رباعيات الغربة

[د هشام ابراهيم]

تحية طيبة عطرة للفاضل مصري جدا و جميع من شارك في الموضوع :lol: ..... مرة أخري أجدني استكشف معني من معاني الشجن النبيل المتعددة ..... مساهمة مني أضيف رباعية اعتبرها من أجمل ما كتب الراحل صلاح جاهين رحمه الله

فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!

[عاشق]

حبيت اشارك

بس لقيت توقيعي اكثر تعبيرا

تحياتي

[fatfouta]

حبيت اشارك

بس لقيت توقيعي اكثر تعبيرا

تحياتي

والله خليتونى اعيط

ايه الكلام الجميل ده خلانى اسرح بجد وافتكر النيل اللى ماشفتوش من مدة ويا ترى عامل ايه دلوقتى وكمان افتكرت كل حاجة حلوة فى مصر

للاسف انا مش كاتبة ولا شاعرة وماعنديش رباعيات بس احب اقرالكم

استمروا ربنا معاكم

[عاشق]

حبيت اشارك

بس لقيت توقيعي اكثر تعبيرا

تحياتي :blush2:

والله خليتونى اعيط

ايه الكلام الجميل ده خلانى اسرح بجد وافتكر النيل اللى ماشفتوش من مدة ويا ترى عامل ايه دلوقتى وكمان افتكرت كل حاجة حلوة فى مصر

للاسف انا مش كاتبة ولا شاعرة وماعنديش رباعيات بس احب اقرالكم

استمروا ربنا معاكم

لا لا يا فتفوته مفناش من عياط

وحتى لو لم تكوني شاعرة او كاتبة

فكلماتك هذه اكثر تعبيراً وصدقاً

تحياتي

مصر غليا علينا كلنا

[عاشق]

لو فتحو قلبي مش هيلاقو غيرك جواه

ولو بصو في عقلي مش هيلاقو غيرك اهواه

وعجبي

[مصري جدا]

:unsure: :rolleyes: الأخوه الأعزاء

بنت فاضل

بنت بلد

عاشق

د.هشام إبراهيم

فتفوته

أسعدني مروركم وتواجدكم وإثرائكم لرباعياتي بكلامكم وأشعاركم

ألف شكر لكم جميعا وأعذروني لاني بأرد عليكم جميعا في مداخله واحدة وده بسبب مشكله عندي ومش عارف لها حل...بتخليني مش بأعرف أدخل علي الموضوع غير مره واحده فقط

مره أخري أسعدني جدا تواجدكم معايا وشكرا لكم

ومرحبا بك أختي وفاء وتشرفي الموضوع وتثريه بشعرك الجميل

:unsure: :happy:

[مصري جدا]

كِتر الخبط علي راسي .....ما قلت أي

وهرب الضحك من عيني...وشفت الحزن جاي

قلت له تعال ...لكن أوعدك ...لا قلبي حيفتح لك باب

ولا ح تطفي جوايا ضي

عجبي

أحمد جلبي

[مصري جدا]

كِتر الخبط علي راسي .....ما قلت أي

وهرب الضحك من عيني...وشفت الحزن جاي

قلت له تعال ...لكن أوعدك ...لا قلبي حيفتح لك باب

ولا ح تطفي جوايا ضي

عجبي

أحمد جلبي

[عاشق]

مصر

الاغاني والاماني والنغم الاصيل

مصر

الضحكة واللمة الحلوه وسط اصحبنا وحنا صغيرين

مصر

صوت الكرته والخيل والاسطى نعيم

مصر

الحارة والست ام بسينه وخنقها تملى مع الست ام حسين

مصر

لعب الضمنه والطوله على القهوة مع الناس الطيبين

مصر

بتاع العسلية والحرنكش ابو قرش وابو قرشين

مصر

النسمة الحلوه وقت العصريه على شط النيل

[mohammad zizoo]

الله عليك

اخونا احمد

عاوز ارد عليك من زمان

وابدى اعجابى وتاثرى برباعيات الغربة

لكن مش لاقى كلام يوفيك حقك

سلمت يمناك وسلم احساسك

[مصري جدا]

الأخوة الأعزاء

عاشق

محمد زيزو ..أبو زياد

شكرا لكم علي مروركم وتعليقكم وأسف لتأخري في الرد بسبب مشكله عندي بتعطل الدخول علي المحاورات أو أي منتدي عموما

