منمان وصل السعودية

[Mohammad Abouzied]

اليوم وبغير عادة

اتصل علي منمان في العمل وافتكرت انه بيتصل من البرازيل ولكني فوجئت انه موجود في مدينة الخبر ، وانشاء الله بكرة ها نتقابل معاه ونشوف انطبعاته عن السعودية وخاصة المنطقة الشرقية ومدينة الخبر

مرحب بيك يا منمان في وطنك العربي الثاني السعودية

[إبن مصر]

الحمد لله ... يبقى دكده يا أستاذ محمد الامانه وصلتلك...

والنبى خد بالك من منمان دا ابن حلال والله...

ابن مصر

[Mohammad Abouzied]

على فكرة وصلني سلامك وانت والاستاذ عادل والله يسلمكم انتم وكل شعب مصر ، واطمئن على منمان وتأكد انه مبسوط جدا

[mnman]

أخواني و حبيبي و حتة من قلبي.... شكرا علي شعوركم كلكم... والله ان حاسس ان احنا عائلة كبيرة...ربنا يخليكوا كلكم يارب و يزيد المحبة..

أنا دلوقتي مع الاستاذ محمد ابوزيد في النادي بعد عزومة غذاء علي ملوخية و ورق عنب ورز و فراخ ومحشي كوسة و...مممممممممممم مش قادر اتنفس من كتر الاكل.... يصراحة طبيخ مدام سيدة مش ممكن لا يقاوم... شكرا جزيلا للعزومة الرائعة....

[إبن مصر]

انا جااااااااااااااااااااااااى السعوديه منييييييييييييييييييينن يا منمان.......

ورق عنب

فراخ

محشى

احمدك يا رب

[Mohammad Abouzied]

مرحب بأبن مصر وكل المصريين

والملوخية لسه طازة وسخنه

[freefreer]

السلام عليكم و رحمة الله .. أنا سعيد بالأخبار الجميلة دى و الف حمدالله على سلامة منمان .. و بالف هنا و شفا على قلبكم .. و سعيد اكثر بالروح الجميلة و الصداقات التى تنطلق من المنتدى و ربنا يديم المعروف يا رب .. :inlove:

[Spider]

أخواني و حبيبي و حتة من قلبي.... شكرا علي شعوركم كلكم... والله ان حاسس ان احنا عائلة كبيرة...ربنا يخليكوا كلكم يارب و يزيد المحبة..

....

والله يا منمان كلامك صحيح فعلا كأننا عيلة كبيرة...

مش عارف حتستغرب ولا لأ أذا قلتلك أننى بعد أشهر قليلة من أشتراكى فى المنتدى بدأ أختلاف كبير يدب فى أسلوب محادثتى مع الناس وبدأت اشعر أن هذا العالم بالفعل صغير جدا...

وحينما أتحدث مع أحد عن دول كالبرازيل أو كندا أو بعض الدول الأخرى التى يعيش فيها بعض أعضاء المنتدى اقول لهم بأيمان شديد " أصل أنا لىّ أصدقاء فى البلاد دى " بالطبع حسب البلد التى نتحدث عنها

ولا أقصد بهؤلاء الأصدقاء ألا اصدقاء المنتدى بالطبع خصوصا فى البرازيل وكندا حيث أنى ليس لى معارف هناك...

بس نفسى أعرف يا منمان هو أنت تركت البرازيل خلاص وحتستمر فى السعودية؟؟؟

طيب لمّا أتكلم مع حد أقوله ايه؟ صديقى هاجر من البرازيل خلاص

لأننى لا أعرف غيرك هناك

حاول ترجع تانى يا راجل عشان الواحد يعرف يتمنظر شوية :D

[ragab2]

الأخ منمن

من الشخصيات الظريفة الشفافة

تكلمت معه عبر التليفون وكان برفقة أخى إبن مصر الذى لا يقل عنه ذوقا وأخلاقا ومحبة

ولم تتح لى الفرصة لمقابلته فى القاهرة

نتمنى له مستقبلا زاهرا فى السعودية ونأمل أن يكتب لنا بعد استقراره موضوع السلام عليكم من السعودية بعد إذن أخونا الكبير محمد أبو زيد عمدتنا فى السعودية

