ART تسمح بالتعليق على مباراة اليوم بالعربية

[ابو محمود]

تم حذف السطر الأول من المداخلة

أصدرت مساء امس شركة ARTللبث المشفر انها تهدى الشعب المصرى وكأنها تمن علينا ان يتم أذاعة التعليق على مباراة الكاميرون ومصر فى نهائى افريقيا باللغة العربية فكيف يقبل المسؤلين فى التلفاز المصرى هدية حقيرة من شركة كل همها سرقتنا والدليل على السرقة كما يلى فى شهر 5 /2007 اعلنت الشركة انها تهدى كل مشترك شهر زيادة على الأشتراك فى الأساسية عند اشتراكة عن هذا الشهر وأعلنت الشركة بأنها وفى كتيبها وهو موجود لدى بأنها الوحيدة التى تمتلك حق بث الدورى الأنجليزى والكاس وانا اتكلم عن شهر 5 يعنى لو فية 3شهور اشتراك +شهر هدية سيكون المشاهد قد تابع بداية الدورى الأنجليزى وايضآ انهم يتمتعون بأضافة الجزيرة الرياضية المشفرة فى كارت الشركة الممغنط و لكن فى بداية الدورى ثبت كذب الشركة وضاع منها حق البث للدورى الأنجليزى وما زاد الطين بلة انها رفع من على كارت المشاهدة المدفوع مقدمآ حسابة قناتى الجزيرة 1+و2+ التين يذاع عليهما الدورى الأسبانى ورضينا بالسرقة وما كان من الشركة ان تمادت فى سرقة المصريين وعندما كنت متغيب عن القاهرة ولم أجدد اشتراكى بعد انتهاء الشحن للكارت لمدة 25 يوم فوجئت بأن الشركة امتنعت عن شحن الكارت معللة انها غيرت الكروت وعلية لابد من شراء نسخة جديدة او كارت شحن جديد بمبلغ 90 جنية مصرى فعلية اناشد كل مصرى غيور على بلدة ان يقاطع تلك الشركة ال **** التى يساعدها على سرقتنا حفنة من المنتفعين المجرمين من اهل ذلك البلد فلنقاطع من سبنا ونعتنا بالحرامية ومتشكرين مش عايزين نشاهد المباراة باللغة العربية احنا هنجيب لنا مترجم فى كل بيت

تم تعديل 10 فبراير 2008 بواسطة Advisor
تم حذف و تعديل عبارات غير مقبولة

[محمد عبدالعزيز]

طيب أنا أعمل إيه دلوقتى يا أخ محمود؟

أنا باتفرج على المباريات كلها على القناة الثانية وباسمع التعليق الفرنسى, أعمل إيه بقى دلوقتى عشان أقاطع الشيخ ده؟ ماتفرجش على المباراة يعنى ولا أسد ودانى؟

أنا معاك إننا لازم ناخد موقف من الشركة وصاحبها إذا كانوا حرامية زى ما حضرتك بتقول, بس ده يبقى عن طريق عدم الاشتراك فى القنوات بتاعتهم فى الدوريات وغيره, إنما احنا كمشاهدين للتليفزيون المصرى مش فاهم بصراحة نقاطعه إزاى؟

[se_ Elsyed]

بس أنا مشترك من أكثر من 5 سنوات وبأقرطس أبويال الحاج صالح أبو كامل .. وبادفع بالجنية في مصر وبأستخدم الكرت في السعودية وما حصلش معايا كده ..

ويوم ما جددت إشتراكي ودفعت قيمة الجزيرة الرياضية وجت الجزيرة دقت النقصة مع الـ ART لإن قطر والسعودية بينهما ما صنع الحداد .. فبصراحة اعلنت الإيه أر تي إنهم هايعوضوا المشتركين عن الفترة دي بأي قناة أخرى من إختيار المشترك فأتصلت وبعثت أخويا لمكتبهم اللي جنب بيتنا وبقى لهم موزعين كتير في مصر وأشترك لي في قناة أخرى .

وبعدين ده موضوع مصالح يابا الحاج محمود ... ومعروف إن صالح كامل بيرش في السعودية ومصر عشان حقوق البث وفي ناس من داخل المؤسسات الحكومية الإذاعية والتليفزيونية بيساعدوه طالما بيشخلل لهم بالدراهم اللي من غير حساب .

