي هو رجل ام الزوجات اللي هما نساء؟

عموما رايي انها تعيش معاه عشان اولادها ولا تتنازل عن اي حق من حقوقها في المعيشه والمصروفات ولا تقبل ان تعيش معها ضرتها بل يجعل لها بيت منفصل عشان الولاد هيضيعوا لو اتربوا بعيد عن والدهم والطلاق ابغض الحلال الى الله وهي مش هتكون سعيده ابدا وهي مطلقة وكمان زي ما بتقولي سنها صغير مش معقول تعيش عمرها كله من غير ما تتجوز تاني وساعتها العيال تروح فين ؟

وبعدين الاولى ذنبها ايه انه لما راح مع اهله يطلبها للزواج وافقت بيه ؟ بعد كده تركها عشان بيحب التانيه , يعني حبه لها خلاه هد بيته وتسبب في اذى للاولى وكمان وهي حامل بجد حرام ده

[badroora]

شكرا جزيلا يا جماعة على كل من ساهم بالرد فى حل هذه المشكلة

وفعلا اللى تم هو تقريبا زى راى شموع وvipwithyou

تم عقد جلسة عرب زى ما بيسموها وتم الاتفاق على رد كل حقوق الزوجة وتوفير بيت منفصل لها .

وقد تم رد الحقوق وفى انتطار توفير الشقة المنفصلة .

وربنا يسعدهم يا رب ويبارك فى حياتهم ويعينهم على بعض .

وشكرا لكم جميعا على اهتمامكم

بدرية

[~Heba~]

طب معلش يا بدرية هو جاب منين فلوس عشان يرد لها حقوقها و يجيب لها شقة منفصلة

تعرفوا انا اكتر واحدة صعبانة عليا مين ...الزوجة الاولى شفت جواز الصالونات بيعمل ايه اتجوزها عشان بس امه نقتها له و هو مكنش بيحبها اصلا كان الله فى عون مصيرها بقت ضرة

[badroora]

طب معلش يا بدرية هو جاب منين فلوس عشان يرد لها حقوقها و يجيب لها شقة منفصلة

تعرفوا انا اكتر واحدة صعبانة عليا مين ...الزوجة الاولى شفت جواز الصالونات بيعمل ايه اتجوزها عشان بس امه نقتها له و هو مكنش بيحبها اصلا كان الله فى عون مصيرها بقت ضرة

شوفى يا سيتى هو كان عامل جمعية وهتنقبض الشهر الجاى وقال دى هتخدها تجيب بها دهبها اللى انباع .

وبخصوص الشقة هو مقيم فى بيت اهله فاخواته قالوا هيوفروا شقة صغيرة ا

حجرتين وصالة ومطبخ وحمام فى نفس البيت

بصي يا هبه هو الجواز كله مشاكل وقرف سواء صالونات ولا عن حب والله ماشوفت جواز عدله تخلى الواحد يتشجع ويقول يا جواز .

الصالونات اتنين اغراب عن بعض وجوازهم ممكن يفشل او ينجح او يستمر كروتين .

جواز عن حب بعد الزواج بيروح الحب والاتنين يتعروا قدام بعض وبيصبحوا غرباء ايضا وهنا بتكون الصدمة اكبر لان كل واحد ضحى عشان الطرف الاخر وكانه فاكر تحت القبة شيخ وبعد الجواز بيلاقوا حاجات تانية .

انا من راى الخاص واللى مقتنعه به جدا جدا واستحالة اتخلى عنه ان اى ست قبل ما تفكر تتجوز لازم تكون قوية بكل شيء سواء ماديا او علميا او اى حاجة تانية المهم تكون قوية ومش محتاجة تعتمد على حد عشان لما جوزها يشتندل معاها تبقي قوية وتعرف تكمل حياتها من غيره والحياه متقوفش عنده ولو عندها ولاد تربيهم ومتحتجلوش .

