الرجل غير المناسب في المكان غير المناسب !

[shawshank]

في مصر يعمل الكثيرون في غير أعمالهم التي يتقنونها ، أو التي يصلحون لها لو كان في المجتمع عدل وإنصاف ، ربما لأسباب اجتماعية أو اقتصادية أو غيرها . لكني أؤمن بأنه في كل منا مواهب وقدرات تؤهله لعمل معين . في هذا الموضوع أستعير أفكار الفاضل Sherif Abdel-Wahab لنسرد أسماء شخصيات عامة (أو غير عامة) ومع كل اسم نذكر العمل الذي كان يصلح له . ربما يكون هذا العمل نفس ما يعمله الآن ، وربما لا.

كمال الشاذلي

ممتاز القط

فاروق حسني

سمير زاهر

أحمد نظيف

ممدوح الليثي

من خلال معلوماتنا عن تلك الشخصيات ، تفتكروا دول كانوا ينفعوا يشتغلوا ايه ؟

[vipwithyou]

احمد نظيف .. رئيس وزراء

[Alshiekh]

كمال الشاذلى ××××××××××××× السلخانة

[se_ Elsyed]

بسم الله الرحمن الرحيم

ممتاز القط .................. جزماتي ... وبعد الضهر يقعد على ناصية الشارع يبيع ملوخية بالطشة والتقلية .... فهو أبعد ما يكون عن مهنة الصحافة المحترمة ....

فاروق حسني ..... فاكرين الدور اللي كان بيلعبه الفنان فاروق فلوكس زمان في عدة أفلام وكل دوره كان يمسك المبخرة ويمشي ورا أبلته العالمة وما يبقاش معروف له ملة هو راجل ولا ست ولا بلا أزرق ..... أهو فاروق حُسني لايقه عليه الشغلانه دي .. بالمناسبة فلوكس كان دايماً يطلع إيه " سيكسيكه "

ممدوح الليثي .... مش أنا اللي قلت .. ده قضاء مصر الشامخ اللي قال عليه " قواد " وشغلته بيوفق راسين في الـ " حرام "

أحمد نظيف ......... أنا أتولدت في سراي القُبة وقعدت فيها يمكن 6 سنين وبعدين نقلنا لشارع مصر والسودان وقعدت فيها لحد سنة 5 إبتدائية بس التموين بتاعنا أبو بطاقة كان في سراي القبة وتحديداً عند واحد مشهور قوي - زمانه مات دلوقت أصلة الكلام ده من 20 سنة - إسمه ( نعمة الله ) ، اهو أحمد نظيف ينفع يشتغل نعمة الله بتاع التموين ويدخل بقى بطاقة التموين الذكية والزيت الذكي والسُكر الإلكتروني وهكذا ..

كمال الشاذلي .............. جزار .... بس مش جزار محترم ... لأ ده جزار بيتاجر في الكرشه والفشه والكوارع ودول بيعتبروهم جزارين درجة تالتة

سمير زاهر .... دمياطي شاطر وناجح وخليه في شغلانته دي

[shawshank]

سي السيد

متفق معاك إلا في ده :

سمير زاهر .... دمياطي شاطر وناجح وخليه في شغلانته دي

مش حاسس إن عنده أي قدرات أو مهارات قيادية خالص . ولا عنده أي حاجة من علوم الإدارة . بس أكيد عنده مؤهلات تانية وصّلته .

المفروض يبقى ايه ؟ مش عارف . هفكر وأقولك .

[shawshank]

احمد نظيف .. رئيس وزراء

أنا متصور أنه لا يصلح لأي منصب سياسي أو قيادي . أتصور أن أستاذ جامعي هو مكانه الطبيعي . أو ممكن مستشار للوزير .

حاسس إنه نشاز في المنظومة السياسية في مصر .