وبعدين العيال اللهاليب بتوع مصر مبهدلينه بالوصلات أم 25 ج ... ويوم ما رش على الشرطة وأبتدوا يمشوا في الشوارع ومعاهم سلالم - آه والله - ويقطعوا الأسلاك دي ... راحوا العيال بقوا يمشوا الأسلاك من فوق العماير :ninja:

[abaomar]

السلام عليكم

الاخ ابو عمر

( يمشوا الأسلام من فوق العماير) طب الازهر ما اعترضش ليه ؟ :ninja:

[se_ Elsyed]

السلام عليكم

الاخ ابو عمر

( يمشوا الأسلام من فوق العماير) طب الازهر ما اعترضش ليه ؟ :rolleyes:

حلوه يا بو عمر

الأزهر نايم يا عم الحج والأسلاك عنده ضاربه :ninja:

[Nina Hussien]

شخصيا و بما اني تربية فرنساوي فالتعليق بالفرنسية لا يضايقني لذا مشاهدتها باللغة العربية مش هايفرق كثير و لا اعتبره منة و هبة

و عن المقاطعة فأنا مقاطعة ال ART و الاوربيت و الشوتايم و ربنا يخلي لنا الوصلة التي أراها الحل العادل لاستغلال تلك الشركات للناس و ارهاق ميزانية البيوت اللي يادوب قادرة تاكل مش هاتدفع كمان علشان يشوفوا مسلسلات

دول فاضل يعملوا اشتراك علشان نتفرج على الاعلانات :closedeyes:

[احمد هادي]

عليكم اذا بمشاهدة المباراة علي ام بي سي

وهي مذاعة اليوم مع ستوديو يبدا قبل المباراة بساعة

تحياتي

[Advisor]

شراء حق البث عمل مشروع فى العالم كله و فى الإتفاقية مع مصر كان من حق مصر إذاعة التعلييق باللغة العربية بالنسبة للمباراة النهائية ، و تشفير البث عمل مشروع و سائد فى العالم كله.

و المفروض أننا نتقبل قواعد العمل لا أرى مبررا لإتهام الشركة أو صاحبها بالسرقة البث سلعة عادية لها ثمن و لها تكلفة و ليس هناك شبهة إحتكار أو إستغلال فى تقديم هذه الخدمة مقابل ثمن.

و موقفى الشخصى من الوصلات "الشعبية" أنها نوع من السطو على حقوق الغير و هو هنا شركات البث التليفزيونى.

و هى نوع من الجرائم المستحدثة مثل كل ما يتعلق بالملكية الفكرية.

[Sherief AbdelWahab]

الفرنساوي هو الحل..مهما عمل الشيخ صالح ومهما رش على المنتخب لتحسين صورته السيئة للغاية في مصر..

وأنا أقاطع الإيه آر طين من فترة لمواقفها ضد كل ما هو مصري ثقافةً وسينما ونهج حياة.. بدءاً من الغربان المهاجرة الذين شخلل لهم الشيخ صالح كيس دولاراته ليبنوا بيتهم الملك في ماسبيرو ، إلى شراء الأفلام المصرية على طريقتهم الخاصة ، وما قيل عن عرض بعضها في تل أبيب..

لو حنتكلم رياضة الجزيرة الرياضية أحسن وأكثر حرفية ومعلقوها أقل صراخاً ، ودبي الرياضية بتعمل شغل وأنا باحترمها جداً ، وقناة الدوري والكاس القطرية جامدة ، والدوري الإنجليزي على شوتايم أحسن ألف مرة مما كان عليه في الإيه آر طين..

على ذكر "مشروعية" التشفير.. مش ملاحظين إن اللي بتمارسه الشبكة المصون أبعد من مجرد بيزنس؟ سياسة المنح والمنع.. احتكر أفلام علشان أعرضها وأفلام علشان أحرقها وماتشات علشان البيزنس وماتشات استخصار.. التشفير من قبل الناس دي ما هواش بيزنس.. سياسة وخبث ثقافي مقترن بالكثير من النفسنة..

