تعلن الخطوط السعوديه عن بدأ رحلتها الى القاهره

[nash]

عملت اللي قولتلك عليه؟؟؟ :rolleyes:

أنظر للمداخله 18

طبعا لا في خضم كل هذا البط والريش ....هاتفتكر إزاي يعني؟؟؟

[amrhoras]

عمرو

ربنا يجعل كلامنا خفيف وعيوننا باردة عليك

كان عندنا خمس قطط هربوا يوم الخميس الساعة خمسة

ايه القطط المظبوطه دى كله 5*5 كدى :rolleyes:

ياريت يرجعوا البيت تانى :rolleyes: الدنيا تللللللج :blush2:

هو انهارده ايه من ايام ربنا صحيح

[amrhoras]

يااااااااة معقوله السفر المفاجيء ده؟؟ مش كنت تقول يا أخي....

ألف حمدلله علي السلامه وإن شاء الله تنبسط في الزقازيق وزي ما قولتلك بأة....أستبينا؟؟ :rolleyes:

هات ليارا عروسه جميله وشويه بمبون وهي هاتفتكرك علي طول....

ألف حمدلله علي السلامه..وترجع بالسلامه

مدام ناش طبعا انا كنت برد كل مداخله بمداخله

الله يسلمك صديقة الدرب

فين العرايس يامدام ناش :blush2:

بمبونى ايه بس وعرايس ايه ياره زي القطط تاكل وتنسي :rolleyes:

عرايس وعربيات وبوبي وشيكولاتات ومفيش فايده تضحك وتقولى تعالى نكلم عمورا ف التمبيوتر (الكمبيوتر)

اريد حلالالالالالالالالالالالالالالالالا :old:

[nash]

خليك في يارا الأول وبعدين نشوف موضوع العرايس.....

وبعدين حرام عليك حقق ليارا أمنيتها وخليها تكلم عمرو علي الكومبيوتر....هو أنت دافع حاجه؟

المهم تاخدلنا جوله في البلد وتحكيلنا علي اللي قولتلك عليه....أخر مرة خلت الزقازيق لما أستخرجت شهاده التخرج مع التجنيد وإخلاء الطرف

[م.سامح المصرى]

السلام عليكم

النهاردة كلمنى الحاج عمرو

ولاحظت حاجة ما قولتهالوش

بس هفتن عليه واقولكوا انتوا

صوته كان متغير عن صوته لما كان ف السعودية

عمرو هو عمرو

لكن واضح الفرق بسبب أكل البيت

الف هنا ياعمور

وابقى باصى لاخواتك اى حاجة

تصدق برضو نفس الحكاية معايا يا دكتور حسام

انا اول ما كلمنى ما عرفتهوش

واية كمان .... كنت هاقفل السكة في وشة واقولة اجرى يا عم انتا العب بعيد

بس اهوة طلع في الاخر عمرو

تبقي بقي مشكلة لو شكلة اتغير عن ايام السعودية

ييييييييية دا لو اتغير وجيت اشوفة

هيكون نهارة مش معدى :baby:

مش كفاية مغير في صوتة

تفتكر يا دكتور ممكن يكون متنكر

يكونش علية طار ولا حاجة

[ELSHAMY]

عمورة..... لا شكر على واجب..... انت شخصية محبوبة.... مع ان ماحدش شافك

عندى لك اقتراح انك تستغل شعبيتك فى الترشح لأنتخابات المحليات القادمة..... وكلنا وراك تبفى رئيس جمهورية الزقازيق... ودى تبقى أول خطوات الأصلاح .... بس ما تنساش تاخد فى أوراق الترشيح شهادة ميلاد بالرقم القومى :baby: ... وانا شخصيا حأعمل لافتة دعاية كبيرة على مدخل الشرقية وأكتب عليها (احنا اخترناك و حنمشى وراك) ... بس ما تبصش وراك لأنك مش حتلاقى حد.

خلى الكفيل بتاعك يعرف قيمتك.....

أجازة سعيدة.....تمتع بكل ثانية

[إيزيس]

وانا شخصيا حأعمل لافتة دعاية كبيرة على مدخل الشرقية وأكتب عليها (احنا اخترناك و حنمشى وراك) ... بس ما تبصش وراك لأنك مش حتلاقى حد.

لأ بص كويس ياللا يا شراقوة...................

:wub: :wub: :baby:

عمرو حورس يا بلاش واحد غيرة ما ينفعناش

عمرو يا باشا عمرو يا بيه ليه ما تكونش الريس ليه

نموت نموت ويحيا عمرو

[ELSHAMY]

قرنفل....