لان الرجالة بصراحة او بعضهم عشان محدش من اخوانا يزعلوا من كلامى غير اهلين لا للثقة ولا لامانه .

واى سيدة جدعه تعرف تأمن نفسها كويس للايام السودة لان احنا بطبيعتنا كنساء حنينين وننساق وراء الكلام الحلو وعند حدوث اللامتوقع بتلاقي مشاعرنا بتنزف وتتقطع والراجل مش هنا خالص بيفكر بطريقة مادية بحته بعيد عن المشاعر والجروح لانه للاسف الحاجات دى بتكون انتهت من عنده من زمان تقريبا من قبل الخطوبة بشهر

يلا بلاش كدا عشان معقدتش حد :unsure:

[شموع]

شوفوا يا جماعه

الرجل في هذه الايام يبحث غالبا عن المرأه العامله باسم انها تساعده بس الحقيقه هو بيبص لاكبر من كده وهو انها تكون تحت وصايته والست معلش في اللفظ (الغبيه) تنساق لذلك باسم التضحيه وبساعد زوجي لا وكمان تديه كارت البنك هو اللي عارف راتبها كم وهو اللي يقبض وهي كل اللي عليها تشتغل لا وكمان لما ترجع من الشغل تعمل اللي عليها من تنظيف البيت ورعاية الاولاد وقبل كل ده توفير طلبات الزوج يعني سي السيد ( مش سي السيد اللي معانا في المنتدى) وفي الحقيقة بتكون زوجه بتصرف على نفسها وزوجها كمان والعيال رغم ان المفروض ان الزوج اللي يصرف عليها وفي الحاله دي لا يحق لها ان تطالب بحقها بعد ان تنازلت عنه لانه اصبح فرض عليها وياريتها بتعجب بعد كل ده

البنت قبل الزواج المفروض امها تفهمها او اي بنت حلال من صاحباتها تعرفها ان لها خصوصيه بخصوص راتبها او اموالها فالمرأه لها زمه ماليه منفصلة وبعدين ليه ربنا سبحانه وتعالى جعل للذكر مثل حظ الانثيين؟

وبعد كل ده اصبحت الست هي اللي تنفق والرجل بيعمل ايه ؟؟؟

معلش انا برده مش بقول الكلام ده عن كل الرجاله عشان محدش يزعل

طولت عليكم

بس احب اقول لكم حاجه انا لي زميله كانت تشتغل وعندها ولد وبنت وكتير كانت تيجي الشغل واثار الضرب على وشها وزوجها كان معاه كارت البنك ويقبض راتبها وهي كانت تتحايل عليه عشان بس يعمل لها مصروف وبنى عماره طبعا باسمه , وبعدين حصلت مشاكل عشان طفح الكيل معاها ولم تعد تتحمل بخله وجبروته عليها انتظرت لما نزلت مصر واستنجدت بأهلها واتطلقت.

تعرفوا اتطلقت نظير ايه ؟

اولا تتنازل عن كل حقوقها حتى النفقه وثانيا تاخد العيال معاها هو مش عاوزهم وبعدين راح اتجوز وكون له اسره في العماره اللي المفروض انها من عرق طليقته

هي عشان ترجع هنا تاني طبعا اتفصلت من شغلها عشان منعها من السفر وبعد الطلاق ارادت العودة عشان تصرف على عيالها ولما ربنا بعت لها ولاد الحلال اللي يساعدوها في وجود فرصة عمل كانت المشكله في التذكره مفيش معاها فلوس التذكره

طلبت مساعده اخواتها قالوا لها منين ؟؟ وعندما ارادت تبيع اسوره لها الفلوس ظهرت واختها قالت لها انا اشتريها منك وخدتها مقابل التذكره وهي حتى الان تصرف على عيالها وكأن ابوهم مات وهما عارفين انه عايش وعلى فكره بيزوروه كمان في بيته التاني

كفايه كده

[~Heba~]

بصي يا هبه هو الجواز كله مشاكل وقرف سواء صالونات ولا عن حب والله ماشوفت جواز عدله تخلى الواحد يتشجع ويقول يا جواز .

