رباعيات الغربة

[مصري جدا]

الأخ أبو جيداء

شكرا لمرورك الكريم وأسف لتأخري في الرد عليك لأنشغالي في قراءة وسماع ماتكتبه لدرجة أني عاوز أرد علي مواضيعك مش لاحق.....مره أخري شكرا لمرورك الكريم

[مصري جدا]

ياصعيدي ...ياللي شايل علي ضهرك طول الزمن...أحمال

بنيت وعليت وعملت لك في كل البلاد... تمثال

لايهمك من اللي بيتقال عليك في النكت

ده كلام ببلاش.....وأنت عرقك مايتقدرش بمال

وعجبي

أحمد جلبي

تم تعديل 21 أبريل 2008 بواسطة مصري جدا

[مصري جدا]

قوم يامصري وأكسر تابوتك........وكفايه نوم

قوم وأصرخ بعلو صوتك.............ومتخافش يوم

دي مصرأرضك ...ماتسيبش حقك للنهابين ........

دول مهما أخدوا مش شبعانين... ومش حيسيبولك

حتي الهدوم

وعجبي

أحمد جلبي

[مصري جدا]

صعبان يامصري ...عليّ ........وأيه العمل

باعوك بأرضك ونصرك ......بأرخص تمن

لكن برغم سواد الصمت وكتم النفس

شايف شعاع بيلمع ....هناك....من سيف الآمل

وعجبي

أحمد جلبي

[**فريسكا**]

موضوع جميل جدا ..

[dr gml]

**في لحظة سفر

في لحظة سفر وعيونك بتودعني

فيها كلام كتير ..في قلبي بيوجعني

وعيوني ترد… بحبك …ولساني بيمنعني

خايف أقولها أضيعك ….وخايف مقولش….. تسمعني

وعجبي

أحمد جلبي

تعبير جميل

وإحساس عميق وراقى

الله عليك يادكتور

[مصري جدا]

:rolleyes: فريسكا د.جمال

تم تعديل 11 مايو 2008 بواسطة مصري جدا

[مصري جدا]

الاخ أو الأخت فريسكا ....شكرا لمرورك الجميل...سؤال..أنت من أسكندريه....؟ :rolleyes:

د.جمال...شرفت رباعياتي بمرورك الكريم...أتمني دائما وجودك

تم تعديل 11 مايو 2008 بواسطة مصري جدا

[مصري جدا]

غاب القمر عنا ....أنا قلت ماله

ياتري ناسينا ولا بيسوق دلاله

أن كان ناسينا ولا بيدلل

لابد من يوم يجينا...ونشوف جماله

وعجبي]

أحمد جلبي

تم تعديل 15 مايو 2008 بواسطة مصري جدا

[امانى]

تسجيل متابعة واعجاب

رباعياتك كلها رائعة تمس ما بداخلنا من احاسيس مختلفة . كلها رائعة لا تفضيل احدها على الاخرى

فى انتظار المزيد

امانى

[مصري جدا]

الأخت أماني

:)

شكرا لمرورك الكريم وياريت ما تحرميناش من ارائك ...وأتمني اللي جاي يعجبكم

[مصري جدا]

ورقة شجر وقعت شالها الهوا علي كفه

طار بيها بعيد... بعيد ...وتعب من كتر لفه

حطها علي سطح نبع وسط صحرا ....قالت

كان نفسي أنشف في طل أمي....بس مين بينقي كفنه

وعجبي

أحمد جلبي

تم تعديل 22 مايو 2008 بواسطة مصري جدا

[dr gml]

ورقة شجر وقعت شالها الهوا علي كفه

طار بيها بعيد... بعيد ...وتعب من كتر لفه

حطها علي سطح نبع وسط صحرا ....قالت

كان نفسي أنشف في طل أمي....بس مين بينقي كفنه[وسط][/وسط]

رائعة....