تحياتى

[Mohammad Abouzied]

نتمنى له مستقبلا زاهرا فى السعودية ونأمل أن يكتب لنا بعد استقراره موضوع السلام عليكم من السعودية بعد إذن أخونا الكبير محمد أبو زيد عمدتنا فى السعودية 

تحياتى

انا موافق طبعا ان منمان يتولى رفع العلم للمنتدى في السعودية خاصة اني خلاص قربت على المعاش ولازم نعطي للشباب فرصة لتولي المسئولية ، وانا بكده بقلد الحكومة ويعيش الحكومة

[حشيش]

اخى العزيز منمان

عمو عمو عمو... شفت حصل لى إيه... شفت جرالى إيه... أخدت إنذار من تحت راس الجطة :D :D :D حمدا لله على سلامة الوصول... وجودك فى السعودية فرصة كويسة... تقدر تحج وتعمل عمرة... ياأخى توب بقه وإرجع لربنا :lol: :D :D ... كرم الضيافة والحفاوة التى لقيتها لدى الأستاذ محمد أبو زيد ومدام سيدة ليست مستغربة فكل مشاركاتهم فى المنتدى تدل على معدنهم الطيب ومصريتهم الأصيلة.

[الطفشان]

شفت جرالى إيه... أخدت إنذار من تحت راس الجطة :)  :)  :) 

الجطة مالهاش دعوة

في عندك الغسالة

و المنصور بن عجوة

و غيرهم

و انت عارف كويس

[Set_Amina]

أخواني و حبيبي و حتة من قلبي.... شكرا علي شعوركم كلكم... والله ان حاسس ان احنا عائلة كبيرة...ربنا يخليكوا كلكم يارب و يزيد المحبة..

أنا دلوقتي مع الاستاذ محمد ابوزيد في النادي بعد عزومة غذاء علي ملوخية و ورق عنب ورز و فراخ ومحشي كوسة و...مممممممممممم مش قادر اتنفس من كتر الاكل.... يصراحة طبيخ مدام سيدة مش ممكن لا يقاوم... شكرا جزيلا للعزومة الرائعة....

أنا شميت ريحة التقلية لحدددد هنا :)

نورت السعودية وربنا يبارك في الاستاذ محمد ابو زيد ومدام سيدة ويارب عقبال ماأجي انا كمان أحج واتعرف عليهم شخصيا...

بالمناسبة الدعوة مفتوحة عندي على صينية مكرونة في الفرن وعصير سوبيا معتبر للي عاوز يزور فيينا يتفضل.. علشان تعرفوا ان كل ستات المطرح شاطرات وماهرات كمان :)

[freefreer]

:D :D :D :D :D :D :D :D :D :lol:

[Mohammad Abouzied]

المشكلة ان منمان ساكن في كمبوند (حي سكني خاص محاط بالاسوار وبه امن خاص داخلي) وطبعا فيه اجانب واختلاط وهو راجل ملتزم وهربان من البرازيل من التسيب الاخلاقي هناك فوجد نفسه وسط اجانب ايضا ويظهر انهم بيعملوه على انه برازيلي مش مصري

لكن مدير شركته وهو احد امراء ال سعود اعد له سكن في مدينة الخبر خاصة انه محافظ على الصلاة وملتزم

وعلى فكرة كل انواع المؤكلات المصرية موجوده هنا في السوبرماكاتات مستورده خصيصا للعاملين المصريين وبعض الفئات السعودية المغرمة بالاكل المصري

وعلى فكرة يا ست امينة سيده نفسها تشوف النمسا بس خايفه مما بتسمعه من اضطهاد العرب هناك لان كانت الحكاية واضحة جدا في المانيا خاصة كمان منمان اشار لنا ايضا انه واجه مثل هذه المعاملات في بلجيكا من قبل

ولكن بكل صراحة دول اوربا الشرقية عموما لم نجد فيها اضطهاد ابدا والغريب اكتشفنا بعد ذلك ان اغلب ممن كان بيتعامل معنا فاكرنا امريكان مش عرب خاصة ان اغلب حجزنا للفنادق عن طريق الاكسبيديا الامريكي على الانترنت

[KWA]

أخواني و حبيبي و حتة من قلبي.... شكرا علي شعوركم كلكم... والله ان حاسس ان احنا عائلة كبيرة...ربنا يخليكوا كلكم يارب و يزيد المحبة..