خلص الكلام

[ابو محمود]

السلام عليكم ... مبروك صحيح متأخرة كام ساعة بس واللة انا كنت طريح الفراش حتى يوم المباراة كنت خايف ان حالتى تسوء ومالقيش طريق يوصلنى الى المستشفى ولاكن اللة سلم وبقيت كويس صحيح لسة عنيا مزغللة وأيدى بتترعش بس الحمد للة رضا ما كنت أرمى الية من كلامى عن التشفير الخاص بالسيد الشيخ صالح الغير حرامى علشان متتشطبش من قبل السيد المشرف أعطاة اللة الصحة والعافية ,,,ولكم جميعآ كنت اقصد ARTفقط دون غيرها لأنى مشترك فيها من زمان يعنى من أول ما شفروها لأنها كانت مفتوحة سابقآ وقد أعجبتنى برامجها سابقآ ولاكنى أرى اليوم انهم يستلبخونا وبيسرقو فلوسنا علشان احنا بنسكت وما بتكلمش وعلى فكرة انا مابحبش أبو بلاش أو المجانى لأن لايوجد شيء محترم ببلاش ؟؟؟

ولاكنى ساءنى ان نشتم على صفحات المجلات والشاشات التلفاز من شخص يدعى انة شيخ محترم وعندما حاولت ان اتى لوالدتى جهاز تابع للشركة فى سنة من السنين لاحظت ان الجهاز بيهنج وبة عطل وقلت حظى منيل وسكت لأنى لما رحت ارجعة كان لابد من أن ادفع ثمن جهاز أخر وليس تغيرة مع انى مشترك قديم الخلاصة عندما تقدمت لشحن الكارت فوجئت بأن السادة يريدون ان يأخذو فارق الثمن الذى دفعوة من خلال تعاقدهم على دورة افريقيا من تغيير الكروت لأنها تحسب هكذا 90جنية فى عدد المشتركين=ثروة لأن مصر كلها مش بتشاهد من خلال الوصلات ومش معنى انى مش عايز اشاهد بسرقة او بدون ذنب ان استغل أنا وغيرى ويقوم ذلك المنتفع بأستغلالنا مادام يهدينا شيء من حقنا وهويعلم ولاكن نحن فى غفلة لأن السادة فى الفيفا اعلنو أكثر من مرة ان المباراة النهائية فى أى بطولة ولو كأس العالم لا تشفر لأن بها حفل الختام كما يذاع حفل الأفتتاح بدون تشفير وهذا ما كنت ارمى الية

[ابو محمود]

الفرنساوي هو الحل..مهما عمل الشيخ صالح ومهما رش على المنتخب لتحسين صورته السيئة للغاية في مصر..

وأنا أقاطع الإيه آر طين من فترة لمواقفها ضد كل ما هو مصري ثقافةً وسينما ونهج حياة.. بدءاً من الغربان المهاجرة الذين شخلل لهم الشيخ صالح كيس دولاراته ليبنوا بيتهم الملك في ماسبيرو ، إلى شراء الأفلام المصرية على طريقتهم الخاصة ، وما قيل عن عرض بعضها في تل أبيب..

لو حنتكلم رياضة الجزيرة الرياضية أحسن وأكثر حرفية ومعلقوها أقل صراخاً ، ودبي الرياضية بتعمل شغل وأنا باحترمها جداً ، وقناة الدوري والكاس القطرية جامدة ، والدوري الإنجليزي على شوتايم أحسن ألف مرة مما كان عليه في الإيه آر طين..

على ذكر "مشروعية" التشفير.. مش ملاحظين إن اللي بتمارسه الشبكة المصون أبعد من مجرد بيزنس؟ سياسة المنح والمنع.. احتكر أفلام علشان أعرضها وأفلام علشان أحرقها وماتشات علشان البيزنس وماتشات استخصار.. التشفير من قبل الناس دي ما هواش بيزنس.. سياسة وخبث ثقافي مقترن بالكثير من النفسنة..

خلص الكلام

كلام سليم وكلام معقول كنت عايز اقولةوأدى انتا قولتة ياسلام كدة كأنى رديت

[ابو محمود]

شراء حق البث عمل مشروع فى العالم كله و فى الإتفاقية مع مصر كان من حق مصر إذاعة التعلييق باللغة العربية بالنسبة للمباراة النهائية ، و تشفير البث عمل مشروع و سائد فى العالم كله.

