حاسسنى عايز أمشى فى ليلة النهائى

[م.سامح المصرى]

السلام عليكم ورحمة الله وبركاتة

انتوا عارفين من كل فترة للتانية بتيجي للواحد شوية تخاريف

فجت على بالى دي

حاجة واقعية انما اية خزعبلية

"حاسسنى عايز آمشى"

حاسسنى عايز أمشى ......... والطريق واقف ومش بيمشى ...........

قلت أنزل اتمشى علشان ألحق الماتش ........ وما أتأخرش

نزلت أمشى لقيت شباب بتجرى ....

بتجرى بتجرى بطريقة غبية ........

سألت واحد على حكايتهم ديا .......

بصلى بعصبية وقالى دلوقتى الماتش ....

لقيت واحد من ورايا بيقول .....

اية التخين الى بيجرى دا .... دا تخين زى أخوة

المفروض يضحرجوة ...... أة يا شعب عبـ

بصيتلة وضحكت ........ وفضلت ماشى .... والطريق واقف

وفجأة الطريق سلك ...... وكوتشى هلك

أتارى المتش بدأ ........ مصر على اليمين

والناس على القهاوى متجمعين .......

والعشا بتأذن والناس بتهيص .........

قلت أخش اوعظهم ......... بس لقيتنى مفيص

وفضلت ماشى ....

لقيت واحد لابس بروكة على راسة محطوطة ....

عاملها كارية .... وعلمنا فيه ......ضحكت عليه

أصلة أبن الإيه ............ كان شكله إاااااااااااااااااااااااااااااية

المهم روحت البيت بعد ما بدأ الماتش ....

أخويا قالى أعد وما تتعصبش .....

أعدت أتابع بعصبية لغاية ما جت اللحظة ديا

سونج خنقها ....... زيدان سرقها ...... أبو تريكة فى الجون ولفقها

أوباااااااااااااااااااااااااااا جول جول جول

والدنيا هاصت ....... قامت ما صافت

وخلاص المباراة خلصت ........ والفرحة ما خلصت

قلت فى عقل بالى ....

رجعت الست ريما لعادتها القديمة ...

قام أتصل بيا صاحبى ........

قالى يا صاحبى ما تيجي نهيص .....

دا الشعب كله فى الشارع بيهيص ....

دى ليلة صباحى ........ نخرج مع الشعب الى بيغنى وأدينا بنهيص

بس حاسسنى مفيص ....

قلتله معلش يا أبو حميد ...... خلينى أعد فى البيت

قلت طب ما أحسب الملايين الى هاياخدوها ......

بس لقيتني هاتعقد وهاتوه توهااااااا ....

مش خلاص شجعنا ..... وبالكاس رجعنا ....

أخش بقى أنام ...... وأغرق فى الأحلام ..... لحسن دا انا تعبان

من كتر المشى ..... الى كان أبل الماتش

ودخلت علشان أنام ....... وما عرفت أنام

من كتر الزحام ..... الى كان فى الشارع ....

ومن الطبل والمزامير ...... لقيت حوالين دماغى عصافير

بتلف وفرحانة ....... قلت أة يانا

هوا انتم كمان كنتوا بتشجعوا معانا ......

بصيت فى بنطلونى لقيت نص جنيه .....

طب ودا أعمل بية إية .......

قلت أشترى قلم وأكتب ....

" حاسسنى عايز أمشى "

اية رأيكم

واقعيه واقعيه يعنى

سلامى لكم جميعاً

تم تعديل 11 فبراير 2008 بواسطة م.سامح المصرى

[امانى]

والله دمها خفيف وجميلة

شعبنا شعب طيب يا سامح ما يصدق يلاقى حاجة تفرحه من كتر ما هو شايل هموم ولان همومه كتيرة تلاقى فرحه قليل ويوم

ما يفرح يبكى ويقول الهم اجعله خير

عندنا هنا فى اسكندرية زى شارع جامعة الدول العربية فى مصر الناس سهرانة للصبح والعربيات رايحة جاية واصوات الهتافات

باسم مصر عاليه وكأنه خلاص مفيش مشاكل ولا هموم الكل فرحان وسعيد مش بقولك شعب طيب

بشكرك على انشودتك

امانى

[م.سامح المصرى]

استاذتى اماني

بجد شعبنا شعب طيب

وصحيح بيفرح بأى حاجة

المهم انه يفرح من كتر الى هوا فيه

مشكور على كلام حضرتك الجميل

سلامى لكى

[nash]

برافوا سااااامح....واضح أن الماتش عمل عمايله....كلنا فرحانيين...