أنا دلوقتي مع الاستاذ محمد ابوزيد في النادي بعد عزومة غذاء علي ملوخية و ورق عنب ورز و فراخ ومحشي كوسة و...مممممممممممم مش قادر اتنفس من كتر الاكل.... يصراحة طبيخ مدام سيدة مش ممكن لا يقاوم... شكرا جزيلا للعزومة الرائعة....

بسم الله الرحمن الرحيم

السلام عليكم ورحمة الله وبركاته

الله أكبر...جمبري و سمك في مصر...ورق عنب و فراخ و أرز في السعوديه..يعني جميع مصادر البروتين المختلفه....بالهناء و الشفاء....

:mad: :mad: :mad: :mad: :mad: :mad: :mad: :mad:

مكن تقولي الزياره اللي جايه امتي و فين...علشان الحق احجز....

:lol: :D :D :D :D :D :D :D :D

بالتوفيق في عملك الجديد و حياتك الجديده انشاء الله

KWA

[mnman]

أخواني و احبائي... شكرا علي الترحيب و الكلمات الجميلة المشجعة...

ألاستاذ محمد ابوزيد .... كرم الضيافة و الفسحة الظريفة في النادي كانت اكثر من رائعة...غير تقديمي لمجموعة رائعة من المصريين المقيمين في الدمام و السعوديين ايضا.. شكرا شكرا شكرا ... بصراحة انا امنت بمبداء First see and then believe .. و شوية كدة و ان شاء الله نبداء موضوع السلام عليكم من السعودية..

دكتور رجب... الله يخليك يارب وشكرا علي الاطراء والكلمات الجميلة.

سبيدر... ولا يهمك اتكلم عن البرازيل برحتك انا لسة لية أصحاب هناك و لسة فاكر شوية :lol: :D ..حعملك باك اب :D :D .. وانا ان شاء الله ناوي اروح البرازيل تاني زيارة يعني و فسحة...

الاستاذ فري فري... الله يسلمك و شكرا علي الكلمات الجميلة.

الست أمينة... ان شاء الله ليكي زيارة في فيينا مخصوص لتذوق اكل حضرتك... و شكرا علي كلماتك الجميلة.

أخي وحبيبي حشيش... ان شاء الله حعتمر و ححج دي اساسي في جدول اعمالي ان شاء الله... و شكرا علي السؤال و الكلمات المشجعة... و السجن للرجالة أقصد الانذار :D :D

و ربنا يديم المحبة و الاخوة يارب...

[mnman]

اخي و حبيبي KWA ... شكرا جزيلا علي الكلمات الجميلة... وان شاء الله الزيارة الجاية ل ولا خليها مفاجاءة .... :lol: :D :D

[se_ Elsyed]

السيرفر ده منطهدني ... لأنى رحبت بمنمان بعد أستاذ محمد أبو زيد لكن أكتشفت إن الرسالة ماوصلتش.

وعقلي الباطن بيقولي زمان منمان أفتكر إني طنشته ، على العموم مرحبتين بأخونا مانمان سيد الشبان ... والسعودية نورت .

أخوك س س من الرياض ... فركت كعب من الخبر 350 كم بس وبرضوا هابعتلك PM فيها رقم الموبيل وتتصل فى أى وقت يا باشا.

[mnman]

اخي سي السيد.... ولا يهمك في الاول او الاخر والله العظيم كلكم اخوة و حبايب ... و ابعتلي الموبيل وانا حكلمك أكيد دة انا فرحان بشكل اني وسط اهلي و حبايبي و بتكلم عربي... وشكرا علي الترحيب و الكلمات الجميلة...