الصالونات اتنين اغراب عن بعض وجوازهم ممكن يفشل او ينجح او يستمر كروتين .

جواز عن حب بعد الزواج بيروح الحب والاتنين يتعروا قدام بعض وبيصبحوا غرباء ايضا وهنا بتكون الصدمة اكبر لان كل واحد ضحى عشان الطرف الاخر وكانه فاكر تحت القبة شيخ وبعد الجواز بيلاقوا حاجات تانية .

انا من راى الخاص واللى مقتنعه به جدا جدا واستحالة اتخلى عنه ان اى ست قبل ما تفكر تتجوز لازم تكون قوية بكل شيء سواء ماديا او علميا او اى حاجة تانية المهم تكون قوية ومش محتاجة تعتمد على حد عشان لما جوزها يشتندل معاها تبقي قوية وتعرف تكمل حياتها من غيره والحياه متقوفش عنده ولو عندها ولاد تربيهم ومتحتجلوش .

لان الرجالة بصراحة او بعضهم عشان محدش من اخوانا يزعلوا من كلامى غير اهلين لا للثقة ولا لامانه .

واى سيدة جدعه تعرف تأمن نفسها كويس للايام السودة لان احنا بطبيعتنا كنساء حنينين وننساق وراء الكلام الحلو وعند حدوث اللامتوقع بتلاقي مشاعرنا بتنزف وتتقطع والراجل مش هنا خالص بيفكر بطريقة مادية بحته بعيد عن المشاعر والجروح لانه للاسف الحاجات دى بتكون انتهت من عنده من زمان تقريبا من قبل الخطوبة بشهر

يلا بلاش كدا عشان معقدتش حد

و الله كلامك صحيح مية فالمية و متخافيش احنا متعقدين طبيعى و الله يجازى اللى كان السبب

[~Heba~]

بس احب اقول لكم حاجه انا لي زميله كانت تشتغل وعندها ولد وبنت وكتير كانت تيجي الشغل واثار الضرب على وشها وزوجها كان معاه كارت البنك ويقبض راتبها وهي كانت تتحايل عليه عشان بس يعمل لها مصروف وبنى عماره طبعا باسمه , وبعدين حصلت مشاكل عشان طفح الكيل معاها ولم تعد تتحمل بخله وجبروته عليها انتظرت لما نزلت مصر واستنجدت بأهلها واتطلقت.

تعرفوا اتطلقت نظير ايه ؟

اولا تتنازل عن كل حقوقها حتى النفقه وثانيا تاخد العيال معاها هو مش عاوزهم وبعدين راح اتجوز وكون له اسره في العماره اللي المفروض انها من عرق طليقته

هي عشان ترجع هنا تاني طبعا اتفصلت من شغلها عشان منعها من السفر وبعد الطلاق ارادت العودة عشان تصرف على عيالها ولما ربنا بعت لها ولاد الحلال اللي يساعدوها في وجود فرصة عمل كانت المشكله في التذكره مفيش معاها فلوس التذكره

طلبت مساعده اخواتها قالوا لها منين ؟؟ وعندما ارادت تبيع اسوره لها الفلوس ظهرت واختها قالت لها انا اشتريها منك وخدتها مقابل التذكره وهي حتى الان تصرف على عيالها وكأن ابوهم مات وهما عارفين انه عايش وعلى فكره بيزوروه كمان في بيته التاني

كفايه كده

لا حول و لا قوة الا بالله ربنا يصبرها اهى الحكايات اللى زى دى اللى بتعقد بصحيح لكن نعمل ايه دا واقع ربنا يكفينا شر الرجالة

تم تعديل 16 فبراير 2008 بواسطة ENG.Heba