ايه كل الناس دى اللى فى المداخلة .... ما كنتش أعرف ان الشرقية زحمة كده.

كده حتخلينى أجيب وفد من أسكندرية و نيجى نزوركم :lol: :unsure:

.....مجرد اختبار عملى لكرم الشراقوة :lol:

حضر نفسك يا عمورة..... وقول للحاجة ما تكلفش نفسها كتير...الجودة بالموجودة......بط...وز....فراخ....خرفان ...مش حتفرق

[إيزيس]

عمرو اسأل الحاجة لو يلزمها أي حلل شوك معالق شوية رز حبة كمون شوية سمنة

:unsure: :lol: :lol:

أي خدمة عشان الناس اللي جاية في الطريق دي وهابعت لها البكرية اسم الله عليها لهـــــــــــلوبة أهه تساعدها شوية دي أحسن واحدة تسقع مية وهابعت معاها فضلة

خيرك أد تلاتاشر كيلو سمك جاهزين ع القلي mc: mc: mc:

والواد سمسم آخر العنقود واقف في طابور العيش م الساعة واحدة يعني قدامه بتاع سبع ساعات كده ويجيلكوا بالعيش

عامة أنا في البيت أي حاجة تلزمكوا ابعت أي عيل م الشارع

دايما عامر يا أم عمرو

[إيزيس]

قرنفل....

ايه كل الناس دى اللى فى المداخلة .... ما كنتش أعرف ان الشرقية زحمة كده.

كده حتخلينى أجيب وفد من أسكندرية و نيجى نزوركم

يا أهلا وسهلا ده الزقازيق تنور ده إن ماشالتكوش الأرض نشيلكوا في عنينا واحنا في ديك الساعة لما تشرفونا

( الحقيقة سي السيد فهمني ديك الساعة وجزاه الله خير الجزاء ومن علمني حرفا صرت له أسداً أما حكاية إن ما شالتكوش الأرض دي

مش فاهماها وباسمع حماتي الأمورة بتقولها هل للأرض الحق في أن ترفض تشيل حد يعني آه لو تعمل كده بجد ..............؟؟

[kokomen]

 الأخ العزيز  : عمرو  باشا

 حمدا  لله على سلامة الوصول الي أهلك ومحبيك في مصر   ...  ونورت  مصر  ..  والشرقية  لحد  أسكندرية

ربنا  ينعم عليك بالسعادة والصحة وراحة البال ... ولا  تنسانا  من دعائك

 تمنياتي لك بقضاء إجازة سعيدة

   :unsure: :lol: :lol: mc: mc:

[vipwithyou]

عمورة آسف بجد

تأخرت يومين عن دخول المحاورات بعد ما كلمتك

انا قلت هأفجر المفاجأة لكن مكنش فى نصيب بقى يومنها

وكانت ظروف خارجة عن ايرادتى لعدم دخولى المنتدى من يومها

المهم

الحقوا الواد عمرو طلع بلدياتى وكمان قرايب وكمان والدتى طلعت قريبة لوالدته

شفتوا الهناء اللى انا فيه

وكمان الواد طلع دفعتى وشكله كدة عمل نفس اللى بأعمله وهو انه هيغير الفيزا بتاعته زيي

ربنا ييسرلنا جميعا ً وادعولنا بقى يا جماعة

[إيزيس]

هلا هلا ياللا يا تامر أقف مع أصحابك وأهلك في مداخلة 48 :sad:

[amrhoras]

الف الف الف حمدلله على سلامتك ياعموووووووور

والنبى السلام لكل اللى عندك ...

:sad:

ا/سيييم

الف الف الف شكرا ربنا يخليك والله يسلمك من سوء وشر

والسلام حيوصل للكل :sad:

شكرا لك واعتذذذر عن التأخيييييير :happy: :)

[ELSHAMY]

عمورة فين يا رجالة ؟

باين عليه فاهم الأجازة غلط و طلع على مارينا... :sad:

[vipwithyou]

عمورة شكله ضحك علينا وخلى بينا كلنا

والست الحاجة اتوصت بيه وزغطته بط ووز ونسينا

وتلاقيه نايم مكبوس على نفسة من الدسم

عقبالنا يارب

اصحى يا عمورة انت فين ..

[امانى]

اخى الفاضل عمرو

الف حمدا لله على سلامة وصولك ارض الوطن ومعلش هى جت متاخرة وانت عارف الظروف انا منذ مرض والدتى لم ادخل

المحاورات الا اليوم . ربنا يوفقك يا عمرو لما فيه الخير سواء فى مصر او اى بلد اخر مع خالص دعواتى لك بالتوفيق وراحة

البال امين يا رب العالمين

امانى