و موجعة

أشكرك

[مصري جدا]

أخي العزيز د.جمال

فعلا أنا كنت متخوف ومتردد من نشر الرباعيه دي ...لأني حسيت أنها بتصدم في النهايه ....بس رجعت ولقيت أن هي دي الحياه بتمشي معانا حلوه وفي لحظه بتقلب ....وتوجع وتصدم ......علشان كده راح التردد ونشرتها ...وأهي تبقي تذكره

ولكنس بأعتذر لآي واحد صدم منها

شكرا لمرورك ومداخلتك اللي بأعتز بها

[دكتور ش ع م]

نزلت دموع الوجع....ع الجفن ما جفوا

طحن الخريف العروق

و الغربة ويا الشوق

و الحزن ما كفوا

و عجبي..

علي قلب ووقع من فوق

سيل الهوي جرفوا

عزيزي د.جلبي: أحيي ابداعك و روعة أفكارك .كلمات بسيطه و مبهرة

في الوقت ذاته أكاد أشم فيها رائحة صلاح جاهين. دمت مبدعا و لك تحياتي

تم تعديل 24 مايو 2008 بواسطة دكتور ش ع م

[مصري جدا]

عزيزي د.ش.ع.م.

شكرا لتشريفك لي بمرورك علي رباعياتي وتعليقك الواقعي جدا.....تعرف حضرتك أني قررت أكتب رباعيات بعد قرائتي لرباعيات صلاح جاهين .....فعلا كانت محفز لي علي الكتابه ...ده حصل من زمن بعيد ...بس مازلت بأحب أكتب بنفس أسلوب الرباعيات

يمكن كمان حضرتك حسيت بروح صلاح جاهين من نبرة الحزن اللي بتغلف معظم الرباعيات عندي .....لكن في النهايه أنا فين من صلاح جاهين ...شكرا لمرورك الكريم وفي أنتظار تلعيقاتك دائما

سؤال حضرتك تعرفني من قبل ...لأن أسم د.جلبي هو الأسم اللي مشهور بيه في مجال عملي

[egyptian girl]

كتابات حضرتك بجد روعه ومؤثره جدا

ننتظر المزيد

[مصري جدا]

<font face="Times New Roman"><font size="4"><font color="#000080">الأخت أو الأبنه المصريه....أنا حسيت أنك أبنه ويسعدني أن تكون أول مشاركاتك في الرباعيات <br />أهلا بك وسط أهلك ونورتي الموضوع واتمني أن أري تعليقاتك دائما</font></font></font>

تم تعديل 25 مايو 2008 بواسطة مصري جدا

[امانى]

ورقة شجر وقعت شالها الهوا علي كفه

طار بيها بعيد... بعيد ...وتعب من كتر لفه

حطها علي سطح نبع وسط صحرا ....قالت

كان نفسي أنشف في طل أمي....بس مين بينقي كفنه

وعجب][/b

كلمات رائعة وحزينة ممزوجة بالألم رباعياتك دائما تشدنى واليوم اسمحلى ارد عليها وياريت يعجبك ردى

يا ورقه ليه زعلانه عشان رحتى بعيد

ياما اوراق قريبة وفيها حزن شديد

اوعى تزعلى م البعد وشوفى

ياما ورق فى اشجاره عمره ما كان سعيد

تسجيل متابعة وفى انتظار المزيد

[فتافيت]

بصيت علي خريطة العرب وفركت العيون

أدور علي بلد ممكن أعيش فيها …بدون

ظلم أوقهر أوفقر…..ملقيتش

وساعتها أفتكرت….. برتوكولات صهيون

وعجبي

**في بلادنا العربية أنا شفت تمثيلية

أبطالها…….. شعوبنا العربيه ….

ملابسهم حسب القضية …..أدوارهم

يا تعيش أراجوز وتعدي السور

يا أما حتموت تحت السور

وعجبي

حلم كل عربي

غار المخفي وياريته ماغار

أنا كان نفسي يتكوي بنار

الظلم اللي سقاه لناسه وشعبه

اللي كان نفسه ياخد التار وعجبي

أحمد جلبي

حلو قوي كلامك وعلي الوتر الحسسسسسسسسسسسسسساس ربنا يردنا من غربتنا بالسلامة wst::