شكرا لكم وأتمني وجودكم دائما في الرباعيات

[fagrmasr]

اسمح لى أسجل اعجابى * * باللى قريته م المشاعر

حسيت انى لقيت احبابى * * مصرى وباحساسك شاعر

افتح لك قلبى وكمان بابى

قول لى واكتب عن مصابى

ومفيش عنوان انت جوابى

شكرا بجد .. وفخور ان تكون اول مشاركاتى معك

تم تعديل 1 أبريل 2009 بواسطة fagrmasr

[مصري جدا]

الأخ فجر مصر

نورت الرباعيات وأهلا بك دائما

وشكرا لك لدخولك بأول مشاركاتك هنا :rolleyes: في الرباعيات

[مصري جدا]

الأخ فجر مصر

شكرا لمرورك وتعليقك وجعل أول مشاركاتك هنا في الرباعيات

وأهلا بك دائما

أسف لأني عندي مشكله في النت مش عارف ردودي مش بتظهر ليه لأني كنت كتبت رد قبل ده ولم يظهر

[مصري جدا]

برعم صغير وشايل علي ضهره من الهموم كراريس

ف عيونه عزم يشعل في كل القلوب فوانيس

تمحي سواد اليأس ف قلوبنا..ويقولنا

أغرس لي فجر جديد مفيهوش كوابيس

عجبي

أحمد جلبي

[عاشق]

حبيت اشارك

في هذه الرباعيات

يا قلبي

ادعي عليك ولا اقول ربنا يهديك

مش عارف انتي معايا ولا حد غويك

*****

يا احبه انا محتار

من ساعة ما شفته قلبي في نار

هوه ده الحب ولا انا غلطان

*****

[مصري جدا]

عصفور كناري واقف علي شباكي

خايف يطير وخايف يقع ف شباكي

مديت له أيدي... أساعده ...عضني

من كتر خوفه نسي رقته.... وبقي عدواني

عجبي

أحمد جلبي

[مصري جدا]

فراشه قطعت الخيوط .....وطلعت من شرنقتها

ولملمت من شعاع الشمس الدفا.... وفردت جناحتها

طارت لفوق .....طالبه السما...ومين يوقفها

من بعد ضيق الشرنقه ..ربك فرجها... والدنيا وسعتها

عجبي

أحمد جلبي

تم تعديل 4 ديسمبر 2009 بواسطة مصري جدا

[فنان محتار]

هذا الموضوع شاركت به منذ قليل ولكنى اعتقد ان له علاقة بموضوعك الكريم فاردت المشاركة

لا اعلم منذ متى بدأت هذه المشاعر تتسلل الى نفسى ..

اغتراب لا اشعر بوطنى بموطنى ببيتى انا لا انتمى لهذا المكان ..

المكان يرفضنى لا اعلم ام انا من يرفض هذا المكان ..

كم اردت ان انتمى اعشق ترابك لكن لا اعلم لماذا تكرهينى ..

صعب هذا .. لا احتمل ان اكون بداخلك ولكنى لا اشعر بكى وانتى لا تريدينى ..

هل اتركك وارحل كما فعل اغلب ابنائك واذهب بعيداً جداً ام انتظر حتى تقتلينى ..

يابلدى احبك بل اعشق كل ذرة رمل فيكى مش بالكلام لكن الغريب انك لا تعرفينى ..

كيف لى ان اطلب فى لحظة احتياج ايدك ولكنى غير مبالية بى بل تهملينى ..

متمسكاً بكل لحظة بعيشها فيكى ولكن عفواً انتى تطردينى ..

فلا تطلبى من بعد هذا ان اعود فانا غريب هنا فى وطنى ووطن جدود الجدود ولكنى

قررت الرحيل .. الرحيل .. واظن انكى لن تتعلقى بى ولكن ارجو منك ان تتذكرينى

ان مين ؟؟ انا واحد من ولادك .. درجة تانية مكرر واعلم انك لا تعرفينى ...

تحياتى / بيشوى ( فنان محتار )

[مصري جدا]

سحاب ف السما أتشكل كأنه جبال

وشعاع الشمس من خلفه ..بيتسلل....ويرمي حبال

شايله النور والدفا لقلوب بردانه

تديها أمل وتقولها ....ده مفيش محال

عجبي[

احمد جلبي