و المفروض أننا نتقبل قواعد العمل لا أرى مبررا لإتهام الشركة أو صاحبها بالسرقة البث سلعة عادية لها ثمن و لها تكلفة و ليس هناك شبهة إحتكار أو إستغلال فى تقديم هذه الخدمة مقابل ثمن.

و موقفى الشخصى من الوصلات "الشعبية" أنها نوع من السطو على حقوق الغير و هو هنا شركات البث التليفزيونى.

و هى نوع من الجرائم المستحدثة مثل كل ما يتعلق بالملكية الفكرية.

سيدى العزيز أحترماتى وتحياتى

انا أعرف ان هذة حقوق ملكية فأنا مثلك فى ذلك الرأى ولاكن الا ترى من مداخلتى اننى اتقد الأسلوب الملتوى للشركة طيب لو انا مش مشترك كان أية لزوم انى اكتب الموضوع وعلى فكرة موضوع الحقوق دة انا بقدسة لأنى كان يسرق منى أفكارى سابقآ بغيرها وشكرآ لمروركم الكريم

[ابو محمود]

شخصيا و بما اني تربية فرنساوي فالتعليق بالفرنسية لا يضايقني لذا مشاهدتها باللغة العربية مش هايفرق كثير و لا اعتبره منة و هبة

و عن المقاطعة فأنا مقاطعة ال ART و الاوربيت و الشوتايم و ربنا يخلي لنا الوصلة التي أراها الحل العادل لاستغلال تلك الشركات للناس و ارهاق ميزانية البيوت اللي يادوب قادرة تاكل مش هاتدفع كمان علشان يشوفوا مسلسلات

دول فاضل يعملوا اشتراك علشان نتفرج على الاعلانات :110:

بصراحة يأختى الفاضلة انا عارف انك تربية فرنساوى وكمان مدارس راهبات ووووووو

بس انا أعمل اية فى الحاج والحاجة لما يتفرجو على الماتشات فرنساوى وانا يادوب لغتى الأسبانى والانجليزى على قدى والحاجة والحاج بيتكلمو عربى مكسر خليها فى سرك انا كتبت علشان انا اللى بدفع فلوس الكارت لأنى مرة لقيت الحاجة خلص الكارت ونسيت اشحنة مع كارت البيت لأنى بشترك رياضة بس لأن فى المدارس بمنع لهو التلفزيون وانتى عارفة البنات بتحب تقعد قدام التلفزيون ويطنشونى ههههههه

المهم لقيت الحاجة موصلة وصلة من الشارع فزعلت علشان انا مبحبش غير الشرعى لأنى قطاع خاص ومبحبش حد يستغلنى يعنى بحب أكون سليم عفوآ دة سلوكى وأعلم ان ما يكتب [ان الناس توصل وصلات غير شرعية فهو عيب من أدارة الشركة التى لا تعرف كيف يتم توصيل الكارت الى المشاهد بأشتراك أقل لأنهم فشلة فلو سألنى صاحب الشركة سوف اتعاقد معة على ان اجعل مصر كلها تتفرج على قنواتة ب15 جنية شهريآ ويكون كسبان بس هما بيبصو تحت رجليهم وأهم حاجة عندهم فن الرشوة وليس فن البيع

[ابو محمود]

بس أنا مشترك من أكثر من 5 سنوات وبأقرطس أبويال الحاج صالح أبو كامل .. وبادفع بالجنية في مصر وبأستخدم الكرت في السعودية وما حصلش معايا كده ..

ويوم ما جددت إشتراكي ودفعت قيمة الجزيرة الرياضية وجت الجزيرة دقت النقصة مع الـ ART لإن قطر والسعودية بينهما ما صنع الحداد .. فبصراحة اعلنت الإيه أر تي إنهم هايعوضوا المشتركين عن الفترة دي بأي قناة أخرى من إختيار المشترك فأتصلت وبعثت أخويا لمكتبهم اللي جنب بيتنا وبقى لهم موزعين كتير في مصر وأشترك لي في قناة أخرى .

