سؤال عن البنوك

[se_ Elsyed]

يا أخواننا ياللي عايشين فى المحروسة ، ما حدش عنده فكره هل ممكن لو عندي حساب فى بنك مصر أو البنك الأهلي بالجنية المصري ممكن أحول عليه بالدولار ولا لأ ؟ أفيدونا أفادكم الله.

أنا أعرف أن بنك فيصل وبنك القاهره عادي ما بتفرقش معاهم تحول بالجنية تحول بالسحتوت مش فارقه . :?:

[Proud Muslim]

و الله أنا اللي أعرفه في بنك مثل CIB إن الجنيه جنيه و الدولار دولار . :D

و ما يتفقوش أبدا ..

و خصوصا في الأيام الجميلة دي ..

بس أعتقد هم عايزين دولارات و خلاص .. تحطها على الجنيه على الدينار مش مهم .. المهم العملية يبقى فيها أخضر و خلاص .

و بعدين .. ما تخليك مع بنك فيصل يا أستاذي العزيز :wink:

:D

[se_ Elsyed]

والله يا براود ياخويا أنا ناوي أعمل كده فعلاً وأصفى حساباتي فى أى بنك مصري وحتى فى بنوك سويسرا :shock: بس للأسف لي فتره مانزلتش مصر علشان قرفان وبأقضى اجازاتي فى أى بلد تاني ، لكن أن شاء الله أنا نازل السنة دى وهافتح حساب فى بنك فيصل علشان الواحد ضميره يرتاح.

[se_ Elsyed]

النهارده دموع الفرحه كانت هاتفر من عيني ، تصوروا بعثت ايميل للبنك الأهلي أستفسر عن الموضوع النهارده ده لقتهم ردوا عليه بعد ساعه واحده ( اى نعم هما قالوا ماينفعش ) لكن أنا فرحت جداً للأهتمام ده وأن بأه فيه بنوك محترمه فى مصر.

[Set_Amina]

النهارده دموع الفرحه كانت هاتفر من عيني ، تصوروا بعثت ايميل للبنك الأهلي أستفسر عن الموضوع النهارده ده لقتهم ردوا عليه بعد ساعه واحده ( اى نعم هما قالوا ماينفعش ) لكن أنا فرحت جداً للأهتمام ده وأن بأه فيه بنوك محترمه فى مصر.

انت متأكد انك اتصلت بمصر مش بأي بلد تانية؟؟ :D :D

[حشيش]

أخى العزيز سى السيد

تستطيع التحويل على رقم حسابى (ببنك التقوى)...وسوف أقوم بإستبدال ما تحوله من دولارات إلى سندات لك لحين عودتك منصور مجبور إن شاء الله...هذه السندات تستطيع أن تشترى بها جميع مستلزماتك من أى فرع من فروع (عمر أفندى) ويمكن إستعمالها أيضاً فى (مترو الأنفاق) كما يمكنك الأقتراض بضمانها من أى محل (فرارجى) :) :) :)

أخوك

حشيش

حساب ماشى رقم 999888

[se_ Elsyed]

أخي حشيشو ... هو ده العشم وكنت متوقع منك كده وده مش غريب عليك ، على العموم سوف يتم التحويل قريباً وأهو الـ 65 جنية اللى حيلتي على الـ 110 الف اللى معاك ( طبعاً هما كانوا 104 أنا عديدهم كويس + مرتب الشهر اللى فات اللى أنت قبضته يبقى المجموع كده صح ... تمام ياخويا ) والحساب يبقى مشترك والمليان يكب على الفاضي والعملية هاتمشي :lol:

س س