لوحات معدنية لسيارات راغبي التميز !

[shawshank]

صار لافتًا للانتباه مؤخرًا وجود سيارات تجوب شوارع مصر حاملة أرقام مميزة على لوحات سوداء مميزة أيضًا عليها رمز القضاء أو الشرطة . ومساهمة مني في تصميم تلك اللوحات ، أهدي تلك المجموعة من موديلات لوحات السيارات لراغبي التميز من السادة المستشارين والقضاة بالدولة ، وكذلك أقربائهم حتى الدرجة السابعة عشر .

[se_ Elsyed]

نادي القضاة كان أكثر إحتراماً وطالب أعضاءة من السادة القضاة المحترمين بحذف أي إشارة تميزهم عن غيرهم من خلال لوحات سياراتهم وأعتقد إن هذا الهبل لا يحدث إلا في البلاد المتخلفة وتحديداً في الفئات التي لديها مُركبات وعُقد نقص كإدارة الشرطة ومنتسبيها الذين لا يفوتون أي فرصة إلا ويتباهووا بالسلطة الغير محدودة التي في يدهم .

[shawshank]

تصدق يا سي السيد أنا شفت امبارح عربية رقمها حاجة ذي 156 كده . الرقم ماكانش باين لأن صاحب العربية لازق النسر "فوق" الرقم . متخيل ؟ يعني النسر مش على جنب مثلاً أو فوق أو تحت ، لأ ده فــــــــوق رقم اللوحة . يعني الرسالة اللي تخبط في وش أي حد بيبص على النمرة : "ياللي عايز تاخد نمر العربية خد بالك ، إنت متعرفش أنا مين" .

الموضوع ليه جانبين على الأقل .أول جانب هو الامتيازات والتجاوزات التي يحظى بها كبار رجال الدولة عند مخالفتهم للقانون ، فلا حساب عليهم فيما على بقية الشعب حساب فيه . وده انعكاس وأحد مضاعفات الطبقية العجيبة في مصر ، واللي بقت عيني عينك في عز النهار . ولم تعد تقتصر على طبقية النفوذ فقط ، بل طبقية المال أيضًا . ثانيًا ، كتير مننا المصريين عندنا حب العظمة والظهور . يعني تلاقي ناس كتير تحب رقم تليفونها مميز ، ورقم عربيتها مميز . وده جزء من تركيبة الشخصية المصرية اتبنى من سنين طويلة .

القضاة ، مثل أي فئة ، فيهم الصالح وفيهم الطالح . موقف نادي القضاة موقف هايل سيتبعه الصالحون من القضاة . لكن ماذا عن الطالحين ؟ أين السلطة التنفيذية ؟

رجال الشرطة كذلك فيهم الصالح وفيهم الطالح . لكن لابد أن تكون السلطتان التشريعية (مجلسا الشعب والشورى) والقضائية من القوة بما يسمح لهما بمحاسبة السلطة التنفيذية . وهذا غير موجود في مصر . وقد أسهب أستاذنا الأفوكاتو في هذا الحديث طويلاً من قبل .

تم تعديل 10 فبراير 2008 بواسطة shawshank

[Modest]

إلغاء الاستثناءات هو الحل لـ 99% من مشاكل مصر .. و يمكن 100%

[se_ Elsyed]

إلغاء الاستثناءات هو الحل لـ 99% من مشاكل مصر .. و يمكن 100%

الراجل ده محترم وبيغيب يغيب وبعدين يجيب الزبدة معاه

صح ... اتفق معاك

الحل إن مافيش حد يبقى فوق القانون ...

والقانون يجب يطبق على التخين

الحمد لله يارب انا 74 ك وسمباتيك ... الدور والباقي على اللي فوق التسعين كيلو من غير العضم كمان :ninja:

[nash]

تقريبا أغلب العرب بيحبوا المنظرة والتميز..وأظن أغلبنا سمع مقوله ( أحسن وأكبر واروع واقوي في العالم) يعني ده حتي أحنا أكثر شعب غلبان في هذه الناحيه...

التباهي بالمركز والنفوذ والسلطان يقابله نفس الشيء في الدول العربيه..

في مصر نجد التباهي في اللقب والعيله واسمها وفصلها..وفي الدول العربيه الأخري ..نجد القبيله ..

وممكن يحدث صراع دموي لإعلاء شأن قبيله علي أخري..وكأنهم فتحوا عكا..وأصلا محدش داري عنهم....

المهم أن تبق المنظرة في حدودها..ولا تتعدي علي إستلاب حق أو حريه لإخرين..أو تلويح بسلطه ما وأستخدامها في الباطل لتحقيق مكاسب شخصيه..علي حساب الأخرين

علي العموم أظن أن هذه ... من ضمن التكوين الجيني لنا نحن العرب منفردين عن خلق الله من الجنسيات الأخري

[se_ Elsyed]

إنتي نسيتي يا ناش أرقام الموبيل المميزة اللي بتتباع بملايين الدراهم والريالات والدنانير ..

