رباعيات الغربة

[فتافيت]

ورقة شجر وقعت شالها الهوا علي كفه

طار بيها بعيد... بعيد ...وتعب من كتر لفه

حطها علي سطح نبع وسط صحرا ....قالت

كان نفسي أنشف في طل أمي....بس مين بينقي كفنه

وعجب][/b

كلمات رائعة وحزينة ممزوجة بالألم رباعياتك دائما تشدنى واليوم اسمحلى ارد عليها وياريت يعجبك ردى

يا ورقه ليه زعلانه عشان رحتى بعيد

ياما اوراق قريبة وفيها حزن شديد

اوعى تزعلى م البعد وشوفى

ياما ورق فى اشجاره عمره ما كان سعيد

تسجيل متابعة وفى انتظار المزيد

كلامك جميل قوي بس لية ياورقة زعلانة دة الغربة هم شديد في مصر ناس فرحانة بيوم العيد ولا حد فيهم شايل هم اللي بعيد بس بيطلوب ويقول هات من معاك دننانير واهي سنين وتعدي وبدعي ربنا ما اموتش غريب وعجابي

[فتافيت]

كل يو م غربة بيعدي بياخد من عمري كتير ويا تري ها افضل اعدي لما الحمل يزيد wst:: خايف ما اقدر اشيل والوجع يزيد

[مصري جدا]

يا ورقه ليه زعلانه عشان رحتى بعيد

ياما اوراق قريبة وفيها حزن شديد

اوعى تزعلى م البعد وشوفى

ياما ورق فى اشجاره عمره ما كان سعيد

أماني

الأخت أماني

جميله والله ........بجد كلمات كلها مشاعر صادقة علشان كده بتوصل مباشرة للقلب .....شكرا علي أثرائك لرباعياتي بكلامك...

الأخت فتافيت

شكرا لمرورك ومداخلتك الرقيقه ...وربنا يقصر غربتنا ....بس المشكله أن الغربه كمان في بلدنا ....وأعمل أيه

تم تعديل 28 مايو 2008 بواسطة مصري جدا

[مصري جدا]

ضاق صدري م اللي جواه

ومقدرش أشكي.. اللي بأهواه

سألت… ليه يا قلب حزنك كبير

قال…قتلني اللي بحبه ….وضيعت عمري معاه

وعجبي

أحمد جلبي

[shahd]

ضاق صدري م اللي جواه

ومقدرش أشكي.. اللي بأهواه

سألت… ليه يا قلب حزنك كبير

قال…قتلني اللي بحبه ….وضيعت عمري معاه

وعجبي

أحمد جلبي

الله الله الله صح لسانك استاذ مصري فعلا معبرة ورائعه

[مصري جدا]

الأخت العزيزه شهد

أسعدني تواجدك بالرباعيات ....شكرا لك

[مصري جدا]

ورجعت تاني أغني وأتنطط بين الشجر

وأمني قلبي بجناح يشليني لحد القمر

وأسعي في دنيا الله ..وكل قلبي مناه

ألاقي الحب...... مالي قلوب البشر

وعجبي

أحمد جلبي

تم تعديل 25 يونيو 2008 بواسطة مصري جدا

[امانى]

ضاق صدري م اللي جواه

ومقدرش أشكي.. اللي بأهواه

سألت… ليه يا قلب حزنك كبير

قال…قتلني اللي بحبه ….وضيعت عمري معاه

ورجعت تاني أغني وأتنطط بين الشجر

وأمني قلبي بجناح يشليني لحد القمر

وأسعي في دنيا الله ..ووكل قلبي مناه

ألاقي الحب...... مالي قلوب البشر

الله يا مصرى جدا على كلماتك وجمالها وبساطتها وعلى حالة الرباعيتين والتضاد بينهم من حزن وهم الى فرح ومرح

اسلوبك رائع تسجيل متابعة وفى انتظار المزيد

[مصري جدا]

الأخت أماني

شكرا لمرورك وكلماتك الرقيقه والجميله . ...وأن كنت مستني منك رد برباعيه ....يلا أتشجعي وأكتبي ....وأحنا مستنين

تم تعديل 25 يونيو 2008 بواسطة مصري جدا

[City of angels]

ورجعت تاني يا قلبي تحلم بالقمر

وتقول أغاني كانت زمان قبل السفر

نفسك تشوف ف الصحرا وردة حمرا

هيا الثمار ازاي تبان من غير شجر

عمرو عريبه

تم تعديل 25 يونيو 2008 بواسطة City of angels

[City of angels]

تسجيل متابعة واعجاب ولو اني قلبتها حزايني لكن اعذرني يا دكتور عصب عني هوا دا اللي طلع في ايدي

تحياتي

[مصري جدا]

أهلا ياعمرو ...فينك ياراجل من زمان وحارمنا من كلامك الحلو ده .....