وبعدين ده موضوع مصالح يابا الحاج محمود ... ومعروف إن صالح كامل بيرش في السعودية ومصر عشان حقوق البث وفي ناس من داخل المؤسسات الحكومية الإذاعية والتليفزيونية بيساعدوه طالما بيشخلل لهم بالدراهم اللي من غير حساب .

وبعدين العيال اللهاليب بتوع مصر مبهدلينه بالوصلات أم 25 ج ... ويوم ما رش على الشرطة وأبتدوا يمشوا في الشوارع ومعاهم سلالم - آه والله - ويقطعوا الأسلاك دي ... راحوا العيال بقوا يمشوا الأسلاك من فوق العماير :110:

ياعمنا انا تأخرت عليك فى الرد كنت عيان واللة

طب شوف بقى لو سمع كلامى الشيخ ابو الصلح وعمل معايا بزنس هخلى مصر كلها تتفرج على قنواتة بكارت مشفر بس هوا يقابلنى وانا اعلمة ازاى ونقسم مع بعض ياسى السيد باشا ومتتعبش وتشحن من مصر ههههههههههههههههههههههههههههه مبروك كأس افريقيا وعقبال كاس العالم ههههههههه

[ابو محمود]

طيب أنا أعمل إيه دلوقتى يا أخ محمود؟

أنا باتفرج على المباريات كلها على القناة الثانية وباسمع التعليق الفرنسى, أعمل إيه بقى دلوقتى عشان أقاطع الشيخ ده؟ ماتفرجش على المباراة يعنى ولا أسد ودانى؟

أنا معاك إننا لازم ناخد موقف من الشركة وصاحبها إذا كانوا حرامية زى ما حضرتك بتقول, بس ده يبقى عن طريق عدم الاشتراك فى القنوات بتاعتهم فى الدوريات وغيره, إنما احنا كمشاهدين للتليفزيون المصرى مش فاهم بصراحة نقاطعه إزاى؟

يأستاذى الفاضل انا كنت بعرض ما أصابنى من الشركة حتى أنصح من يريد ان يتعاقد معها ومن هومتعاقد فعلآ ومبروك فوز مصر اتفرج ياحبيبى زى ما أنتا عايز

[Alshiekh]

أصدرت مساء امس شركة ARTللبث المشفر انها تهدى الشعب المصرى وكأنها تمن علينا ان يتم أذاعة التعليق على مباراة الكاميرون ومصر فى نهائى افريقيا باللغة العربية فكيف يقبل المسؤلين فى التلفاز المصرى هدية حقيرة من شركة كل همها سرقتنا

الا يجب على من أُهدِىَ اليه ان يشكر من أهدَى اليه ، لا أن يُحقرَ هديته؟

[ابو محمود]

اخى الفاضل على مايبدو انك لم تقرأ ما رميت الية جيدآ

فأنا لا أفترى على الشركة ولاكنى اصف لحضراتكم اسلوب الأحتيال على مشتركين (مصر ) يأخذو باليمين ويدفعوفتات باليسار الهدية لا تعنى ان نتسامح مع من يسلبنا حقنا ولاكن كم من الهدايا يكون ورائها حق مسلوب وأغتصاب حقوق فمن الممكن ان تسأل مشتركى المحطة المذكورة من خلال تصويت او مداخلة لتعرف ان كلامى ليس ظنآ ولاكنة واقع ملموس وتجربة شخصية وهذا يعنى اننى صاحب تجربة لأنى مشترك بأسمى فى عدد 3 كروت شحن ولو عايز حضرتك تتأكد أسأل الشركة وأتصل وشوف تجديد الأشتراك من خلال الوسيط يكلف حضرتك كام مع تغيير الكارت زى ما عملوة ؟؟؟ 3×90=270 ج يأستاذ يعنى ايية ذنبى ادفع المبلغ دة علشان عايز اشاهد حلال زى مهما عايزين ؟ انا لم احقرة من الباب للطاق انا بعت شكوى لهم وكانو سلبيين جدآ فى التعاطى مع المشتركين عارف لية حضرتك (لأننا فى نظرهم شحاتين وحرامية ؟؟ويجب علينا ان نسكت بمساعدة بعض مسؤلينا الغير محترمين )