وبجد تخاريف جميله......وعايزين منها تاني...

بس بجد وجد واقعيه ...وجميله وأخر روقان.... :hearts:

[أبو محمد]

سامح

رجعتنى 45 سنة ..

كان لى محاولات شعرية زجلية .. كنت باحب أعبر بكل الطرق .. كنت بارسم حاجات شكلها بيطلع زى رسم طفل فى الحضانة .. كنت باحب أعبر عن اللى فى نفسى .. كنت باغنى لوحدى وما افوقش إلا وحد من اخواتى الكبار داخل يزعق لى عشان مخليه مش عارف يذاكر .. كنت بارجع بيتنا من اجتماع فريق التمثيل أقف قدام المراية وهات يا زعيق .. أمى ألله يرحمها كانت خايفة أكون اتجننت

والله ياسامح أنا حاسس بيك وبكل كلمة كتبتها

والله على دى :

ومن الطبل والمزامير ...... لقيت حوالين دماغى عصافير

بتلف وفرحانة ....... قلت أة يانا

هوا انتم كمان كنتوا بتشجعوا معانا ......

إكتب وارسم وغنى وعبر يا سامح

ربنا يحفظك

[مصرية و مغتربة]

احساس النصر جميل جدا جدا وخصوصا وانت مغترب خارج مصر بنحس باحساس غريب فرحة حنين ود نصر حاجات كتير ملخبطة بس حلوة يارب مصر دايما فوق في كل المجالات مش بس الكورة. wst:: :)

[vipwithyou]

تسلم يا سموحة .. واضح انك زيينا كنت خايف من الماتش وفرحت جدا بالنتيجة

[م.سامح المصرى]

برافوا سااااامح....واضح أن الماتش عمل عمايله....كلنا فرحانيين...

وبجد تخاريف جميله......وعايزين منها تاني...

بس بجد وجد واقعيه ...وجميله وأخر روقان.... wst::

نورتى موضوعى يا استاذة

والحمد لله انها عجبت حضرتك

وان شاء الله هاحاول األف تخاريف تاني كدة

سلامى لكى

[م.سامح المصرى]

سامح

رجعتنى 45 سنة ..

كان لى محاولات شعرية زجلية .. كنت باحب أعبر بكل الطرق .. كنت بارسم حاجات شكلها بيطلع زى رسم طفل فى الحضانة .. كنت باحب أعبر عن اللى فى نفسى .. كنت باغنى لوحدى وما افوقش إلا وحد من اخواتى الكبار داخل يزعق لى عشان مخليه مش عارف يذاكر .. كنت بارجع بيتنا من اجتماع فريق التمثيل أقف قدام المراية وهات يا زعيق .. أمى ألله يرحمها كانت خايفة أكون اتجننت

والله ياسامح أنا حاسس بيك وبكل كلمة كتبتها

والله على دى :

ومن الطبل والمزامير ...... لقيت حوالين دماغى عصافير

بتلف وفرحانة ....... قلت أة يانا

هوا انتم كمان كنتوا بتشجعوا معانا ......

إكتب وارسم وغنى وعبر يا سامح

ربنا يحفظك

والله بجد حضرتك ما تتخيلش انا سعدت اد اية

لما لقيت رد حضرتك

والحمد لله انها عجبت حضرتك

بس حلوة لما كنت بتغنى wst::

وربنا يخليك على تشجيعك الجميل

وانا فعلا هارسم واغنى واالف ان شاء الله

دومت بكل خير استاذى

[نانو]

سامح كلامك حلو أوي

و علشان طالع من القلب وصل بسرعه جدا للقلب

و كل ماتكون حاسك عايز تمشي ...يلا إمشي وسمعنا wst::

[م.سامح المصرى]

احساس النصر جميل جدا جدا وخصوصا وانت مغترب خارج مصر بنحس باحساس غريب فرحة حنين ود نصر حاجات كتير ملخبطة بس حلوة يارب مصر دايما فوق في كل المجالات مش بس الكورة. wst:: :)

يا اهلا بيكي يا استاذة

فعلا كلنا فرحانين ان مصر كسبت

بس مش فرحانين على الملايين الى سمعنا عنها

بس هما يستاهلو كل خير

وربنا معاكى فى الغربة

[م.سامح المصرى]