نورت الرباعيات هنا ...وانا مستني رباعيات الزمن اللي فات .....فياريت ما تخلنيش أستني كتير ...

شكرا علي مرورك ورباعيتك الجميله ...بس أبقي كبر االخط شويه

[امانى]

الأخت أماني

شكرا لمرورك وكلماتك الرقيقه والجميله . :sad: ...وأن كنت مستني منك رد برباعيه ....يلا أتشجعي وأكتبي ....وأحنا مستنين

الاخ العزيز مصرى اشكرك جدا على اعجابك بكلماتى البسيطة وعلى تشجيعك ليا وعلشان كدة انا بعتالكم الكلمتين دول فى الغربه

من مصر بقولكم حاسة بحنينكم ليها

وانا حاسة كمان زيكم رغم انى بعيش فيها

الغربة مش غربة وطن ولا بعد عن امنا

الغربه غربه نفس عايشة ما بين أهاليها

مصر كانت زمان ضلة وقعدة حلوة وقلة تروينا

دلوقت اتملت حيتان تنهش ايامنا وامانينا

مات الأمل جوانا والغربه خدتنا اتملكت منا

والحلم بقى معجزة ننتظره ..... وأمتى يجينا

معلش هى حزينة شوية بس ده تعبير عن احساسى وانا داخل مصر

تم تعديل 26 يونيو 2008 بواسطة امانى

[مصري جدا]

الأخت العزيزه أماني

أقسي شعور هو شعور الغربه داخل الوطن ....وده الشعور اللي حاسيته بعد رجوعي مصر ...وكان سبب كتابتي لموضوع غربة الوطن ..وهل كتب علينا نعيش في غربه علي طول ....من حوالي كام شهر في باب المغتربين

مش عارف أقولك أيه كلماتك {بدون الكلام علي الوزن والحاجات المتخصصه دي }...عبرت عن أحساس ومشاعر صادقة وعلشان كده الواحد لما يقراها بيحس قد ايه اللي كتبها حس بيها .....أكتبي مشاعرك ودونيها وماتفكريش في الوزن والقافيه ...المهم سجلي صوره لمشاعرك ......شكرا لك علي أضافة كل هذة المشاعر للرباعيات .....وانا قلت عن نفسي قبل كده ..أنا مش شاعر ..أنا بأكتب مشاعر.....ربنا يخفف عنا الغربه الخارجيه والأهم منها غربة الوطن ....اللي مسببه لي الخوف الأن لأني نازل أجازه بعد شهر وخايف يحصل معايا زي السنه اللي فاتت وأعيش في غربة وسط بلدي

[مصري جدا]

ليه يا يمام دايما...... أشوفكم أتنين

ع الأرض بتسعي سوا أو في الفضا طايرين

ياتري ده أسمه حب ؟!!!ولا وفا منكم

ولا أنا يمكن.......عندي زغللة عينين

وعجبي

أحمدجلبي

[امانى]

ليه يا يمام دايما...... أشوفكم أتنين

ع الأرض بتسعي سوا أو في الفضا طايرين

ياتري ده أسمه حب ؟!!!ولا وفا منكم

ولا أنا يمكن.......عندي زغللة عينين

وعجبي

أحمدجلبي

لايامصرى......... دى مش زغللة عينين

ده حب ربنا قدره يملا بيه القلبين

فى الارض تسعى دايما سوى

ف السما حامدين ربهم شاكرين

رباعيتك رائعة يا مصرى وفى انتظار المزيد

[مصري جدا]

لايامصرى......... دى مش زغللة عينين

ده حب ربنا قدره يملا بيه القلبين

فى الارض تسعى دايما سوى

ف السما حامدين ربهم شاكرين

رباعيتك رائعة يا مصرى وفى انتظار المزيد

ما شاء الله عليكي يا أخت اماني

رباعياتك جميله .......شكرا علي مرورك وإثرائك لرباعياتي بكلامك

[مصري جدا]

عايش في الدنيا غريب.... ومتغرب

وأشوف أحوال البشرفيها .. وأستغرب

ظلمهم لنفسهم ولناس زيهم ...وناسين

أن مفيش من فراقها ......مهرب

وعجبي

أحمد جلبي

[لولا]

الموضوع رااااااااااااااااااااااااااااااااااااائع جدا...

ومجهود تشكر عليه بشده.

[مصري جدا]

الأخت لولا

شكرا لك لمرورك علي رباعياتي وتعليقك الرقيق .....واسف لتأخري في الرد ..أصلي كنت مشغول في القهوه اللي علي ناصية المحاورات اللي كل شويه الآقي موضوع جديد فيها يشدني ...