أو لوحات السيارات اللي بتتباع هي رخره بملايين

أي نعم كل واحد حُر في ماله ... لكن هو ناسي إن في يوم قيامه هايتسأل فيه عن كل مليم من أين اكتسبه وفيما أنفقه ؟

عامة بيعجبني جداً أسلوب كثير من أهل الغرب في الوثوق من نفصه والوثوق في قدراته ... وتلاقيه على سبيل المثال مليونير او مستواه أكثر من ممتاز ويمكن يكون راجل اعمال وتلاقيه ماسك موبيل من أبو تلاتة تعريفة من اللي عيل من عيالنا اللي تشبعوا بالعادات الإستهلاكية المعفنة في مجتماعتنا العربية المتخلفة يقرف حتى يلمس زراير الموبيل ده ...

او تلاقيه ملابسه بسيطة جداً لكنها شيك وتؤدي الغرض

لكن إحنا فقر وعنطزه

وخيابة وتخلف عقلي وتمسك بالمظاهر الكذابة واللي بتخرب البيوت

ما بأقولش نتقشف ونعيش على خشاش الأرض

لكن بأقول إن يبقى عقلنا في راسنا ونعرف أين نضع القرش وما هي عوائده ... ونتجه للإهتمام بالجانب الإنساني ونعرف إن ثمن رقم مميز من دول ولا لوحه مميزة ممكن تعيد الحياة لمئات من البشر اللي مش لاقيين ياكلوا وبرضوا موجودين في مجتمعاتنا ...

[nash]

إنتي نسيتي يا ناش أرقام الموبيل المميزة اللي بتتباع بملايين الدراهم والريالات والدنانير ..

أو لوحات السيارات اللي بتتباع هي رخره بملايين

أي نعم كل واحد حُر في ماله ... لكن هو ناسي إن في يوم قيامه هايتسأل فيه عن كل مليم من أين اكتسبه وفيما أنفقه ؟

عامة بيعجبني جداً أسلوب كثير من أهل الغرب في الوثوق من نفصه والوثوق في قدراته ... وتلاقيه على سبيل المثال مليونير او مستواه أكثر من ممتاز ويمكن يكون راجل اعمال وتلاقيه ماسك موبيل من أبو تلاتة تعريفة من اللي عيل من عيالنا اللي تشبعوا بالعادات الإستهلاكية المعفنة في مجتماعتنا العربية المتخلفة يقرف حتى يلمس زراير الموبيل ده ...

او تلاقيه ملابسه بسيطة جداً لكنها شيك وتؤدي الغرض

لكن إحنا فقر وعنطزه

وخيابة وتخلف عقلي وتمسك بالمظاهر الكذابة واللي بتخرب البيوت

ما بأقولش نتقشف ونعيش على خشاش الأرض

لكن بأقول إن يبقى عقلنا في راسنا ونعرف أين نضع القرش وما هي عوائده ... ونتجه للإهتمام بالجانب الإنساني ونعرف إن ثمن رقم مميز من دول ولا لوحه مميزة ممكن تعيد الحياة لمئات من البشر اللي مش لاقيين ياكلوا وبرضوا موجودين في مجتمعاتنا ...

نسيت يا سي السيد اللوحه (ب ح ب 666) أتباعت بكام؟؟ وربي كانت مهزله...

أصلا مش بيقهرني غير الافلام الأجنبيه تلاقي البيت قصر وأنواع العربيات مرصوصه برة والبيت مافيهوش خادمه ...ولا بيفكروا أصلا....

جملتك الأخيرة علي بساطتها لكن فيها كل المعني...

وفعلا أحنا شعب فقر وعنطزة....

[Scorpion]

الفاضل shawshank

مدخلك كان باسم لموضوع في غاية الجدية .... فهل تسمحلنا و بالتالي نستسمح بقية الأفاضل الذين شاركوا فيه .... بنقل هذا الموضوع الهام الي باب مواضيع جادة ليأخذ حقه من النقاش؟

[إيزيس]

على فكرة دي مصيبة معظم الشباب هنا في الإمارات يقترضوا من البنوك علشان يشتروا رقم

حتى لو الإنسان عنده من الأموال ما لايعد يعني إيه رقم ؟؟؟ طبعا دي تفاهة بلا حدود

وأنواع الموبايلات يبقى الواحد من دول مش عارف أصلا يستخدمه لكن ضروري يكون آخر موضة

[shawshank]

الفاضل shawshank

مدخلك كان باسم لموضوع في غاية الجدية .... فهل تسمحلنا و بالتالي نستسمح بقية الأفاضل الذين شاركوا فيه .... بنقل هذا الموضوع الهام الي باب مواضيع جادة ليأخذ حقه من النقاش؟

يا فندم تحت أمر حضرتك من غير استئذان خالص .

[مزاميزو]

بمناسبة الموبايل

واحد قريبي كان في ألمانيا بيقولي الناس هناك ماشيه بمحاميل ملزوقة بسولتب... :hearts:

حسرة علينا يا حسرة علينا :hearts:

[تيتو]

اصبح شيء عادى لما نلاقى نمر زى دى مثلا :

عادى

عادى

على فكرة النمر دى مش حقيقية .