تسلم يا سموحة .. واضح انك زيينا كنت خايف من الماتش وفرحت جدا بالنتيجة

استاذى تامر

انا كنت فعلا خابف جدا

وكنت عصبى وانا بتابع كمان

بس اتضحلي اني اتعصبت علي كلام المعلق

اصل في المتوشة الي فاتت كانت اعصابي هادية شوية علشان المعلق كان بيعلق بالفرنسى فمكنتش فاهم حاجة

ومش متعصب

سلامى لك

[م.سامح المصرى]

سامح كلامك حلو أوي

و علشان طالع من القلب وصل بسرعه جدا للقلب

و كل ماتكون حاسك عايز تمشي ...يلا إمشي وسمعنا :110:

استاذة نونا

كلامك الجميل اسعدنى

بس الحمد لله حضرتك شكلك اتحسنتى

من ساعت موضوع التغيير للأطفال :110:

[Salwa]

تعرف ياسامح ؟؟

اول حاجة عجبتنى قوى قوى ....قوى ..(( فى كلامك اللى انت كتبته ؟؟ ))..

العنوان ...

العنوان ده ياسامح فى رأيى المتواضع ...(( عنوان انسانى عبقرى )) ..

لو حد (( مش عايش فى مصر ولاعارف قصة الكأس ولا عارف حاجة عننا ))...قرأ عنوان بيقول .

( حاسسنى عايز امشى فى ليلة النهائى )..لازم يقولك ...هو ايه معنى الكلام ده ؟؟ ليه كتب ( حاسسنى ..ومكتبش حاسس انى ؟؟ )...وايه ( ليلة النهائى ؟؟ ) ..

مش عارفة ...

يمكن انا ليا كدة تفكير خاص لوحده ...

لكن ؟؟ ...البداية كانت باختيار اكثر من جميل وبصراحة عبرت ببساطة عن احساس الفرحة من غير تفسيرات كبيرة ...

عارف ياسامح ؟؟

يمكن ناس كتير متعرفش ان الانسان لما بيبقى فرحان بيحتاج فعلا جدا جدا جداااا انه....يمشى .

بتبقى موجودة داخله طاقة عبقرية و....مفروض يمشى ...ده بيخليه يستمر فى حالة الفرح وبعدها بتظل نفس الحالة معاه فترة اكبر ..

ويمكن ده برضه التفسير ان الناس بتخرج وتمشى وتجرى وتحاول كدة كل مجموعة تعمل حالة ( عدوى ) لمجموعة تانية ...ونلاقى الكل فى حالة تجمع ...فى حالة فرح ..

قول كل اللى جواك دايما ياسامح...ومش مهم تكون ( شاعر ) او تكون ( كاتب محترف ) ..المهم انك تكتب بنفس الحالة الانسانية اللى كتبت بيها كل الكلام الرائع ده ..

صباح الخير...

[مزاميزو]

لو تكتب شوية حاجات حلوة زي دي ويتنشروا والبلية تلعب وترجع مصر ومتحتاجش تتغرب

وتبقى عم سامح شوشة :110:

والكلام زي العسل عشان طالع من القلب وبيصور الواقع :110:

[م.سامح المصرى]

استاذتى سلوى

بجد تعليقك جميل جدا

بس تصدقى حضرتك اساسا فرحتى وانا بكتبها

بعد ما اشتريت القلم

ما اخدتش بالى من ان الاسم غامض نسبياً اكيد علشان انا مش شاعر ولا كاتب محترف :blink:

بس كان عاجبنى والحمد لله تعليق حضرتك وضحلى انه جميل

وانا كنت هاكتب حاسس اني

بس لقيت دى اجمل

بس بجد يا استاذة ....... لو حضرتك كنت شوفتى شكل الناس كان جميل ..... واساسا المشى في القاهرة بالليل جميل جدا

ومشكورة يا استاذة على تعليق حضرتك الجميل

----------------

مزاميزو

كويس انها عجبتك يا ريس

بس شوية حاجات اية بس يا ريس

لاكن هاحاول بأمر الله بس مش هانشر بولبولة :lol: ولا حاجات من دي

الي اخرتها مش كويسة

سلامى لك يا ميزو اسف انى كنت فاهمك غلط

سلامى لك